Morgunblaðið - 19.11.1978, Blaðsíða 3

MORGUNBLAÐIÐ, SUNNUDAGUR 19. NÖVEMBER 1978
3
Aukin efnahags-
og atvinnumálasam-
vinna Norðurlanda
EFNAHAGS- og atvinnumál voru aðalumræðuefni á forsætisráð-
herra fundi Norðurlanda, sem haldinn var í Kaupmannahöfn 9.
nóvember síðastliðinn. í öllum löndunum hefur verið viðleitni til að
tryggja fulla atvinnu, halda verðbólgu í skef jum'og koma í veg fyrir
að halli yrði á viðskiptum við útlönd. Forsætisráðherrarnir voru
sammála um að leggj bæri áherzlu á að áframhaldandi samstarf yrði
milli landanna um gjaldeyrismál og skipti á upplýsingum og
sjónarmiðum með tilliti til stefnunnar í gjaldeyrismálum.
I fréttatilkynningu, sem
Morgunblaðinu barst í gær, þar
sem skýrt er frá niðurstöðum
fundar ráðherranna, segir m.a. að
lögð hafi verið fram tillaga um
ráðstefnu í Ósló í apríl 1979, þar
sem fulltrúar launþega, vinnuveit-
enda og stjórnvalda hittust. Slík
ráðstefna hefur áður verið haldin í
Kaupmannahöfn, en nú er ráðgert
að bjóða fulltrúum fleiri
Evrópulanda til ráðstefnunnar í
Ósló.
Ráðherrarnir voru sammála um
að bæta þyrfti starfsskilyrði at-
vinnufyrirtækja og að erfiðleika í
efnahagsmálum mætti ekki aðeins
rekja til vanda líðandi stundar.
„Atvinnurekstur á Norðurlöndum
á við vandamál að glíma, er stafa
af því, hvernig hann hefur verið
UPP byggður, og tengist þeim
breytingum, sem almennt hafa
orðið á uppbyggingu atvinnu-
rekstrar um heim allan. Þess
vegna eru uppi áform um að miðla
milli landanna reynslu og
upplýsingum um þau atriði, sem
geta stuðlað að skynsamlegri
aðlögun að alþjóðlegri þróun þegar
fram líða stundir."
Síðan segir í tilkynningu
ráðherranna: „A Norðurlandaráðs-
fundinum í Ósló 1978 kom fram
mikill áhugi á efnahagsmálum.
Með hliðsjón af því ákvað
ráðherranefnd Norðurlanda að
láta semja skýrslu um efnahags-
ástandið á alþjóðavettvangi og
einnig var ákveðið að reyna að efla
samræminguna í efnahagsstefnu
Norðurlanda, m.a. í þeim tilgangi
að treysta grundvöllinn fyrir
norrænum áhrifum á þróun
alþjóðlegra efnahagsmála. Búizt er
við því að skýrslan frá fjármála og
efnahagsráðherrum liggi fyrir á
fundi Norðurlandaráðs í febrúar
1979. Forsætisráðherrar Norður-
landa lögðu áherzlu á hve mikil-
vægt þeir telja þetta starf.
Norðurlöndin, sem eru hvert
fyrir sig litlar efnahagslegar
einingar, mundu einnig hafa hag
af samvinnu á alþjóðamörkuðum.
Forsætisráðherrarnir fögnuðu því,
að norrænu samstarfsráðherrarn-
ir hafa skipað starfshóp, sem á að
vinna að því á næsta ári að semja
yfirlit yfir það eftir hvaða leiðum
stuðla megi að samnorrænum
útflutningi."
Þá ræddu ráðherrarnir byggða-
þróun og vandamál í sambandi við
hana, sem eru af sama toga í öllum
löndunum. Þeir ræddu um auknar
rannsóknir og hvers konar tækni-
þróun og hvernig unnt væri að
samhæfa krafta í því efni. Var
samstarfs- og menntamálaráð-
herrum falið að vinna saman að
auknu samstarfi á þessum sviðum.
Fundinn sátu Anker Jörgensen,
Danmörku, Kalevi Sorsa, Finn-
landi, Ólafur Jóhannesson, íslandi,
og Oddvar Nordli, Noregi. Frá
Svíþjóð sat fundinn Bertil Hans-
son, samstarfsráðherra. Danski
fjármálaráðherrann Knud Heine-
sen hóf umræðurnar um efnahags-
og atvinnumál.
