Morgunblaðið - 14.12.1979, Síða 23

MORGUNBLAÐIÐ, FÖSTUDAGUR 14. DESEMBER 1979
23
Mildur vetur í
Stykkishólmi
vísi. Pólitíkin skipaði veglegan
sess meðal áhugamála okkar.
Magnús var sannfærður sósíalisti
en hafði engan persónulegan
metnað í stjórnmálum. Stjórnmál
höfðu aldrei áhrif á afstöðu hans
til annars fólks. Eftir á að hyggja
held ég að hann hafi verið næmari
á tilfinningalíf skólasystkina
sinna og skilningsríkari en flestir
aðrir og þess vegna tengst mörg-
um þeirra óvenju sterkum og
traustum böndum. Hann var
skemmtilegur félagi á skólaárum.
Stúdentsprófi var lokið vorið
1958 og rúmu ári síðar hélt
Magnús Jónsson til Moskvu til
náms í kvikmyndagerð. Hann var
meðal fyrstu Islendinga, sem hófu
nám í þeirri listgrein og lagði
stund á gerð heimildarkvikmynda.
Það hefur áreiðanlega þurft mik-
inn kjark til þess að leggja út í
slíkt nám því að ekki voru at-
vinnumöguleikar miklir eða fyrir-
sjáanlegir í kvikmyndagerð á
þeim árum. Hann lauk námi sínu í
Moskvu 1965 og kom þá heim.
Það fór, sem vita mátti, að
íslenzkur kvikmyndagerðarmaður
gengi ekki að föstu starfi, þegar
heim var komið frá námi. Magnús
Jónsson gerði þó tvær kvikmyndir.
Hin fyrri þeirra nefndist: 240
fiskar fyrir kú og var framlag
hans til umræðna um landhelgis-
deiluna við Breta 1973, þegar 50
mílna stríðið stóð sem hæst. í
þeirri mynd lét Magnús þorskana
ræða saman í djúpi hafsins um
þeirra viðhorf til deilunnar og
lýsir það atriði vel hnyttni hans og
hugmyndaauðgi. Sú mynd var
sýnd í sjónvarpinu hér. Síðari
myndin sem hann gerði var Ern
eftir aldri og var þjóðhátíðarárið
tilefni hennar.
Magnús Jónsson skrifaði líka
leikrit. Ég hafði enga hugmynd
um að hann fengist við slíkt fyrr
en hann sagði mér eitt sinn fyrir
13 árum, að nú ætti að setja á svið
leikrit eftir sig. Það var Gríma,
leikklúbbur, sem starfaði í Tjarn-
arbíói sem tók þetta fyrsta leikrit
Magnúsar til sýningar. Það hét:
Ég er afi minn og var skólasystir
okkar, Brynja Benediktsdóttir,
leikstjóri. Eg man ekki lengur efni
þess, en það var skemmtilegt eins
og flest af því, sem Magnús
Jónsson gerði.
Gríma tók annað leikrit eftir
Magnús til meðferðar, Leikrit um
frjálst framtak Steinars Ólafsson-
ar í veröldinni, og var það Eyvind-
ur Erlendsson, sem leikstýrði því.
Nokkrum árum síðar eða 1970 var
svo sýnt sjónvarpsleikrit eftir
Magnús Jónsson í íslenzka sjón-
varpinu, Skeggjaður engill, sem
hann leikstýrði sjálfur. Magnús
setti tvö önnur leikrit upp til
sýningar í sjónvarpi, Táp og fjör
eftir Jónas Arnason og Don Juan,
sem sýnt var á vegum Leikfélags
Akureyrar og tekið upp til sýn-
ingar í sjónvarpi.
Leikritið um frjálst framtak
Steinars Ólafssonar í veröldinni
hefur verið gefið út á prenti
en auk þeirra, sem hér hefur verið
getið, mun hann hafa skrifað
nokkur leikrit, sem til eru í
handriti, en hafa ekki verið sýnd.
Vonandi rykfalla þau ekki til
frambúðar.
Leikárið 1970—1971 fór Magnús
Jónsson til Akureyrar og setti þar
upp Túskildingsóperuna á vegum
Leikfélags Akureyrar. Kynni
leikhúsfólks á Akureyri af honum
urðu til þess, að hann tók við
starfi leikhússtjóra hjá leikfélag-
inu 1973 og gegndi því í tvö ár til
1975. í hans tíð hjá Leikfélagi
Akureyrar urðu þau þáttaskil í
starfi félagsins, að nokkrir leikar-
ar voru í fyrsta sinn ráðnir á föst
laun í hluta úr starfi. Það mun
ekki ofmælt, að hann hafi átt þátt
í því að koma upp atvinnuleikhúsi
á Akureyri. Jafnframt leikhús-
stjórastarfinu setti Magnús Jóns-
son upp mörg leikrit hjá félaginu.
„Okkur þótti óskaplega vænt um
hann,“ sagði einn þeirra leikara,
sem með honum störfuðu við mig.
Magnús Jónsson kvæntist
stúlku frá fjarlægu landi, Kjure-
gei Alexöndru, frá Jakútíu í Sov-
étríkjunum, sem hann kynntist
meðan hann var við nám í
Moskvu. Enn er mér í fersku
minni, þegar hann lýsti fyrir mér
konuefni sínu. Það voru ekki síður
mikil tíðindi, þegar hann sagði
mér, að hann ætti dóttur í
Moskvu. Hún er nú orðin 16 ára,
en hann og Kjuregei Alexandra
áttu fjögur börn saman. Kjuregei
Alexandra hefur komið við sögu
leikhúss hér heima en hún var við
leiknám í Moskvu, þegar þau
Magnús kynntust. Hún er nú
búsett í Danmörku með börn
þeirra.
