Morgunblaðið - 11.01.1978, Blaðsíða 22

22
MOHCL’NBLAÐIÐ. MIÐVIKUDAGL H 11. JAXUAR 1978
Minning—Jón Þór
Þórhallsson
Fæddur 1. marz 1939.
Dáinn 1. jan. 1978.
Þú ert gestur á jörðu
og guð er að leiða þig heim
þar sem gáta þín ræðst
og lokið er hinsta vanda.
S.E.
Við stöndum svo oft andspænis
því sem við skiljum ekki og spyrj-
um: „Hver er tilgangurinn?" „Gat
þetta ekki verið öðru visi?“
„Þurfti þetta að koma fyrir“.
En einn er sá sem öllu ræður og
þá verður ekki undan vikist. Við
eigum öll erfitt með að sætta okk-
ur við að hann Jón Þór sé horfinn
okkur.
Hann fæddist á Anastöðum á
Vatnsnesi hinn 1. marz 1939, son-
ur hjónanna Olafar Ölafsdóttur
og Þórhalls Jakobssonar, sem þar
hafa búið allan sinn búskap
Hann var næst yngstur af átta
systkinum sem öll komust til full-
orðins ára.
Hann ólst upp á heimili sínu í
skjóli ástríkra foreldra. Geðþekk-
ur drengur með létta lund.
Tæplega verður svo minnst á
æskuheimili Jóns Þórs að ekkí sé
getið móðurömmu hans, sem allt-
af dvaldist á heimilinu meðan
hún lifði. Hún fylgdist með er
barnahópurinn óx og þroskaðist
og mörg munu þau sporin hafa
verið sem hún leiddi litlu dreng-
ina sína.
Hann ólst upp við störf og leiki
sem algeng eru í sveitinni.
Snemma hneigðist hugur hans til
smíða. Hann fór í verknámsskól-
ann að Reykjanesi við Isafjarðar-
djúp. Fljótlega eftir að hann lauk
námi þar, réðst hann í trésmíða-
nám hjá Birni Sigurðssyni bygg-
ingarmeistara í Reykjavík, var
jafnhliða í Iðnskólanum og lauk
prófi þaðar: Síðar fór hann svo í
meistaraskólann og tók próf frá
honum.
Á þessum árum hans í Reykja-
vík, kynntist hann ungu stúlk-
unni sem varð hans lífsförunaut-
ur, Sigurlaugu Ólöfu, dóttur hjón-
anna Þórhildar Jakobsdóttur og
Guðmundar Torfasonar að Njáls-
götu 36.
Kynni okkar hér af konunni
hans Jóns voru á einn veg. Það
var velgefin góð stúlka. Þau stofn-.
uðu heimili að Stóragerði 13 í
Reykjavík. Þau stóðu saman að
öllu sem heimilinu við kom.
Þau eignuðust tvo syni, Guð-
mund Þór 15 ára og Ingvar Pál 13
ára. Mjög náið samband var milli
þeirra, hann var drengjunum sín-
um í senn umhyggjusamur faðir
og félagi. Tengdaforeldrar Jóns
mátu hann mikils og þótti eins
vænt um hann og hann væri
þeirra sonur. •
Ekki slitnuðu tengslin við
foreldrahúsin þó þau ættu heimil-
ið sitt fyrir sunnan. Sigurlaug átti
einnig að nokkru leyti rætur sínar
í Húnavatnssýslunni. Þórhildur
móðir hennar er frá Árbakka á
Skagaströnd og þar hafði Sigur-
laug dvalist nokkuð á sínum upp-
vaxtarárum.
Það ríkti alltaf tilhlökkun hjá
foreldrum hans og okkur öllum
hér á heimilinu þegar von var á
þeim í heimsókn, dvöldust þau þá
nokkra daga í senn. Það fylgdi
þeim glaðværð og góður hugur og
gott var að vera í návist þeirra.
Oft greip Jón í verk hér eftir því
sem á stóð hverju sinni. Þessir
samvistardagur fannst okkur allt-
af fljótur að líða.
Þegar dætur okkar hjónanna
voru fyrst í Reykjavík dvöldust
þær á heimili Jóns og Sigurlaug-
ar. Fyrst sú eldri — síðan sú
yngri. Þar voru þær sem í
foreldrahúsum. Þau bönd sem
þær þá tengdust þessari fjöl-
skyldu hafa ekki slitnað.
Jón vann alltaf við smíðar ýmist
utan húss eða innan á ýmsum
stöðum í Reykjavík. Kappsamur
dugnaðarmaður. Stuttan tíma átti
fjöldkyldan heima að Birkigrund
66 í Kópavogi. En á síðastliðnu ári
fluttust þau í nýtt hús að Giljaseli
7 í Breiðholti. Þetta var hús sem
þau höfðu byggt frá grunni. Það
var þó engan veginn fullgert. En
kappsamlega var að því unnið að
gera allt sem best úr garði, því að
þetta skyldi verða þeirra fram-
tíðarheimili.
