Morgunblaðið - 10.12.1982, Blaðsíða 30
30
MORGUNBLAÐIÐ, FÖSTUDAGUR 10. DESEMBER 1982
Kynnisferð í álverið
Tæknifræðingafélag íslands efndi fyrir skömmu til kynnisferöar í álver-
ið í Straumsvík. Var meðfylgjandi mynd tekin við það tækifæri.
Landakotstúnið
Eftir Önnu
Guðmundsdóttur
Sagt er, að töluð orð verði ekki
aftur tekin. Ekki er síður hægt
að segja, að unnin verk verða
ekki aftur tekin. Þau verða að
standa um alla framtíð, þótt þau
séu ljót og engum til sóma. Sá
ósómi sem framinn hefur verið á
Landakotstúni er dæmi um verk
sem ekki verða aftur tekin. Hér
á ég við þær stóru, ljótu bygg-
ingar, sem sjálfstæðismenn
samþykktu á sínum tíma, eða ár-
ið 1978, i tíð Birgis ísl. Gunn-
arssonar. Þvílík forsmán og
þröngsýni!
Ég undrast iíka, hvernig kaþ-
ólski biskupinn, Frehen, gat
fengið af sér að þrengja að þessu
fallega guðshúsi og minnka
þennan litla, græna reit, sem er
eina græna vin Vesturbæjar.
Því miður hefur svipur kirkj-
unnar sett ofan, hvaðan sem á
hana er litið. Hún lýsti eins og
viti áður fyrr, en er nú aðþrengd.
Landakotstúnið hefur alltaf
verið mikið olnbogabarn borgar-
innar. Árið 1933 lofuðu borgar-
yfirvöld Reykjavíkur að gera
túnið að fögrum skrúðgarði, en
ekkert hefur verið gert annað en
að slá þetta þýfi einstaka sinn-
um. — Er ekki kominn tími til
þess að efna þessi gömlu loforð
og vernda það sem eftir er að af
túninu? Fyrst og fremst að jafna
þessi háu börð að túninu, lækka
það í jöðrum, þar sem hæst er.
Væri ekki ráð að efna til sam-
keppni meðal garðarkitekta að
koma upp þessum lystigarði?
Þetta mál þarf að komast í
hendur bestu garðarkitekta. Hér
duga engin vettlingatök.
I Morgunblaðinu 30. marz 1978
segir m.a.:
„Kirkjulóðin á Landakotstúni
verður tengd almenningsgarðin-
um og segir í frétt frá skrifstofu
borgarstjóra, að unnið verði að
því að skipulag og framkvæmda-
áætlun um ræktun og frágang
svæðisins í heild liggi fyrir í lok
þessa árs 19788“.
Nú skrifum við árið 1982 og
ekkert bólar á skrúðgarðinum.
Við höfum fengið nýjan borg-
arstjóra. Vonandi lætur hann
hendur standa fram úr ermum
og bjargar því, sem bjargað
verður.
Aðventuhá-
tíð i Laugar-
neskirkju
SUNNUDAGINN 12. des. verður að-
ventuhátíð í Laugarneskirkju kl.
20.30. Ræðumaöur kvöldsins verður
Friðjón Þórðarson, kirkjumálaráð-
herra.
Af öðrum dagskráratriðum má
nefna, að hjónin Guðrún Sigríður
Birgisdóttir og Martial Nardeau
flytja sónötu fyrir 2 þverflautur
eftir W.A. Mozart. Kirkjukórinn
syngur 4 jólalög undir stjórn
Gústafs Jóhannessonar, en með
kórnum leika nokkrir hljóðfæra-
leikarar. Gústaf leikur Fantasíu
fyrir orgel eftir Gunnar Reyni
Sveinsson, um kvöldbæn Hall-
gríms Péturssonar: Nú mun ég
enn í nafni þínu. Einnig sýna börn
úr barnastarfi Laugarneskirkju
helgileik undir stjórn Margrétar
Hróbjartsdóttur.
Sama dag verður barnaguðs-
þjónusta kl. 11 með helgileik o.fl.
og kl. 14 almenn messugjörð.
Ég hvet safnaðarfólk að fjöl-
menna á þennan kirkjudag safn-
aðarins og taka þannig þátt í
nauðsynlegum andlegum undir-
búningi fyrir komu jólanna.
Jón Dalbú Hróbjartsson,
sóknarprestur.
Akureyri:
Lán tryggt
með þremur
borholum
BÆJARRÁÐ Akureyrar hefur
heimilað bæjarstjóra að taka lán
að fjárhæð 1.ÍJ40.000 krónur hjá
Orkusjóði vegna jarðhitaleitar
fyrir Hitaveitu Akureyrar.
Til tryggingar láninu verði veð-
settar þrjár borholur að Botni,
Hrafnagili og á Glerárdal.