Morgunblaðið - 25.01.1980, Page 21
21
MORGUNBLAÐIÐ, FÖSTUDAGUR 25. JANÚAR 1980
Lög um olíugjald sam-
þykkt á Alþingi i gær
Gasolía hefur hækkað úr 58 í 155
krónur hver lítri á tæplega einu ári
Þannig var vélageymslan útlits eftir brunann.
Mikið tjón i bruna
á V-Hnappavöllum
Höfn llornafirði. 23. janúar.
VÉLAGEYMSLA ásamt öllum
vélum búsins á Vestur-
Hnappavöllum í A-Skaftafelis-
sýslu gjöreyðilagðist í bruna að
kvöldi sunnudagsins og er áætl-
að tjón 25—30 milljónir króna.
Fyrstir til að sjá eldinn voru
heimamenn í Vestur-IIjáleigu.
sem er næsti bær við.
Þeir urðu eldsins varir um
klukkan 19.30 og varð skemman
alelda á um 10 mínútum. Um
klukkan 20 var komið með dælu,
sem staðsett er í Fagurhólsmýri
og tókst að ráða niðurlögum
eldsins með henni. Hjálpaði það
mikið til að veður var gott.
Engu tókst að bjarga úr
geymslunni, nema Bronco-jeppa,
sem sonur bóndans, Guðjón
Ingimundarson á, en jeppinn var
þó stórskemmdur. Einnig reyndi
Guðjón að koma einni dráttar-
vélinni í gang, en varð að hörfa
frá vegna reyks og hita, auk þess
sem Guðjón var orðinn brenndur
og sviðinn við þessar tilraunir.
Hann sagði að meðal þess, sem
inni brann í skemmunni, hefðu
verið Lada-bifreið árgerð 1974, 2
dráttarvélar, öll heyvinnslutæk-
in, gamall Willys-jeppi, jeppa-
kerra, 100 pokar af graskögglum,
20 pokar fóðurbætis ásamt öllum
varahlutum og verkfærum, sem
bóndinn, Ingimundur Gíslason,
var búinn að koma sér upþ.
Vélaskemman var nýtt stál-
grindarhús, 8x18 metrar með 3
metra háum veggjum. Skemman
var tryggð og bílarnir einnig, en
annað ekkert eða lítið byggt.
— Einar
Dráttarvélarnar tvær og jeppinn. sem eyðilögðust í brunanum.
(Ljósm. Ingólfur Waage).
Leikklúbbur Skagastrandar:
Sýna „Gísl" á
Seltjarnarnesi
Lög um tímabundið olíu-
gjald til fiskiskipa voru
samþykkt frá Alþingi í
gær. Lögin kveða á um. að
þegar fiskiskip selur afla í
innlendri höfn. eða af-
hendir afla sinn til vinnslu
án þess að sala fari fram.
skuli fiskkaupandi eða
fiskmóttakandi greiða út-
gerðarmanni eða útgerð-
arfyrirtæki olíugjald, er
nemi 5% miðað við fisk-
verð eins og það er ákveðið
af Verðlagsráði sjávarút-
vegsins. Hið sama gildir,
þegar fiskiskip selur afla
sinn öðru skipi til löndun-
ar í innlendri höfn. Olíu-
gjald þetta kemur ekki til
hlutaskipta eða aflaverð-
launa.
I lögunum segir ennfremur,
að þegar fiskiskip selur afla í
erlendri höfn, skuli auk frá-
dráttartölu kjarasamninga og
stofnfjársjóðsgjalds draga 1%
olíugjald til útgerðar frá
heildarsöluverðmæti við
ákvörðun aflaverðlauna, auka-
aflaverðlauna og hlutar sam-
kvæmt kjarasamningum.
Samkvæmt lögunum er
sjávarútvegsráðherra heimilt
að setja nánari ákvæði um
framkvæmd þessara laga með
reglugerð, en lögin hafa þegar
tekið gildi. Skulu ákvæði
þeirra taka til fiskafla og
hlutaskipta frá upphafi til
loka árs 1980, nema aðilar að
kjarasamningum sjómanna og
útvegsmanna komi sér saman
um önnur hlutaskipti.
I athugasemdum með lögun-
um segir svo meðal annars:
Frumvarp þetta er flutt til
þess að greiða fyrir ákvörðun
fiskverðs frá 1. janúar 1980, en
um áramót gengu úr gildi lög
nr. 88/1978 um 9% olíugjald
til fiskiskipa utan skipta. Meg-
inefni þessa frumvarps er að
lögfesta samskonar olíugjald
og gilti á árinu 1979 en lækka
það í 5%. Þörfin fyrir gjald af
þessu tagi er enn brýn, því
olíuverðshækkunin, sem var
tilefni upphaflegu lagasetn-
ingarinnar um olíugjald, hefur
reynst bæði meiri og langvinn-
ari en vonast var til, þegar
gjaldið var fyrst ákveðið.
Það er kunnara en frá þurfi
að segja, að engin atvinnu-
grein hefur orðið jafn harka-
lega fyrir barðinu á hinni
gífurlegu olíuverðshækkun á
síðustu misserum og sjávar-
útvegurinn. Þegar í upphafi
síðasta árs var olíukostnaður-
inn útveginum þingbær og
síendurteknar hækkanir á
olíuvörum frá þeim tíma hafa
enn aukið á þennan vanda.
Góð aflabrögð hafa hins vegar
bætt hér nokkuð úr skák.
