Morgunblaðið - 24.12.1978, Blaðsíða 3
MORGUNBLAÐIÐ, SUNNUDAGUR 24. DESEMBER 1978
3
Seldu vín
og bjór á
bryggjunni
BRYTINN á danska skipinu Anne
Johanne viðurkenndi í Keflavík á
föstudag að hafa tekið 230 vín-
flöskur úr innsiglaðri geymslu í
skipinu og selt 50 um borð og 180
flöskur í landi auk nokkurra tuga
kassa af bjór. Trygging var lögð
fyrir sektargreiðslu og fékk Anne
Johanne þá að leggja úr höfn
áleiðis til Danmerkur, en skipið
hafði verið kyrrsett í Keflavík
daglangt vegna smyglsins.
Austurstræti 17, II. hæö.
Símar 26611 og 20100
Myndin er tekin á æfingu fyrir tónieikana.
Tónleikar í Háteigskirkju
FIMMTUDAGINN 28. des. kl.
20.30, verða haldnir tónleikar
í Háteigskirkju. Þar koma
fram um 20 ungir og efnilegir
strengjaleikarar. Margir
þeirra hafa lokið einleikara-
eða kennaraprófi frá Tónlist-
arskólanum í Reykjavík.
Flestir eru við nám og störf
erlendis og hafa komið fram
víða, bæði í kammermúsík og
sem einleikarar. Þeir úr hópn-
um sem starfa hér heima eru í
minnihluta og má þar m.a.
nefna Guðnýju Guðmundsdótt-
ur konsertmeistara. Þeir sem
koma fram á tónleikinum auk
hennar eru: Unnur og Helga
Sveinbjarnardætur, Unnur
María og Inga Rós Ingólfsdæt-
ur, systkinin Hlíf Sigurjóns-
dóttir og Ólafur Spur Sigur-
jónsson, Laufey Sigurðardóttir,
Kolbrún Hjaltadóttir, Dóra
Björgvinsdóttir, Júlíana Elín
Kjartansdóttir, Lilja Hjalta-
dóttir Mark Reedman, Sigríður
Hrafnkelsdóttir, Helga Þórar-
insdóttir, Sesselja Halldórs-
dóttir, Sophy M. Cartledge,
Lovísa Fjeldsted, Páll Einars-
son, Scott Gleckler og Lawrence
Frankel, sem leikur á sembal.
Á efnisskránni verður ein-
göngu barokk-tónlist: Cha-
conna eftir Purcell, þrír con-
serti grossi eftir Corelli, Viv-
aldi og Hándel, ásamt Branden-
borgarkonsert nr. 3 eftir Bach.
Segja má að þetta sé dálítið
óvenjulegur tónlistarviðburður,
þar sem ekki er víst hvort þessi
hópur verður allur samankom-
inn aftur í náinni framtíð.
Veitingasalur okkar
verður opinn um
jól og áramót sem hér segir:
r
Aöfangadagur opiö til kl. 15.00
Jóladagur lokaö allan daginn
Annar í jólum opnaö kl. 19.00
Gamlársdagur opið til kl. 15.00
Nýársdagur opnaö kl. 19.00
V ... v
Óskum landsmönnum öllum gleðilegra jóla og
farsæls komandi árs með þökk fyrir viðskiptin á
árinu sem er að líða.
„Jóla-
sveinar”
geta verið
hœttulegir
East London. SuAurAfrfku,
22. desember AP
MAÐUR að nafni Winston
Wittstock sá í dag á götu
mann sem minnti hann mjög á
jólasveininn blessaðan svo
hann vatt sér að viðkomandi
og sagði honum skoðun sína.
Viðkomandi var ekki yfir
sig hrifinn af athugasemd
Wittstocks, dró upp byssu og
skaut hann niður með það
sama. Wittstock var fluttur í
skyndingu til sjúkrahúss í
grenndinni og var sagður úr
lífshættu í kvöld. „Jólasveinn-
inn“ var handtekinn og
ákærður fyrir morðtilraun.
Nýta heimild um
tollafgreiðslugengi
Fjármálaráðuneytið hef-
ur ákveðið að nýta heimild í
11. gr. tollskrárlaga til að
ákveða, að það sölugengi
krónunnar sem skráð er hér
á landi við opnun banka
þann 28. hvers mánaðar,
skuli gilda við ákvörðun
tollverðs innfluttrar vöru
næsta almanaksmánuð þar
á eftir.
Ákvæði þessi taka gildi 1.
janúar 1979 og gilda þar til
öðru vísi kann að verða
ákveðið.