Morgunblaðið - 11.11.1980, Page 22

22
MORGUNBLAÐIÐ, ÞRIÐJUDAGUR 11. NÓVEMBER 1980
• GuAmundur Þórðarson ÍR, kominn i dauðafæri. Guðmundur átti
ágæta leiki um helgina með liði sinu ÍR, en varð samt að sætta sig við
að ná aðeins í I stig til Akureyrar.
Sanngjarn KA sigur
yfir ÍR-ingum
2. DEILDAR lið ÍR í handholta
fór enga frægðarför til Akureyr-
ar um helgina, þar sem það
keppti við Þór og KA. Liðið náði
aðeins 1 stigi, gerði jafntefli við
Þ«)r á föstudagskvöldið cins og
áður hefur verið skýrt frá í
blaðinu.
A laugardaginn áttust svo við
KA og ÍR fór leikurinn
þannig að KA sigraði næsta
örugglega með 21 marki gegn 19.
Staðan í leikhléi var jöfn, 7 mörk
gegn 7.
Jafn fyrri hálfleikur
KA tók forystu strax í upphafi
leiksins og leiddi ætíð framan af
þangað til ÍR tókst að jafna um
miðjan hálfleikinn, 4:4. Á þessu
sést að ekki var mikið skorað.
KA-menn spiluðu oft hratt og
skemmtilega á milli sín í sókninni
en oft á tíðum var ekki mikil
ógnun í leik liðsins þrátt fyrir það.
Sóknarleikur IR-inga var mjög
fálmkenndur á köflum, en skánaði
þó eftir að gamla kempan, Brynj-
ólfur Markússon, kom inn á.
Eins og áður sagði var staðan
4:4 eftir 15 mínútur. KA komst í
5:4, en þá skoruðu IR-ingar 3 mörk
í röð, og breyttu stöðunni í 7:5.
Síðustu mínútur hálfleiksins var
mikill æsingur í leikmönnum
beggja liða, og þrátt fyrir mörg
færi gekk lítið að koma tuðrunni í
netið. Guðmundi Guðmundssyni
tókst þó að jafna leikinn fyrir KA
með 2 mörkum í lokin.
I seinni hálfleik voru KA-menn
mun sterkari aðilinn, og höfðu
ávallt forystuna, mest komust þeir
í 5 marka forystu, 19:14 og 20:15.
Þeir skoruðu 2 fyrstu mörk
hálfleiksins. Þá skoraði Brynjólf-
ur fyrir IR en KA svaraði með 3
mörkum, frá Friðjóni, Gunnari
Gísla og Þorleifi, og staðan orðin
12:8. Sá munur hélst nokkuð lengi
en u.þ.b. 10 mínútum fyrir leikslok
höfðu IR-ingar náð að minnka
muninn niður í 2 mörk.
Þá töldu KA menn nóg komið í
bili og næstu 3 mörk voru þeirra.
KA var þá komið 5 mörk yfir og
sigurinn tryggður. Síðustu þrjár
KA — ÍR
21:19
mínúturnar komu mörk ÍR-
inganna eins og á færibandi. Þeir
skoruðu þá 5 mörk en KA 2. En
það var orðið allt of seint fyrir ÍR
að fara í gang í restina, til þess
var forysta KA orðin allt of mikil.
Sigurinn var raunverulega aldrei í
hættu, og var hann fyllilega sann-
gjarn.
Liðin
KA-liðið lék þennan leik nokkuð
vel, og sérstaklega náðu þeir sér
vel á strik í seinni hálfleiknum.
Þeir beittu oft hraðaupphlaupum
og réðu ÍR-ingarnir ekki við að
stoppa þau. Varnarleikurinn var
ágætur á köflum en markvarslan
var ekki upp á marga fiska að
þessu sinni. Enginn skaraði veru-
lega fram úr, allir stóðu nokkuð
vel fyrir sínu. Lið ÍR var einnig
mjög jafnt að getu. Sóknarleikur-
inn var eins og áður sagði nokkuð
fálmkenndur og ekki mjög sann-
færandi. Það vakti athygli undir-
ritaðs að Guðjón Markússon, sem
hafði átt góðan leik gegn Þór
daginn áður fékk nú ekkert að
fara inn á, og verður það að teljast
skrítin ráðstöfun.