Fyrir nokkrum árum hóf Magn-
ús Jónsson nám í sálarfræði við
Háskóla íslands. Hann náði góð-
um árangri í því og hélt til
framhaldsnáms í Bandaríkjunum,
þar sem hann hefur verið undan-
farin ár og var að því kominn að
ljúka prófi, þegar hann lézt. Eftir-
lifandi kona Magnúsar Jónssonar
er Renata Kristjánsdóttir frá Ak-
ureyri. Ég þykist vita að okkur
hafi báðum orðið minnisstætt
sumarið, sem Renata kom til
Reykjavíkur, þótt þá yrði ekki séð
fyrir, að leiðir þeirra ættu eftir að
liggja saman löngu síðar.
Magnús Jónsson var hugmynda-
ríkur maður, skemmtilegur og
fyndinn. Hann var vel gerður
maður og viðkvæmur. Hann var
ekki metnaðarfullur á verald-
arvísu. Hann bjó yfir hæfileikum,
sem ekki fengu notið sín nema að
takmörkuðu leyti. Hann átti um
margt erfiða ævi. Æskuvinkona
okkar, sem hitti hann nokkru áður
6n hann lézt, sagði við mig: Hann
var breyttur. Mótlætið þroskaði
hann og efldi.
Styrmir Gunnarsson.
Stykkishólml. 11. des. 1979.
VETURINN sem af er hefir verið
i mildara lagi. Snjóar hafa ekki
verið miklir nema þá helst til
fjalla en þau eru alhvít. Ekki
hafa áætlunarferðir bilanna
haggast mikið og hafa þeir farið
milli Reykjavíkur og Stykkis-
hólms daglega. Áætlunarferðirn-
ar hafa verið mikið notaðar. Fólk
veigrar sér við að fara í eigin
bifreiðum ef um nokkra vega-
lengd er að ræða vegna hins
gífurlega bensínkostnaðar og sér
það sér hag í að nota hinar
venjulegu áætlunarferðir. Kvöld-
ferðirnar á föstudagskvöldum
hafa gefist vei. Fólk notar sér að
fara úr Reykjavík eftir vinnu á
föstudagskvöldum og dvelja á
Snæfellsnesi fram á sunnudag kl.
6 siðdegis en þá er ferð suður.
Baldur fer svo eina ferð í viku til
Brjánslækjar um Flatey og eru
þær ferðir farnar á föstudögum.
Eins og áður hefir verið sagt
frá, eru nú flestir bátar hættir
skelfiskveiðum. Kvótinn er frysti-
hús Sig. Ágústsson hafði til
vinnslu rann út fyrir mánaðamót-
in og hættu þá þeir bátar sem
lögðu upp afla hjá honum. Rækju-
nes aftur á móti hefur tekið af
tveimur bátum og er kvóta þess
ekki lokið og stunda þeir enn
skelfiskveiðar. Ný vertíð hefst svo
eftir áramót.
Ýms félög hafa fengið leyfi til
að afla sér tekna með því að fara
og veiða skelfisk. Hafa útgerðar-
menn lánað bátana og félagarnir
unnið að aflanum. Hefir þetta
reynst ágæt tekjulind. Þannig
hafa bæði Lion, Rotary og J.C.
aflað sér tekna og rætt hefir verið
um innan kvenfélagsins að fara í
skeljaróður og áhugi mikill eins og
alltaf hjá kvenfélagskonum. Þær
hafa látið á undanförnum árum
margt gott af sér leiða, safnað
fyrir kirkjuna o.fl.
M.b. Þórsnes II hefir í haust
stundað línuveiðar frá Stykkis-
hólmi og farið með 2 ganga í einu
og aflað vel. Þórsnes I hefir einnig
stundað dagróðra með línu héðan
og hefir afli verið til jafnaðar um
6 lestir í lögn af ágætum fiski.
Fiskurinn er síðan unninn í fisk-
verkunarstöð Þórsness h.f. og hef-
ir verið þar ágæt atvinna í haust
og kemur það sér vel þegar
skelveiðar eru ekki stundaðar nú.
Fiskurinn er unninn í freðfisk á
Bretlandsmarkað.
Jólin eru í nánd, það finna menn
glöggt enda ekki langt til aðfanga-
dags. Þegar er farið að skreyta í
búðum og víðar. Jólasalan byrjuð
og jólapósturinn kominn í gang,
mikill að vanda og eru nú flestir
búnir að ganga frá pökkum til
útlanda. Þó að margir dragi til
seinustu stundar að ganga frá
sínum jólapósti, eru þó fleiri sem
taka tímann snemma og ljúka
sínum skriftum af. Það er sem
sagt að verða jólalegra með degi
hverjum í Hólminum.
Fréttaritari.
nzkar hljomplötur
Spilverk þjóöanna
Bráðabirgðabúgí
Þaö þarf ekki aö segja meira.
Glámur og Skrámur
er barnaplatan í ár. Þaö efast enginn
um þaö.
Jólastrengir
er plata þar sem flestir af bestu
popplistarmönnum þjóöarinnar flytja
falleg jólalög.
LAUGAVEGI33 - SÍM111508
Brunaliðið leikur í jólamagasíninu,
Bíldshöfða 20 í dag kl. 6 og 8.