Morgunblaðið - 23.03.1983, Qupperneq 25

24
MORGUNBLAÐIÐ, MIÐVIKUDAGUR 23. MARZ 1983
MORGUNIJLAÐIÐ, MIÐVIKUDAGUR 23. MARZ 1983
25
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen, Styrmir Gunnarsson.
Fulltrúar ritstjóra Þorbjörn Guðmundsson, Björn Jóhannsson.
Fréttastjórar Freysteinn Jóhannsson, Magnús Finnsson, Sigtryggur Sigtryggsson.
Auglýsingastjóri Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 180 kr. á mánuöi innanlands. í lausasölu 15 kr. eintakið.
Rannsóknar
krafist
Fréttin af því hve litlu sýn-
ist hafa munað að flugvél
Arnarflugs frá Amsterdam og
Orion-vél varnarliðsins á æf-
ingarflugi suður af Reykja-
nesi lentu í árekstri hefur
vakið óhug. Fyrir liggur
bráðabirgðaskýrsla
Flugmálastjórnar um það sem
þarna er talið hafa gerst en
endanlegri rannsókn er ekki
enn lokið að sögn flugmálayf-
irvalda. Mál þetta er þannig
vaxið að ekki verður við annað
unað en allir þættir þess verði
þaulkannaðir og opinberlega
skýrt frá niðurstöðum auk
þess sem gripið verði til við-
eigandi aðgerða til að koma í
veg fyrir að slíkt geti endur-
tekið sig. Það var fyrir Guðs
mildi að ekki fórust tugir
manna 15. mars síðastiiðinn
þegar fyrir snarræði flug-
manna í vél Arnarflugs tókst
að koma í veg fyrir árekstur.
Fáir hafa haldið því meira á
loft en flugumferðarstjórar
sjálfir hve störf þeirra eru
ábyrgðarmikil, krefjist mikill-
ar og vakandi árvekni og eigi
því að vera betur launuð en
annarra. Þessi barátta flug-
umferðarstjóra fyrir bættum
kjörum og aðstöðu hefur ekki
aðeins verið háð hér á landi
heldur um heim allan. Enginn
dregur í efa að störf þessara
manna séu ábyrgðarmikil og
skyldur þeirra eru ótvíræðar,
þeim mun brýnna er einnig að
fá nákvæma opinbera grein-
argerð um hvaðeina sem vekja
kann efasemdir um að staðið
hafi verið að framkvæmd
þessara starfa eins og skyldi.
Eftirlitskerfi með fjarskipt-
um flugvéla og flugturna er
nákvæmt og eiga öll boð sem
þar fara á milli að vera til á
segulböndum til nánari rann-
sóknar í tilvikum eins og þess-
um. Þegar þessi bönd hafa
verið könnuð og rætt við
flugmenn á báðum vélum þarf
að skýra frá niðurstöðunum
opinberlega.
Enginn vafi er á því að regl-
ur bandaríska flotans, en
flugmenn Orion-vélarinnar
eru starfsmenn hans, mæla
fyrir um ströng viðurlög ef
flugmennirnir brjóta gegn
fyrirmælum flugumferðar-
stjóra. Forsenda þess að flot-
inn geri ráðstafanir reglum
samkvæmt er að sjálfsögðu að
fyrir liggi staðfest niðurstaða
í opinberri rannsókn réttra
yfirvalda. Það er á verksviði
Péturs Einarssonar, nýskip-
aðs flugmálastjóra, að sjá til
þess að þannig sé staðið að
rannsókn þessa máls að óað-
finnanlegt sé. Flugöryggismál
á Keflavíkurflugvelli heyra
undir flugmálastjóra og undir
hans forystu er nauðsynlegt
að upplýsa öll málsatvik fyrir
opnum tjöldum.
Þegar Pétur Einarsson var
skipaður í embætti flugmála-
stjóra lét hinn pólitíski yfir-
maður hans og sá er veitti
honum stöðuna, Steingrímur
Hermannsson, samgöngu-
ráðherra, oftar en einu sinni
orð falla á þann veg, að hann
skipaði Pétur af því að störf
hans fyrir flugmálastjórn
hefðu verið „óaðfinnanleg“.
Nú er það skylda Steingríms
Hermannssonar, æðsta yfir-
manns íslenskra flugmála, að
tryggja að þannig verði staðið
að rannsókn á atburðunum
sem urðu í lofti undan suður-
strönd íslands 15. mars síð-
astliðinn, að ekki falli blettur
á það flugöryggiskerfi sem
komið hefur verið upp hér á
landi.
