Morgunblaðið - 24.05.1978, Page 16

16
MORGUNBLAÐIÐ, MIÐVIKUDAGUR 24. MAÍ 1978
Útgefandi hf. Árvakur, Reykjavík.
rramkvæmdastjóri Haraidur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guðmundsson.
Fréttastjóri Björn Jóhannsson.
Auglýsingastjóri Baldvin Jónsson
Ritstjórn og afgreiðsla Aðalstræti 6, sími 10100.
Auglýsingar Aðalstræti 6, sími 22480.
Áskriftargjald 2000.00 kr. ó mánuði innanlands.
í lausasölu 100 kr. eintakið.
Breidholts-
hverfin
Au.þ.b. áratug hafa byggzt upp í Reykjavík Breiðholtshverf-
in, sem í dag eru fjölmennari en stærsti kaupstaður utan
Reykjavíkur. Á þessum örstutta tíma hefur ungt fólk af
dugnaði og harðfylgi byggt upp borgarsamfélag, sem er
fjölmennara heldur en kaupstaðir, sem verið hafa í
uppbyggingu alla þessa öld og jafnvel lengur. Þetta er í sjálfu
sér mikið afrek og fyrst og fremst afrek íbúanna sjálfra. Það
er rétt, sem Magnús L. Sveinsson, borgarfulltrúi Sjálfstæðis-
flokksins, segir í viðtali við Morgunblaðið í gær, að
„Breiðholtshverfin hafa byggzt upp af undraverðum hraða og
er það ekki sízt að þakka dugnaði þeirra, sem þar búa“.
Þótt margt hafi verið gert í Breiðholti er líka mikið ógert.
Magnús L. Sveinsson borgarfulltrúi segir í samtalinu við
Morgunblaðið í gær, að brýnustu verkefnin nú séu uppbygging
skólahúsnæðis, dagvistunarstofnana, heilsugæzlustöðvar í
Mjóddinni, menningarmiðstöðvar, er hýsa skal bókasafn og
uppbygging íþróttasvæða og bættar samgöngur við hverfin,
m.a. með byggingu brúar yfir Elliðaárdal. En borgarfulltrúinn
segir jafnframt, að þótt brýnt sé að koma til móts við fólk með
byggingu þjónustustofnana geri verðbólgan erfitt um vik um
framkvæmdahraða, eins og þeir viti sjálfir, sem standa í
byggingum, en Magnús L. Sveinsson undirstrikar, að
borgarstjórn geri það sem hún mögulega geti til að flýta fyrir
um hvaðeina, er verða má til bættrar þjónustu við íbúa
Breiðholtshverfa.
Svo dæmi sé tekið um eina tegund þjónustumiðstöðva í
Breiðholtshverfum, þá eru þar nú tvö dagheimili með rými fyrir
117 börn. Þar eru einnig fjórir leikskólar með rými fyrir 394
börn. Á þessu ári verður tekið í notkun nýtt dagheimili við
Suðurhóla og þar verða 4 deildir, en ein af þeim verður nýtt
sem skóladagheimili fyrir börn á aldrinum 6—10 ára. Alls
verður í þessu nýja dagheimili rými fyrir um 70 börn. Um
næstu áramót verður tilbúið skóladagheimili fyrir 20 börn og
á þessu ári verða hafnar framkvæmdir við tvær dagvistunar-
stofnanir, við Iðufell og Arnarbakka, sem verða eins konar
sambland af dagheimili og leikskóla, en þar verður rými fyrir
97 börn á hvorum stað. I kjölfarið á þessum byggingarfram-
kvæmdum hefur félagsmálaráð Reykjavíkurborgar ákveðið, að
byggðar verði tvær dagvistunarstofnanir í Seljahverfi.
Magnús L. Sveinsson segir í fyrrnefndu viðtali við
Morgunblaðið, að nú sé unnið að skipulagi íþróttasvæðis í syðri
Mjóddinni, þar sem vera á stórt og mikið íþróttasvæði og þar
er gert ráð fyrir, að ÍR njóti aðstöðu og hafi félagið verið haft
með í ráðum varðandi skipulagningu. Annað íþróttafélag,
Leiknir, hefur haft nokkra aðstöðu á íþróttavellinum á
skólasvæði í Breiðholti III.
Hér hafa aðeins verið nefnd örfá dæmi um þjónustumiðstöðv-
ar og áform um byggingu þeirra í Breiðholtshverfum. Að
nokkrum árum liðnum verða þessi hverfi orðin gróin og vel búin
allri nauðsynlegri þjónustuaðstöðu fyrir íbúana eins og þau
hverfi, sem byggzt hafa upp á undan þeim og þá hefur
vaxtarbroddur höfuðborgarinnar færzt austur fyrir Elliðaár.
