Morgunblaðið - 30.09.1977, Side 30

30
MORGUNBLAÐIÐ, FÖSTUDAGUR 30. SEPTEMBER 1977
í Stórkostlegt! 1
ARTHUR Stewart, fram-
kvæmdastjóri Glentoranliðsins
var að vonum í sjöunda himni
er Morgunblaðið ræddi við
hann að loknum leiknum i gær-
kvöldi. Hann átti varla til orð
yfir markvörzlu Sigurðar Dags-
sonar. — Ég var farinn að
halda að við kæmum aldrei
knettinum framhjá honum.
Hvert skotið af öðru hafnaði í>
höndum hans, hvert tækifærið
af öðru rann út ( sandinn vegna
markvörzlu hans. Það er aðeins
hægt að lýsa þessari frammi-
stöðu Sigurðar með einu orði:
Stðrkostlegt.
Dr. Yuri Ilitehev, þjálfari
Valsmanna, sagði eftir leikinn:
— Ég var búinn að lýsa því
yfir fyrir leikinn að við mynd-
um leika sóknarknattspyrnu,
og það gerðum við. Auðvitað er
ég óánægður með það að við
sk.vldum ekki sigra i þessum
leik, en ég var búinn að reikna
með erfiðum leik og átti jafn-
vel von á Glentoranliðinu sterk-
ara en það reyndist vera. Þetta
var prúðmannlega leikinn leik-
ur, enda hélt hollenzki dómar-
I inn Glentoran-leikmönnunum í
I skefjum, gagnstætt því sem
I norski dómarinn gerði-i leikn-
lum í Reykjavík.
Mynd úr fyrri leik Glentorans og Vals. Skot Inga Bjarnar smýgur framhjá marki írska liðsins. 1 gærkvöldi komst Ingi eitt sinn i opið
færi, en þá fór skot hans rétt framhjá marki Glentorans, eins og þegar þessi mynd var tekin.
Frábær frammistaða Sigurðar nægði
Valsmönnum ekki í Betfast í gærkvöldi
Frá Colin McAlpin
í Belfast
DRAUMAR Valsmanna um að
komast i 2. umferð Evrópubikar-
keppninnar í knattspyrnu eru úr
sögunni. 1 gærkvöldi töpuðu þeir
seinni leik sinum í Evrópukeppni
meistaraliða fyrir norður-írsku
meisturunum Glentoran á síðustu
stundu og mest fyrir hreina
óheppni. Ekki þar fyrir að Glen-
toran átti mun meira f leiknum í
Belfast í gærkvöldi, og átti opnari
og fleiri marktækifæri en Valur,
en frábær markvarzla Sigurðar
Dagssonar hefði átt að færa Vats-
mönnum framlengingu í leiknum
og þá er aldrei að vita hvernig
farið hefði.
Það var á 78. minútu leiksins
sem óhappið mikla henti Vals-
menn, og sneri leiknum þeim í
óhag. Og sá óheppni var mark-
vörðurinn Sigurður Dagsson.
Glentoran fékk þá hornspyrnu
á Val sem Jamison tók. Sendi
hann vel fyrir markið þar sem
Sigurður Dagsson kom á móti
knettinum og hugðist slá hann
frá. En á síðustu stundu breytti
knötturinn um stefnu vegna gol-
unnar og lenti í handlegg Sigurð-
ar og hrökk þaðan i markið.
Þetta var sannarlega svart and-
artak fyrir hinn frábæra mark-
vörð Valsliðsins sem staðið hafði
sig sem hetja i leiknum og verið
bezti maður vallarins.
Sem fyrr greinir sótti Glen-
toran meira í þessum leik, og
gengu sóknirnar mest upp kant-
ana, þaðan sem síðan var sent
fyrir markið. Tókst Glentoran
þannig nokkrum sinnum í leikn-
um að skapa sér verulega hættu-
leg færi, en allt kom fyrir ekki
hjá liðinu. Sigurður Dagsson var
bókstaflega alls staðar. Hann
varði skot Glentoranleikmanna,
jafnvel þótt þau væru af örstuttu
færi, og greip mjög vel inn í þegar
sendingar komu inn að marki
hans. Valsmenn geta sannarlega
verið hreyknir af Sigurði éftir
þennan leik — hann var ekki að-
eins hetja þeirra, heldur vann
hug og hjörtu 7.000 áhorfenda að
leiknum.
