Morgunblaðið - 15.06.1982, Blaðsíða 28

28
MORGUNBLAÐIÐ, ÞRIÐJUDAGUR 15. JÚNÍ1982
„Við óttumst engan andstæðing
í heimsmeistarakeppninni á Spáni"
Jupp Derwall þjálfara og leikmanna vestur-þýska landsliðsins í knatt-
spyrnu bíöur erfitt verkefni framundan. Hingað til hafa heilladísir fylgt Jupp
Derwall. Hann tók við vestur-þýska landsliðinu af Helmut Schön eftir mikla
niöurlægingu landsliðsins á heimsmeistarakeppninni í Argentínu 1978. Undir
hans stjórn hefur árangur vestur-þýska landsliðsins verið frábær. Vestur-
Þjóðverjar urðu Evrópumeistarar landsliða 1980 og liðið hefur aðeins tapað
einum leik, gegn Brasilíumönnum, í alls 35 landsleikjum. Út frá þessum
árangri er ekki óeðlilegt að spá Vestur-Þjóðverjum og þjálfara þeirra, Jupp
Derwall, miklum frama í heimsmeistarakeppninni sem hefst 13. júní næst-
komandi.
Vissulega hafa vandamálin hrannast upp. Stjörnur vestur-þýska liðsins
eins og Felix Magath, Hansi Miiller, Rummenigge, Breitner, og síðast en
ekki síst nöldurseggurinn Bernd Schuster hafa allir átt við meiðsli að stríða,
misjafnlega alvarleg að vísu.
Ekki er hægt að segja annað en að Derwall hafi fengið sannkallaða
óskabyrjun þegar hann tók við landsliðinu 1978, því að í október sama ár
sigruðu Vestur-Þjóðverjar landslið Tékkóslóvakíu, þáverandi Evrópumeist-
ara, 4:3 í Prag. Þetta var aðeins byrjunin á óslitinni sigurgöngu liðsins og
ákveðnu markmiði var náð þegar þeir urðu Evrópumeistarar landsliða 1980
eins og áður sagði. Gagnrýnendur í Vestur-Þýskalandi voru hvassir að vanda,
þrátt fyrir að Evrópumeistaratitillinn væri nú í höfn. Þeir héldu því fram að
ekkert þeirra .liða sem Vestur-Þjóðverjar lögðu að velli í Evrópukeppninni
hefði verið í „heimsklassa“.
Breitner, einn af heimsmeisturum Vestur-Þjóðverja 1974, hafði svarið þess
cið að leika aldrei framar fyrir hönd Vestur-Þýskalands, þar sem að konur
landsliðsmannanna fengu ekki að taka þátt í sigurveislu eftir að Vestur-
Þjóðverjar voru krýndir heimsmeistarar 1974.
Háværar raddir um að Breitner yrði aftur valinn í landsliðið litu dagsins
Ijós með Rummenigge fremstan í flokki. í blaöaviðtölum hafði Breitner farið
allt annað en fögrum oröum um hæfni Derwalls sem þjálfara og töldu því
flestir sérfræðingar litlar líkur á þvi að Breitner yrði á ný valinn í landsliöiö.
Derwall ákvað að leggja persónulegan fjandskap til hliðar. Hann gerði sér
manna best grein fyrir því að Breitner gæti orðið lykilmaður í vestur-þýska
landsliðinu og myndi vega þungt á metunura í að endurheimta aftur heims-
meistaratitilinn. Hann var því valinn aftur í liðið. Eftir það var aldrei vafí á
því hver var fyrirliði liðsins og margir telja að Breitner ráði einnig mestu þar
um hvernig liðið er skipað hverju sinni. Hjá Bernd Schuster var mælirinn
fullur og hann sagði opinberlega. Ég hef fengið mig fullsaddan. Ég mun ekki
taka þátt í heimsmeistarakeppninni 1982 á Spáni og mun ekki íklæðast
vestur-þýska landsliðsbúningnum á meðan Derwall, Rummenigge, Stielike
og Breitner ráða ferðinni.
