Morgunblaðið - 22.10.1978, Blaðsíða 22

Morgunblaðið - 22.10.1978, Blaðsíða 22
22 MORGUNBLAÐID, SUNNUDAGUR 22. OKTÓBER 1978 Vilhjálmur í keppni við Grindavík. „Hef atttaf œtlað méraöhœtta >f TORFÆRUAKSTUR hefur verið stundaður hér á landi frá árinu 1966 en núna síðustu árin hafa þessar keppnir fyrst verið auglýst- ar og almenningi gefinn kostur á a° f.vlgjast með. Vilhjálmur Ragnarsson er einn þeirra, sem tekið hafa þátt í torfærukeppnum og hefur hann unnið þær allar sem Flugbjörgunarsveitin Stakkur í Keflavík hefur haldið frá árinu 1975. Við heimsóttum Vilhjálm og fjölskyldu hans og spurðum hann fyrst að því hvernig torfærukeppn- ir færu fram? „Keppendur láta skrá sig daginn fyrir keppni. Það eru ýmsar þrautir sem keppendur þurfa að fara í gegnum^t.d. að keyra á mikilli stika, ofan í forargryfjur upp moldarbörð og brattar og grýttar brekkur. Það er síðan gefið fyrír eftir því hvernig og á hvern hátt keppandi kemst í gegnum þrautirn- ar." Á hvernig bíl keppir þú? „Ég hef alltaf verið á Willys en annars eru alla gerðir af bílum notaðir í keppnirnar. Það eru flestir með einhverja aukahluti í bílnum og gera þá auðvitað allt við bílinn sjálfir. Ég hef W-8 vél í bílnum, 283 kúbík, edelbrock-sog- grein og 650 rúmmetra holly- pústflækjur. Það fara margar helgar í vinnu við bílinn og næturnar jafnvel líka ef eitthvap sérstakt er framundan." Er mikið um óhöpp og slys í torfærunni? „Eg hef heyrt um eitt slys í torfæruaksturskeppni sem var á Hellu í vor. Þá var keyrt á strák sem að mér skyldist var inni á brautinni. En öryggiskrðfurnar erú þó nokkrar og þær hafa aukist frá því í byrjun, t.d. eru bílarnir allir athugaðir fyrir keppni. Það eru töluvert um að bílarnir sjálfir brotni í keppni þá oftast eitthvað í sambandi við drifið. Ég hef sjálfur einu sinni lent í því að hlutur í bílnum hjá mér brotnaði. Fólk talar hins vegar mikið um að við eyðileggjum landið með þessari torfæruaksturskeppni. En þegar Björgunarsveitin Stakkur tók við svæðinu þar sem keppnirnar eru haldnar var það algjörlega órækt- að. Svo var farið að undrast yfir því að þeir væru að eyðileggja gróöurinn. Þá var þetta gróður sem þeir höfðu sjálfir komið upp þarna og þeir sá líka í hjólförin eftir hverja keppni." Hvernig er kostnaðarhliðin við svona keppni? „Það er kostnaðarsamt að taka þátt í þessu en verðlaunin hafa numið kostnaði hjá mér. Það eru yfirleitt peningaverðlaun, að minnsta kosti í sandspyrnunni og torfærunni, en það er alls ekki hagkvæmt að ætla sér að græða á því að taka þátt í svona keppni. Þetta étur sig upp sjálft." Er mikill almennur áhugi á torfærunni? „Ég tel að hann hafi aukist töluvert og virðist alltaf vera að aukast. Það er fleira fólk sem sækir keppni, það er einnig meira skrifað um hana í blöðunum svo fólk veit meira hvað er um að vera. Kvart- míluklúbburinn hefur líka vakið áhuga fólks á bifreiðaíþróttum. Fólk fylgist meira með þar sem svo mikið er talað um klúbbinn." Hvernig undirbúið þið ykkur undir keppni? „Ég hef nú yfirleitt aðeins farið í eina keppni á ári. Ég hef ekkert æft fyrir síðustu tvær keppnir, í bæði skiptin var það í fyrsta sinn að ég fór út fyrir veg á bíl þau árin. Annars hef ég heyrt að öku- maðurinn vegi 80% á móti bílnum svo það hefur ekki allt að segja að bílinn sé mjög vel útbúinn. Þegar við komum á keppnisstað er bíllinn léttur eins mikið og hægt er. Blæjan er tekin af, öll aukasæti tekin úr bílnum svo og glugga- stykkið. Ef bíllinn er gerður léttari þá verður hann kraftmeiri miðað við þyngd og það verður einnig auðveldara að ráða við hann, hann verður snarari í snúningum. Það hefur einnig sýnt sig að kraftmiklir bílar koma best út úr torfæru- keppnum. I keppninni sjálfri verða menn að temja sér að vera nógu rólegir og reyna að losna við örvæntingu. Það er einnig mikilvægt að stöðva og virða fyrir sér aðstæður áður en út í þrautina er lagt og hugsa um það áður hvað maður ætli að gera svo ekki þurfi að fara að hugsa um það á miðri leið, þá hefur keppand- inn nóg að gera með bílinn." Að síðustu spurðum við Vilhjálm hvers vegna hann væri í þessari íþrótt? „Það er eingöngu vegna ánægjunnar. Ég bý til góðan bíl, og eyði í hann peningum, og vil líka fá að nota hann. Svo er ég náttúru- lega líka fæddur með bíladellu. Fyrst ég fór út í að keppa í þessu, en nú fer ég aftur til þess að halda titlinum og sjá hvað ég get gert það lengi. Annars hef ég alltaf æltað mér að hætta. Ég ætlaði mér aldrei að taka þátt í síðustu keppninni en ég var að hjálpa kunningja mínum við að undirbúa hans bíl og þá vaknaði áhuginn aftur. Vinir mínir og kunningjar voru líka alltaf að ýta á mig að taka þátt í keppninni svo það varð úr. Það er ómögulegt að segja hvað gerist, hvort ég held áfram eða ekki. Það fer allt eftir því hverjir verða með í næstu keppni hvort ég verð aftur meðal keppenda." - R.M.N. Mynd Kristján. Vilhjálmur Ragnarsson ásamt Stefaníu konu sinni og syninum Ragnari. ROYAL SKYNDIBÚÐINGARNIR ÁVALLT FREMSTIR ENGIN SUÐA Tilbúinn eftir fimm mínútur 5 bragðtegundir ^ U\\ MASTER 1*1 HYDRAULIC VINDUR 1,7—5,5 tonna FJÖLH/EGAR • ARÆÐANLEGAR • ÖFLUGAR Einkaumboo VELAVERKSTÆÐIÐ VELTAKH/F Hvaleyrarbraut 3 Hatnarfiröi sölusími 54315 Frúarskór Litur: svart. Verö: 14.170 E-breidd. Póstsendum Skó >el Laugavegi 60, sími 21270.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.