Morgunblaðið - 05.06.1980, Blaðsíða 39

MORGUNBLAÐIÐ, FIMMTUDAGUR 5. JÚNÍ1980
39
• ólafur Magnússon markvörður Vals Krípur inn i leikinn á hættulegu auKnabliki. Einn besti maður
Fram i leiknum, Kristinn Jörundsson, er lenjfst tii hægri og bidur færis. Ljósm. Kristján.
Framarar héldu sínu striki
að velli í gærkvöldi
knötturinn aftur til Kristins, sem
kom nú boltanum rétta boðleið.
lögðu Val
FRAMARAR héldu sínu striki í
1. deild íslandsmótsins i knatt-
spyrnu í gærkvöldi, en Valur
ekki. Fram sigraði nefnilega Val
með einn marki gegn engu og tók
þar með forystu í 1. deild, hefur
hlotið 8 stig í fjórum fyrstu
umferðunum. Og Fram hefur enn
ekki fengið á sig mark i
íslandsmótinu til þessa. Þrátt
fyrir að Fram leiki ekki alveg
eins fágaða knattspyrnu og sum
önnur lið 1. deildar, mun enginn
deila um að liðið leikur þeim mun
árangursrikari knattspyrnu og
sigur liðsins í gærkvöldi var
mjög verðskuldaður. Liðið fékk
bæði fleiri marktækifæri í leikn-
um og betri og satt best að segja
fékk Valur ekki eitt einasta
marktækifæri sem talandi er um.
Eins og við var að búast, voru
Valsmenn meira með knöttinn og
hann gekk oft laglega manna á
milli úti á vellinum. En vörn Fram
var sem múrveggur eins og fyrri
daginn og færi fengu Valsarar
engin. Framarar voru því heldur
minna með tuðruna, en voru þess í
stað sýnu ákveðnari. Einu færin
sem talandi er um í leiknum fengu
þeir. Það markverðasta sem kom
frá hendi Valsmanna voru þrjú
langskot í fyrri hálfleik. Hermann
Gunnarsson átti tvö þeirra og
Guðmundur Þorbjörnsson það
Lið Fram:
Guðmundur Baldursson 7
Simon Kristjánsson 6
Trausti Haraldsson 7
Gunnar Guðmundsson 4
Marteinn Geirsson 7
Kristinn Atlason 6
Jón Pétursson 5
Kristinn Jörundsson 7
Guðmundur Torfason 4
Pétur Ormslev 7
Guðmundur Steinsson 5
Lið Vals:
Ólafur Magnússon 6
óttar Sveinsson 5
borgrímur Þráinsson 5
Dýri Guðmundsson 6
Sævar Jónsson 6
Magnús Bergs 6
Ólafur Danivalsson 4
Guðmundur Þorbjörnsson 6
Albert Guðmundsson 5
Hermann Gunnarsson 6
Matthías Hallgrímsson 4
Magni Pétursson (vm) 4
Hörður Júlíusson (vm) 3
Dómari: Kjartan Ólafsson 6
Fram - 1 O
Valur |~U
þriðja. En ekkert þeirra skapaði
hættu að ráði.
Ólafur Magnússon í marki Vals
hafði hins vegar nóg að gera.
Hann varði vel skot Trausta
Haraldssonar á 6. mínútu og síðan
aftur á 16. mínútu, er Kristinn
Jörundsson komst einn inn fyrir
vörn Vals. Á 30. mínútu fékk
Fram enn færi, Pétur Ormslev var
þá kominn vel inn í vítateig Vals,
er Dýri sópaði honum um koll. Var
af þessu megn vítastybba, en
Kjartan dómari Ólafsson færði
brotið hins vegar út fyrir teig.
Ekkert af viti varð úr þeirri
aukaspyrnu.
Á 37. mínútu kom síðan sigur-
mark Fram í leiknum. Símon
Kristjánsson bakvörður sendi þá
góða sendingu fyrir mark Vals.
Kom knötturinn mjög nærri
marki Vals og hefði Ólafur mark-
vörður átt að hirða sendinguna.
