Morgunblaðið - 28.01.1982, Blaðsíða 19
MORGUNBLAÐIÐ, FIMMTUDAGUR 28. JANÚAR 1982
19
Fundur sjálfstædismanna á Akureyri:
Sjálfstæðismenn verða að sameina krafta
sína og hrinda í framkvæmd stefnu sinni
- sagði Geir Hallgrímsson
SJALFSTÆÐISFLOKKURINN gekkst fyrir almennum fundi á
Hótel Varðborg á Akureyri á fimmtudagskvöld í sl. viku. Fundar
stjóri var Björn Jósef Arnviðarson en aðalræðumenn Geir Hall-
grímsson, formaður Sjálfstæðisflokksins, og Friðrik Sophusson,
varaformaður, en meðal fundargesta voru báðir þingmenn
flokksins í kjördæminu, Halldór Blöndal og Lárus Jónsson.
1‘egar fundur hafði verið settur, tók Geir Hallgrímsson til
máls. Hann tók fram að aðalefni fundarins væri „leiðin til bættra
lífskjara“. Hér fer á eftir efnislegur útdráttur úr ræðu hans.
Dregið hefur úr þjóðartekjum („gengisaðlögun"). Ber það fyrst
og þjóðarframleiðslu undanfarin
ár, svo mun einnig verða á þessu
ári, ef svo heldur fram sem horfir.
Það er uggvænlegt, þar sem
þorskafli hefur aldrei verið meiri
og verðlag útflutningsafurða er
með besta móti. — Skýringin felst
í stefnu vinstri stjórna, sem verið
hafa að völdum síðan haustið
1978. Algert fyrirhyggjuleysi ríkir
í nýtingu orkulinda og stjórnað er
með höftum og bönnum. — Efla
þarf stórhuga átak til þess að
ungt fólk fái störf við sitt hæfi.
Landsfundur sjálfstæðismanna
tók þessi mál til sérstakrar með-
ferðar og segir svo í ályktun hans:
„Sjálfstæðisflokkurinn telur, að
brýn þörf sé á tvenns konar að-
gerðum til að auka atvinnu og
bæta lífskjör hér á landi og stöðva
landflóttann án frekari dráttar.
Annars vegar þarf víðtækar að-
gerðir til þess að bæta starfsskil-
yrði atvinnuveganna, leysa úr
læðingi atorku, hugvit og framtak
einstaklinga og örva þannig at-
vinnustarfsemi. Hins vegar þarf
að stórauka nýtingu orkulinda
landsins, fyrst og fremst vatns-
orkunnar, sem ennþá rennur að
mestu ónotuð til sjávar og byggja
upp stóriðju til útflutnings og
auka þannig atvinnu um land
allt.“
Tvenns konar orku þarf að
leysa úr læðingi, atorku og vatns-
orku, til þess að lífskjör í landinu
geti batnað.
Atorka, hugvit og
framtak einstaklingsins
Tekist er á um frelsi einstakl-
ingsins. Baráttan gegn því er köll-
uð ýmsum nöfnum af alþýðu-
bandalagsmönnum („tala sig
niður", „vinna sig niður"). Sjálf-
stæðisflokkurinn vill virkja hug-
vit og framtak einstaklinganna,
sem byggja þetta land. Þeir munu
láta hendur standa fram úr erm-
um ef þeir njóta frelsis. Á einu ári
hefur verð á dollar hækkað um
52%, en síðan stjórnin var mynd-
uð 131% og frá því í sept. 1978 um
260%. Þó stendur rekstur at-
vinnuveganna í járnum eða þeir
eru reknir með tapi og jafnframt
lofað áframhaidandi gengissigi
og fremst vitni verðbólguþróun
innanlands. Fyrir tveimur árum
var sagt, að á árinu 1982 yrði
verðbólgan orðin jöfn og í helstu
viðskiptalöndum eða 10%, en hún
er nú 50—60% að mati Þjóð-
hagsstofnunar og Seðlabankans.
Framfærsluvísitalan er líka föls-
uð að ýmsu leyti og leikið með
hana eftir hentugleikum stjórn-
valda. Tækifærið með myntbreyt-
inguna rann algerlega út i sand-
inn. „Endurnýjuð verðstöðnun"
hefur ekkert gagn gert, en stofnað
atvinnuöryggi í hættu. Fátt er því
nauðsynlegra en gerbreytt stefna
í verðbólgumálum, þannig að
frjáls verðmyndun geti sýnt kosti
sína í reynd. Því varð ekki fram
komið á ríkisstjórnarárum
Sjálfstæðisflokksins og Fram-
sóknarflokksins, en þegar Fram-
sóknarflokkurinn gekk í björg
með Alþýðubandalaginu var slíkt
afnumið aftur með lögunum. At-
vinnuöryggi er byggt á sandi,
gengisfellingum og kreppulánum,
fjármögnuðum með seðlaprentun
og erlendum lánum, sem kynda
undir verðbólgunni enn meir.
