Morgunblaðið - 14.03.1979, Blaðsíða 31

Morgunblaðið - 14.03.1979, Blaðsíða 31
MORGUNBLAÐIÐ, MIÐVIKUDAGUR 14. MARZ 1979 31 IR í úrslit ÍR-INGAR tryggðu sér sæti í úrslitaleik bikarkeppni KKÍ í gærkvöldi, er þeir sigruðu Njárðvíkinga í æsispennandi leik með 96 stigum gegn 95. í íirslituni mæta þeir annaðhvort Fram eða KR. sem leika um hitt úrslitasætið í næstu viku. Það var allt á suðupunkti á loka- mínútunum í íþróttahúsi Hagaskól- ans í gærkvöldi. Þegar 44 sekúndur voru eftir var staðan 92:91, ÍR í vil, og þá skoraði Jón Jörundsson 2 stig úr vítum, en Brynjar Sigmundsson svaraði strax fyrir UMFN, 93:94. Skömmu síðar var brotið á Kristni Jörundssyni, sem fékk tvö vítaskot og hitti úr báðum, 96:93, og 25 sekúndur eftir. Ted Bee skoraði fyrir UMFN og ÍR tókst að halda boltan- um það sem eftir var leiksins og fögnuður þeirra í lokin var gífurleg- ur. Af fenginni reynslu fóru leik- menn þó ekki í bað fyrr en búið var að fara nákvæmlega yfir leikskýrsl- una, en hún reyndist rétt og ÍR því komið í úrslit. ÍR-ingar hófu leikinn mjög vel og komust t.d. í 8:3, en annars var fyrri hálfleikurinn fremur jafn, þó höfðu ÍR-ingar ávallt frumkvæðið. I leik- hléi var staðan 45:39 ÍR í vil. í síðari hálfleik héldu ÍR-ingar forystunni þangað til UMFN tókst að jafna 83:83 þegar 4 mínútur voru til leiksloka, en Paul Stewart hafði þá yfirgefið leikvöllinn tveimur mínút- um áður með 5 villur. Lokamínútun- um hefur síðan áður verið lýst. Það er skammt stórra högga á milli hjá ÍR-ingum. Á laugardaginn töpuðu þeir fyrir Þór á Akureyri, en síðan gera þeir sér lítið fyrir og leggja UMFN. Það er reyndar ekki í fyrsta sinn í vetur því að UMFN hefur tapað öllum leikjunum gegn ÍR í Hagaskóla. ÍR-ingar léku rajög vel að þessu sinni og verðskulduðu fyllilega sigurinn og er hann þeim nokkur sárabót fyrir heldur lélegan árangur í Islandsmótinu. Allir leik- menn ÍR áttu góðan dag, Jón Jör- undsson, Kristinn, Kolbeinn, Stew- art, Sigmar, Erlendur, allir þessir leikmenn áttu skínandi leik. Njarðvíkingar hafa átt í miklu basli með ÍR-inga í vetur og er það sennilega vegna þess að IR-ingar hafa vit á að taka lífinu með ró og láta Njarðvíkinga ekki ráða ferðinni. Ekki er hægt að segja að UMFN hafi leikið illa að þessu sinni, þetta var bara ekki þeirra dagur. Ted Bee átti mjög góðan leik og skoraði meira en oftast áður. í fyrri hálfleik skoraði hann meira en helming stiga UMFN. Þá voru Gunnar Þorvarðarson og Úlfarnir áfram NOKKRIR leikir fóru fram í ensku knattspyrnunni í gær- kvöldi. Úrslit þeirra helstu urðu: BIKARKEPPNIN: Shrewsbury — Wolves 1—3 1. DEILD: Ipswich — Coventry 1—1 Liverpool — Everton 1—1 Middlesbr. — Derby 3—1 2. DEILD: Burnley — Luton 2—1 Notts Ct - Sheff. Udt 4-1 um Geir Þorsteinsson mjög góðir í síðari hálfleik eftir daufan fyrri hálfleik. Guðsteinn stóð sig mjög vel í vörn- inni og lét bakverði IR-inga svo sannarlega hafa fyrir því að taka knöttinn upp völlinn. Þá átti Brynjar Sigmundsson mjög góðan leik þær fáu mínútur sem hann var með í lokin. Stigin fyrir ÍR: Jón Jörundsson 24, Paul Stewart 23, Kolbeinn 14, Krist- inn 12, Sigmar Karlsson 11, Erlendur Markússon 6 og Stefán Kristjánsson 2. Stigin fyrir UMFN: Bee 39, Gunn- ar 19, Geir 18, Jónas 7, Brynjar 6, Guðjón, Guðsteinn og Júlíus 2 hver. Dómarar voru Þráinn Skúlason og Guðbrandur Sigurðsson og voru þeim nokkuð mislagðar hendur að þessu sinni. ÁG • Hörður Harðarson stöðvaður með hamagangi og átökum eí marka má svipinn á kappanum. Viðar hefur meiri áhuga á