Bæði Derwall og Hermann Neuberger, formaður vestur-þýska knatt-
spyrnusambandsins reyndu að telja hinum unga „uppreisnarseggi“ hughvarf
en án árangurs. Margir hafa gagnrýnt og telja það ekki réttlætanlegt að taka
leikmann sem Schuster aftur inn í landsliðshópinn eftir slíkar yfirlýsingar.
Jupp Derwall lætur þessi vandamál ekki á sig fá og hann er í eðli sínu
bjartsýnismaður. Hann er eiginlega andstæða fyrirrennara síns, Helmuts
Schön, sem fór rólega i hlutina og tók enga óþarfa áhættu. Það skýrir ef til
vill slakan árangur vcstur-þýska landsliðsins í Argentinu 1978. Derwall hefur
sagt, að þjálfari sem sé ekki tilbúinn að taka neina áhættu nái heidur ekki að
skapa sjálfsöryggi meðal leikmanna sinna.
• Heilladísirnar hafa fylgt hinum mjög svo geðuga þjálfara v-þýska lands-
liðsins fram til þessa. Verða þær með honura á Spáni? Derwall hefur starfað
við knattspyrnu allt sitt lif. Undir hans stjórn hefur landsliðið leikið 35
landsleiki og aðeins tapað einum. Derwall óttast engan andstæðing sinn í
HM-keppninni á Spáni.
Blm.: Herra Derwall komum við
til að leika án Schusters, Miillers og
Magath á Spáni?
Derwall: Allir þjálfarar verða
að vera viðbúnir meiðslum leik-
manna sinna, en auðvitað vilja all-
ir vera lausir við þau. Nokkrir lyk-
ilmenn vestur-þýska landsliðsins
voru meiddir fyrir Evrópukeppn-
ina 1980, en samt urðum við Evr-
ópumeistarar.
Blm.: Ertu bjartsýnismaður?
Derwall: Að vissu leyti. Vanga-
veltur og svartsýni hafa hingað til
ekki leitt til neins. Ég tilheyri ekki
þeim hópi þjálfara sem segja hik-
andi Já“, „ef“, „en“. Einnig er
mikilvægt að gera greinarmun á
alvöru vandamálum og gervi-
vandamálum.
Blm.: Margir telja að eitt af
stærstu vandamálum vestur-þýska
landsliðsins sé að liðið leiki með tvo
miðju sóknarmenn þá Fischer og
Hrubesch. Er það ekki vafasöm leik-
aðferð að leika með tvo miðjusókn-
arleikmenn?
Derwall: „Vandamál" af þessari
gerð falla mér í geð. Engin önnur
þjóð getur státað sig af tveimur
miðjusóknarleikmönnum í svo há-
um gæðaflokki. Báðir eru mark-
sæknir með afbrigðum. Það kemur
í minn verkahring að fá það besta
út úr þeim báðum.
Blm.: Þessi leikaðferð með tvo
miðjusóknarleikmenn hefur nú ver-
ið reynd í mörgum landsleikjum.
Varla ertu ánægður með árangur-
inn?
Derwall: Þessi leikaðferð er ekki
fullreynd. Auðvitað fer það eftir
andstæðingum hvort að þessi leik-
aðferð hentar eða önnur. Við verð-
um að prófa okkur áfram finna þá
leikaðferð sem hentar okkur best.
Það er afar mikilvægt fyrir leik-
menn liðsins.
Blm.: Svo virðist sem að þú hafir
meiri tilhneigingu til að nota frekar
Fischer?
Derwall: Nei, engan veginn. Aft-
ur á móti ef það er aðeins þörf
fyrir miðju sóknarieikmann, þá
vel ég náttúrulega þann sem alltaf
skorar úr þeim tækifærum sem
hann fær í landsleikjum.
Blm.: í hverju felst styrkleiki
þessara tveggja manna?
Derwall: Báðir ráða yfir góðri
skallatækni. Báðir eru skotharðir
og hættulegir upp við mark and-
stæðinganna. Fischer hefur það
umfram Hruebesch að hann hent-
ar betur samleik liðsins og er auk
þess hrevfanlegri.
Blm.: Ottastu ekki að þessi harða
samkeppni geti leitt til togstreitu
þeirra á milli?
Derwall: Nei ég óttast það ekki.