Tillögur Alþýðubandalagsins:
Vísitöluhækkunm
skert um helming
Fjárfestingareftirlit — fjárfestingar-
skatt — veltugjald á fyrirtæki — skyldu-
sparnað á fyrirtæki og einstaklinga
RAGNAR Arnalds menntamálaráðherra boðaði um helmings skerðingu vísitöluhækk-
unar launa hinn 1. desember n.k. í ræðu á fundi flokksráðs Alþýðubandalagsins í
fyrrakvöld. Sagði ráðherrann tillögur Alþýðubandalagsins vera þær, að hækkun
kaupgjalds hinn 1. desember nk. yrði 6—7%, en sem kunnugt er eiga laun að hækka
um rúmlega 14% um næstu mánaðamót.
Menntamálaráðherra boðaði einnig víðtæk fjárfestingarhöft í ræðu sinni og lagði
til.
• Eftirlit með allri fjárfestingu.
• Sérstakan fjárfestingarskatt.
• Veltugjald á atvinnurekstur.
• Skyldusparnað á fyrirtæki.
• Skyldusparnað á tekjuháa einstaklinga.
• Verðhækkanir einungis leyfðar innan ákveðinna
marka á 3 mánaða tímabili.
A móti þessum aðgerðum sagði ráðherrann að
ætti að koma:
• Lækkun á sköttum láglaunafólks t.d. sjúkratrygg-
ingagjalds.
• Auknar niðurgreiðslur.
• Lækkun vaxta á rekstrarlánum atvinnuvega.
• Stórauknar félagslegar húsbyggingar.
• Átak í byggingu dagvistunarstofnana.
• Rétt allra kvenna til fæðingarorlofs.
• Bættan aðbúnað á'^innustöðum.
• Skipulagða fullorðinsfræðslu.
• Úrbætur í slysatryggingum verkafólks og fjölgun
veikindadaga.
• Verðtryggt orlofsfé.
„Þormóður goði”
kemur í desember
Brey tingarnar kosta rúmar 600 mill jónir kr.
NÓTASKIPIÐ Þormóður goði er væntanlegt til landsins
í byrjun desember. Skipið, sem áður var togari hefur
verið endurbyggt í Kotka í Finnlandi og er kostnaður
orðinn rúmar 600 milljónir króna. Skipið mun fá nýtt
nafn innan skamms.
Að sögn Ólafs Óskarssonar
útgerðarmanns hefur endurbygg-
ingin gengið samkvæmt áætlun en
kostnaður við breytingarnar er
orðinn 150 milljón krónum hærri
en áætlað var vegna gengisbreyt-
inga. Skipt hefur verið um aðalvél
í Þormóði, öll spil, öll fiskileitar-
tæki, þilfar hefur verið yfirbyggt
og lestum breytt. Verður skipið
útbúið til snurpu- og flotvörpu-
veiða og mun það væntanlega
halda fljótlega á loðnuveiðar.
Skipstjórar verða Eggert Þor-
finnsson og Marius Héðinsson.
Þormóður goði var byggður í
Þýzkalandi 1958 og gerði Bæjarút-
gerð Reykjavíkur togarann út.
Ólafur Óskarsson sagði að skipa-
smiðirnir í Kotka hefðu látið svo
ummælt, að þeir hefðu aldrei fyrr
séð svo sterkbyggt skip, ef ísbrjót-
ar einir væru undanskildir.
Lífiö til beggja
Skíða-
ferðir til
Austurríkis
Kitzbúhel
Zell-am-See
St. Anton
1 eöa 2 vikur
Brottför á sunnudögum
frá 7. janúar
Verö frá kr. 132.300.-

vinsælu
Lundúna
ferðir
Brottför fimmtudaga
og laugardaga
Cticlcar
Nyr afangi
í vetrarferðum Islendinga
Miami Beach Florida
Góöir gististaöir
Brottför: 23.11., 14.12., 4.1.,
25.1., 15.2., 8.3., 29.3.
Allt 3ja vikna feröir
Kanaríeyjar
Veröin á vetrarferöunum
liggja nú fyrir.
Hafiö samband viö skrif-
stofuna sem fyrst.
fyrirliggjandi.
Austurstræti 17,
2. hæö
símar 26611—20100.
- ’• '. ^ * '•w; iÉflÍ . ifm -