Morgunblaðið - 25.09.1976, Blaðsíða 3

MORGUNBLAÐIÐ, LAUGARDAGUR 25. SEPTEMBER 1976
3
ÓVÍST HVAÐ GERT
VERÐUR VIÐ AÐRA
ÞOTU ARNARFLUGS
ARNARFLUG HF á sem kunnugt
er tvær Boeing 720 þotur, og hef-
ur önnur þeirra verið f notkun (
sumar en mikil viðgerð þarf að
fara fram á hinni til þess að hún
fái leyfi til flugferða. Morgun-
blaðið sneri sér tii Magnúsar
Gunnarssonar framkvæmdastjóra
Dræm veiði
reknetabáta
Arnarflugs og spurði hann hvort
einhver ákvörðun hefði verið tek-
in um viðgerð á vélinni. Kvað
Magnús málið hafa verið skoðað.
Ljóst væri að viðgerðin væri mjög
dýr og ekki mögulegt að leggja (
hana nema næg verkefni væru
tryggð. Þá sagði Magnús að sölu-
möguleikar hefðu einnig verið
kannaðir en engin ákvörðun hefði
verið tekin ( þessum efnum.
Að sögn Magnúsar hefur rekst-
ur Arnarflugs hf gengið vonum
framar I sumar. Engin stóróhöpp
hafa hent, nema hvað hreyfill
eyðilagðist, þegar þotan var í
Dublin. Magnús sagði að þessi
eina þota, sem félagið er með í
förum, hefði fengið þó nokkuð af
verkefnum, meira en búast hefði
mátt við, þar sem svo seint var
byrjað að afla félaginu verkefna.
Það hefur séð um flutning allra
farþega ferðaskrifstofunnar
Sunnu, flogið fyrir Samvinnu-
ferðir og einnig annazt flug fyrir
Flugleiðir og Air Lingus. Þá
hefur þotan farið í fastar ferðir til
Þýzkalands og ýmis tilfallandi
verkefni.
Magnús sagði að nú væri félagið
að kanna verkefni fyrir veturinn
og kæmi þar ýmislegt til greina.
Vildi hann vekja á því athygli, að
hópar og félagasamtök gætu leigt
vélina t.d. til Norðurlanda og væri
hægt að bjóða hagkvæm kjör, því
vélin biði ytra á meðan hóparnir
dvelja þar.
12 fastráðnir starfsmenn eru nú
hjá Arnarflugi.
Tveir menn afla
fyrir 7millj. kr.
Bæ, Höfðaströnd, 24. september —
EITTHVAÐ af fiski virðist
hafa komið inn á Skagafjörð,
þvf að margir bátar eru þar á
veiðum. Flestailir eru það bát-
ar frá Eyjaf jarðarhöfnum.
Hrefnuveiðibátur frá Eyjafirði
hefur veitt vel. Eru þar á tveir
menn, sem segjast vera búnir
að veiða fyrir 7 milljónir
króna.
Nýlega lá við stórslysi, þegar
þessir menn höfðu innbyrt
hrefnu en voru rétt við höfnina
í Hofsósi. Hrefnan rann út f
annað borð bátsins og hallaðist
hann það mikið að möstrin lágu
í sjó. Munaði mjög litlu að bát-
urinn sykki. Ahöfnin, tveir
menn, kastaði sér f sjóinn og
ætlaði að synda í land, en bátar
f Hofsóshöfn sáu hvað gerzt
hafði og fóru strax til hjálpar.
Björguðu þeir mönnunum á
sundi, gátu rétt bátinn svo að
hægt var að draga hann í höfn
hálffullan af sjó. Er talið að þar
hafi munað jafnvel mínútum að
ilia færi. — Björn.
StLDVEIÐI reknetabáta frá Höfn
f Hornafirði hefur verið með
dræmasta móti sfðustu daga. 1
fyrradag var afli 12 báta aðeins 80
tunnur og litu betri f gær.
Jens Mikaelsson verkstjóri í
frystihúsinu á Höfn í Hornafirði
sagði í samtali við Morgunblaðið f
gær, að aðeins fjórir bátar hefðu
komið með sfldarafla þá um dag-
inn. Hvanney SF var með 150
tunnur, Haukafell 80 tunnur,
Fjölnir 70 tunnur og Hringur 40
tunnur. Aðrir bátar voru með
sama og ekki neitt.
Tæpar 77 krónur
fyrir síldarkílóið
AÐEINS eitt sfldveiðiskip seldi f
Danmörku f gærmorgun og var
það Skarðsvfk frá Rifi. Skipið
seldi 42.9 lestir fyrir 3.2 milljónir
króna og var meðalverð pr. kfló
kr. 76.49, sem er með þvf aihæsta
sem fengizt hefur á þessu ári.

Þriðja útgáfa
Lögfræðinga-
tals komin út
ÞRIÐJA útgáfa Lögfræðingatals
eftir Agnar Kl. Jónsson er komin
út hjá Isafold. Nær Lögfræðinga-
tal yfir alla fslenzka lögfræðinga
frá árinu 1900 til ársloka 1975.
Sfðasta Lögfræðingatal var gef-
ið út árið 1963, en frá þeim tfma
hafa 260 lögfræðingar bætzt í
hópinn, auk þess sem talsverðar
breytingar hafa orðið á æviatrið-
um einstakra lögfræðinga.
Agnar Kl. Jónsson sendiherra
Islands í ósló og sfðar í Kaup-
mannahöfn hefur unnið að samn-
ingu Lögfræðingatalsins frá árinu
1974. Honum til aðstoðar hefur
verið Hjalti Zóphaníasson, full-
trúi f dóms- og kirkjumálaráðu-
neytinu.