Gasolíuverð er nú rúmlega 155
krónur pr. lítra en var fyrir
ári tæplega 58 krónur. Svart-
olíuverð er nú kr. 108.500 pr.
tonn en var fyrir ári 41.800
krónur pr. tonn. Framundan
er hætta á frekari hækkun, en
þó eru vonir við það bundnar,
að nýir viðskiptasamningar
við Breska ríkisolíufélagið geti
dregið úr þeirri hættu, þegar
kemur fram á síðari hluta
ársins, Allt er þetta þó mikilli
óvissu háð.
Mikill hraði var á afgreiðslu
mála í þinginu í gær, og
minnti andrúmsloftið einna
helst á síðustu dagana fyrir
þinglausnir á vorin. Ekki varð
efnislegur ágreiningur um af-
greiðslú laganna um olíugjald-
ið, en tveir þingmanna Al-
þýðubandalagsins, þeir Ólafur
R. Grímsson og Stefán Jóns-
son, gagnrýndu hins vegar
þann hraðagang sem væri á
málinu.
LEIKKLÚBBUR SkaKastrandar
hefur að undanförnu sýnt við góðar
undirtektir sjónleikinn Gísl eftir
Brendan Behan á Skagaströnd og í
nágrannabyggðum. Þýðandi leik-
ritsins er Jónas Arnason en ieik-
stjóri Ragnhildur Steingrímsdóttir.
Nú hyggst leikklúbburinn heim-
sækja höfuðborgarsvæðið í fyrsta
sinn um næstu helgi og sýnir leikinn
í félagsheimilinu á Seltjarnarnesi
n.k. laugardag 26. jan. kl. 21.00.
Aðeins verður þessi eina sýning
sunnan heiða. Þetta er fimmta
verkefni leikklúbbsins, en hann var
stofnaður árið 1975 og hefur ávallt
sett upp eitt verk á ári.
25 nýir
ríkisborgarar
LAGT heíur verið íram á
Alþingi frumvarp til laga
um ríkisborgararétt til
handa tuttugu og fimm ein-
staklingum. Þeir eru þessir:
1. Aichy, Steinar Bjarni,
barn í Reykjavík, f. í Frakk-
landi 30. nóvember 1971.
2. Andersen, Lise-Lotte
Reynis, gangastúlka í
Reykjavík, f. í Danmörku 23.
maí 1958.
3. Brink, Mark Kristján,
sjómaður í Reykjavík, f. á
íslandi 25. maí 1954.
4. Christiansen, Margrét
Rósa Dahl, húsmóðir í
N-ísafjarðarsýslu, f. á
íslandi 8. september 1952.
5. Eagles, Rose, húsmóðir í
Reykjavík, f. í Englandi 6.
mars 1925.
6. Grimm, Karl Heinz Ger-
hard, cand. med. í Reykjavík,
f. í V-Þýskalandi 25. júlí
1949.
7. Grönvaldt, Lisbeth, hús-
móðir á Akureyri, f. í Dan-
mörku 17. júlí 1944.
8. Hafsteinsson, Jonhard,
verkamaður í Sandgerði, f. í
Færeyjum 17. janúar 1959.
9. Heiða Björg Pálmadóttir,
barn í Reykjavík, f. í Líbanon
2. apríl 1979.
10. Hördal, Richard Halldór,
kennari í Reykjavík, f. í
Kanada 18. desember 1946.
11. Krámmer, Emma Maria,
flugfreyja í Reykjavík, f. í
Austurríki 15. febrúar 1943.
12. Lund, Gunnar Guðmund-
ur William, sendill í
Reykjavík, f. í Danmörku 1.
mars 1956.
13. Lund, Stefán Carl, verka-
maður í Mosfellssveit, f. í
Danmörku 26. ágúst 1953.
14. Meiling, Roger Arthur,
fulltrúi í Kópavogi, f. í Eng-
landi 21. apríl 1944.
15. Olesen, Bjarni Rothaus,
vélstjóri á Selfossi, f. á
íslandi 7. júní 1955.
16. Popovic, Sava, tækni-
teiknari í Reykjavík, f. í
Júgóslavíu 28. október 1945.
17. Ruggstein, Ulla, húsmóð-
ir í Reykjavík, f. í Færeyjum
20. júní 1935.
18. Saleh, Mohid Ali Ahmad,
verkamaður í Reykjavík, f. í
Palestínu 25. janúar 1948.
19. Samson, Lamberto,
verkamaður í Garðakaup-
stað, f. á Filipseyjum 28.
ágúst 1953.
20. Speight, John Anthony,
tónlistarkennari í Reykjavík,
f. í Englandi 27. febrúar
1945.
21. Spur, Inga Birgitte, hús-
móðir í Reykjavík, f. í Dan-
mörku 28. desember 1931.
22. Sörby, Rolf, listmálari í
Reykjavík, f. í Noregi 21.
mars 1950.
23. Thomasdóttir, Jara
Kristina, barn í Reykjavík, f.
á íslandi 5. maí 1976.
24. Thomasson, Stefán Peter,
barn í Reykjavík, f. á íslandi
13. júlí 1978.
25. Wood, Dennis Leo, að-
stoðardeildarfulltrúi í
Reykjavík, f. í Bandaríkjun-
um 4. október 1946.
Þessi myna er reKin á sýningu I eikklúbbsins á Gísl á Skagaströnd.