Fimmta hver króna af gjaldeyr-
istekjum okkar fer í að greiða
vexti og afborganir af erlendum
lánum. Hvert mannsbarn á Is-
landi skuldar 82 þúsund kr. er-
lendis. (Pólverjar 6000 ísl. krónur
á mann erlendis og þykir mikið).
Slíkur samanburður ætti að vara
menn við og glöggva menn á,
hvert vinstri stefnan er að leiða
þjóðina. Skattbyrði hefur aukist
frá 1977 um 900—1000 millj. ný-
króna. Tekjuskattar hafa aukist
um 50% og eignarskattar um
100% frá 1977. Ekki er búist við
að framleiðsla og framleiðni í
fyrirtækjum landsins aukist.
Fjárfestingin er ekki arðbær. Al-
menn skilyrði fyrir rekstri at-
vinnufyrirtækja eru ekki fyrir
hendi á íslandi nú, og því engin
skilyrði fyrir að leysa úr læðingi
og virkja atorku landsmanna.
Nýting orkulinda landsins
Síðan vinstri menn tóku við
stjórn 1978 hefur engin virkjun
verið hafin og stóriðjunefnd hefur
Geir Hallgrímsson, formaður Sjálfstæðisflokksins, í ræðustól, Björn Jósef Arnviðarson, fundarstjóri, og Friðrik
Sophusson, varaformaður Sjálfstæðisflokksins.
verið lögð niður. Ekki þýðir að
tala um aukna orkuframleiðslu án
þess að stóriðja rísi. Við erum
sjálfbjarga með raforku til heim-
ilisnota og almenns iðnaðar út
þessa öld. Stóriðja á að vera til
þess fallin að styrkja þær at-
vinnugreinar, sem fyrir eru í
landinu. Þegar sjálfstæðismenn
tala um 3—4 stóriðjufyrirtæki á
næstu 2 áratugum er rökrétt að á
Akureyri og í nágrenni rísi hluti
þeirra. Að vísu eru rekstrar- og
afkomusveiflur í stóriðju eins og
öðrum greinum, en þær ganga yf-
ir. ‘A af verðmæti áls er talinn
skilinn eftir á íslandi, svo að
hagnaður er rnikill af þeirri einu
verksmiðju. Iðnaðarráðherra hef-
ur gert sitt besta til að efla vantrú
Islendinga á, að þeir geti samið
við útlendinga um eignaraðild að
stóriðju.
Fjármál orkufyrirtækja lands-
ins eru meira og minna í rúst. Fá
þarf að láni stórfé til að greiða
halla Landsvirkjunar og fá lánað-
an allan stofnkostnað Hrauneyja-
fossvirkjunar. Hitaveita Reykja-
víkur er rekin með stórtapi af því
að henni er neitað um hækkun af-
notagjalds, þ.e. vandanum er
frestað til seinni tíma. Auk þess
verður vaxtabyrðin um megn og
leggst ofan á afurðagjöld framtíð-
arinnar. Engan veginn er unnið
að því að nýta hugvit manna og
atorku né heldur orkulindir
landsins. Fiskistofnarnir þola
ekki meiri sókn og landbúnaður
þolir heldur ekki meira en á hann
er lagt. Á þriggja mánaða fresti
er svo gripið til efnahagsráðstaf-
ana. Lítið heyrist frá félögum
okkar í ríkisstjórn um hugmyndir
í því efni. Alþýðubandalagsmenn
segjast vera tilbúnir og álasa
framsóknarmönnum fyrir að and-
mæla sér. Alþýðubandalaginu líð-
ur alveg ágætlega í ríkisstjórn,
þeir hreiðra um sig í áhrifastöð-
um, það fer vel um þá í ráðherra-
stóium þó að verðbólgan geysist
óðfluga áfram.
Það verða varla burðugar ráð-
stafanir, sem sjá dagsins ljós um
eða eftir helgina. Sjálfstæðis-
menn hafa aldrei verið hrifnir af
niðurgreiðslum; allar ríkisstjórn-
ir, sem til þeirra hafa gripið að
nokkru ráði, hafa sprungið. Sú
skylda hvílir á Sjálfstæðisflokkn-
um að sameina krafta sína og
hrinda í framkvæmd stefnu sinni
sem felst í orðunum „leiðin til
bættra lífskjara" og samþykkt
síðasta landsfundar með þeirri yf-
irskrift.
