Morgunblaðið - 27.03.1979, Qupperneq 10

10
MORGUNBLAÐIÐ, ÞRIÐJUDAGUR 27. MARZ 1979
a
Einar Þ. Mathiesen:
Ágætu Hafnfirðingar.
Síðastliðinn fimmtudag skrifaði
ég ykkur bréf í Morgunblaðið þar
sem ég ræði tillögu bæjarráðs frá
13. þ.m. varðandi lóðaúthlutun til
fjármálaráðuneytisins.
Ég vil þakka ykkur fjölmörgu
Hafnfirðingar, sem hafið ljáð máli
mínu stuðning, bæði með því að
hringja til mín svo og með því að
láta í ljós skoðun ykkar á öðrum
vettvangi.
Einn Hafnfirðingur hefir látið í
ljós andstöðu við skoðanir okkar
en það er formaður skipulags-
nefndar Hafnarfjarðar, Jóhann
Bergþórsson verkfræðingur, og
skrifar hann grein um málið í
Morgunblaðinu s.l. laugaVdag.
í grein Jóhanns eru ýmsar per-
sónulegar aðdróttanir en um slík-
an málflutning ætla ég að láta
hann einan. Hins vegar eru ýmsar
rangfærslur í greininni sem ég vil
gjarnan leiðrétta.
Við skulum nú öll í sameiningu
setjast niður og virða grein Jó-
hanns fyrir okkur og fara vel yfir
hana og þá mun koma í ljós sitt af
hverju. Þá skulum við um leið fara
yfir myndirnar sem fylgja grein-
inni.
Skipulagsmál
Það er alveg rétt hjá Jóhanni að
ég hef ekki fyrr leyft mér að skrifa
um skipulagsmál, en mér þykir
einkennilegt að á sama tíma sem
hann segist fagna áhuga mínum á
skipulagsmálum þá fæ ég snuprur
fyrir að fást við slíkt. Ég fæ þetta
nú ekki til að koma heim saman.
Jóhanni er það bezt kunnugt að
skipulagsmál eru málaflokkur sem
ég hef lengi haft mikinn áhuga á
og m.a. þess vegna óskaði ég eftir
sameiginlegum fundi bæjarstjórn-
ar og skipulagsnefndar um tillögu
bæjarráðs en sá fundur var hald-
inn þriðjudaginn 20. þ.m. Jóhanni
fannst hins vegar lítil ástæða til
að halda umræddan fund, því
fagmennirnir væru búnir að fjalla
um málið og svo ég noti hans eigin
orð: „Það væri alltaf hægt að búa
til vandamál". Hann lét sig hins
vegar hafa það að líta aðeins inn á
fundinnn þó hann hefði ekki tíma
til að sitja hann allan og ræða við
okkur hin um skipulagsmálin. Ég
vildi óska þess, að Jóhann sem
formaður skipulagsnefndar hefði
meiri tíma til að ræða við okkur
bæjarfulltrúana um skipulagsmál,
þegar við óskuðum slíks, því vitn-
eskja hans og kunnátta getur
örugglega komið okkur öðrum að
margvíslegu gagni.
Hvaða lóð?
Við sjáum það í grein Jóhanns,
að hann er í rauninni alltaf að
ræða um allt aðra lóð en felst í
tillögu bæjarráðs. Hann talar alla
tíð um lóðina sem Ásmundarbak-
arí stendur á eða lóð Suðurgötu 14,
en bæjarráð leggur ekki til að
úthluta þeirri lóð, því að bærinn
hefir ekki umráðarétt yfir henni.
Bæjarráð vill úthluta lóðunum
Suðurgötu 10 og 12 sem eru lóðirn-
ar á milli Sýslumannshússins
gamla og Ásmundarbakarís. Ég
skal gjarnan birta hér fyrstu
málsgreinina í tillögu bæjarráðs
svo öllum megi vera ljóst um hvað
við erum að tala en greinin í
tillögunni er svona:
„Bæjarstjórn samþykkir að gefa
fjármálaráðuneytinu kost á lóð-
inni milli Suðurgötu 8 og
Suðurgötu 14, eftir nánari ákvörð-
un bæjaryfirvalda um endanlega
staðsetningu og gerð hússins."
Þannig lýkur fyrstu málsgrein
en ég skal birta hér hinn hluta
tillögunnar til að valda ekki nein-
um misskilningi, en þar segir svo:
„Bæjarstjórn telur mjög æski-
legt, að húsið nr. 14 við Suðurgötu
(AsmundarbakarO verði fjariægt
begar kubbur A er færður af lóð númer 14 yfir á lóð númer 10 og húsið er komið í heild á þær lóðir sem á að úthluta þá sést hvernig girt verður
í skarðið. Myndin af líkaninu er samt villandi vegna þess að hún er tekin á ská ofan á lfkanið í stað þess að vera tekin framan sem hefði gefið
okkur sannari mynd af umhverfinu þegar staðið er á Strandgötu. Þetta sannar okkur m.a. hvernig hægt er að nota tæknina við myndatökuna.
samhliða fyrirhugaðri byggingu.