boltan- um. Ijósm.: Kristján. Sjö mörkum undir unnuþó27 HAUKAR unnu FH í 1. deild ís- landsmótsins f handbolta í gær- kvöldi með 27 mörkum gegn 25. Og það eftir að hafa verið 7 mörkum undir snemma í síðari hálfleik. Þetta var ótrúlegur leikur, eftir að hafa haft góða forystu framan af, síðast 8—6, skoruðu FH-ingar síð- ustu 7 mörk fyrri hálfleiks og höfðu því yfir, 13-8, í hálfleik. Ekki nóg með það, heldur skoruðu þeir einn- ig tvö fyrstu mörk síðari hálfleiks og komust þannig í 15—8. Það var ýmislegt f urðulegt við þennan leik, t.d. skoraði Ólafur Jóhannesson í Haukum ekki eitt einasta mark í fyrri hálfleik og bar þá lítið sem ekkert á kappanum. I síðari hálf- leik skoraði hann hins vegar 10 af 19 mörkum Hauka! Þegar staðan var orðin 15—8, hefði mátt ætla, að hið reynda lið FH væri komið með unninn leik. Ekki síst vegna þess, að Haukar höfðu langtímum saman fram að því leikið nákvæmlega eins og í bikarleik liðanna fyrir skömmu, eða eins og byrjendur. Fjöldi sendinga og skota fóru víðs fjarri áætlaðri leið og maður beið næstum eftir því að Kalli með videotækið yrði skotinn niður úr FH vann „derbíið" FH OG HAUKAR áttust við í 1. deild kvenna f Firðinum f gær- kvöldi og vann FH góðan sigur, 14-12, eftir að staðan í hálfleik hafði verið 8—6 fyrir Hauka. Haukadömurnar virtust hafa hvflt sig einum of vel í leikhléi, þvf að þær virtust eitthvað syf jaðar í þeim sfðari. Var leikur liðsins þá fálm- kenndur og sóknarleikurinn bit- laus, en allt hafði þetta verið í góðu lagi i fyrri hálfleik og komu Hauk- ar Fll-stúlkunuin þá f opna skjöldu. Þrátt fyrir góðan leik Hauka í fyrri hálfleik, hafði FH forystu framan af síðari hálfleik, síðast 6—4. Haukar skoruðu síðustu 4 mörkin fyrir hlé og náðu góðri forystu. Leikurinn var annars í fyrri hálfleik fjörugur og furðu vel leikinn á köflum. Katrín Danivalsdóttir nennti þessu gutli ekki í byrjun síðari hálfleiks og skoraði þrjú mörk í röð. Anna Gunnarsdóttir bætti öðru við og Haukar voru með það sama sigraðir. Katrín átti stórleik hjá FH, en í heild leik liðið mjög bærilega og Katrín fékk góða aðstoð við að skora. Guðrún Aðalsteinsdóttir var einna sterkust Hauka, en máttarstólparnir Margrét Theodórs og Halldóra Matthiesen voru víðs fjarri sínu besta. Mörk Hauka: Guðrún 4, Margrét 3, Halldóra 2, Björg, Sjöfn og Hlín 1 hvor. Mörk FH: Katrín 7, Kristjana og Sigrún 2 hvor, Anna, Hildur og Svanhvít 1 mark hver. Ólafur Steingrímsson og Gunnar Kjartansson dæmdu vel. - gg- Jafntefli ÞÓR í Vestmannaeyjum og Þróttur gerðu í gærkvóldi jafntefli, 16—16 í 2. deild lslandsmótsins í handknatt- leik. Fór leikurinn fram í Eyjum og var staðan í hálfleik 11—6 fyrir Þrótt. Nánar í Mbl. á morgun. hreiðri sínu. En Ólafur Jóhannesson var ekki af baki dottinn, hann tók að skora mörk úr ótrúlegustu færum og dreif það Haukaliðið áfram. Fór svo að FH-ingar töpuðu öllum tökum á leiknum og var skyndilega orðið jafnt 19—19 þegar 13 mínútur voru til leiksloka. Þá virtist hins vegar allur vindur vera úr Haukum og FH-ingar skoruðu 3 mörk í röð. Það var hins vegar enginn vindur úr Ólafi Jó og reif hann Haukana upp á ný og en var jafnt þegar rúmar 3 mínútur voru til leiksloka, 23—23, síðan 24—24. Sigurður Aðalsteinsson og Ólafur skoruðu hins vegar þá tvö mörk og of lítill tími var fyrir FH-inga til að laga stöðuna, Hauka- sigur 27—25 og allt ætlaði að verða brjálað í íþróttahúsinu í Hafnarfirði. Lét nærri, að annar hver maður í Haukaliðinu væri tolleraður, meðan aðrir hoppuðu eins og kengúrur