Morgunblaðið - 07.09.1980, Blaðsíða 23

23
einnig. Dr. Gunnar Kristjánsson,
sóknarprestur á Reynivöllum í
Kjósarhreppi, flutti mjög
áhugavert erindi og Hjálmar
Þorsteinsson, listmálari frá Akra-
nesi, var einnig með þátt fyrir
þátttakendur námskeiðsins.
Eg vildi taka það fram í lokin að
framkvæmd námskeiðsins hefði
alls ekki tekist eins vel og raun
varð á, ef ekki hefði komið til
góðir og áhugasamir kennarar og
mikill áhugi hjá þátttakendum
sjálfum.
Lærist mikið
á námskeiðinu
„Skálholtskirkja hefur mjög
mikið menningarlegt gildi. Auk
þess sem hljómburður í kirkjunni
er góður, þá er hún mjög hentug
fyrir námskeið sem þetta," sagði
Höskuldur Stefánsson, organisti
frá Neskaupstað. „Hingað er
ánægjulegt að koma og vera, auk
þess sem mér finnst það vera
uppbyggjandi á allan hátt. Manni
lærist mikið á að koma á nám-
skeið sem þetta og ég tel að þeir
sem einu sinni hafa verið hér, hafi
áreiðanlega áhuga fyrir því að
koma hingað aftur. Það hefur
jákvæð áhrif á alla hve andinn
meðal þátttakenda er góður, og ég
er viss um að allir þeir sem hér
hafa dvalið eru reiðubúnir að
hjálpa þeim sem heima sitja. Að
endingu vil ég geta þess að bæði
kennarar og aðrir sem hér hafa
verið hafa reynst alveg frábær-
lega, að mér finnst."
Er strax farin
að hlakka til
næsta námskeiðs
„Það er alveg dásamlegt að vera
hér, bæði til þess að læra og ég
held að maður hafi afskaplega
mikið gott af þessu og staðurinn
er nokkur afskiptur, sem er að
mínu mati nauðsynlegt fyrir nám-
skeið sem þetta,“ sagði Ólafía
Jónsdóttir frá Hólmavík.
„Eg held að það sé mikið gagn í
því að tala við og sjá aðra
organista víðs vegar að af landinu,
og kynnast þeirra afstöðu og
vandamálum sem einnig eru til
hjá okkur hinum. Ég er nú þegar
farin að hlakka til þess að koma
hingað aftur næsta sumar á nám-
skeiðið þá, og ég held að allir þeir
sem hér eru, vilji koma aftur.
Þetta hefur verið sannkölluð sælu-
vika.“
Skipulagning nám-
skeiðsins mjög góð
„Á þetta námskeið er ég komin
bæði til þess að auka við þekkingu
mína og að kynnast öðrum í
organistastarfinu," sagði Guðný
M. Magnúsdóttir, Reykjavík. Ég
hef haft mjög mikið gagn af veru
minni hér og öðlast meira sjálfs-
traust gagnvart því starfi sem ég
hef sem organisti.
Ég er á þessu námskeiði í fyrsta
skipti og vona að þetta verði
fastur liður á hverju sumri hjá
mér framvegis. Kostnaði finnst
mér vera stillt mjög í hóf og
skipulagning öll, mjög góð. Auk
þess að læra höfum við skemmt
okkur og haft reglulega gaman af
Guðný Margrét Magnúsdóttir.
MORGUNBLAÐIÐ, SUNNUDAGUR 7. SEPTEMBER 1980
veru okkar hér og það er mjög
mikilsvert að kynnast fólki sem
kemur af allt öðrum stöðum á
landinu. Einnig er samheldni með-
al nemenda mjög góð og við
hjálpumst að við allt sem við
tökumst á við.“
Okkur líkar mjög
vel að vera hér
„Ég læri bæði orgelleik og
kórstjórn og verð í Tónskóla
þjóðkirkjunnar í vetur," sagði
Sigurður Sigurjónsson, en hann er
í kirkjukórnum í Svarfaðardal.
„Við lærum kórstjórn hjá Glúmi
Gylfasyni og raddþjálfun hjá Guð-
rúnu Tómasdóttur. Þá lærum við
einnig orgelleik og samleik á orgel
og selló og ýmislegt fleira sem
náminu tilheyrir. Okkur líkar
mjög vel að vera hér og þetta
námskeið gerir okkur organistana
hæfari til þess að leiðbeina kórun-
um, sem ætti að geta leitt til þess
að kirkjusöngur hér á landi yrði
betri en nú er.
Aðspurður um hvort hann teldi
sig hafa mikið gagn af dvöl sinni
hér, kvað hann svo vera; alltaf
mætti bæta við sig þekkingu og
reynslu. Auk þess sem hér gæfist
tækifæri til að stjórna stærri kór
en venjulega gerðist. Um framtíð-
arstarf sagði hann að allt væri
óráðið og laun organista væru
misjöfn því úti á landi, að minnsta
kosti, væru laun þeirra ákveðin af
sóknarnefnd og þær væru mis-
jafnlega í stakk búnar til þess að
greiða viðunandi laun.
Alls sóttu um 280 manns námskeiðið að þessu sinni. Hér er meginhluti nemenda á sameiginiegri æfingu í
Skálholtskirkju.
Bindandi að vera
í kirkjukór
„Mér finnst alveg sérstakt að
vera hér, andinn meðal fólks er
alveg einstakur og það er ekki oft
sem maður hefur tækifæri á að
dveljast með þetta stórum hóp
manna með sama áhugamál,"
sagði Maggý Kristjánsdóttir frá
Patreksfirði.
Ég hef að minnsta kosti haft
mikið gagn af veru minni hér í
Skálholti og ég held að það hljóti
að efla áhuga meðal þeirra sem
starfa í þessu að finna að það eru
fleiri sem starfa að þessu og að
maður er ekki einn að vasast í
þessu. Það er að vísu nokkuð
bindandi að vera í kirkjukór og ég
held að það sé ekki mögulegt nema
áhugi fyrir því sé mikill.
Finnst námskeiðið
vera stórkostlegt
„Auk þess að hafa lært heilmik-
ið hér finnst mér stemmningin
hér vera hreint frábær og ég hef
aldrei lært eins mikið á eins
skömmum tíma,“ sagði Sólveig
Thorarensen, en hún leikur á orgel
Vatnsfjarðarkirkju í N-ísafjarð-
arsýslu. „Annars datt ég inn í
þetta starf þegar ég fluttist vest-
ur. Það vantaði organista og ég
hafði lært á píanó sem barn, hjá
Guðmundi Gilssyni. Þar af leið-
andi þótti sjálfsagt að ég tæki
þetta að mér. Ég var í fyrstu
eilítið taugaóstyrk en síðan lagað-
ist það smátt og smátt. Ég vonast
til þess að geta gert betur þegar
heim kemur, eftir að hafa fengið
þetta góða kennslu hér í Skál-
holti."
Haukur Guðlaugsson.