Óskað er eftir, að samningar verði
hafnir við eigendur fasteignarinn-
ar Suðurgötu 14 um kaup á henni
og að samkomulag geti tekist við
ráðuneytið um greiðslu kaupverðs-
ins. Jafnframt telur bæjarstjórn
nauðsynlegt, að aðsetur bifreiða-
eftirlitsins verði flutt frá Suður-
götu 8.. Að gefnu tilefni leggur
bæjarstjórn þunga áherslu á, að
bæjarfógetaembættið í Hafnar-
firði og Skattstofa Reykjanesum-
dæmis verði áfram staðsett í
miðbæ Hafnarfjarðar."
Hér er tillaga bæjarráðs komin í
heild svo að ekki ætti að vera
neinn vafi á því um hvaða lóð er að
ræða. Það er meining bæjarráðs
að láta byggja á lóðunum Suður-
götu 10 og 12 og hvergi talað um
það í tillögunni að byggja á Suður-
götu 15.
Ég held að það sé hollt að gera
sér grein fyrir því í upphafi hvers
máls um hvaða málið snýst til að
forðast að tala í sífellu um hluti
sem ekki eru til umræðu á þessu
stigi.
Mergurinn málsins er sá, að
bæjarráð gerir sína tillögu ekki á
grundvelli niðurstaðna skipulags-
nefndar og hefir þar með lagt
niðurstöður nefndarinnar til hlið-
ar. Hitt vil ég þó undirstrika, að
staðarvalið valkostur 4 er ekki rétt
val eins og ég rakti í fyrra bréfi
mínu.
Myndir —
teikningar
Allar myndir og teikningar geta
eins vel sýnt ranga mynd sem
rétta og fer það allt eftir því hvar,
í hvaða fjarlægð og frá hvaða
sjónarhorni myndir eru teknar.
Skipulagsnefnd tekur sína mynd
lengst úti á höfn og auðvitað verða
öll hús lítil í slíkri fjarlægð. Og svo
er verkið kórónað með því að
teikna inn á þessa mynd hugmynd
skipulagsnefndar en það er í raun-
inni ekki hún sem málið snýst um.
Myndin sem ég birti með fyrra
bréfi mínu er tekin neðan Strand-
götu og sýnir hver áhrifin eru
þaðan þegar horft verður upp að
Hamrinum. Þá set ég strik fyrir
húsin samkvæmt tillögu bæjar-
ráðs.
Við skulum bera þessar myndir
saman og sjá hvor er nær raun-
veruleikanum.
Líkan
Við skulum þakka Jóhanni fyrir
að birta myndir af líkani því sem
gert var af svæðinu í tilefni
þessara umræðna. Ég hafði lengi
óskað eftir því að slíkt líkan væri
gert og fékkst það loks frágengið
og lagt fram á sama bæjarstjórn-
arfundi og afgreiða átti tillögu
bæjarráðs og meðal annars vegna
þess hve það var seint lagt fram og
hvað það leiddi.í ljós þá óskaði ég
eftir frestun á afgreiðslu tillögu
bæjarráðs til að bæjarfulltrúum
gæfist betri kostur á að skoða
málið.
Ég vil að við þökkum Jóhanni
fyrir að birta myndirnar af líkan-
inu vegna þess að það gefur okkur
öllum tækifæri til að teikna tillögu
bæjarráðs inn á myndina því það
gefur allt aðra mynd en hugmynd
skipulagsnefndar sem Jóhann
heldur sig við.
Stærð hússins
Sérstaka athygli mína vakti það
að Jóhann forðast í grein sinni að
minnast á stærð stór-hýsisins sem
byggja á á Suðurgötu 10 og 12.
Hann minnist t.d. ekki á álit
skipulagsfulltrúa um þetta þó
hann vitni oft í álit hans. í áliti
skipuiagsfulltrúa frá 7. febrúar s.l.
segir orðrétt:
„Grunnmyndin frá 15.01/79 sýn-
ir 707 m2 hús. Þrjár hæðir gera
2121 m2, en frá því mætti draga
321 m2 vegna þess sem fer á kaf af
neðstu hæð. Eftir standa 1800 m2
(5940m3).“
Þetta þýðir augljóslega að að-
eins 15% hússins eiga að grafast
niður í hæðarmismuni Strandgötu
og Suðurgötu. Mér er spurn, af
hverju minnist Jóhann ekki á
þessar tölur?
I öðru lagi segir Jóhann ósatt
frá því hvað ég sagði um hæð
hússins í bréfi mínu 22. þ.m.
Tökum nú öll eftir en Jóhann segir
orðrétt:
„Að nýja byggingin verði mest 7
m há frá gangstéttarbrún við
Suðurgötu upp á mæni (Einar
segir 12—13 m).“
I bréfi mínu stendur orðrétt:
„Þegar slíkt hús sem að framan
getur væri komið upp á 3 hæðir
eða 12—13 metra upp í loftið þá
getur hver og einn gert sér í
hugarlund hvers konar múr væri
kominn sem byrgði allt útsýni upp
Hamarinn, þegar horft væri frá
Strandgötu."
Við samanburð á þessum tveim-
ur málsgreinum sjáum við að ég
nefni aldrei að húsið verði 12—13
x ’
i & i
Einar Þ. Mathiesen
bréf til Hafnfirðinga