Mörkin: Fyrir KA skoruðu: Er-
lendur Hermannsson 5, Þorleifur
Ananíasson 4, Erlingur Krist-
jánsson, Gunnar Gíslason og Frið-
jón Jónsson 3 mörk hver, Guð-
mundur Guðmundsson gerði 2 og
Magnús Guðmundsson gerði 1
mark.
Brynjólfur Markússon, Sigurður
Svavars og Bjarni Bessa skoruðu
allir 5 mörk fyrir ÍR og Guðmund-
ur Þórðarson og Ársæll gerðu 2
mörk hvor.
— sor.
IslanflsmóHö 2. delld
v J
Týr kom á óvart
og burstaði UMFA
EFTIIt slappa byrjun í 2. deild-
inni komu leikmenn Týs aðdáend-
um sínum mjög á óvænt á laugar-
daginn þegar þeir gjörsigruðu lið
Aftureldingar 24 — 14 í mjög svo
skemmtilegum haráttuleik í Eyj-
um. Týrarar höfðu áður tapað
þremur fyrstu leikjum sínum í
mótinu en Afturelding trjónaði á
toppnum. Týr byrjaði leikinn af
miklum krafti og komst i 4—0
áður en Afturelding skoraði sitt
fyrsta mark á 16. mín., Einar
Magnússon úr víti. Á þessum
kafla varði Jón Brági í marki Týs
hvert einsta skot sem kom á
markið. Týr leiddi síðan allan
fyrri hálfleikinn með 2—3 mörk-
um og í hálfleik var staðan 8—6,
Týrurum í vil.
Sami munur hélst með liðinum í
byrjun seinni hálfleiks en um
miðjan hálfleikinn skilja svo leiðir
svo um munar. Jens Einarsson
varði tvo vítaskot á þýðingarmikl-
um augnablikum og Týr náði góðri
forustu í leiknum, 15—11 þegar
rúmar 12 mín. voru eftir. Þá brá
þjálfari Aftureldingar á það ráð
að taka tvo sóknarmenn Týs úr
umferð í einu en það reyndist
Týr — UMFA
24:14
algjörlega tilgangslaust og raunar
mjög svo óheppileg ráðstöfun.
Týrarar voru nefnilega með á
takteinum svar við þessu og hrein-
lega sölluðu mörkunum á ráðþrota
leikmenn Aftureldingar og loka-
tölurnar urðu stórsigur Týs, 24—
14.
Týr lék nú sinn langbesta leik í
langan tíma. Sérstaklega var
varnarleikur liðsins frábærlega
vel útfærður og markvarsla hins
unga markvarðar liðsins, Jóns
Braga Arnarsonar, var stórgóð.
Jón lék allan leikinn nema hvað
Jens Einarsson kom inn á í
vítaköstunum. Jón Bragi varði alls
16 skot í leiknum. Sóknarleikur
Týs hefur verið hálf ráðleysislegur
í fyrri leikjum liðsins en nú gekk
hann upp. Sigurlás Þorleifsson
átti stórleik, skoraði 9 mörk úr
aðeins 10 tilraunum, átti auk þess
margar góðar sendingar og stjórn-
aði spilinu. Valþór Sigþórsson átti
stórgóðan leik og Magnús Þor-
steinsson var líka góður.
Ekki er ósennilegt að leikmenn
Aftureldingar hafi látið glepjast
af slakri frammistöðu Eyjaliðsins
í fyrri leikjum þess og því hrein-
lega vanmetið andstæðinginn.