um allt gólf! Og Haukar hefndu þar einnig tapsins í kvennaleiknum á undan. Haukarnir voru furðulegir í leikn- um, byrjuðu vel, en áttu síðan skelfilegan kafla meiri hluta fyrri hálfleiks og aðeins fram í þann síðari. Var þá sem knótturinn væri handsprengja í höndum þeirra en ekki leðurtuðra. Þetta breyttist þó á ótrúlegan hátt. Ólafur Jóhannesson var sem hamskiptingur í síðari hálfleik og sýndi þá að það þarf hvorki krafta né rosalega líkams- stærð til að ná langt. Að öðru leyti ætti varla að tína nokkurn úr sem bar af, allir lögðust á eitt, eftir að hafa leikið illa um hríð. Andrés Hörður og Ólafur markvörður (á lokakaflanum) áttu t.d. góða spretti. Sverrir Kristinsson markvörður FH átti stórleik þrátt fyrir að fá á sig 27 mörk. Hann varði 17 skot og með slíkan markvörð að baki sér var lélegt hjá FH að halda ekki fengnu forskoti. Sverrir var síðan útilokaður úr leiknum skömmu fyrir leikslok fyrir gróft brot á Andrési. Geir sýndi að venju mjóg góðan leik, en hans var vel gætt í síðari hálfleik og naut sín þá ekki eins vel og fyrr í leiknum. Þá áttu Janus og Guðmundur Árni góða leikkafla. Flestir stóðu sig hins vegar vel þegar vel gekk í fyrri hálfleik. í STUTTU MÁLI: íslandsmótið 1. deild: Haukar — FH 27-25 (8-13) MÖRK HAUKA: Ólafur Jóhannes- son 10 (2 víti), Hörður Harðarson 8 (3 víti) Sigurður Aðalsteinsson, Þór- ir Gíslason, Jón Hauksson og Andrés Kristjánsson 2 mörk hver, Ingimar Haraldsson 1 mark. MÖRK FH: Geir Hallsteinsson 8 (2 víti), Guðmundur Magnússon og Janus Guðlaugsson 4 hvor, Guð- mundur Árni 3, Viðar Símonarson 3, Kristján Arason 1 mark. BROTTREKSTRAR: Janus í 2 mín. Sverrir útilokaður og Ólafur Jóhann- esson í 2 mín. MISNOTUD VÍTI: Ólafur Jóhannes- son og Jón Hauksson skutu báðir í marksúlur og Sverrir varði víti Harðar Harðarsonar. Leikinn dæmdu þeir Björn Krist- jánsson pg Gunnlaugur Hjálmarsson mjög vel. HK tapaði kærunni! DÓMSTÓLL HSÍ hefur nú kveðið upp úrskurð í kæru HK á hendur mótanefndar HSÍ, þar sem mótanefndin úrskurðaði leik HK og Vals á dögunum tapaðan fyrir HK, þar sem liðið mætti ekki til leiks. Úrskurður dómstólsins er stutt og laggott á þá leið, að dómstóllinn staðfestir úrskurð mótanefndar, þ.e.a.s., leikurinn er HK tapaður. Eins og kunnugt er, neituðu leikmenn HK að mæta til leiksins vegna þess að þeir töldu að fyrirvarinn sem þeir fengu hefði verið óeðlilega stuttur, þannig að liðið gat ekki undirbúið sig sem skyldi. Allt þar til úrskurður dómstólsins var kveðinn upp, voru HK-menn yfir sig bjartsýnir að þeir myndu vinna kæruna og leikurinn yrði leikinn síðar. Nú sitja þeir hins vegar eftir með tapaðan leik án þess að hafa svo mikið sem mætt til leiks. Ólafur Aðalsteinn Jónsson sagði í stuttu spjalli við þetta tækifæri, að þetta væri mjög slysalegt, ekkert mál þessu líkt hefði komið upp fyrr og það sýndi að nauðsynlegt væri að semja reglur varðandi þessi mál. - gg- Afsakaðu Bjarni BJARNI Bessason, handboltamaður í ÍR, er beðinn þrefaldrar innilegrar afsökunar á því að hann var sagður hafa spýtt út úr sér vatnsslettu á gólf Laugardalshallarinnar um helgina. Það gerði annar leikmaður ÍR og beinist því greinin í þriðjudagsblaðinu að honum. Þarna brenglaði undirritaður nafni Bjarna við liðsfélaga hans með ekki ólíku nafni. Þetta voru mannleg mistök sem undirritaður tekur fulla ábyrgð á, um leið og Bjarni Bessason er beðinn einu sinni enn afsökunar á þeim óþægindum sem vitleysan kann að hafa valdið honum. -gg.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.