Morgunblaðið - 27.05.1977, Síða 18

18
MORGUNBLAÐIÐ, FÖSTUDAGUR 27. MAÍ 1977
— V-Þjóverjar
Framhald af bls. 2
með mjög strangar reglur, sem
mæltu fyrir um 155 mm möskva
og 50 sm lágmarkslengd og væru
þetta miklu róttækari ráðstafanir
en annars staðar þekktust gagn-
vart ufsaveiðum. Þannig kvaðst
Jón telja, að íslenzki ufsinn gæfi
nú af sér meiri afrakstur á ein-
stakling en stofnar gerðu annars
staðar.
Þá sagði Jón, að vegna lélegs
árangurs af ufsaklaki undanfar-
inna ára, þá mæltu fiskfræðingar
með 68.000 tonnum sem hámarks-
ufsaafla við ísland í ár og æskileg
mörk væru sett á 64.000 tonn árið
1978. Sagði Jón ekkert benda til
þess nú, að sterkir ufsaárgangar
væru í uppsiglingu og því væri
nauðsynlegt að reikna með frekar
minnkandi ufsaafla næstu árin.
Um ufsaveiðar á Norðaustur-
atlantshafi kvaðst Jón hafa
áreiðanlegar tölur frá árinu 1975.
Þá var heildaraflinn 88.000 tonn.
Við íslendingar veiddum 61.430
tonn, eða tæp 70% heildaraflans,
Vestur-Þjóðverjar veiddu 13.820
tonn, eða 15,7%, Englendingar
veiddu þá 8.643 tonn, eða 9,8% og
Belgíumenn, Færeyingar og Skot-
ar veiddu undir 2000 tonnum
hver þjóð.
Ekki kvaðst Jón vilja skera úr
um réttmæti þeirra orða Þorláks-
hafnarmanna, að v-þýzku skipin
hirtu ufsann frá þeim. Hitt væri
rétt hjá þeim, að V-Þjóðverjar
sæktu ufsann á Eldeyjarbanka og
sú sókn hlyti að sjálfsögðu að hafa
einhver staðbundin áhrif.
Hins vegar sagði Jón aflatölur
V-Þjóðverja ekki gefa ástæðu til
þess að kenna þeim alfarið um
ufsaleysi, heldur yrði einnig að
hafa sveiflur í göngum í huga og
svo hitt, að klak hefði gefið af sér
miðlungs- og lélega árganga, sem
þýddi að aukin sókn okkar sjálfra
hefði verið i Iítinn stofn.
— VMSÍ
Framhald af bls. 32
kona hefur nákvæmlega 2%
hærri laun en stúlka, sem hóf
störf í gær. Þá nefndu þeir einnig,
að misrétti væri í veikindadögum,
fatapeningum, fæði, menn ynnu
saman hlið við hlið, en fengju
misjafna tímaskrift o.s.frv.
Allur tíminn fór sem sagt í að
fjalla um sérkröfur Verkamanna-
sambandsins, sem sat á fundi og
ræddi sín mál. Nefndirnar sátu
hins vegar og biðu, fjölmenn
samningánefnd vinnuveitenda og
21 samninganefndarmaður ASÍ,
því að innan nefndarinnar eru 16
fulltrúar Verkamannasambands-
ins. Blaðamaður Morgunblaðsins
heyrði gagnrýnisraddir úr báðum
hópum, þar sem á það var deilt, að
aðalsamninganefndum væri hald-
ið á fundum á meðan svo mikil-
vægur hópur væri á sérfundum út
af eigin málum. Allir biðu eftir
Verkamannasambandinu. Sumir
samninganefndarmanna ASÍ
vildu þó ekki viðurkenna þennan
skilning, þar sem aðalsamninga-
nefnd ASÍ væri reiðubúin til við-
ræðna um þau mál, sem hún hefði
umboð til að ræða við vinnuveit-
endur. Eftir þeim væri beðið, en
þeir létu ekkert til sín heyra.
Þarna er sem sagt i hnotskurn
grundvallarágreiningur, ASÍ lit-
ur svo á að fyrst eigi að ræða
kauplið samninganna og þá komi
sérkröfurnar sjálfkrafa á eftir, en
vinnuveitendur líta svo á að fyrst
þurfi að afgreiða sérkröfurnar,
þvi að þær séu hluti af þeirri
heildarlaunahækkun, sem komi
til með að felast í hvoru tveggja,
sérkröfum og kauptaxtahækkun-
um.