Traust staða
Eimskipa-
félagsins
Eimskipafélag íslands hélt
aðalfund á mánudag og
þar skýrðu forráðamenn fé-
lagsins frá rekstri þess og af-
komu á árinu 1982. Miðað við
þann tón sem almennt er í
þeim sem atvinnurekstur
stunda jafnt mikinn sem lít-
inn kemur þægilega á óvart,
að á síðasta ári skuli rekstur
Eimskipafélagsins hafa skilað
hagnaði í fyrsta sinn í fimm
ár. Þá batnaði einnig eigið
fjárhlutfall félagsins á milli
áranna 1981 til 1982, hækkaði
úr 29% í 34%, sem sýnir enn
að vel hefur verið að rekstri
félagsins staðið. í skýrslu
Halldórs H. Jónssonar,
stjórnarformanns, kom fram
að miklir flutningar fyrri
hluta 1982, góð nýting á skip-
um, hagræðing og endur-
skipulagning á rekstri hafi
ráðið mestu um hina góðu af-
komu Eimskipafélagsins síð-
asta ár.
Af þessum orðum og niður-
stöðum reikninga má ráða að
á þeim óvissu- og erfiðleika-
tímum sem nú eru hafi félagið
undir forystu Harðar Sigur-
gestssonar, forstjóra, brugðist
við með réttum hætti. Þeim
fyrirtækjum farnast best hér
á landi nú sem huga gaum-
gæfilega að innviðum sínum
samhliða bættri þjónustu.
Ekki er raunhæft að búast við
auknum umsvifum í efna-
hagsstarfseminni almennt því
að boginn hefur þegar verið
spenntur til hins ýtrasta og
slaka verður á ef menn ætla
ekki að brjóta hann.
Stefnuskrá Sjálfstæðisflokksins kynnt í gær:
Breyting með stuðningi Sjálf-
stæðisflokksins, eða óbreytt
ástand vinstri flokkanna
— segir Geir Hallgrímsson
STKFNUSKRA Sjálfstæðisflokksins fyrir næstu alþingiskosningar var kynnt
á blaðamannafundi í gær. Stefnuskráin ber yfirskriftina „Frá upplausn til
ábyrgðar“. Á fundinum kynntu stefnuskrána Geir Hallgrímsson, formaður
Sjálfstæðisflokksins, Friðrik Sophusson, varaformaður, Albert Guðmunds-
son, alþingismaður, efsti maður á lista flokksins í Reykjavík, Matthías Á.
Mathiesen, efsti maður á listanum í Reykjaneskjördæmi, Sverrir Her-
mannsson, efsti maður á lista flokksins á Austurlandi, Friðjón Þórðarson,
efsti maður á Vesturlandi og Þorsteinn Pálsson, sera skipar efsta sæti listans
á Suðurlandi.
Geir Hallgrímsson sagði á fund-
inum að í stefnuskránni væri bent
á tvo kosti, annars vegar væri kos-
ið um breytingu með stuðningi
Sjálfstæðisflokksins og hins vegar
um óbreytt ástand með stuðningi
við vinstri flokkanna. Geir sagði
m.a að efnahagsmál væru höfuð-
mál kosninganna, en einnig væri
þung áhersla lögð á atvinnumál,
orkumál, skattamál, húsnæðismál
og samgöngumál. Geir benti á
nauðsyn aðhalds hjá hinu opin-
bera, að ekki yrði aukið við erlend-
ar skuldir og að skráningu gengis
ætti að miða við stöðu atvinnuveg-
anna. Einnig benti Geir á nauðsyn
átaks í húsnæðismálum og að þeir
sem væru að byggja sína fyrstu
íbúð ættu að fá lán á betri kjörum
en aðrir og næmu þau 80% af
byggingarkostnaði.
Geir var spurður um að hverju
stefnt væri með þessari stefnu-
skrá. Geir sagði að sjálfstæðis-
menn myndu ekki sætta sig við
smávægilegan árangur í barátt-
unni við verðbólguna, þar þyrfti
verulegt átak til að koma verð-
bólgunni niður.
