Morgunblaðið - 17.12.1978, Blaðsíða 7
MORGUNBLAÐIÐ, SUNNUDAGUR 17. DESEMBER 1978
71
sveitin styrkt til slíkra afreka?
Auk þess virðist ekki skorta áhuga
almennings, það sýnir aðsóknin á
síðustu þremur óperuverkum, Leð-
urblökunni, Carmen og Kátu
ekkjunni. Þessar óperur voru allar
sýndar fyrir fullu húsi í langan
tíma.“
„Aö hlusta og sjá er
helmingur námsins"
„í Leiklistarskóla Lárusar heit-
ins Pálssonar fengu nemendurnir
úthlutað kortum sem gerðu þeim
fært að sækja ókeypis sýningar
Þjóðleikhússins og Leikfélags
Reykjavíkur. Lárus sagði nefni-
lega að helmingur námsins væri
að horfa á aðra leika. Uti í
Múnchen keypti ég mér miða á
stæði í óperunni, vel minnug orða
míns gamla meistara, og var þar
flest kvöld. En þetta er ekki fyrir
hendi fyrir unga söngvara hér
heima, því miður. Hér er engin
ópera, ekkert að sjá og heyra á
sviði. Það er hreint og beint
sorglegt að söngurinn skuli hafa
orðið eins útundan og raun ber
vitni og á ég þá auðvitað fyrst og
fremst við óperusönginn."
„Söngvarar og hljóöfæra-
leikarar ekki í sama bási“
Um launakjör söngvara hér á
landi sagði Ingveldur:
Mér finnst að fólk haldi að
launin séu ekkert mál. Söngvari á í
flestra augum að geta staðið upp
hvenær sem er og sungið endur-
gjaldslaust einungis vegna þess að
hljóðfæri hans er í hálsinum.
Komi hljóðfæraleikari aftur á
móti með hljóðfærið sitt í tösku
finnst öllum sjálfsagt að hann fái
borgun fyrir. Ég veit ekki hvort
þetta er vegna þess að söngvarar
hafa ekki staðið nógu mikið saman
þegar um er að ræða launakjörin.
Söngurinn útheimtir nefnilega
gífurlega mikið nám og í rauninni
er maður aldrei búipn að læra nóg.
En það er nú svo að þrátt fyrir
erfiðar aðstæður og lítil laun þá er
söngurinn eins og önnur brenn-
andi áhugamál, maður getur ekki
án hans verið."
Eru söngvarar
of eigingjarnir?
„Það sem mér finnst einkenna
islenska söngvara frekar öðru er
að þeir eru í tíma og ótíma að taka
að sér að syngja alls konar lög sem
ekki hæfa þeirra rödd. Þeir hugsa
kannski ekki um að þetta sérstaka
lag sem söngvari er beðinn um að
syngja hæfi annarri rödd betur en
hans eigin. Sem dæmi um þennan
hugsunarhátt er mér minnisstætt
að fyrir nokkrum árum var ég
beðin um að syngja tiltekið lag við
visst tækifæri. Þar sem ég áleit að
önnur söngkona myndi gera þessu
sérstaka lagi betri skil lagði ég til í
sakleysi mínu að hún yrði fengin
til þess að syngja það. Mig rak í
rogastans þegar mér var í vinsemd
bent á að þetta ætti ég ekki að
gera, ég væri að hleypa öðrum að
— keppinauti á takmörkuðum
markaði. Að mínum dómi er
þannig hugsunarháttur tóm della.
Söngvari á að syngja það sem
hann hefur unun af og hæfir rödd
hans. Og ég vildi gjarnan enda
þetta samtal okkar með því að
taka undir orð okkar mikilhæfu
listakonu Þuríðar Pálsdóttur sem
mest hefur stappað í mig stálinu
og stutt við bakið á mér síðari
árin: „Verkin sem sungin eru verða
að klæða rödd söngvarans“.“
Er við vorum að kveðja Ingveldi
hringdi síminn.
„Nei, vinan, það er ekki hægt.
Ég er á æfingu í kvöld. Annað
kvöld? Nei, það get ég ekki heldur,
þá er ég að kenna og fer síðan
beint á æfingu á eftir. Geturðu
ekki bara komið núna strax?
Það er alltaf nóg að gera,“ sagði
Ingveldur brosandi, og með þeim
orðum kvöddum við söngkonuna.
r.m.n.
Prenthúsið:
Þar sem ern-
irnir deyja
Út er komin bókin ÞAR SEM
ERNIRNIR DEYJA, eftir Louis
Masterson.
Söguhetja bókarinnar, Morgan
Kane, er mörgum íslenzkum les-
endum kunnur úr vasabrotsbókum
Prenthússins.