— Fjaðrafok
Framhald af bls. 1
Þegar fréttin barst út þótti hún
ótrúleg í meira lagi, en Dayan
staðfesti að rétt væri með farið,
en vildi að öðru leyti ekkert um
málið segja. Enda þótt skipun
Dayans hafi mælzt misjafnlega
fyrir í ísrael kemur hún ekki full-
komlega á óvart þar sem vitað
var, að þeir Begin og Dayan höfðu
átt með sér fundi fyrir kosning-
arnar. Engu að síður lét Dayan
ekki þesslega við leiðtoga Verka-
mannaflokksins, að hann féllist á
samvinnu við Likud og því segja
fréttastofur, að þetta hafi komið
eins og þruma úr heiðskíru lofti.
Carter Bandaríkjaforseti sagði I
dag, að kosningasigur Likud-
flokksins í ísrael ætti ekki að
verða til hindrunar friði í Mið-
austurlöndum. Carter sagðist
hafa fylgzt með þvi að stefna
Menechims Begins hefói smám
saman verið að verða hófsamari
en áður og vonandi yrði framhald
á þeirri þróun. Því væri ekki
nokkur ástæða til að búast við
erfiðleikum í samskiptum ríkj-
anna tveggja i kjölfar nýrrar
stjórnar. Hann sagöi að B:nda-
ríkjamenn myndu bjóða nýjum
forsætisráðherra ísraels til
Bandaríkjanna, hvort sem það
verður Begin eóa einhver annar.
— Kyngreining
Framhald af bls. 2
væru auglýsendur fyrst og fremst
sem væru ábyrgir fyrir því að
halda lagaákvæði þessi fremur en
ábyrgðarmenn fjölmiðlanna, en
þó mætti gera ráð fyrir að hinum
siðarnefndu yrðu stefnt til vara ef
prófmál risi. Taldi Guðrún að
framkvæmdin yrði sú, að auglýs-
andi, sem gerðiist brotlegur við
lögin, fengi fyrst aðvörunarbréf
en ef hann ítrekaði brotið yrði
mál höfðað. Fjárhæð sekta er
ekki tilgreind í lögunum og kvað
Guðrún hana því vera að mati
dómarans.
— Slepptu tveim-
ur telpum
Framhald af bls. 1
aðist og varð að láta þar við sitjá.
Nokkru síðar skiptu ræningjarnir
síðan um skoðun og leyfðu að
flutt væru matvæli til farþega
lestarinnar og voru þá í skyndi
fluttir ávextir, grænmeti, jóghurt
og ýmsar hreinlætisvörur og fatn-
aður til farþeganna í lestinni og
nokkru seinna leyfðu þeir einnig
að matvæli væru flutt í skólann.
1 morgun létu Mólúkkarnir
einn gislanna fara út úr lestinni
hvitklæddan, með hendur bundn-
ar fyrir aftan bak og með reipi um
hálsinn. Gerðu þeir þetta við þrjá
gíslanna í gær og létu þá standa á
teinunum í allt að klukkutíma. Er
talið að með þessum ljóta leik
vilji þeir leggja áherzlu á að þeir
muni gripa til örþrifaráða ef ekki
verður gengið að kröfum þeirra.
Ekki er búizt við að neitt verði
látið uppskátt um hvað skólatelp-
urnar tvær segja um ástandr gert
ráð fyrir að ræningjarnir gerist
argir við þá tilhugsun.
— Sovétar vilja
ræningjann
Framhald af bls. 1
þjóðlegum samningi um baráttu
gegn flugránum.
Rússar fóru fram á framsal
flugvélarræningja sem neyddu
áhöfn sovézkrar flugvélar til að
fljúga með þá til Tyrklands og
þegar tilmælunum var hafnað olli
það erfiðleikum í sambúð Rússa
og Tyrkja. Árið 1970 voru nokkrir
Gyðingar dæmdir í fangelsi I Len-
íngrad fyrir meinta tilraun til að
reyna að ræna flugvél og neyða
áhöfnina til að fljúga með þá til
Sviþjóðar. Lending f_.dag-gekk
erfiðlega þar sém afiöfn vélarinn-
ar skildi ekki ensku.
