Morgunblaðið - 12.04.1978, Blaðsíða 19

MORGUNBLAÐIÐ, MIÐVIKUDAGUR 12. APRÍL 1978 19

^STARF FÓSTRUNNAR 4. GREINJ
Skapandi starf
Skapandi starf.
Öllum börnum er það
nauðsynlegt að tjá sig á
einn eða annan hátt.
Rannsóknarhvöt og
starfsþrá leiðir barnið til
þess að kanna umhverfi
sitt og afla sér þekkingar
á hlutum og fólki. Fjöl-
breytt og örvandi um-
hverfi eykur þroskamögu-
leika barnsins en fábreytt
og einhæft umhverfi
dregur úr þeim.
Þess vegna þarf að búa
svo í haginn fyrir barnið
að það öðlist sem fjöl-
breyttasta reynslu. Barn-
ið þarfnast ástúðar, festu
og reglu. Foreldrar og
aðrir uppalendur verða að
þekkja þarfir barnsins og
stuðla að því að það fái
athafnaþörf sinni full-
nægt.
Hrósið barninu fyrir
verk sín.
Nauðsynlegt er að barn-
ið fái uppörvun og stuðn-
ing t.d. með því að hrósa
því fyrir myndina sem
það var að lita eða eitt-
hvað sem það yill sýna að
það geti. Við slíka
jákvæða afstöðu vex
öryggistilfinning
barnsins. Það öðlast
fremur trú á getu sína og
verður sjálfstæðara.
Barnið er ávallt að
skapa.
Á dagvistarheimilum er
reynt að sjá til þess að
barnið þroskist á jákvæð-
an hátt í leik og skapandi
starfi.
Þegar talað er um
skapandi starf, er erfitt
að draga mörk. Barnið er
ávallt að skapa eitthvað,
einungis á mismunandi
hátt. Þegar barnið byggir
úr kubbum, myndar ný
orð og leyfir ímyndunar-
aflinu að leika þá er það
að skapa. Þegar það teikn-
ar, málar, mótar í leir eða
saumar er það einnig að
skapa.
Fyrir barn undir skóla-
aldri er það athöfnin sjálf
sem hefur gildi en ekki
árangurinn. Barnið
þroskar með sér ýmsa
eiginleika og öðlast nýja
reynslu. Hugkvæmni þess
.og ímyndunarafl eykst.
Skapandi starf hjálpar
barninu við að þroska
hugsun og tilfinningar.
Barnið öðlast meiri
þekkingu og upplifir gleði
og ánægju í félagsskap
annara. Það fær
tilfinningalega útrás og
losnar við innri spennu.
Frumkvæði og sjálfs-
traust eykst. Smá saman
vex einnig skilningur þess
á orsök og afleiðingu.
Heftið ekki sköpunar-
gleði barnsins.
Virðið rétt barnsins til
þess að skapa af eigin
vild
Foreldrar og aðrir
uppalendur ættu að sjá
um að barnið hafi nógan
efnivið til skapandi starfs
og varast að eyðileggja
sköpunargleði
þess/(barnsins) með því
að gagnrýna verk þess
með því að tala um hvern-
ig þetta „eigi“ að vera.
Hestar eru ekki bláir, fólk
hefur ekki margar fætur
o.s.frv. Slík gagnrýni
getur dregið úr kjarki
barnsins og trúnni á eigin
getu. Sem dæmi um efni
sem veita barninu mikla
möguleika á að tjá sig í
skapandi starfi má nefna:
sand, leir, vatn og ýmis
konar liti. Þessi efniviður
er aðgengilegur og barnið
uppgötvar eiginleika
hans. Það vinnur einnig
með pappír, garn efnisaf-
ganga, deig, og pappa-
massa. Barnið fær að
sauma, vefa, klippa, líma,
smíða og mála. Ymislegt
má nota sem hægt er að
finna úti í náttúrunni t.d.
skeljar, steina, lauf, fræ
og ber.
Þá er mjög mismunandi
hvernig hinir ýmsu
aldurshópar nota efnivið-
inn. Yngstu börnin eru
ánægð að fá að kynnast
honum, koma við, þreifa
á, kreista, klípa og
smakka. Snertingin við
efnið er aðalatriðið.
Stærri börnin ráða yfir
fíngerðari hreyfingum,
meiri einbeitingu og út-
haldi. Þau nota ímyndun-
araflið og hafa oft ákveðið
markmið í huga í sköpun-
arstarfi sínu. Uppalendur
verða að reyna að skilja
og virða athafnaþrá
barnsins og beina henni á
þá leið sem vænlegust er
til þess að það vaxi upp
sem sjálfstæður ein-
staklingur með jákvætt
viðhorf til lífsins.
20 þús. gest-
ir á Kjarvals-
sýningunni
20 ÞÚSUND gestir hafa séð
Kjarvalssýninguna í Kjarvalsstöð-
um, en alls hafa 19 barna- og
unglingaskólar heimsótt sýning-
una sem opnuð var fyrr í vetur,
samkvæmt upplýsingum Alfreðs
Guðmundssonar forstöðumanns
hússins.
Stjórnin sjálf-
kjörin í Lögregiu-
félagi Reykjavikui
STJÓRNARKJÖR hefur farið
fram í Lögreglufélagi Reykja-
víkur.
Einn listi kom fram, listi
uppstillingarnefndar, og var hann
sjálfkjörinn.
Hin nýja stjórn hefur komið
saman og skipt með sér störfum,
skipa hana eftirtaldir menn.
Björn Sigurðsson, formaður,
Guðmundur Guðbergsson, vara-
formaður, Jóhann Löve, gjaldkeri,
Jóhann Jóhannsson, ritari; með-
stjórnendur Egill Bjarnason,
Hrafn Marinósson, Þorgrímur
Guðmundsson.
Stjórn Lögreglufélagsins er nú
kosin til tveggja ára, og er það
nýmæli, en áður hafa stjórnir
félagsins verið kjörnar til eins árs.
Klaeðum og bólstrum
gömul húsgögn. Gott
úrval af áklæðum.
BÓLSTRUN
ÁSGRÍMS,
Bergstaðastræti 2,
Sími 16807,
Ein heild á lækkudu verði.
Þú getur farið í helgarferð með flugfélaginu
í hópi, með fjölskyldunni, eða bara þið tvö.
Hringdu og spurðu um verð á helgarferð.
FLUCFÉLAC ÍSLANDS
INNANLANDSFLUG