Friðjón Þórðarson var spurður
hvort ríkisstjórnin væri vinstri
stjórn og svaraði hann því til að í
ríkisstjórninni væru menn úr
þremur flokkum. Hann hefði setið
Frá blaðamannafundinum í gær. Á myndinni eru frambjóðendur Sjálfstæðisflokksins, frá hægri: Friðjón Þórðarson, Þorsteinn Pálsson, Matthías Á.
Mathiesen, Albert Guðmundsson, Geir Hallgrímsson, Friðrik Sophusson og Sverrir Hermannsson. Ljósm. Mbi. KEE.
þar sem sjálfstæðismaður og
reynt að þoka fram málum þar
sem slíkur, og alltaf væri hægt að
deila um hvaða flokkar settu
mestan svip á stjórnarfarið. Geir
Hallgrímsson var spurður hvort
fyrirtæki í sjávarútvegi, sem
skulduðu mest og talin væru illa
rekin, yrðu látin verða gjaldþrota,
og svaraði Geir þeirri spurningu
þannig, að oft á tíðum risu sterk
fyrirtæki á grunni fyrirtækja sem
orðið hefðu gjaldþrota og illa
hefði verið stjórnað. Ef illa væri
stjórnað og af ábyrgðarleysi, þá
væri ekki endalaust hægt að setja
fé í slík fyrirtæki, en slíkt þýddi
ekki að atvinnureksturinn myndi
leggjast niður. Einstaklingar, fé-
lagasamtök eða starfsmenn gætu
tekið yfir slík fyrirtæki og sagði
Geir það stefnu Sjálfstæðisflokks-
ins að starfsmenn eignuðust hluti
í fyrirtækjum. Albert Guðmunds-
son sagði að ranglega skráð gengi
hamlaði fyrirtækjum reksturinn
og að gengislækkun ætti að nægja
til þess að koma þeim á réttan
kjöl. Ef ríkið hins vegar legði stöð-
ugt á skatta og tolla, þá magnaði
það verðbólgu. Þarna væri eitt at-
riði sem lagfæra mætti.
Varðandi lánveitingar til fyrir-
tækja, sagði Sverrir Hermannsson
að sums staðar væri rekstri ábóta-
vant, en benti á að höfuðmein-
semdin væri ill stjórnun ofanfrá.
Þá sagði Sverrir að nauðsyn væri
á að ná verðbólgunni niður fyrir
bærilega vexti, því allir sæju til
hvers núverandi kerfi leiddi, þar
sem vextir kæmu í humátt á eftir
verðbólgunni. Ná yrði verðbólgu
niður fyrir það stig sem fyrirtæk-
in gætu risið undir.
Friðrik Sophusson svaraði
spurningu um vísitölumál þannig,
að kæmist Sjálfstæðisflokkurinn í
aðstöðu til, þá myndi hann ekki
leggja fram núverandi frumvarp
ríkisstjórnarinnar um breytingar
á vísitölukerfinu. Þorsteinn Páls-
son benti á að aðilar vinnumark-
aðarins ættu að koma sér saman
um það, menn ættu að miða við
þær aðstæður sem fyrir hendi
væru í þjóðfélaginu og semja á
eigin ábyrgð.
Vegna spurningar um hvort
Sjálfstæðisflokkurinn myndi beita
sér fyrir innflutningshöftum,
sagði Þorsteinn Pálsson, að Al-
þýðubandalagið og Framsóknar-
flokkurinn stæðu fyrir því að
halda útsölu á gengi og rækju með
því útlenska atvinnustefnu.
Atvinnuhagsmunir fólksins í
landinu væru undir því komnir að
þessu yrði snúið við og það gerðist
ekki nema stefna Sjálfstæðis-
flokksins næði fram að ganga. Það
myndi efla framleiðsluna og
treysta stöðu fyrirtækjanna og
gera þau þannig hæfari til að
borga sómasamleg laun. Eftir því
sem framleiðslan og verðmæta-
sköpunin ykjust, þá hefðu fyrir-
tækin meiri möguleika á að greiða
sómasamleg laun. Menn borguðu
ekki laun í landinu nema verð-
mætasköpun stæði þar á bak við.
Kosningavfirlýsing Sjálfstæðisflokksins við alþingiskosningarnar 23. anríl 1983
Sjálfstæðisflokkurinn kynnti kosn-
ingayfirlýsingu sína á fundi með
blaðamönnum í gær. Fer hún hér á
eftir í heild:
Tveir kostir
í alþingiskosningunum standa ís-
lendingar frammi fyrir tveim kost-
um. Þeir geta kosið breytingu með
stuðningi við Sjálfstæðisflokkinn
eða óbreytt ástand með stuðningi
við vinstri flokkana.