— lOára fangelsi
Framhald af bls. 32
allega var þessu efni dreift til
bandarískra hermanna innan
Keflavíkurflugvallar. Barbar
Smith hafði mikinn hagnað af
þessari starfsemi og kom hann
23,500 dollurum eða rúmum
4,5 millj. í íslenzkum krónum
til unnustu sinnar i Bandarikj-
unum, og lagði hún peningana
inn í banka. Hefur ákæruvald-
ið krafizt upptöku þessara fjár-
muna svo og peninga, sem
fundust við húsleit hjá Smith.
Eftir að Smith framdi þessi
afbrót varð smá hlé á 'afbrotun-
um en brátt byrjaði hann á
nýjan leik og hóf innflutning
fíkniefna. Komst það einnig
upp og á meðan rannsókn
málsins fór fram strauk Smith
úr fangelsi á Keflavikurflug-
velli og var í felum innan vall-
ar í allmarga daga áður en
hann fannst. Bandarísk yfir-
völd fengu lögsögu i þessu
máli og var Christopher Bar-
bar Smith dæmdur í fjögurra
ára betrunarhúsvist af herrétti
og rekinn úr hernum með
skömm.
Af ákæruvaldsins hálfu
flutti Bragi Steinarsson vara-
rikissaksóknari málið í gær en
verjandi Smiths var Páll A.
Pálsson. Dómari er Ásgeir
Friðjónsson.
— Ríkisstjórnin
Framhald af bls. 32
ekki væri enn fyllilega ljóst
um hvaða fyrirgreiðslu yrði að
ræða. Þó væri sýnt, að ef til
þess kæmi að Friðrik tæki við
formennsku i FIDE þá þyrfti
að koma hér upp skrifstofu-
húsnæði með aðstöðu fyrir 3 til
4 starfsmenn og nefndarfundi.
Friðrik Ólafsson sagðist
fagna því, að þessi viljayfirlýs-
ing ríkisstjórnarinnar væri
frdm komin. — Eins og ég hef
áður sagt þá þýðir ekkert fyrir
okkur að vera að hugsa um
þetta nema islenzk stjórnvöld
séu tilbúin að koma með ein-
hverjum hætti til móts við ís-
lenzka Skáksambandið með
stuðning ef af þessu verður.
Eftir að þessi yfirlýsing liggur
fyrir er hægt að ganga eftir
því, að sá stuðningur standi,
sem forseti Alþjóðaskáksam-
bandsins, dr. Euwe, hefur látið
í ljós, og einnig þarf að kanna
nánar ýmis atriði í sambandi
við þetta starf og þá starfsemi
Alþjóðaskáksambandsins í
heild. Hvort ég gef kost á mér
til formennsku í FIDE er ég
ekki tilbúinn til að segja um
enn, sagði Friðrik að lokum.
Einar S. Einarsson, forseti
Skáksambands tslands, sagði
að með þessa yfirlýsingu að
baki væri hægt að vinna áfram
að framgangi málsins. Þeir hjá
Skáksambandinu hefðu síð-
ustu daga verið að reyna að ná
tali af dr. Euwe, en hann
dveldi utan Hollands um þess-
ar mundir. — Við þurfum að
afla ýmissa upplýsinga áður en
gengið verður frá þessum mál-
um og það getur jafnvel reynzt
nauðsynlegt að senda mann ‘ut-
an i þeim erindagjörðum, sagði
Einar.
—Verkfalli aflýst
Framhald af bls. 1
banni, verkfalli hjá flugfélögum,
skipafélögum og verzlunarfyrir-
tækjum og verkfalli starfsmanna
sænska útvarpsins.
Innanlandsflugferðir hafa legið
niðri og skortur hefur verið á
vissri vöru I verzlunum, aðallega
ávöxtum og grænmeti. Flugfélag-
ið Linjeflyg telur sig hafa misst
50.000 farþega og nýlenduvöru-
kaupmenn hafa tapað rúmlega 90
milljónum sænskra króna á dag
(tæpum fjórum milljörðum Is-
lenzkra).
— Kúbanir eru
diplómatar
Framhald af bls. 1
unni sem nú væri fylgt gæti svo
farið að Kúba myndi gegna já-
kvæðu hlutverki i samfélagi
þjóðanna.