Ég mun sjá til þess að það hendi
ekki. Menn ættu einnig að hafa
það í huga að í heimi atvinnu-
knattspyrnumanna ríkir engin
góðgerðarstarfsemi.
Blm.: Flestir eru þeirrar skoðunar
að óeining og óróleiki innan vestur-
þýska landsliðsins í Argentínu 1978
hafi leitt til lakari árangurs en ella
hefði orðið við eðlilegar kringum-
stæður. Gæti ekki sama sagan
endurtekið sig á Spáni?
Derwall: 1978 var liðið skipað
öðrum leikmönnum og annar
þjálfari stjórnaði liðinu. Þetta
mun ekki henda þann hóp sem
skipa landsliðið í dag.
Blm.: Hvað með Beckenbauer. Er
ekki full þörf fyrir leikmann eins og
hann með alía sína miklu leik-
reynslu?
Derwall: Auðvitað velti ég þeim
möguleika fyrir mér að velja hann
í liðið en málin þróuðust þannig
eins og allir vita að hann meiddist
og þar með var sá möguleiki end-
anlega úr myndinni.
Við getum sigrað alla
Blm.: Með leikmenn eins og
Rummenigge og Littbarski innan-
borðs sem báðir eru eldsnöggir og
ráða yfir þeirri tækni að rekja og
halda bolta betur en flestir aðrir.
Býður það ekki upp á þá möguleika
að beita skyndisóknum?
Derwall: Aðeins lið sem hafa
ekki yfir nægjanlegum styrk að
ráða beita skyndisóknum sem að-
alleikaðferð. Okkar lið hefur yfir
nægum styrk að ráða til að byggja
ekki á slíkri leikaðferð. Hjá okkur
ríkir hóflegt sjálfsöryggi. Við vit-
um að við getum lagt alla and-
stæðinga, sem við mætum á Spáni,
að velli. Árangur okkar undanfar-
in ár gefur það til kynna að það
erum við sem eigum að ráða ferð-
inni í leiknum en ekki andstæð-
ingar okkar.
Blm.: Hverjar eru sterku og veiku
hliðar Vestur-þýska landsliðsins 1
knattspyrnu?
Derwall: Okkar helsti styrkur
felst í því að við leikum sóknar-
knattspyrnu. Valinn maður er í
hverju rúmi. Miðvallarleikmenn
okkar eru gífurlega sterkir og
sama máli gegnir um sóknarleik-
mennina. Varnarmenn eins og
Kaltz og Briegel (skriðdrekinn)
sem eru baráttuglaðir, með góða
boltatækni og síðast en ekki síst
gífurlega sókndjarfir og skapa
iðulega usla í vörn andstæð-
inganna. Einu veikleikar gætu fal-
ist í því að einhver meiðsli kæmu
upp og það er eitthvað sem enginn
ræður við.
Blm.: Ef við hugsum okkur það
versta sem gæti hent, til að mynda
að Rummenigge myndi meiðast.
Gætum við samt sem áður orðið
heimsmeistarar?
Derwall: Spurningum sem þess-
um velti ég ekki fyrir mér. Ég held
mig við hlutina eins og þeir eru í
dag. Vangaveltur um ef og en hef
ég alls engan áhuga á.
Blm.: Hvor er mikilvægari Rumm-
enigge eða Schuster?
Derwall: Hver leikmaður hefur
hlutverki að gegna og er því mikil-
vægur og sömu sögu er að segja
um varamenn liðsins. í heims-
meistarakeppninni þarf ég a.m.k.
á 20 leikmönnum að halda, sem ég
get treyst fullkomlega. Ég legg
það ekki í vana minn að hampa
einum leikmanni umfram annan.
Blra.: Hefur vestur-þýska landslið-
ið nokkuð með nöldursegg eins og
Bernd Schuster að gera. Myndi
hann styrkja liðið?
Derwall: Já, tvimælalaust, ef hann
er tilbúinn að koma aftur heilshug-
ar, þá styrkir hann liðið.
Blm.: Hvaða verðlaun eru í boði
fyrir vestur-þýsku landsliðsmennina
ef að vel til tekst?
