Morgunblaðið - 19.08.1982, Blaðsíða 39

MORGUNBLAÐIÐ, FIMMTUDAGUR 19. ÁGÚST 1982
39
Bandaríkjamaðurinn James Dooley
landsliðsþjálfari í körfubolta
„Ég var á fundi með íslensku
landsliðsnefndinni í dag og það var
gengiö endanlega frá þessu," sagði
James Dooley í samtali viö Mbl. í
gær, en hann var þá ráðinn lands-
liðsþjálfari í körfuknattleik fyrir
komandi keppnistimabil. Hann tek-
ur við af Einari Bollasyni, sem séð
hefur um landsliðið síðustu árin með
góðum árangri. Dooley þykir afar
fær þjálfari, hann er 38 ára gamall
og hefur þjálfað bandarisk háskóla-
lið í Pennsylvaníu um 17 ára skeið.
„Við komum til landsins 1. ág-
úst síðastliðinn og strax þann 4.
ágúst var þetta fyrst fært í tal við
mig. Það kom mér mjög á óvart og
ég er bæði ánægður og stoltur að
fá að spreyta mig á slíku verk-
efni.“
Hvað er svo fram undan?
„Ég hef varla haft tækifæri til
að kynna mér það hvað varðar
landsliðið, þó veit ég að stærsta
verkefnið verður Polar Cup sem
haldið verður í Stokkhólmi. Þá
veit ég að landsliðsnefndin er að
reyna að koma á leikjum við
Danmörk og Skotland. Ég reikna
ekki með því að það verði erfið-
leikar að þjálfa bæði ÍR og lands-
liðið, verkefni landsliðsins eru
ekki í gangi á meðan úrvalsdeild-
arkeppnin er í fullum gangi,“
sagði Dooley. Eins og kemur fram
í samtali þessu, þá er Dooley
þjálfari hjá úrvalsdeildarliði IR,
hann komst í samband við félagið
í gegn um einn af leikmönnum
liðsins, Hjört Oddsson, sem lék
um tíma undir handleiðslu Dool-
eys í Pennsylvaníu og bjó þá hjá
honum og fjölskyldu hans. IR
verður eina lið úrvalsdeildarinnar
sem ekki teflir fram erlendum
leikmanni á komandi keppn-
istímabili.
— gg-
• Dooley-fjölskyldan fyrir utan heimili sitt í gær. Frá vinstri: James Dooley,
Mary, eiginkona hans, Danny, 8 ára sonur þeirra, og dóttirin Molly, 14 ára.
Mynd Kmilía.
Valur meistari
VALUR varð í gærkvöldi bikarmeist-
ari 2. flokks, er liðið sigraði Fram á
Laugardalsvellinum. Eftir venju-
legan lciktíma var staðan jöfn, 0—0,
og var þá framlengt í 2x10 min.
Ekki tókst leikmönnum að skora þá
heldur og varð því að grípa til víta-
spyrnukcppni. Eftir 5 spyrnur á lið
var staðan enn jöfn, bæði lið höfðu
skorað úr öllum sínum spyrnum.
En í 6. spyrnu brást Friðrik
markverði Friðrikssyni hins vegar
bogalistin er hann skaut yfir
markið.
Þá var komið að Val, og skoraði
Geir Sveinsson örugglega úr
þeirra víti og tryggði liðinu þar
með bikarmeistaratitilinn. — SH.
Bundesligan hefst á morgun
Krá l»órarni Ka^narssyni,
bladamanni MorgunblaAsins í Köln.
Vestur-þýska Bundesligan í
knattspyrnu hefst annað kvöld, er
Borussia Dortmund mætir Stuttgart
á heimavelli sínum, og Kaiserslaut-
en fær Berlin í heimsókn. Sjö leikir
eru síðan á dagskrá á laugardaginn.
