Morgunblaðið - 11.01.1978, Qupperneq 25

MORGUNBLAÐIÐ. MIÐVIKUDAGUR 11. JANUAR 1978
25
fclk í
fréttum
+ Hér má sjá Begin forsætisráðherra ísraels á Ben-
Gurion flugvelli við komuna frá Egyptalandi nú fyrir
skömmu. Það er æðsti rabbí Goren sem blessar Begin
við heimkomuna.
+ Charles bretaprins var ntlega á ferrtalagi I Bandarfkjunum. Þar
hitti hann prinsessu. Þetta var þó ekki prinsessa í rauninni. heldur
lék hún prinsessu I ðperu sem prinsinn sá. Prinsinuni leist svo vel á
„prinsessuna" seni heitir Pamela South. aó hann lét alla hirósiði
lönd og leió, fór aó tjaldabaki eftir sýninguna og kyssti hana fyrir
skemnitunina.
+ Þegar læknar mældu hæð
hans sfðast, þrem vikum áður
en hann dó, var hann tveir
metrar og 72 centimetrar.
Hann var þá 22 ára og sfóasta
árið sem hann lifði óx hann
um 7.2 cm. Hið rétta nafn hans
var Robert P. Wadlow en I
daglegu tali var hann nefndur
„Risinn frá AIton“. Ekki er til
þess vitað að til hafi verið há-
vaxnari maður. Foreldrar Ro-
berts Wadlow voru I meðallagi
hávaxin, en þessi óeðlilega
stærð hans stafaði af æxli í
heiladingli sem truflaði hor-
mónastarfsemi lfkamans og
strax á fyrsta ári óx hann
óeðlilega mikið eða um 45 cm.
Sfðasta árið sem hann lifði en
það var árið 1940 var hann
orðinn mjög bæklaður í fótum
og gat aðeins gengið við hækj-
ur. Hin ranga hormónastarf-
semi olli þvf einnig að hann
hafði ekki venjuleg mótstöðu->
efni f Ifkamanum og hann lést
af völdum fgerðar sem hann
fékk f smá sár.
Maðurinn við hlið Roberts P.
Wadlow er að vísu heldur
smár vexti, en stærðarmunur-
inn er samt gífurlegur.
+ Flestir þurfa með aldrinum að nota gleraugu. Konungafólk er þar engin undanlekning. Elísahet
Englandsdrottning virðist á þessum myndum eiga í einhverjum liyrjunarerfiðleikum með gleraugun.
Hún er þarna að halda ræðu f breska þinginu og gleraugun sigu stöðugt niður á hið konunglega nef og
trufluðu hennar hátign við lesturinn.
Sjötugur:
Oskar Pétur Einars-
son frá Búðarhóli
Óskar Pétur Einarsson er fædd-
ur 11. janúar 1908 að Krossi í
A-Landeyjum Rang. Þar bjuggu
foreldrar hans þá, hjónin Val-
gerður Oddsdóttir, Péturssonar
löngum kenndur við Heiði á
Rangárvöllum, og Einar Nikulás-
son Pálssonar frá Skækli i A-
Landeyjum.
Valgerður og Einar bjuggu
lengst af á Búðarhóli og eignuð-
ust 9 börn. Af þeim komust 6 til
manns og lifa 5 þeirra í dag. Þau
eru Guðný húsmóðir að Fremri
Brekku i Dalasýslu, Sigurbjörg
húsmóðir að Breiðholti Vest-
mannaeyjum. Yngst er Oddrún,
húsmóðir í Reykjavík. Látin er
Kristjana er lengst bjó að Sandi í
Vestmannaeyjum.
Óskar hlaut atgervi og hreysti í
vöggugjöf. 12 ára gamall fær
hann tilboð frá einum oddamanni
byggðarinnar um kappglímu og
var 1 króna lögð undir. Svo fór að
Óskar eignaðist krónuna. Hann
fékk þær fleiri síðar á lífsleiðinni.
Árið 1927 sat hann I Haukadals-
skóla og nam alþýðumenntun og
íþróttir hjá Sigurði Greipssyni
skólastjóra.
Sem margra annarra Rang-
æinga lá leið hans í ver til Eyja.
Þar er hann í 10 vertíðir, ávallt
með sama skiptjóra, Karli Sig-
urðssyni frá Litlalandi i Eyjum.
Þeir Óskar voru frændur. Karl
var orðlagður aflamaður. Var
ávallt með stór og góð skip og i
toppi með afla. Með honum vald-
ist ávallt einvalalið.
Árið 1944 hóf Óskar nám í
skipasmíði. Meistari hans var
Gunnar Marel Jónsson. Óskar
lauk námi og öðlaðist réttindi sín.
Alltaf hefir verið hlýtt milli Ósk-
ars og Gunnars, kannski ekki síst
fyrir það, er kunnur skipstjóri
kom og falaði Óskar, aðeins
nokkra róðra, því einn af áhöfn-
inni væri á leið í verið. Gunnar
þvertók fyrir að láta Óskar, sem
gjarna vildi hlaupa í skarðið.
