Morgunblaðið - 07.09.1980, Blaðsíða 31
MORGUNBLAÐIÐ, SUNNUDAGUR 7. SEPTEMBER 1980
31
Laugardagsnótt í miðbænum:
13-15 ára ungling-
ar mest áberandi
.„ÉG held að það verði að viður-
kennast að þetta vandamál í mið-
bænum er að vaxa okkur yfir
höfuð," sagði einn þeirra fjölmörgu
lögreglumanna, sem voru á vakt í
miðbæ Reykjavíkur í fyrrinótt.
Lögreglan stóð í ströngu þessa nótt,
vín var tekið af unglingum og þeir
keyrðir burtu í lögreglubílum svo
tugum skipti.
Öllum eru í fersku minni atburðir
síðustu helgar þegar fólk safnaðist
saman svo þúsundum skipti í mið-
bænum og gróðurskemmdir unnar á
Austurvelli og í Grjótaþorpi. Af
þessum sökum var löggæzla stór-
aukin og þess sérstaklega gætt að
fólk hópaðist ekki saman í Grjóta-
þorpinu.
Rólegt var í miðbænum fram að
miðnætti. Fátt var af unglingum
fram að því en þeim fjölgaði mjög
um miðnættið og um eittleytið hafa
líklega verið 2—3 þúsund manns í
miðbænum, langmest unglingar.
Einstaka fullorðinn mátti sjá og
virtust þeir helst komnir fyrir
forvitnissakir. Unglingarnir héldu
sig á Hallærisplaninu, í Austur-
stræti, á Austurvellli og í kringum
Miðbæjarmarkaðinn. Mikil ölvun
var meðal unglinganna og þeir
ófeimnir að veifa áfengisflöskun-
um. Lögreglumenn gengu inn á
milli og tóku vín af mörgum
unglingum. Þeir sem voru áberandi
ölvaðir og aðrir sem voru með
uppsteit við lögregluna voru um-
svifalaust teknir og settir inn í
lögreglubila og þeim síðan ekið upp
á lögreglustöð eða heim til sín.
Hávaði var mikill, hróp og köll og
talsvert um að unglingar væru að
tuskast á. Lítið var um alvarleg
slagsmál.
Unglingarnir virtust flestir vera
á aldrinum 14—16 ára. Sjá mátti
yngri krakka og sá yngsti sem
blaðamenn sáu á rölti sínu um
miðbæinn þessa nótt var 12 ára
gamall. Var það pönkari svokallað-
ur eða öllu heldur röffari, eins og
það mun nú kallað. Ölvun var
áberandi eins og fyrr segir og
nokkrir unglinganna virtust útúr-
drukknir. Fjórir starfsmenn voru
þarna frá útideild borgarinnar en
þeir gátu aðeins haft afskipti af
brotabroti af þessum mikla
mannfjölda.
Þegar klukkan fór að nálgast tvö
fækkaði talsvert í miðbænum.
Vafalaust hafa ýmsir farið í partí
því þau virtust mikið rædd meðal
unglinganna og mikið spurt um það
hvar helstu partíin væru. Lögreglu-
menn voru sammála um að færri
væru í miðbænum en um síðustu
helgi en engu að síður væri ölvun
síst minni. Klukkan rúmlega tvö
fóru unglingarnir að safnast saman
í Aðalstræti fyrir framan Miðbæj-
armarkaðinn og þar urðu mestu
læti næturinnar næsta hálftímann.
Stöðugt fjölgaði unglingunum þar
og var þá kallað til aukalið lögreglu
á staðinn og sex lögreglubílar látnir
loka götunni. Þegar mest var munu
um 40 lögregluþjónar hafa verið í
miðbænum. Skipun var gefin um
það að dreifa unglingunum og við
það virtust unglingarnir espast
mjög og upphófust talsverð ólæti.
Lögreglan handtók þá unglinga sem
mest höfðu sig frammi og voru hróp
og köll gerð að lögreglunni og hún
sökuð um fantaskap. Þá létu ýmsir
þau orð falla að nær væri að byggja
skemmtistaði fyrir unglingana í
stað þess að siga lögreglunni á þá.
Þegar klukkan var farin að ganga
fjögur um nóttina fækkaði mjög í
miðbænum og smám saman færðist
yfir hann ró. Skemmdir á Austur-
velli voru nú minni en um síðustu
helgi enda færra fólk á ferli. Þá
munu rúðubrot og önnur skemmd-
arverk hafa verið með alminnsta
móti og þakkaði lögreglan það
aukinni gæzlu. Götur miðbæjarins
voru ófagrar yfir að líta, rusl og
glerbrot út um allt. Nokkrir
fullorðnir menn gengu um bæinn og
hirtu flöskur og hafa þeir vafalaust
komið í veg fyrir að enn fleiri
flöskur væru brotnar. I þessum
hópi var Stefán frá Möðrudal, sem
sagðist hafa safnað svo mörgum
flöskum að hann yrði að fá lögregl-
una til að geyma þær fyrir sig.
- SS.
Svokallaðir pönkarar voru með ýmis konar uppátæki í borginni. Áfengi hellt niður.
Ástin blómstraði á tröppum Landsbankans.
Mannfjöldi við Miðbæjarmarkaðinn.
íhúum í Grjótaþorpi varð
ekki svefnsamt. Hér má
sjá Manuelu Wiesler
flautuleikara taka við
hjóli, sem stolið var frá
manni hennar og lögregl-
an fann.
Stefán frá
Möðrudal
með fullan
poka af
flöskum.
Ungir menn ieiddir á brott