ÞÓTT Glentoran væri betri aðil-
inn í leiknum í gærkvöldi, áttu
Valsmenn mjög góða spretti inn á
milli, og léku oft skínandi góða
knattspyrnu. Eftir gangi leiksins
hefði ekki verið ósanngjarnt að
þeir hefðu skorað mark — jafnvel
mörk í þessum leik. Reyndist Ingi
Björn Albertsson oft erfiður við-
fangs fyrir vörn Glentorans, en
hann hafði ekki heppnina með sér
að þessu sinni.
rifjuð upp þá sóttu Valsmenn
nokkuð stift fyrstu mínúturnar,
en gekk illa að finna leiðina gegn-
um vörn Glentoran-liðsins. Leik-
urinn komst síðan fljótt í jafn-
vægi og á 10. minútu fékk
Glentoran mjög gott tækifæri, en
þá sýndi Sigurður Dagsson í
fyrsta sinn en ekki síðasta sinn
snilli sína í þessum leik. Varði
hann þá skot Dickenson af stuttu
færi, Sigurður hélt reyndar ekki
knettinum og einn af leikmönn-
um Glentorans náði að skjóta aft-
ur, en þá tókst Grimi Sæmundsen
að skalla frá á linunni.
Á 12. minútu var svo aftur
hætta á ferðum við Valsmarkið.
Feeney komst þá í gott færi, og
átti hörkuskot á markið, en aftur
var Sigurður réttur maður á rétt-
um stað og varði stórglæsilega.
dæminu snúið við og stórhætta
var við mark Glentorans. Ingi
Björn náði þá knettinum og
komst í gott færi, en Matthews i
marki Glentorans varði með mikl-
um ágætum.
Á 22. minútu var minnisbókin
enn á lofti. Dýri Guðmundsson
ætlaði þá að senda knöttinn til
Sigurðar markvarðar, en tókst
ekki betur til en svo að Feeney
komst inn í sendinguna og var
skyndilega í góðu færi. Skot hans
varði Sigurður á ótrúlegan hátt og
þremur mínútum síðar varði enn
Sigurður gott skot frá Feeney.
Nokkur ró færðist yfir leikinn
eftir þessa lotu, og voru flestir
búnir að sætta sig við markalaus-
an fyrri hálfleik er Glentoran
náði óvænt forystu i leiknum.
Jamison tók þá hornspyrnu og
sendi knöttinn hátt fyrir markið,
og aldrei þessu vant var Valsvörn-
in illa á verði og Robson tókst að
ná til knattarins og skora af mjög
stuttu færi. Skeði þetta á 34. mín-
útu leiksins.
Rétt fyrir lok fyrri hálfleiksins
átti svo Ingi Björn gott tækifæri
til þess að jafna, en skot hans af
stuttu færi lenti i fang Matthews.
Valsmenn byrjuðu seinni hálf-
leikinn mjög vel og höfðu góð tök
á leiknum, án þess þó að geta
skapað sér færi. Lék liðið mjög
vel saman úti á vellinum, en þeg-
ar nær dróg markinu fór að ganga
verr, enda vörn Glentoran-liðsins
jafnan mjög vel á verði.
Snemma í hálfleiknum skall
eitt sinn hurð nærri hælum við
Valsmarkið. Dýri Guðmundsson
braut þá á Caskey rétt utan vita-
teigslinunnar og dæmd var auka-
spyrna á Val. Feeney tók auka-
spyrnuna og sendi knöttinn með
hörkuskoti framhjá varnarvegg
Valsmanna. En Sigurður flaug á
eftir knettinum, sem köttur, og
varði.