En Breiðholtshverfin, verða jafnan til marks um þann dugnað
og framkvæmdavilja, sem einkennir ungt fólk, sem lagt hefur
á sig mikla vinnu og annars konar erfiði til þess að eignazt
þak yfir höfuðið.
Það hefur alla tíð verið höfuðbaráttumál sjálfstæðismanna
að gera fólki kleift að eignast eigið húsnæði. Skipulagning og
uppbygging Breiðholtshverfa er til marks um það. Þau hafa
ekki sízt verið skipulögð með það í huga að gera ungu fólki
kleift að komast yfir húsnæði á tiltölulega hagkvæmu verði.
Það er eftirtektarvert, að andstæðingar Sjálfstæðisflokksins í
borgarstjórn hafa gagnrúnt meirihluta borgarstjórnar
harðlega fyrir það að hafa lagt meiri áherzlu á þennan þátt
í uppbyggingu borgarinnar en þann, sem snýr að efnameiru
fólki, sem leitað hefur eftir einbýlishúsalóðum við sjávarsíðuna
í nágrenni Reykjavíkur. Sjálfstæðismenn þurfa ekki að kippa
sér upp við þá gagnrýni. Breiðholtshverfin eru lifandi tákn um
éttmæti þeirrar stefnu, sem að þessu leyti hefur verið mörkuð
uppbyggingu Reykjavíkur. Einn af talsmönnum Alþýðubanda-
lagsins hefur raunar spurt til hvers þetta fólk þurfi að eiga
eigið húsnæði. Þeirri spurningu svara borgarbúar sjálfir.
Magnús L. Sveinsson:
Björgvin Guðmundsson
sagði ósatt 1 sjónvarpi
I hringborðsumræðum í sjón
varpinu sl. miðvikudagskvöld,
sem voru í framhaldi af beinni
útsendingu af umræðum um
borgarmálefni sem ég tók þátt í
lýsti Björgvin Guðmundsson því
yfir, að ég hefði farið með föslun
í minni ræðu, þar sem ég hafði
lýst því yfir að Björgvin
Guðmundsson „hefði flutt til-
lögu um það í borgarstjórn að
það yrði reist nýtt frystihús í
Reykjavík á þessu ári.“
Það er mjög alvarlegt að falsa
ummæli manna og vil ég ekki
liggja undir slíkum áburði. En
það er einnig mjög alvarlegt að
bera slíkt ranglega upp á menn,
en það gerði Björgvin
Guðmundsson sig sekan um í
sjónvarpsþættinum.
I fyrsta lagi minntist ég ekki
einu orði á „tillöguflutning"
Björgvins Guðmundssonar í
borgarstjórn, heldur málflutn-
ing hans þar.
I ræðu minni í sjónvarpinu
sagði ég orðrétt:
„Alþýðuflokksmaðurinn
Björgvin Guðmundsson sagði í
borgarstjórn, að borgin yrði nú
þegar að kaupa eins og: tvo nýja
togara, byggja nýtt fyrstihús,
iðnaðarhúsnæði, skipasmíðastöð
og kaupa stóra skipalyftu.
Allt skyldi þetta gert á þessu
ári.“
Hér er ég að lýsa málflutn-
ingi, ekki tillögu B.G. í borgar-
stjórn þann 27. apríl sl., þegar
borgarstjórn samþykkti stefnu-
skrá í atvinnumálum.
Allar ræður í borgarstjórn
eru teknar upp á segulband og
síðan vélritaðar, og nú er rétt að
gefa B.G. sjálfum orðið.
Hann sagði að borgarstjórn
gæti ekki vel við unað fyrr en
Bæjarútgerðin hefði fengið'nýtt
frystihús. í framhaldi af því
segir hann orðrétt:
„Þetta þarf að mínu áliti að
gerast annað hvort með því að
kaupa fyrstihús af einkaaðila í
Reykjavík, eða með því að
b.vggja nýtt hús.“
Annars staðar í ræðunni segir
B.G. orðrétt:
„Við þurfum ekki á því að
halda að samþykkja fallegar
stefnuskrár hér. Viö þurfum á
því að • halda að samþykkja
aðgerðir í atvinnumálum, ef það
á að snúa þróun í atvinnumálum
við. Og ég kem að því á eftir, að
mínar tillögur voru fyrst og
fremst um aðgerðir á yfirstand-
andi ári, en ekki um fallega
framtíð og nútíð, sem ekki
myndu leysa neinn vanda á
yfirstandandi ári. Þar skilur á
milli tillagna minna og tillagna
borgarstjóra."