Hann sagði að utanríkisráðu-
neytið i Washington hefði mikl-
ar áhyggjur af afskiptum Kúbu
af málefnum Eþíópíu og
kannski ætti hann einnig að
hafa slíkar áhyggjur. „En Eþíó-
píumenn eru enn aó drepa
menn en ég held að Kúbanir
geti kannski sýnt ofurlítið
meiri skynsemi," sagði Young.
sem átti meðal annars viðræður
við David Owen, utanríkisráð-
herra Breta. Hann er nú á leið
til Washington og mun þar gefa
Carter skýrslu um ferð sina um
Afríku. í tilkynningu utanríkis-
ráðuneytisins kemur fram að
Bandarikjastjórn telur það
ákaflega varasama þróun ef
Kúbanir ætli nú næst að
hreiðra um sig I Eþíópiu. Tals-
maður utanríkisráðuneytisins
sagði, að borizt hefðu áreiðan-
legar heimildir um komu amk.
50 hernaðarsérfræðinga frá
Kúbu og gæti þar ekkert farið á
milli mála. Hann sagðist ekki
vilja svo stöddu segja neitt um
þá fullyrðingu blaðsins
Washington Post, að sérfræð-
ingarnir væru ekki 50 heldur
milli fjögur og fimm hundruð.
Hann sagði um það: „En væri
sú fregn sannleikanum sam-
kvæmt væri það í meira lagi
alvarlegt mál."
í Washington er haft fyrir
satt að þetta geti orðið mjög
flókið mál fyrir Carterstjórn-
ina. Ljóst sé að Bandarikja-
menn hljóti að líta það alvarleg-
um augum ef Kúbumenn ætli
nú að fara að koma undir sig
fótunum í Eþiópíu einnig, og að
þetta gerist samtímis því sem
rikisstjórn Bandaríkjanna hef-
ur gert töluvert átak til að
koma samskiptum landanna i
viðunandi horf eftir mjög köld
og stirð ár eins og alkunna er.
Hins vegar á Bandarikjastjórn
ekki hægt með að beita sér að
neinu gagni meðan ekki hefur
verið tekið upp formlegt stjórn-
málasamband milli rikjanna.
Hinir nýju ráðamenn I Eþíó-
píu, sem eru marxistar að eigin.
sögn, rufu tengsl við Banda-
ríkin í aprílmánuði, en þá hafði
sambúð ríkjanna farið kólnandi
um langa hríð, eða frá því að
Haile Selassie keisara var
steypt úr valdastóli.
Nokkuð gott
gengi vega
ÁSTAND vega er í nokkuð góðu
gengi um þessar mundir sam-
kvæmt upplýsingum hjá Vega-
gerðinni. Færð er ágæt um Suður-
land, en þó eru ennþá þungatak-
markanir i Árnessýslu, Norður-
leið er fær öllum bílum en þunga-
takmarkanir eru i V-Hús. og í
Borgarfirði. Fært er á ísafjörð en
Þorskafjarðarheiði er aðeins fær
jeppum.
Frá Akureyri er opið til Langa-
ness og jeppafært er til Vopna-
fjarðar. Færi á Austurlandi er að
lagast, en Mörðudals- og Mývatns-
öræfi eru ófær vegna skemmda. Á
Austurlandi er fært um Hérað og
niður á firðina og í Borgarfjörð
eystri. ---» » -----
r
Isafjarðarpiltar á
Reykjavíkurgöngu
TVEIMUR 15 ára piltum frá ísa-
firði datt í hug í fyrrakvöld að fá
sér göngutúr til Reykjavíkur og
kveðja hvorki kóng né prest. Var
lýst eftir piltunum í gær, en í
gærkvöldi heilsaði Árbæjarlög-
reglan þeim þegar þeir komu í
bæinn, því frézt hafði til þeirra í
Búðardal og var liklegt að þeir
væru í ákveðnum bíl á leið suður.
Billinn mun hafa ekið fram á þá
félaga á Þorskafjarðarheiði og tók
þá félaga upp en datt ekki i hug
að neitt athugavert væri við ferð
þeirra þvi þeir báru sig vel.
Lögreglan í Árbæ kom þeim
félögum siðan til skila til vanda-
manna í Reykjavík i gærkvöldi.