Á 61. minútu fékk Valur sitt
bezta tækifæri i leiknum. Ingi
Björn Albertsson brautzt þá fram-
hjá varnarmanni Glentorans og
komst í mjög gott færi. Skot hans
fór hins vegar rétt framhjá mark-
inu, þar sem Matthews markvörð-
ur var kominn úr jafnvægi.
Á 77. mínútu sýndi Sigurður
svo markvörzlu sem maður hafði
Framhald á bls. 18
Svo helztu tækifæri leiksins séu
Á 17. mínútu var hins vegar
TVEIR NYLIÐARILANDSLIÐI
SEM LEIKUR VIÐ KÍNVERJA
GERT er ráð fyrir því að ís-
lenzka handknattleikslandslið-
ið leiki a.m.k. 17 landsieiki
fram að úrslitakeppni heims-
meistarakeppninnar í hand-
knattleik sem hefst í Dan-
mörku 26. febrúar n.k. og
munu a.m.k. níu þessara leikja
fara fram hérlendis. Verið get-
ur að leikirnir verði fleiri,
þannig að Ijóst má vera að verk-
efni handknattleikslandsliðs-
ins verða ærin, svo og undir-
húningur liðsins fyrir HM, en
gert er ráð fyrir að liðið æfi
nær daglega í tæpa þrjá mán-
uði.
Fyrstu handknattleikslands-
leikirnir verða i næstu viku, en
þá kemur hingað í heimsókn
landslið kinverska alþýðu-
veldisins og leikur hér tvo leiki.
Fer fyrri leikurinn fram á
Akranesi 4. október og seinni
leikurinn verður siðan i
Laugardalshöllinni miðviku-
daginn 5. október. Næsta verk-
efni íslenzka landsliðsins verð-
ur svo Norðurlandamótið sem
fram fer í Laugardalshöllinni
um mánaðarmót okt. — nóvem-
ber, en í byrjun nóvember fer
liðið síðan i 18 daga keppnis-
ferð til útlanda og mun þá leika
tvo landsleiki við Vestur-
Þjóðverja, tvo við Pólverja og
tvo við Svía. í desember verður
leikið hér heima við Hollend-
inga eða Frakka og Ungverja
og i janúar verða tveir lands-
leikir við Norðmenn ytra.
Á blaðamannafundi HSÍ-
stjórnarinnar í gær kom fram,
að ekki hefur verið tekin
ákvörðun um hvort þeir leik-
menn sem nú leika með erlend-
um liðum verði kvaddir í lands-
liðið. Sagði Birgir Björnsson,
formaður landsliðsnefndar, að
þeir leikmenn sem eru með
þýzkum liðum kæmu ekki til
greina fyrr en eftir 17. desem-
ber vegna þýzku 1. deildar
keppninnar, og hvað þá yrði,
væri ekki hægt að segja um á
þessu stigi málsins.
Nær enginn tími hefur gefist
til undirbúnings liðsins fyrir
leikina við Kínverja i næstu
viku, en islenzka liðið sem leika
mun þá leiki hefur verið valið
og er það skipað eftirtöldum
leikmönnum:
Markverðir:
Gunnar Einarsson, Haukum
Kristján Sigmundsson, Víkingi
Aðrir leikmenn:
Jón H. Karlsson, Val
Geir Hallsteinsson, FH
Björgvin Björgvinsson, Vikingi
Ölafur Einarsson, Vikingi
Þorbergur Aðalsteinsson,
Vikingi
Viggó Sigurðsson, Vikingi
Magnús Guðmundsson, Víkingi
Árni Indriðason, Vikingi
Þórarinn Ragnarsson, FH
Þorbjörn Jensson, Val
Bjarni Guðmundsson, Val
Jón P. Jónsson, Val.
Tveir þeirra leikmanna sem
leika munu gegn Kinverjum
hafa ekki leikið landsleiki fyrr.
Eru það Valsmennirnir Jón
Pétur Jónsson og Þorbjörn
Jensson.