Þegar vinstri flokkarnir tóku við
stjórn landsins haustið 1978 höfðu
þjóðartekjur farið vaxandi og jafn-
vægi náðst í viðskiptum við útlönd.
Þar munaði miklu um afraksturinn
af útfærslu landhelginnar í 200 sjó-
mílur, sem sjálfstæðismenn höfðu
forystu um. Aflabrögð fóru batn-
andi og atvinna jókst í landi.
Ávinningurinn af útfærslunni
hélt áfram að aukast á næ3tu árum
og gat veitt svigrúm til að koma
verðbólgunni verulega niður, ef rétt
hefði verið staðið að stjórn efna-
hagsmála. Nú hefur þetta tækifæri
gengið okkur úr greipum, þar sem
hámarksafrakstri fiskimiðanna hef-
ur verið náð og afli fer minnkandi. í
staðinn fyrir festu í atvinnulífi og
viðunandi hagvöxt á gengnum góð-
ærum hefur efnahagslegu sjálf-
stæði þjóðarinnar verið stefnt í
voða. Gjaldeyrissjóðurinn er þverr-
andi, eyðsluskuldir vegna langvar-
andi viðskiptahalla eru orðnar
hættulega miklar og greiðslubyrði
af erlendum lántökum háskaleg.
Hallarekstur fyrirtækja hefur vald-
ið samdrætti í framleiðslu. Lífskjör
versna og atvinnuleysi vofir yfir.
Langan tíma mun taka að bæta það
tjón sem úrtölur og skammsýni í
iðnaðar- og orkumálum hafa valdið.
Alþýðubandalagið og Framsókn-
arflokkurinn biðja þjóðina nú að
endurnýja umboð sitt til þess að
herða á ofstjórn ríkisvaldsins, sem
þrengir að atvinnuvegunum og
launafólki. Alþýðuflokkurinn og
Bandalag jafnaðarmanna skírskota
einnig til sósíalisma og ríkisforsjár
í stefnuskrám sínum.
Sjáifstæðisflokkurinn hefur sér-
stöðu í íslenskum stjórnmálum.
Sem ávallt áður sækir hann fram í
krafti frjálslyndis, einstaklings-
frelsis og þjóðlegrar umbótastefnu.
í upphafi sjöunda áratugarins beitti
hann sér fyrir því að leysa atvinnu-
líf landsmanna úr fjötrum milli-
færslukerfis, hafta og miðstýringar.
Þá fór í hönd eitt mesta framfara-
tímabil þjóðarinnar. Nú er aftur svo
komið að nauðsynlegt er að hefja
endurreisn efnahags- og atvinnulífs
en stemma stigu við því upplausn-
arástandi sem nú ríkir.
íslenska þjóðin verður að taka
nýja stefnu.
Stefnu ábyrgðar í stað upplausn-
ar.
Stefnu, sem treystir atvinnu
landsmanna með því að leysa at-
vinnulífið undan ofstjórn rfkis-
valdsins og miðar að því að auka
framleiðslu og bæta afkomu heimil-
anna.
Stefnu, sem leysir úr læðingi at-
orku og hugvit einstaklinga og leiðir
til nýrra átaka í atvinnuupp-
byggingu og hagsældar fyrir þjóð-
ina.
Leiö Sjálfstæðis-
flokksins
Verðbólgunni verði náð niður með
samstilltu átaki allrar þjóðarinnar.
1. Útgjöld séu ekki umfram af-
rakstur þjóðarbúsins, erlendar
skuldir aukist ekki og langtíma-
lánum sé aðeins varið til arð-
samrar fjárfestingar. Fjár-
hagslegt sjálfstæði þjóðarinnar
sé tryggt á ný og efnahagslegu
jafnvægi náð.
2. Ríkið gangi á undan með því að
draga úr eyðslu sinni og skatt-
heimtu.
3. Árangur í baráttu gegn verð-
bólgu er forsenda þess að full
atvinna haldist, sparnaður auk-
ist og jafnvægi náist í efna-
hagsmálum. Með minnkandi
verðbólgu geta vextir orðið
jákvæðir en farið þó lækkandi
og stuðlað að hjöðnun verð-
bólgu, gagnstætt því sem nú er.