Hagvöxtur verður enginn
í ár — fólk flykkist úr landi
- sagði Friðrik Sophusson
Að loknu máli Geirs Hall-
grímssonar talaði Friðrik Soph-
usson. Hann skýrði í máli og
myndum (línuritum) gengisþróun
íslensku krónunnar, þróun kaup-
gjalds, verðlags og kaupmáttar,
lánskjör, markaðshlutdeild iðnað-
arvara (innlendra og erlendra)
o.fl. Hann sagði, að stjórnarstefna
núverandi ríkisstjórnar hefði
einkum verið fólgin í þessum
meginmarkmiðum stjórnarsátt-
málans:
Hluti fundarmanna á fundi Sjálfstæðisflokksins á Akureyri um atvinnumál í sl. viku.
1. Koma átti verðbólgu í 10 stig
1982, en hún verður 52% ef eng-
ar aðgerðir koma til (þær verða
víst aðallega frestunaraðgerð-
ir).
2. Erlendar lántökur skyldu
lækka, en þær eru í hámarki.
3. Atvinnumál: Hallarekstur er á
undirstöðuatvinnugreinum.
4. Orkunýting: Engar ákvarðanir
teknar, en skýrslur skrifaðar og
þær flokkaðar til geymslu í Iðn-
aðarráðuneytinu.
Auðkenni þróunar eru þessi:
1. Mikill vöxtur sjávarafla, þar
með þorskafla.
2. Vísitöluskerðing er samtals
26,3%. Flest atriði í félagsmála-
pökkum voru svikin.
3. Stór-gengisfellingar — dollar
hefur hækkað um 260% gagn-
vart krónu á valdatima vinstri
flokkanna.
4. Skattabyrði hefur stóraukist.
Eigna- og tekjuskattar hafa
hækkað um 295 millj. kr. á
verðlagi ársins í ár. Óbeinir
skattar, svo sem söluskattur,
vörugjald, gjald á ferðalög, inn-
flutningsgjald á sælgæti, skatt-
ar á verslunar- og skrifstofu-
húsnæði, verðjöfnunargjald á
raforku, skattar á bensín,
orkujöfnunargjald, gjald á
Framkvæmdasjóð aldraðra o.fl.
hafa hækkað um 1252 millj. kr.,
en frá dregst niðurfelling sölu-
skatts á matvöru 1978 og lækk-
un tolla og aðflutningsgjalda,
321 millj. kr., þannig að nettó-
hækkun er 931 millj. kr. umfram
verðlagsha'kkanir. Nú er talað
um niðurskurð sem er 10% af
skattaaukningunni. — Allt er
þetta á föstu verðlagi ársins í ár.
5. Þensla eyðsluútgjalda ríkis-
sjóðs tvöfaldast.
6. Erlendar skuldir nálgast 40%
af þjóðarframleiðslu, sem eru
hættumörk á alþjóðavettvangi.
7. Minni framkvæmdir, opinberar
og íbúðabyggingar. Samdráttur
er frá ári til árs.
Sjálfstæðisflokkurinn vill
ganga leiðina til bættra lífskjara.
Aukning þjóðarframleiðslu (hag-
vöxtur) er þar mjög mikilvæg.
Annars verður landflótti og meiri
verðbólga og minna verður til
skiptanna. Rétt stjórnmálastefna
ein getur bætt lífskjörin.
Finna verður arðbær störf
handa ungu fólki. Hagvöxtur
verður enginn á þessu ári vegna
rangrar stjórnarstefnu, enda
flykkist fólk úr landi. Fram á
samræmi milli lélegra afkomuára
og landflóttaára hefur verið sýnt
á fræðilegan hátt.
Að lokum skýrði Friðrik nokkur
helstu ráð núverandi valdhafa í
vísitöluhagræðingu og niðurtaln-
ingu. Meðal áhrifamestu tækj-
anna er vitanlega að greiða niður
vörur, sem ekki eru til, en slíkt
hefur gerst.
Fyrirspurnir komu fram frá
Halldóri Rafnssyni, Sigurði J.
Sigurðssyni og Trvggva Pálssyni.
Gísli Jónsson fór með vísu. Geir
svaraði fyrirspurnum.
Að lokum flutti Halldór Blön-
dal stutta ræðu en að því búnu
sleit fundarstjóri fundi og þakk-
aði frummælendum og fundar-
gestum komuna.
Sv.P.
■■•■■■■ " ' :