Kristinn Jörundsson var í dauða-
færi, en hitti knöttinn illa með
höfðinu, skallaði þvert fyrir mark-
ið, þar sem Guðmundur Steinsson
ásamt varnarmanni Vals komu á
fleygiferð. Af þeim skrúfaðist
Lið ÍBV
Páll Pálmason 7
Sveinn Sveinsson 6
Sighvatur Bjarnason 5
Þórður Hallgrimsson 6
Gústaf Baldvinsson 6
Snorri Rútsson 6
Jóhann Georgsson 5
óskar Valtýsson 6
ómar Jóhannsson 6
Kári Þorleifsson 6
Sigurlás Þorleifsson 6
Lið Þróttar:
Jón Þorbjörnsson 5
Ottó Hreinsson 6
Þórður Theódórsson 6
Rúnar Sverrisson 6
Sveinn Einarsson 6
Jóhann Hreiðarsson 6
ólafur Magnússon 5
Þorvaldur I. Þorvaidsson 4
Páll Ólafsson 7
Ágúst Hauksson 6
Sigurkari Aðalsteinsson 5
Baldur Hannesson (vm) 4
Harry Hiil (vm) 5
Dómari: Hreiðar Jónsson 6
l-0.
Aðeins mínútu síðar tókst Pétri
Ormslev á ótrúlegan hátt að
spyrna hátt yfir opið markið af
meters færi. Trausti Haraldsson
hafði þá lætt lúmsku skoti að
markinu og Ólafur markvörður
missti hann frá sér rakleiðis til
Péturs. Og á síðustu mínútu fyrri
hálfleiks var Pétur enn í dauða-
færi, lék þá snilldarlega á varn-
armann eftir að hafa fengið stór-
góða sendingu frá Marteini úr
aukaspyrnu, en Ólafur Magnússon
sá við honum og lokaði markinu.
Svo sem sjá má af framan-
skráðu, er hæpið að segja Vals-
menn hafa vaðið í færum. En um
þverbak keyrði í síðari hálfleik, þá
var ekki nóg með að Valsmenn
sköpuðu sér engin færi, Framarar
fengu heldur engin og var leikur-
inn þá eitt alls herjar miðjuþóf.
Ekki einu sinni þurftu fréttamenn
að stinga niður penna til minnis.
Leikurinn var í járnum, Framarar
greinilega sáttir við fenginn hlut
og Valsmenn hömuðust við að
hnýta saman boðlegar sóknarlotur
án árangurs.
Framarar léku leik þennan
fyrst og fremst skynsamlega og
oft með mjög góðum sprettum í
sóknarleiknum. Guðmundur Bald-
ursson í markinu gerði góða hluti
er til kasta hans kom og Marteinn
hélt saman vörninni að vanda.
Kristinn „gamli" Jörundsson átti
mjög góðan fyrri hálfleik og
þokkalegan síðari, hans besti leik-
ur lengi. Þá var Pétur Ormselv
mjög ógnandi í fremstu
víglínunni. Hjá Val var hins vegar
færra um fína drætti. Óli Dan,
Guðmundur Þorbjörnsson og
Magnús Bergs voru ákaflega dug-
legir, en erfiði þeirra hlaut enga
umbun. Hermann Gunnarsson var
nú í byrjunarliði Vals. Hann
vantar greinilega enn nokkra af
snerpu fyrri tíma, en átti margar
vandaðar og fallegar sendingar.
Albert er sér kafli í liði Vals. Er
slæmt fyrir Val hve lítið kemur út
úr Albert. Þar er á ferðinni maður
með mikla yfirferð, knattmeðferð
og auga fyrir samleik og sendi-
ngum. En hann getur ómögulega
skilað knettinum frá sér, einleikur
fram og til baka í stað þess að gefa
frá sér tuðruna.
I stuttu máli:
íslandsmótið í l. deild, Fram —
Valur l:0 (l:0).
Mark Fram: Kristinn Jörunds-
son (37. mín.).
Gul spjöld: Engin.
Áhorfendur: 2885. — jrg.