4. Skráning gengis sé miðuð við
stöðu atvinnuvega og jafnvægi í
milliríkjaviðskiptum.
5. Til að tryggja atvinnu fyrir alla
og bæta lífskjörin verði
atvinnuvegunum sköpuð þau
starfsskilyrði, að þeir geti stað-
ið á eigin fótum og framleiðsla
aukist. Góð afkoma fyrirtækja
er forsenda fyrir því, að hér rísi
ný arðbær atvinnustarfsemi.
6. Aðilar vinnumarkaðarins komi
sér sjálfir saman um kaup og
kjör, er samræmist getu at-
vinnuveganna. Nauðsyn ber til
að finna nýjar leiðir að því
markmiði og mun Sjálfstæðis-
flokkurinn stuðla að því að
skapa skilyrði fyrir slíku sam-
komulagi og leggja jafnframt
áherslu á, að hagsmuna aldr-
aðra og öryrkja sé gætt.
7. Eðlilegt verðlag í landinu sé
tryggt með frjálsri verðmynd-
un, þar sem samkeppni er næg.
Að þessu sé einnig stuðlað með
almennri fræðslu um verðlag og
samkeppni. Eftirlit og kynn-
ingarstarfsemi af hálfu neyt-
endasamtaka verði efld, sér-
staklega á meðan verðskyn al-
mennings er að glæðast á ný.
8. Orkulindir landsins verði hag-
nýttar til að leggja grundvöll að
nýrri framfarasókn þjóðarinn-
ar. Við byggingu orkuvera sé
þess gætt að samræmi sé á milli
markaðsöflunar fyrir orku og
virkjunarframkvæmda. Eignar-
aðild að stóriðjufyrirtækjum
ráðist hverju sinni af því sem
hagkvæmast er og áhættum-
innst fyrir þjóðarbúið.
9. Eign fyrir alla er og verður
meginmarkmið Sjálfstæðis-
flokksins. Því verði einstakling-
um gert kleift að eignast íbúðir
með viðráðanlegum kjörum.
Sparnaður í formi hlutdeildar í
atvinnufyrirtækjum verði jafn-
gildur öðrum sparnaði.
10. Þeir sem taka efnahagslegar
ákvarðanir, beri á þeim ábyrgð
hvort sem í hlut eiga hagsmuna-
samtök, fyrirtæki, einstaklingar
eða stjórnvöld.
Bætt lífskjör
Um leið og meiri festa skapast í
efnahagslífinu vill Sjálfstæðisflokk-
urinn beita sér fyrir eftirfarandi
aðgerðum til að efla atvinnulífið og
bæta lífskjörin:
1. Tekjuskattur á almennar launa-
tekjur verði afnuminn, jafn-
framt því sem persónufrádrátt-
ur nýtist láglaunafólki að fullu.
Tekjum hjóna verði skipt á milli
þeirra fyrir álagningu skatts.
Eignarskattur á íbúðir verði
lækkaður.
2. I stað þess að atvinnufyrirtæki
greiði í opinbera fjárfest-
ingarsjóði, verði heimilað að
leggja hluta hagnaðar í eigin
fjárfestingarsjóði.
3. Virðisaukaskattur verði tekinn
upp í stað söluskatts. Lokið
verði við endurskoðun og sam-
ræmingu tollskrárinnar og þeir
skattar lagðir af, sem litlu máli
skipta eða skaða einstakar at-
vinnugreinar.
4. Afrakstur fiskstofna og hag-
kvæm nýting fiskiskipastólsins
haldist í hendur. Átak verði gert
til veiða á fleiri tegundum
nytjafiska. Verðlagning sjávar-
afla fari eftir gæðum en það er
forsenda fyrir bættri vöruvönd-
un. Stjórnvöld beiti sér fyrir
samstarfi sjómanna, útvegs-
manna og fiskverkenda í þess-
um aðgerðum. Rannsóknir í
fiskiðnaði og hafrannsóknir
verði efldar í samvinnu við
fyrirtækin sjálf og með þátttöku
þeirra. Áfram verði haldið að-
gerðum til orkusparnaðar við
veiðar og vinnslu.
5. Áhersla verði lögð á samstarf
við nágrannaþjóðir um að
tryggja hámarksafrakstur
þeirra fiskistofna sem fara á
milli auðlindalögsögu þjóðanna.