Derwall: Það er ekkert leynd-
armál hver leikmaður fær í sinn
hlut 60.000 mörk ef við verðum
heimsmeistarar.
Blm.: Hvað með þig sjálfan. Færð
þú eitthvað í þinn hlut?
Derwall: Guð hjálpi mér. Það
segi ég ekki nokkrum manni!
Blm.: Ræðirðu við konu þína um
knattspyrnu? Leggur hún á ráðin
með liðsuppstillingu?
Derwall: Nei, hún kemur þar
hvergi nærri.
Blm.: Landsliðsþjálfari Vestur-
Þjóðverja býr við þær aðstæður að
geta valið leikmenn úr deild, sem
margir telja vera þá bestu í heimin-
um (bundesiigunni). Á hvað ber
landsliðsþjálfara að leggja höfuð-
áherslu í þjálfun sinni?
Derwall: Það gefur auga leið að
án sterkra leikmanna verður ekki
búið til sterkt landslið. Það er ekki
í verkahring landsliðsþjálfara að
byggja upp þol leikmanna. Leik-
menn koma í góðri æfingu frá fé-
lögunum. Hlutverk landsliðsþjálf-
ara er að undirbúa liðið þannig að
það besta náist út úr hverjum ein-
staka leikmanni og fá liðið til að
vinna saman sem heild. Landsliðs-
þjálfari þarf öðru fremur að
leggja áherslu á taktíska og sál-
fræðilega uppbyggingu.
Blm.: Hvaða andstæðinga óttastu
mest?
Derwall: Við hræðumst engan
andstæðing. Við berum fulla virð-
ingu fyrir sumum þeirra og mun-
um leitast við að sýna okkar bestu
hliðar þegar við leikum gegn þeim
á Spáni.
Blm.: Hvernig stendur á því að
landslið okkar á alltaf í örðugleik
með lið frá Suður-Ameríku, Brasilíu-
menn og Argentínumenn?
Derwall: Það liggur ljóst fyrir
að við getum ekki mætt þessum
tveimur Suður-Ameríku þjóðum
nema í hreinum úrslitaleik.
Blm.: Er ekki hætt við því að
gestgjafarnir, Spánverjar, verði
okkur erfið hindrun i milliriðli?
Ðerwall: Það er alltaf erfitt að
leika gegn liði sem leikur á sínum
heimavelli, sérstaklega þegar liðið
er í þeim styrkleikaflokki sem
Spánverjar eru. Við getum þó
huggað okkur við það að við mæt-
um hvorki Brasilíumönnum né
Argentínumönnum fyrr en í
hreinum úrslitaleik.
Blm.: Hversu sterkir eru Spán-
verjar?
Derwall: Þar sem þeir leika á
heimavelli eins og áður sagði, þá
er styrkleiki þeirra svipaður og
okkar liðs.
Blm.: Hvað þurfum við að gera til
þess að verða heimsmeistarar?
Derwall: Hver leikmaður þarf
að ráða yfir ómældri leikgleði,
baráttuhug og ódrepandi áhuga og
trú á því að við getum náð langt.
Hver leikmaður þarf að sýna sínar
bestu hliðar þegar keppnin hefst
og liöið þarf að ná saman sem
heild. Einnig má bæta því við að
gagnkvæmt traust þarf að ríkja á
milli leikmanna innbyrðis annars
vegar og leikmanna og þjálfara
hinsvegar.
Blm.: Miklar væntingar eru gerð-
ar til vestur-þýska landsliðsins í
knattspyrnu. Éf illa fer og liðið
kæmist ekki i milliriðil verður þá
ekki erfitt að snúa aftur heim?
Derwall: Ég og leikmenn vest-
ur-þýska landsliðsins munum leit-
ast við að gera okkar besta, og ef
að það dugir ekki til, þá verð ég að
sætta mig við þau úrslit sem fást
og taka því sem að höndum ber.
Blm.: Hvernig kemurðu til með að
bregðast við ef þið verðið heims-
meistarar?
Derwall: Við þurfum þá alla-
vega ekki að sanna okkur meira að
sinni!
Þýtt og endursagt.
• Derwall með lukkutákn HM-keppninnar á Spáni.