Hart barist um
stigin í Eyjum
íbv - i_n
Þróttur I w
Vestmannaeyingar náðu að
hala inn tvö stig i 1. deild í
gærkvöidi þegar þeir sigruðu
Þróttara 1—0 í Eyjum. Hafa
Eyjamenn nú náð að laga stöðu
sina verulega eftir slæma byrjun.
Leikurinn fór vel af stað fyrir
heimamenn. Fyrstu 20. minút-
urnar réði ÍBV öllu um gang
leiksins og lék liðið þá stórgóða
knattspyrnu. boltinn gekk hratt
og vel á milli manna og færi
sköpuðust við mark Þróttar.
Leikmönnum ÍBV var hinsveg-
ar fyrirmunað að skora. Þróttur
bjargaði meðal annars á línu
eftir að Sigurlás hafði leikið vörn
og markvörð grátt.
Er leikið hafði verið í tuttugu
mínútur urðu heldur betur þátta-
skil í leiknum. Þróttarar náðu
góðum tökum á leiknum og á
þremur mínútum áttu þeir jafn-
mörg góð marktækifæri, en í öll
skiptin varði Páll Pálmason
snilldarlega. Eyjamenn réttu aft-
ur úr kútnum síðustu mínútur
hálfleiksins og rétt fyrir leikhlé
átti Kári Þorleifsson gott skot sem
small í samskeytunum á marki
Þróttar. 0—0 var því staðan í
hálfleik.
Síðari hálfleikur einkenndist af
barningi og mikilli baráttu beggja
liða og mikið um marktækifæri á
báða bóga. Eyjamenn voru seigir
að misnota sín færi en Páll
Pálmason var sú hindrun sem
Þróttarar gátu ekki yfirstigið. Á
68. mínútu dró loks til verulegra
tíðinda. Eyjamenn náðu þá upp
góðri sókn upp vinstri kantinn,
Sveinn Sveinsson gaf vel fyrir
mark Þróttar og á nær ólýsan-
legan hátt tókst Jóhanni Georgs-
syni að stýra boltanum í netið með
síðunni.
Síðustu mínútur leiksins var
mikil barátta í báðum liðum.
Þróttarar sóttu af miklum krafti
án árangurs. Skyndisóknir Eyja-
manna sköpuðu ávallt mikla
hættu við mark Þróttar.
Bestu menn IBV voru hinn
síungi Páll Pálmason markvörður
og Gústaf Baldvinsson. Sigurlás
Þorleifsson var mjög ógnandi í
framlínunni. Hjá Þrótti voru
beztu menn Páll Ólafsson, Jóhann
Hreiðarsson og Ottó Hreinsson.
í stuttu máli: íslandsmótið, 1.
deild, Vestmannaeyjavöllur:
ÍBV-Þróttur 1—0 (0—0).
Mark ÍBV: Jóhann Georgsson á
68. mínútu.
Gul spjöld: Ólafur Magnússon,
Þrótti.
Áhorfendur 725.
Dómari Hreiðar Jónsson,
dæmdi hann sæmilega.
HKJ.
• Páll Olafsson var einn besti maður Þróttar gegn ÍBV. Lék hann
vörn IBV oft grátt með hraða sinum og ieikni.
Heimsmet í 100 m hlaupi
TUTTUGU og tveggja ára gömul rússnesk stúlka Lyudmila
Kondratyeva setti i gær nýtt heimsmet i 100 metra hlaupi kvenna.
Hljóp hún vegalengdina á 10,87 sek. og bætti gamla metið um eitt
sekúndubrot. En það átti Austur-þýska stúlkan Marliz Goer.
Danir unnu Noreg
Danir sigruðu Norðmenn 3—1 í vináttulandsleik i knattspyrnu í
gærkvöldi, fór leikurinn fram i Kaupmannahöfn. Benny Nielsen.
Frank Arnesen og Preben Elkjer skoruðu mörk Dana, en Stein
Kollshaug svaraði fyrir Norðmenn.
Þá sigruðu Búlgarir Finna 2—0 í undankeppni HM. Markob og
Kostadinov skoruðu mörkin.