Landhelgisgæslan fái aukið
fjármagn og ný verkefni svo
sem við eftirlit og aðstoð við
fiskiskipastólinn.
6. Verðjöfnunarsjóði fiskiðnaðar-
ins verði einvörðungu beitt til
þess að jafna sveiflur í verði
sjávarafurða en sá var tilgangur
hans. Jafnframt verði unnið að
því að koma á fót verðjöfnun-
arsjóði fyrir útflutningsiðnað.
7. Stefnt sé að því að framleiðsla
landbúnaðarafurða verði í sam-
ræmi við innanlandsþarfir og
nýtanlega erlenda markaði.
Heimilt verði að ráðstafa hluta
af útflutningsbótafé til að draga
úr framleiðslukostnaði og lækka
verð á búvörum innanlands.
Lögð verði áherzla á nýjungar í
vinnslu- og sölustarfsemi land-
búnaðarafurða og aðhald sýnt í
milliliðakostnaði.
Unnið verði að eflingu nýrra
búgreina og fjölbreyttara at-
vinnulífi í sveitum til að mæta
samdrætti sem orðið hefur í
hefðbundnum búgreinum.
8. Fiskeldi sé eflt, lífríki í ám og
vötnum verndað og stuðlað að
sjóeldi og hafbeit í stórum stíl.
9. Samkeppnisaðstaða íslensks
iðnaðar sé styrkt og innkaupum
opinberra aðila sé að öðru jöfnu
beint til innlendra fyrirtækja.
Skilyrði séu sköpuð til að endur-
nýjun og viðgerð á skipastólnum
geti farið fram hér á landi. Lögð
sé áhersla á að nýta þau tæki-
færi sem innlendur markaður
gefur fyrir fiskvinnslutæki,
veiðarfæri og rafeindabúnað,
jafnframt því sem stuðlað sé að
útflutningi í þessum greinum.
10. Samtök framleiðenda og einstök
fyrirtæki verði efld til fram-
leiðslu- og sölustarfsemi erlend-
is. Greitt verði fyrir eðlilegum
viðskiptaháttum innanlands og
í innflutningsverslun með því að
verðmyndun verði frjáls og
gjaldeyrisviðskipti greið.
11. Athugun og endurskoðun fari
fram á starfsemi opinberra
stofnana, þar með talin Fram-
kvæmdastofnun, Húsnæðis-
stofnun, fjárfestingalánasjóðir
og ríkisbankar. Stefnt sé að því
að draga úr kostnaði í rekstri,
flytja til störf, þar sem það þyk-
ir hagkvæmara og forðast
>þyn8jandi áhrif opinberra aðila
af atvinnulífinu.
12. Heilbrigðis- og tryggingakerfið
verði gert einfaldara og hag-
kvæmara og dregið úr kostnaði í
umsvifum án þess að rýra þá
þjónustu sem fyrir er. Sérstak-
lega sé hugað að þeim þáttum
þar sem þörfin fyrir aukna
þjónustu er mest.
13. Starfsemi lífeyrissjóða verði
endurskipulögð með það fyrir
augum að allir landsmenn njóti
verðtryggðs lífeyris og sam-
bærilegra lífeyrisréttinda.
14. Staðið verði við fyrirheit um
stórátak í varanlegri vegagerð í
samræmi við stefnumótun
Sjálfstæðisflokksins, samhliða
úrbótum í samgöngum í lofti og
á sjó.
15. Skipting á verkefnum ríkis og
sveitarfélaga sé við það miðuð
að stækka umráðasvið sveitar-
félaga og draga úr miðstýringu.
Sett verði lög sem tryggi rétt
sveitarfélaga til að ráða sjálf
málum sínum. Skipting tekju-
stofna skal vera í samræmi við
verkefni hvors aðila.
16. Húshitunarkostnaður verði
lækkaður, þar sem hann er
óeðlilega hár og orkujöfnun-
argjald, sem lagt er á sam-
kvæmt sérstökum lögum, verði
notað í því skyni, svo sem ætlað
var.
Eign fyrir alla —
átak í húsnæðis-
málum
Á síðustu misserum hafa almenn-
ar húsbyggingar dregist stórlega
saman og framkvæmdir færst æ
meira yfir á svið verkamanna-
bústaða og bygginga á vegum opin-
berra aðila. Orsakirnar eru annars
vegar versnandi efnahagur og
lífskjör, en hins vegar lánsfjár-
skortur og beinar aðgerðir stjórn-
valda.