Tveim dögum síðar fórst fyrr-
greindur skipstjóri með allri
áhöfn sinni.
Arið 1949 gerist Öskar lögreglu-
maður og starfar í lögreglu Vest-
mannaeyja í hartnær 30 ár. Skap-
stilltur, vel yfirvegaður og athug-
ull, var Óskar einkar vel fallinn
til þeirra starfa. Kylfur og hand-
járn lágu yfirleitt i lægðinni hjá
honum. Góð orð og fortölur voru
frekar notuð og mikið lán og lagni
fyldi Óskari á því sviði. Eiga
margir ungir menn Óskari gott að
launa fyrir oft viturlega fram-
komu og tillitssemi. Óskar fluttist
aldrei frá Eyjum í gosinu, þó að
fjölskylda hans dveldi á megin-
landinu. Vaktir sínar og skyldur
rækti hann með sóma og prýði.
23. október, fyrsta vetrardag
1935, kvæntist Óskar Svövu Gísla-
dóttur frá Arnarhóli í Eyjum.
Hafa þau eignast 6 börn, sem eru
Guðný gift Páli Sæmundssyni raf-
fræðingi hjá Rafmagnsveitp
Reykjavíkur; Valgerður Erla gift
Friðriki Ásmundssyni, skipstjóra
frá Löndum, núverandi skóla-
stjóra Stýrimannaskólans i Eyj-
um; Gísli vélstjóri kvæntur
Kristinu Haraldsdóttur frá Pat-
reksfirði; Rebekka, sem andaðist
1971 og gift var Ara Pálssyni og
gengu þau Svava og Óskar tveim
yngri börnum þeirra í föður- og
móður stað við andlát Rebekku;
Rut, sem gift er Atla Einarssyni
trésmið; og yngstur er Einar er
stundar Háskólanám í Bandarikj-
unum.
Við þessi timamót í lífi Óskars
eru honum færðar hamingjuóskir
og þakklæti fyrir liðin ár. Fram-
koma hans i orði og æði hefir
verið afstaða hins góða manns, er
allt vill færa til bétri vegar, til
hjálpar og léttis.
A nýbyrjuðu ári fá hamingju-
óskirnar betri byr. Því undan-
farið hafði Óskar kennt lasleika,
sem eftir aðgerð og góða læknis-
meðferð horfir mjög til hins betra
með heilsu hans.
Enn er snerpa og hreysti
drengsins frá Búðarhóli í kjölfari
Óskars og óskum við vinir hans
honum að njóta þess um mörg
ókomin ár.
Eiginkonu og allri fjölskyldu og
Óskari sjálfum, eru færðar ham-
ingjuóskir við þessi tímamót og
þeim beðið blessunar Drottins.
Einar J. Gíslason.
Bandarlkin:
Bjart útlit í
efnahagsmálum
Washington, 8. jan. Reuter.
EFNAHAGUR Bandaríkjanna
mun batna á nýburjuðu ári og
iðnaður blómgast að þvf er segir í
skýrslu stjórnarinnar, er birt var
í dag. Sagði f tilkynningu frá við-
skiptaráðune.vtinu að hagvöxtur
ætti að nema fjórum til fimm af
hundraði — en það er betri
árangur en flest önnur iðnríki
gera sér vonir um að ná á árinu.
Ekki er búist við að verðbólgan
muni breytast mikið, en hún var
6% á sfðasta ári. Atvinnuleysi
verður um 6,5% á árinu sam-
kvæmt skýrslunni, en það nam
7% við lok ársins 1977. Aætlun
þessi tekur ekkert mið af áform-
um Carters forseta um að minnka
skatttekjur um 25 milljarða doll-
ara, en sú ráðstöfun ætti að hafa
góð áhrif á efnahaginn verði hún
samþykkt af þinginu.
I ársskýrslu bandarlska við-
skiptaráðuneytisins kom fram að
flugvélaiðnaðurinn ætti að dafna
vel á þessu ári, en hins vegar mun
væntanlega verða einhver sam-
dráttur I bílaiðnaðinum. Ætti
hagnaður flugvélaiðnaðarins að
nema allt að 30% meira en á
síðastliðnu ári sé miðað við skips-
farma, en aðrar 10 blómlegustu
greinar iðnaðarins að auka við sig
um 12%, að bílaiðnaðinum und-
anskildum eins og að framan
greinir. Mun samdrátt'ur bílaiðn-
aðarins koma í kjölfar metsölu-
árs, en á siðasta ári seldust meira
en 15 milljónir bila. Ekki er þó
búist við að salan falli niður fyrir
14,5 milljónir á árinu að sögn
ráðuneytisins.
Yfirhagfræðingur ráðuneytis-
ins, Courtenay Slater, kvaðst telja
að þótt hagvöxtur yrði eins og
áður segir myndi draga úr honum
þegar sígur á seinni hluta árs og
þyrftu stjórnvöld þá að ráðast i
nýjar aðgerðir.