Mikið hefur verið rætt og ritað í
knattspyrnutímaritum i Þýskalandi
um keppnistímabilið sem er að hefj-
ast, og ber blöðunum nokkurn veg-
inn saman um það, að þrjú lið muni
nokkuð skara fram úr. Því er spáð,
að núverandi Þýskalandsmeisturum,
Hamburger SV, takist að verja titil
sinn. Stórliðinu Bayern Miinchen er
spáð öðru sæti, og FC Köln þriðja
sæti. Borussia Mönchengladbach er
spáð fjórða sæti og Borussia Dort-
mund fimmta sæti. Alls leika 18 lið í
Bundesligunni.
Eins og kunnugt er, leika þrír
íslenskir knattspyrnumenn í
Vestur-Þýskalandi, Ásgeir Sigur-
vinsson leikur nú sitt fyrsta
keppnistímabil með Stuttgart, og
Atli Eðvaldsson og Pétur Ormslev
leika með Fortuna Dússeldorf.
Liði Stuttgart er spáð sjöunda
sæti í deildinni, en því er spáð, að
Fortuna Dússeldorf komi til með
að reka lestina og lenda í 18. sæti.
Þetta eru auðvitað aðeins spádóm-
ar, og eins og allir vita, er knatt-
spyrnan óútreiknanleg og allt get-
ur gerst. Bundesligan er af knatt-
spyrnusérfræðingum álitin harð-
asta deildarkeppni í heiminum og
víst er að liðin leggja gífurlegt
kapp á að standa sig vel, enda
hreint gífurlegir fjármunir í veði.
Peningaveltan
hreint ótrúleg
Fæstir gera sér víst í hugarlund
hversu gífurlega miklir peningar
eru í vestur-þýsku knattspyrn-
unni. Knattspyrnufélögin fá stór-
ar upphæðir fyrir auglýsingar á
búningum sínum og það félag, sem
fær hæstu greiðsluna, er Ham-
burger SV, sem leikur með merki
BP á búningi sínum, og fær fyrir
það 950.000 mörk. Umreiknað í ís-
lenska mynt eru það um 4.750.000
krónur. FC Köln auglýsir fyrir
Doppeldusch-fyrirtækið og þiggur
fyrir það 900.000 mörk og Stutt-
gart fær sömu upphæð frá bjór-
fyrirtækinu Dinkelacker.
Það lið, sem hæst er metið í
Bundesligunni, er lið Bayern
Múnchen, en leikmenn þess eru
metnir á 22.000.000 marka. Ef við
breytum þeirri tölu í íslenskan
gjaldmiðil, kemur út sú óhugnan-
lega tala 110.000.000 — eitt hundr-
að og tíu milljónir — og er það
nokkru meira en liðið sem í öðru
sæti er. Það eru meistararnir
Hamburger SV, en lið þeirra er
metið á „aðeins" 15.000.000 marka
— 75.000.000 íslenskar. Lið Stutt-
gart, sem Ásgeir er með, er metið
á 12.000.000 marka, en Fortuna
Dússeldorf á a 4.000.000.
Himinhá laun þjálfaranna
Hæstlaunaði þjálfarinn í Bund-
esligunni er hinn 54 ára gamli
Hollendingur, Rinus Michels, en
hann fær 35.000 mörk á mánuði
fyrir að þjálfa lið Kölnar, og þykir
mörgum hér í Þýskalandi nóg um.
Umreiknað í íslenskar krónur eru
þetta um 230.000 krónur á mánuði,
og þætti mörgum það eflaust dá-
góð laun. Sá, sem er í öðru sæti
hvað laun snertir, er Ernst Happ-
el, þjálfari Hamburger SV, og
fyrrverandi þjálfari Standard Li-
ege í Belgíu. Hann er með 25.000
mörk í laun á mánuði. Flestir
þjálfaranna í deildinni fá greitt í
kringum 15.000 mörk á mánuði.
Þess má geta, að auk þessara
mánaðarlauna fá þjálfararnir
bónusgreiðslur ef lið þeirra vinnur
leik.
Hvað fá leikmenn fyrir
hvert unnið stig?