Honum var það mikið áhugamál
að drengirnir gætu sem lengst
verið í heimilinu þeirra og sem
best væri búið í haginn fyrir þá.
Að kvöldi dags hinn 6. des. s.l.
hneig hann útaf á heimili sínu.
Hann komst strax á sjúkrahús.
Dagar liðu og urðu að vikum;
hann komst aldrei til verulegrar
meðvitundar. ,
Að morgni nýársdags kvaddi
hann þennan heim, á giftingaraf-
mæli foreldra sinna. Það hlýtur
að leita á hugann að hann hafi
verið kallaður til annarra starfa.
Og trú mín er sú að amman hans
rétti honum hönd sína, þegar
hann fyrstur af systkinahópnum
stígur á hina ókunnu strönd.
Við lítum í huganum yfir minn-
ingar liðinna ára og varðveitum
þær með okkur. Þær verða ekki
burtu teknar. Svo bið ég góðan
guð að styrkja eiginkonuna og
drengina hans í sorg þeirra, einn-
ig foreldra hans og tengdafor-
eldra.
Því hann „leggur smyrsl á lífsins
sár
hann læknar mein og þcrrar tár“.
Svo kveð ég þennan sæmdar-
dreng.
Hafi hann þökk fyrir allt.
Halldóra Kristinsdóttir.
1 dag er lagður til hinstu hvílu
Jón Þór Þórhallsson, Giljaseli 7,
Reykjavík.
Hann lést að morgni nýársdags,
eftir rúmlega 3 vikna legu á
sjúkrahúsi, langt um aldur fram,
aðeins 38 ára að aldri.
Fréttin um veikindi Jóns kom
eins og reiðarslag yfir alla, sem til
hans þekktu. Enginn vissi til ann-
ars, en hann væri heilsuhraustur,
enda gekk hann til vinnu dag
hvern og skilaði miklu og vel
unnu dagsverki.
Eiginkona Jóns var Sigurlaug
Guðmundsdóttir og áttu þau
saman tvo myndardrengi, Guð-
mund Þór og Ingvar Pál.
Fundum okkar bar saman um
það leyti, að við hjónin vorum að
stofna heimili í Reykjavík, en
hann var föðurbróðir konu minn-
ar. ,Upp frá því, voru tíðar heim-
sóknir milli okkar. Það virtist
aldrei hittast illa á, á heimili
þeirra hjóna, hvort heldur var í
Stóragerði, í Birkigrund eða nú
síðast í hinu nýja og glæsilega
húsi þeirra við Giljasel, sem þau
hafa byggt af mikilli eljusemi og
dugnaði.
Á heimili þeirra ríkti mikil
samstaða um öll þau mál, sem til
úrlausnar voru hverju sinni.
Þekki ég engin hjón, sem báru
jafn mikla virðingu hvort fyrir
öðru og þau Jón og Sigurlaug,
enda mun sjaldan hafa borið
skugga á í sambúð þeirra. Það
byggðist þó ekki á því, að annað
léti hlut sinn fyrir hinu, bæði
höfðu þau ákveðnar skoðanir á
hlutunum, en var einkar lagið, að
samræma þær.
Heimili Jóns var honum mjög
mikilvægt, og allt, sem viðkom
því, var sett ofar öðru.
Jón var óvenju heilsteyptur
maður og búinn flestum þeim
kostum, sem einn mann mega
prýða. Eitt af sterkustu einkenn-
um hans, var hversu hann var
alltaf léttur í lund og bjartsýnn á
lífið og tilveruna.
Jón var húsasmiður að mennt,
og fyrir skömmu síðan hóf hann
að láta rætast þann draum, sem
þau hjón áttu hvað stærstan, en
það var að byggja sitt eigið hús.
Ekki var flanað að neinu. Tímun-
um saman var setið yfir teikning-
um og úthugsað hvernig öllu yrði
sem best fyrir komið.
Að fengnum tilskildum leyfum
var hafist handa. Hvert handtak
var vandað og var unun á að
horfa, af hversu mikilli nærfærni
var farið með allt efni, allt varð að
falla lýtalaust.
Aldrei heyrði ég, að örlaði á
vonleysi eða svartsýni, þrátt fyrir
stærð verkefnisins, þvert á móti
var svo bjart yfir öllu.
Það var stór stund hjá þeim
hjónum, er þau fluttu inn í
Sonur minn faðir okkar. tengdafaðir oij afi, SOLVI ÞORSTEINSSON,
Hafnarfirði, ló/t af slysförum 5 janúar Porsteinn Sölvason, Lilja Sipos, Asgeir Sölvason, Joe Sipos, Edda Larsen,
Þórdís Sölvadóttir, SigurðurG Baldursson,
Erla Solvadóttir, Birgir Olafsson,
Kristin Sölvadóttir, Benedikt Kröyer,
Steinunn Sölvadóttir, Stefán Símonarson,
Guðrún Asgeirsdóttir, og barnabörn.