Bændur styðja ráð-
stafanir til lækk-
unar á vöruverðinu
STJÓRN Stéttarsambands bænda
og Framleiðsluráð landbúnaðar-
ins hafa sent frá sér yfirlýsingu
varðandi lækkun vöruverðs. Yfir-
lýsingin fer hér á eftir í heild
sinni.
„í yfirstandandi vinnudeilu
hefur það margsinnis komið fram
að það gæti orðið lóð á voga skál-
ina til lausnar deilunni, ef felldur
yrði niður söluskattur á búvöru,
eða gripið til einhverra þeirra
ráðstafana er leitt gætu til lækk-
unar vöruverðs s.s. auknar niður-
greiðslur á búvöru eða rekstrarút-
gjöldum landbúnaðarins. Af
þessu tilefni vill Stéttarsamband
bænda og Framleiðsluráð land-
búnaðarins vekja athygli á þeim
fjölmörgu samþykktum og áskor-
unum frá hinum mörgu bænda-
fundum, sem haldnir hafa verið i
vetur, er gengið hafa i þessa átt.
Einnig hafa ofanrituð samtök
sent áskorun þessa efnis til
stjórnvalda. Ráðstafanir sem
gerðar eru af stjórnvöldum til að
draga úr dýrtiðinni með lækkun
vöruverðs, hljóta vissulega að
vera spor í rétta átt, enda koma
þær sérstaklega til góða fyrir hina
lægstlaunuðu borgara þjóðfélags-
ins og bændur. Til slikra ráðstaf-
ana hefur oftast áður verið gripið
i þeim tilgangi að forðast að vand-
ræðaástand myndist I þjóðfél-
aginu eins og nú virðist vera
framundan."
Frá lögreglunni:
Lýst eftir vitnum
MORGUNBLAÐIÐ hefur verið
beðið að lýsa eftir vitnum að eftir-
töldum ákeyrslum. Þeir, semtelja
sig geta veitt upplýsingar eru vin-
samlega beðnir að hafa samband
við slysarannsóknardeild lögregl-
unnar i símum 11166 eða 10200:
Fimmtudag. 12.5. Ekið art bifreidina R-9753
Fiat 125 fólksb. drapplita, þar sem hún stóó á
móts vió hús nr. 11 a við Bergstaðastræti, á
tímabilinu kl. 16:45—18:45. Skemmdir: báð-
ar hægri hurðir og hægra afturaurbretti
dældað og rispað. Blágrænn litur í ákomu.
Fimmtudag 12.5. Ekið á bifreíðina R-1160
Dodge Dart fólksb. árg. '68, vfnrauð með
hvítann topp, þar sem hún stóð á baklóð
hússins nr. 24 við Laugaveg á stæði merktu
K-5910 á tfmabilinu kl. 13:00—18:00.
Skemmdir: Hægra framaurbretti dældað og
rispað, blágrænn litur I ákomu.
Laugard. 14.5. Ekið á bifreiðina R-52835
Lada fólksb. árg ’77 rauða að lit, á bifreiða-
stæði við Ljósheima 14—18 á tfmabilinu kl.
17:00—22:15. Skemmdir: Hægri framhurð og
aurbretti dældað og rispað. Ljósblár eða Ijós-
grænn litur f ákomu og rispan I 48—50 cm
hæð frá jörðu.
Þriðjudag 17.5. Ekið á bifreiðina R-40615
Volkswagen fólksb. árg. '72 rauða að lit, þar
sem hún stóð við fyrsta stæði á Frakkastfg
norðan Laugavegar. Skemmdir: Vinstra
afturaurbretti, afturhöggvari og afturljós
vinstra megin dældað og skemmt. Talið að
tjónvaldur sé bifreið af gerðinni Ford græn
að lit.
Miðvíkudag 18.5. Ekið á bifreiðina R-34206
Skoda fólksb., á bifreiðastæði við Arahóla 2.
Skemmdir á hægri afturhurð. Blár litur var í
ákomu, sennilega eftir hurð annarrar bif-
reiðar.
Föstudag 20.5. Ekið á bifreiðina R-53271
Cortina fólksb. grá að lit árg. '72, þar sem
hún stóð við Hátún lOb. Skemmdir: öll
vinstri hlið rispuð og blár litur f ákomu.
ÞÚ AUGLÝSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU
\! tiLVSINtiA-
SIMIVS ER:
22480