Ennfremur:
„Það er mín skoðun. Og ég vil
ítreka það, enn og aftur, að
þessar tillögur mínar þær fjöll-
uðu allar um aðgerðir á
yfirstandandi ári.“
B.G. dregur hér ekki úr
áherzlunni í málflutningi sín-
um. Hér leggur hann einmitt
sérstaka áherzlu á, að tillögur
hans fjalli allar um aðgerðir á
yfirstandandi ári. Það er nú
eitthvað annað en að málflutn-
ingur B.G. gangi út á það, að slá
málunum á frest, það eru aðrir
sem vilja það.
Ég bið lesendur að bera
framanrituð ummæli B.G. sér-
staklega saman við ummæli
mín.
Og síðar í ræðunni segir B.G.
orðrétt: „ég þykiSt hafa gert
glögga grein fyrir því, að — hver
er höfuðmunurinn á mínum
tillögum og tillögum borgar-
stjóra, að mínar tillögur þær
fjalla um aðgerðir á þessu ári,
en þessi framtíðarmúsík hjá
borgarstjóra, sem ég veit ekki
einu sinni hvort hann meinar
nokkurn hlut með.“
Þessi eigin orð B.G. í borgar-
stjórn sýna glöggt, að ég fór með
rétt mál í áðurnefndum sjón-
varpsþætti og ýkti síst þegar ég
sagði hvað hann hefði sagt.
Ég ber hins vegar ekki ábyrgð
á því að málflutningur hans í
borgarstjórn var ekki í takt við
orðalag á tillögu hans. En úr því
að svo var og B.G. vill að fólk
taki frekar mark á orðalagi
tillögunnar en ræðum hans,
hefði hann átt að biðja menn um
að taka málflutning sinn ekki
alvarlega.
Vegna þeirrar áherzlu, sem
B.G. leggur nú á, að tillaga hans
hafi aðeins gert ráð fyrir að
hefja undirbúning að kaupum
eða byggingu nýs fullkomins
frystihúss fyrir B.Ú.R., er fróð-
legt fyrir fólk að vita hvaða álit
B.G. hefur á slíkum tillöguflutn-
ingi, samkvæmt hans eigin
orðum í sömu ræðu, þar sem
hann segir orðrétt:
„Eins og ég var að segja, þá
er ekki í þessum tillögum
borgarstjóra neitt um aðgerðir
til dæmis á sviði skipasmíða-
stöðvar — á því sviði að koma
upp skipasmíðastöð eða skipa-
viðgerðaraðstöðu á þessu ári.
Það er aðeins það — aðeins
talað um það að ljúka undirbún-
ingi, ljúka hagkvæmnisathugun,
svo unnt sé að taka ákvörðun í
lok ársins — í lok ársins á að
taka ákvörðun um að koma upp
einhverri aðstöðu, sennilega á
næsta ári eða þar næsta ári.
Þannig er staðið að málunum
hér undir forystu Sjálfstæðis-
flokksins. En það þarf ekki að
rifja það upp einu sinni enn
hvernig þeir hafa staðið að
málunum á Akureyri, þar hafa
þeir látið hendur standa framúr
ermum og framkvæmt hlutina
en ekki verið að bulla einhverja
framtíðarmúsík, sem aldrei hef-
ur komist í framkvæmd."
Það er auðséð af þessum
orðum B.G. að það er ekki sama
hver flytur tillögu um að hefja
undirbúninginn, eða dettur
nokkrum í hug, að Björgvin
Guðmundsson hafi með tillögu
sinni „verið að bulla einhverja
framtíðarmúsik"?
Erro hófst handa í gær við
að taka upp myndir sínar á
Kjarvalsstöðum, en alls
verða á milli 130 og 150
myndir á yfirlitssýningu
hans, sem hefst á Kjarvals-
stöðum þann 3. júní n.k.
Þessar tvær myndir voru
teknar í gær skömmu eftir
að Erro byrjaði að taka
myndirnar úr kössunum,
sem þær komu í til lands-
ins. Á annarri myndinni er
Erro með þeim Hringi
Jóhannessyni listmálara og
Aðalsteini Ingólfssyni, en á
hinni myndinni gengur
listamaðurinn hugsandi
um gólf. Ljósm. Mbl.:
Ól.K.M.