+
Móðir okkar oi; temjdamóðir,
KARITAS HALLDÓRSDOTTIR.
lést 10 janúar i Öldrunardeild Landspitalans að Hátúni 10 B
Jens Hinriksson, Kristín Jónsdóttir,
Jósafat Hínriksson, Ólöf Hannesdóttir.
t
Móðir okkar.
DOROTHY M BREIÐFJORÐ,
nndnðist i Landspítalanum að mortjni 10 janúar
Jarðarförin aurjlýst síðar
Eileen Breiðfjörð,
Kenneth Breiðfjörð,
Kristín Jónsdóttir,
Roy Ó. Breiðfjörð.
+
Inmlegar þakkir flytjum við óllum sem vottuðu okkur hlutteknmgu við
fráfall enjmmanns mins, fóður, tengdafoður og afa,
VALGARÐS HARALDSSONAR,
fræðslustjóra Akureyri.
Við bið|um þeim blessunar guðs
Guðný Margrét Magnúsdóttir,
Olóf Vala Valgarðsdóttir, Margrét Ýr Valgarðsdóttir,
Jónina Valgarðsdóttir, Sigurður Sigfússon,
og barnabörn.
+
Innileijar þakkir flytjum við ollum þeim, sem vottuðu okkur samúð við
fráfall'
ASTU BJORNSDÓTTUR LEVÍ,
Sérstakar þekkir færum við yfirlækni á Hanlækningadeild Landspítal-
ans svo og hjúkrunarfólki á deildum 4d og 3c
Brynhildur og Geir R. Andersen
Steinunn og Björg Berndsen.
+ Inmlegar þakkir fyrir auðsýnda samúð við andlát og útför mannsins
mins foður tenijdaföðurs oy afa
ÁSGEIRS GUÐBJARTSSONAR
beykis,
Hátúni 10.
Jónína Sigurðardóttir,
Steinunn Ásgeirsdóttir, Jerry Thomas,
Guðbjartur Asgeirsson, Maryn Asgeirsson,
Einar Asgeirsson. Einara Magnúsdóttir,
Sigurður Asgeirsson. Mary Ólafsdóttir.
Þórir Asgeirsson. Oddný Ólafsdóttir,
og barnaborn
+
Elskulegur sonur okkar og bróðir,
SVAVAR HALLDÓR,
lést í sjúkrahúsi Sauðárkróks sunnudacjinn 8 janúar s I
Sigrún Halldórsdóttir, Sverrir Svavarsson,
og sytkini hins látna.
+
Hjartkær móðir okkar og tengdamóðir,
GUONY GUÐMUNDSDÓTTIR,
Laugaveg 137.
andaðist á Landakotsspitala 9 janúar
Bergljót Sveinsdóttir. Ragnar Guðmundsson,
Margrét Sveinsdóttir, Jón A. Jónasson,
Anna Sveinsdóttir, Gunnar Valgeirsson.
+
Eiyinmaður minn,
GÍSLI JÓHANNSSON,
sem lézt á Borgarspítalanum, fimmtudaginn 5 janúar. verður jarðsung-
mn frá Frikirkjunni. fimmtudaginn 1 2 janúar kl 1 3 30
Grímheiður Pálsdóttir.
+
Innileyar þakkir fyrir auðsýnda samúð oy vináttu við andlát mannsms
míns oy sonar,
GUÐMUNDAR VALDIMARSSONAR,
Hraungerði v/Suðurlandsveg.
Sigurlaug Helga Emilsdóttir,
Sigurlín Guðmundsdóttir,
og aðrir vandamenn,
+
Þökkum auðsýnda samúð og vinarhug við fráfall eíginmanns míns.
föður. tengdaföður og afa,
OLAFS TOMASSONAR
fulltrúa. (fyrrv. stýrimanns)
Bergstaðarstræti 11 A, Rvik.
Benedikta Þorláksdóttir,
Ólafra Hrönn Ólafsdóttir, Sigurbjörn Valdimarsson,
Gerður Ólafsdóttir, Ásgeir M. Jónsson,
og barnaborn
+
Þökkum innilega vináttu og hlýhug við andlát og útför eiginmanns
míns, sonar, föður, tengdaföður og afa,
HILMARS SIGURÐSSONAR,
Selvogsgötu 13,
Hafnarfirði,
sérstakar þakkir færum við Sigurði Björnssyni óperusöngvara og
félögum hans fyrir ógleymanlega hjálp.
Ingibjörg Karlsdóttir, Guðríður Björnsdóttir,
Sigurbjörg Hilmarsdóttir, Sigurður Jóhannsson,
Sigrún Hilmarsdóttir, Jónas Hilmarsson,
Guðríður Hilmarsdóttir, Ágústa G. Hilmarsdóttir.
barnabörn og systkini.