Knattspyrnumennirnir í Bund-
esligunni hafa flestir mjög góðar
tekjur, þótt þær séu eins mismun-
andi eins og leikmennirnir eru
margir. Það er þó opinbert hér í
Þýskalandi hvað hver leikmaður
fær, takist liði hans að ná sér í
stig, og það lið sem greiðir hæstan
bónus fyrir unnið stig er Bayer
Leverkusen, eða 1.800 mörk fyrir
hvert stig. (Það eru 9.000 kr. ís-
lenskar kr. fyrir stigið, sem sagt
18.000 íslenskar fyrir unninn leik.)
Hamburger borgar 1.600 mörk
fyrir stigið, Bayern Múnchen og
Stuttgart 1.500 mörk hvort félag.
Fortuna Dússeldorf, lið Atla og
Péturs, greiðir 1.300 mörk fyrir
hvert unnið stig.
Hvernig fjármagna
félögin greiðslurnar?
Vestur-þýsku knattspyrnufélög-
in þurfa að hafa gífurlega peninga
til að geta greitt bæði leik-
mönnum og þjálfurum há laun, og
séð um reksturinn á hinum stóru
völlum sínum. Helstu tekjulindir
félaganna eru auglýsingatekjur og
að sjálfsögðu tekjur af áhorfend-
um á leikjum. Lið Hamburger SV
þarf að fá að meðaltali 36.000
áhorfendur á hvern leik til þess að
bera sig. Meðaltal á leikjum fé-
lagsins á síðasta tímabili voru
36.400 manns og gaf það félaginu
15 milljónir marka í tekjur af
heimaleikjunum, en ekkert lið
fékk jafn góða aðsókn á tímabilinu
og HSV. Lið Bayern Múnchen þarf
að fá 32.000 áhorfendur að meðal-
tali á hvern leik og hafði í fyrra
34.113 að meðaltali. Hafði félagið
fyrir það 14 milljónir marka í
tekjur af heimaleikjum sínum.
Heimavöllur Bayern, Ólympíu-
völlurinn í Múnchen, er stærsti
knattspyrnuvöllurí Þýskalandi,
tekur 78.000 manns, og þar af
48.000 í sæti.
Mikið fjallað um
sölu leikmanna
Mikið hefur verið fjallað um
sölu á leikmönnum og skiptingu
þeirra milli liða, og töluvert hefur
verið skrifað um sölu Ásgeirs Sig-
urvinssonar frá Bayern til Stutt-
gart. Eins og kunnugt er, mun
Asgeir taka við stöðu Hansa Múll-
er á miðjunni og verður örugglega
grannt fylgst með því hvernig
Ásgeir kemur til með að skila
henni. Inter Milan keypti Hansa
Muller fyrir tvær milljónir marka,
en Stuttgart keypti þá Ásgeir og
Niedermayer, báða frá Bayern,
fyrir 1,7 milljónir. Stuttgart og
Inter léku vináttuleik á dögunum
og sigraði Inter 2—1, og voru Ás-
geir og Hansi Múller báðir mjög
mikið í sviðsljósinu og áttu góðan
leik.
Meðalaldur í liði Ásgeirs, Vfb
Stuttgart, er 25,8 ár, og þekktustu
menn liðsins, auk Ásgeirs, eru
bræðurnir Bernd Förster, sem er
fyrirliði, og Karl-Heinz Förster,
og franski landsliðsmaðurinn
Didier Six.
Mikið hefur verið fjallað um
kaup Kaiserslautern á sænska
miðherjanum Nilson frá IFK
Gautaborg, en hann var keyptur
fyrir 1,2 milljónir marka. Hann,
ásamt markaskoraranum Thomas
Allofs, mun leika frammi, en
Kaiserslautern keypti Allofs frá
Dússeldorf fyrir 1,1 milljón
marka. Fyrirliði Kaiserslautern er
hinn kunni landsliðsmaður Hans-
Peter Briegel. Meðalaldur liðsins
er 26,4 ár. Til gamans má geta
þess, að lið Bayern Múnchen er
með hæsta meðalaldur í Bundes-
ligunni, 27,1 ár. Hæsta salan í
Þýskalandi á síðasta keppnistíma-
bili var þegar Bayern fékk Nach
Tweih frá Eintracht Frankfurt
fyrir 1,7 milljónir marka.