Þessi saga lýsir aðdraganda og
atburðarrás blóðugustu orrustu
vestursins, orrustunnar við Little
Big Horn, 26. júní 1876.
Sagan greinir frá hlutverki
Morgans Kane sem spæjara í 7.
riddaraliðsherdeildar Custer’s.
Bókin er 300 blaðsíður í vönduðu
bandi. Þýðandi bókarinnar er
Hallur Hermannsson.
Rauði krossinnn
með sjúkratöskur
STJÓRN Reykjavíkurdeildar
R.K.Í. heíur fengið frá Lærdal í
Noregi sjúkratöskur með ýmsum
búnaði, sem ætlaður er til fyrstu
hjálpar. þegar slys eða óhöpp ber
að höndum.
í töskunum er greinargóður
bæklingur með leiðbeiningum um
hvernig bregðast á við slysum og
hvernig nota á hin ýmsu hjálpar-
gögn, sem í þeim eru, segir í frétt
frá Reykjavíkurdeild R.K.Í. Þess
má geta að bæklingurinn hefur
verið kynntur á alþjóðlegum
þingum um hópslys („Kata-
strofu“-ráðstefnur) víðsvegar um
heim, m.a. hafa aðilar frá Alþjóða
heilbrigðisstofnun Sameinuðu
þjóðanna (WHO) lagt blessun sína
yfir þessar leiðbeiningar.
í Noregi eru allir bílaeigendur
hvattir til að hafa þessar töskur í
bílum sínum, sem auk þess að vera
til öryggis eru ágætir púðar í
bílinn. Ekki er síður heppilegt að
eiga þessar töskur á heimilum.
Þessar töskur eru til sölu á
bensínstöðvum borgarinnar svo og
í Rauða kross búðunum á sjúkra-
húsunum.
Jólasveinar
á AusturveUi
Jólasveinar munu birtast á þaki
Nýja kökuhússins við hornið á
Landsímahúsinu strax er kveikt
hefur verið á jólatrénu á Austur-
velli á morgun, sunnudaginn 17.
desember. Athöfnin við jólatréð
hefst kl. 16.
Blásara-
tónleikar í
Háteigskirkju
TÓNLEIKAR verða í Háteigs-
kirkju n.k. mánudag og hefj-
ast þeir kl. 20i30. Flytjendur
eru> á óbói Duncan Campell.
Lawrence Frankel á klarinetti
Einar Jóhannesson og Óskar
Ingólfsson á fagotti Hafsteinn
Guðmundsson, Rúnar Vil-
bergsson. á horni Gareth
Mpllison og Þorkell Jóelsson.
Á efnisskrá er verk eftir
G.F. Ilándel. forleikur fyrir
tvö klarinett og horn, og er
þetta frumflutningur verks-
ins, en nóturnar fundust ný-
lega á safni í Cambridge.
Síðara verkið er eftir Mozart,
2 serenöður fyrir biásaraokt-
ett.
SÖGUSAFN HEIMILANNA
NÝÚTKOMNAR SKÁLDSÖGUR
FORLAGALEIKURINN eftir Herman Bjurstenog BJARNAR-
GREIFARNIR eftir Nataly von Eschstruth eru 23. og24. bókin í
bókaflokknum Sígildar skemmtisögur Sögusafns heimilanna.
Spennandi og viðburðaríkar skáldsögur, eins og allar sögurnar í
þessum vinsæla bókaflokki. VINNAN GÖFGAR MANNINN og
AF ÖLLU HJARTA, 6. og 7. bókin í þessum flokki hafa verið
endurprentaðar.
KYNLEGUR ÞJÓFUR eftir George E. Walsh ogSELD Á UPP-
BOÐI eftir Charles Carvice eru 3. og 4. bókin í bókaflokknum
Sígildar skemmtisögur - 2. flokkur. I fyrra komu út fyrstu tvær
bækurnar: BÖRN ÖVEÐURSINS og ÆVINTÝRIÐ í ÞANG-
HAFINU. Allt eru þetta úrvals skemmtisögur.
SVONA STÓR eftir Ednu Feber og ÁST OG GRUNSEMDIR
eftir Anne Maybury eru 6. og 7. bókin í bókaflokknum Grænu
skáldsögurnar. Eignist þessar úrvals skáldsögur frá byrjun.
ERFINGINN eftir Morten Korch er 4. skáldsagan, sem kemur út
eftir þennan vinsæla höfund.
ÆVINTÝRI SHERLOCK HOLMES eftir A. Conan Doyle í
heildarútgáfu. I fyrsta bindinu eru tvær langar sögur: R ÉTTLÁT
HEFND ogTÝNDI FJÁRSJÓÐURINN. Tryggiðykkur eintak
af ævintýrum mesta leynilögreglukappa allra tíma.