Slíkt kann aldrei góðri lukku að
stýra. Liðið náði aldrei takti í
leiknum og voru slakari á öllum
sviðum i þessum leik. Einn af
þessum dögum. Athygli vakti að
stórkanónan Einar Magnússon
skoraði aðeins eitt mark utan af
velli. Enginn einn á sérstakt hrós
skilið fyrir frammistöðu sína.
Mörk Týs: Sigurlás Þorleifsson
9 (2 v), Valþór Sigþórsson 5,
Magnús Þorsteinsson 5, Logi
Sæmundsson 2, Þorvarður Þor-
valdss. 1, Davíð Guðmundsson 1,
Erlendur Bogason 1.
Mörk Aftureldingar: Einar
Magnússon 5 (4 v), Þórður Hjalte-
sted 3, Magnús Guðmundsson 2,
Brynjar Viggósson 2, Gústaf Bald-
vinsson 2 (1 v).
— hkj.

• Það er hart barist í leikjunum i 2. deild. Hér reynir Magnús að brjótast í gegn um vörn UMFA en fær
óbliðar móttökur hjá Einari Magnússyni og Birni Bjarnasyni.
Ljósm. Siggeir J.
Köflóttur leikur hjá kvenfólkinu
Á EFTIR leik KA og ÍR í handbolta á Akureyri á laugardaginn léku
Þór og Valur í 1. deild kvenna. Lauk leiknum með sigri Vals, 20:16, en
Þór hafði örugga forystu í leikhlé, 12:8.
Leikurinn var jafn í upphafi og eftir nokkurra mínútna leik var
staðan 4:4. Þá skoruðu Valsstelpurnar 2 mörk í röð. En þá fór
Þórsliðið svo sannarlega í gang og skoraði 6 mörk án þess að
gestunum tækist að svara fyrir sig, og staðan breyttist úr 4:6 i 10:6
þeim í hag. Þórsliðið lék mjög vel á þessum kafla og áttu Valsararnir
ekkert svar við leik þeirra. Bæði liðin hættu síðan við 2 mörkum fyrir
hálfleik og þá var staöan 12:8 eins og áður sagði.
En í seinni hálfleik seig heldur
betur á ógæfuhliðina hjá Þórslið-
inu, þær skoruðu aðeins 1 mark
fyrstu 13 mínútur hálfleiksins á
meðan Valur skoraði 5 mörk og
náði að jafna leikinn, 13:13. Þór
komst aftur yfir með marki Dýr-
finnu en eftir það voru Þórsstúlk-
urnar algerlega heillum horfnar.
Valsárarnir tóku 2 Þórsara úr
umferð og riðlaði það algerlega
sóknarleiknum hjá þeim. Ekkert
gekk heldur í vörninni þar sem
Valsarar skoruðu hvert markið af
öðru, og nú voru það þær sem
höfðu yfirburði og skoruðu 5 mörk
í röð og þar með var draumur
Þórsara um sigur búinn að vera.
HandknattlelKur
v.......................V
Hjá Val voru þær Harpa Guð-
mundsdóttir og Erna Lúðvíksdótt-
ir langbestar en varla er hægt að
segja að nokkur hafi staðið upp úr
í Þórsliðinu, þær stóðu sig allar
vel í fyrri hálfleik, en seinni
Þór — Valur
20:16
hálfleiknum vilja þær örugglega
reyna að gleyma sem fyrst.
Harpa Guðmundsdóttir var
markahæst hjá Val, skoraði 8
mörk, Erna Lúðvíksdóttir gerði 5
(2v.), Sigrún Bergmundsdóttir 3,
Elín Kristinsdóttir og Ágústa Dúa
Jónsdóttir gerðu 2 mörk hvor.
Þórunn Sigurðardóttir skoraði að
venju mest fyrir Þór, eða 5 (2v.),
Dýrfinna Torfadóttir skoraði 4,
Freydís Halldórsdóttir 3, og þær
Magnea Friðriksdóttir, Valdís
Hallgrímsdóttir, Sigríður Sigurð-
ardóttir og Borghildur Freysdóttir
gerðu allar eitt mark.
— sor.