ÍA — KR í kvöld:
Sérstök ferð
Akraborgar
í KVÖLI) fer fram leikur ÍA og
KR á Skaganum, leikur sem
frestað var fyrir skömmu.
Ilefst hann kl. 19.00 og skv.
þeim upplýsingum, sem Mbl.
hefur aflað sér, er mikill hugur
í KR-ingum að fjölmenna upp á
Akranes. Mikið er i húfi fyrir
KR, liðið er nú i öðru sæti
deildarinnar, þremur stigum á
eftir Víkingum, og verður að
sigra i lciknum til að eiga
almennilega möguleika á fs-
landsmeistaratitlinum.
Vegna leiksins fer Akrab-
orgin aukaferð upp á Akra-
nes, og aftur til baka fljót-
iega eftir leik. Hægt er að
kaupa „pakka" í sambandi
við ferðina á ieikinn, þ.e. far-
miða með skipinu fram og til
baka, og aðgöngumiða á leik-
inn. 10 ára og yngri borga að-
eins 20 krónur á völlinn, en fá
ferðina fría. 10—12 ára fá
„pakkann" fyrir 40 krónur og
13 ára og eldri fyrir 100 krón-
ur. Miðarnir verða seldir við
landgang skipsins við brott-
för.
Farið verður frá Reykjavík
kl. 17.30 og frá Akranesi aft-
ur kl. 21.00. Leikurinn hefst
eins og áður segir kl. 19.00, en
forleikur að honum verður
leikur ÍA og KR í sjötta
flokki.
Garöar í Þór?
NOKKIIÐ öruggt er að
KR-ingurinn í körfunni, Garðar
Jóhannsson, leiki með Þór, Ak-
urcyri í 1. deildinni í vetur.
llann hefur haft áhuga á að
fara norður undanfarin ár, en
nú hcfur hann lokið námi og
því ekkcrt lengur til fyrirstöðu.
Málið ætti að skýrast um helg-
ina, en verið er að ganga frá
atvinnumálum hans á Akur-
eyri.
Þórsarar eru nú að leita að
bandarískum leikmanni og
þjálfara fyrir veturinn, þar
sem ljóst er að Gylfi Krist-
jánsson mun ekki vera áfram
með liðið. Sér Mark Christ-
ensen, fyrrum leikmaður
Þórs, um það mál fyrir Akur-
eyringana.
- SH.
Maraþon og
10 kílóm.
Meistaramót íslands í
maraþonhlaupi karla og 10 km
götuhlaupi kvenna fer fram í
Hafnarfirði sunnudaginn 5.
september. Hlaupin hefjast í
miðbænum og enda þar. Fund-
ur með væntanlegum þátttak-
endum og öðru ahugafólki
verður haldinn í F'élagsheimili
FH í Kaplakrika kl. 20
fimmtudaginn 26. ágúst. Þá
verður tiíhögun hlaupanna,
m.a. leiðin, nánar útskýrð.
Þátttökugjald, sem greiðast
skal á fundinum, er kr. 40.
NIKE-umboðið, Austur-
bakki hf., hefur gefið glæsileg
verðlaun til keppninnar.
Opiö golf-
mót í Alviðru
OPIÐ mót á vegum Golfklúbbs Sel-
foss verður haldið á velli klúbbsins í
Alviðru við Sog á laugardaginn.
Keppt verður með og án forgjafar,
og ræst verður út frá kl. 9.00—13.00.
Leiknar verða 18 holur og aðeins í
karlaflokki.
Meðal verðlauna eru litsjónvarp
og myndsegulband fyrir holu í
höggi. Öll verðlaun eru gefin af
Hitachi-umboðinu, Vilberg og
Þorsteinn.