Sjálfstæðisflokkurinn telur þessa
þróun óæskilega og stefnir að því að
allir geti eignast og búið í eigin hús-
næði. Hann mun beita sér fyrir eft-
irfarandi aðgerðum í húsnæðismál-
um:
1. Efldir verði tekjustofnar Bygg-
ingasjóðs ríkisins svo að almenn
íbúðarlán hækki nægilega til
þess að almenningi sé kleift að
koma sér upp eigin íbúð með
þeim lánskjörum, sem staðið
verður undir af venjulegum
launatekjum. Þeir sem eru að
eignast sína fyrstu íbúð fái 80%
lán með betri kjörum en aðrir.
2. Verkamannabústaðakerfið verði
bundið við þarfir hinna efna-
minnstu er fái nægilega aðstoð
til að koma sér upp eigin íbúð.
3. Leiguíbúðum sé markaður
ákveðinn rammi innan hús-
næðislánakerfisins.
4. Sérstakt átak verði gert í bygg-
ingu þjónustuíbúða fyrir aldr-
aða og öryrkja. Öldruðum verði
auðvelduð eignaskipti á íbúð-
arhúsnæði.
5. Sérstakar skattaívilnanir verði
veittar þeim einstaklingum sem
leggja reglulega fé inn á bundna
reikninga. Sú aukning frjáls
sparnaðar sem af þessu hlýst sé
notuð til að stánda undir aukn-
um þörfum húsnæðislánakerfis-
ins.
Betra mannlíf
í umróti þjóðfélags í mótun og
þeirri upplausn sem verið hefur í
efnahagslífinu er hætt við að gaml-
ar dyggðir gleymist og mannleg
verðmæti fari forgörðum.
Við þessu vill Sjálfstæðisflokkur-
inn sporna og leggur áherslu á eftir-
farandi stefnuatriði:
að treyst verði undirstaða heimila
og fjölskyldna. Foreldrum verði
gert kleift að skipta með sér uppeldi
hinnar ungu kynslóðar sem þau
bera ábyrgð á. Til þess þarf að koma
á samfelldum skóladegi, auka
möguleika á dagvist og koma á
sveigjanlegum vinnutíma;
að stefnan í mennta- og menning-
armálum miði að því að efla sjálf-
stæða hugsun og skapandi starf svo
að þroski og hæfileikar einstakl-
inganna njóti sín. Dregið verði úr
miðstýringu í skólakerfinu.
að útvarpsrekstur verði gefinn
frjáls;
að áhrif kvenna í samfélaginu séu
aukin og komið á ótvíræðu jafnrétti
karla og kvenna;
að áhrif kristindóms og kirkju
verði aukin í þjóðlífinu;
að víðtækt átak verði gert meðal
þjóðarinnar gegn áfengis- og eitur-
lyfjanotkun;
að sérstök áherzla verði lögð á að
vernda náttúru landsins, bæta gróð-
ur og koma í veg fyrir rýrnun land-
kosta og spillingu lofts, láðs og lag-
ar;
að áfram verði haldið endurskoð-
un stjórnarskrár lýðveldisins.
í æsku landsins býr framtíð þjóð-
arinnar. Sjálfstæðisflokkurinn vill
hvetja ungt fólk til heilbrigðs líf-
ernis, íþrótta og útilífs með því að
bæta skilyrði þess eins og kostur er.
Friöur og frelsi
Sjálfstæðisflokkurinn fylgir
utanríkisstefnu, sem í senn tekur
mið af brýnum hagsmunum íslands,
nauðsyn samvinnu við aðrar þjóðir
og baráttu fyrir friði, mannréttind-
um og frelsi þjóða og einstaklinga
til að ráða málum sínum án íhlut-
unar annarra.
Öryggi landsins byggist á aðild
þess að Atlantshafsbandalaginu og
traustum vörnum samfara auknu
íslensku frumkvæði í varnarmálum
á grundvelli innlendrar sérþekk-
ingar.
Það skiptir nú enn meira máli en
nokkru sinni fyrr, að endir sé bund-
inn á vígbúnaðarkapphlaupið. Eina
færa leiðin til þess er samkomulag
um gagnkvæma afvopnun undir
tryggu eftirliti. Frjáls og opin sam-
félög vesturlanda geta því aðeins
náð slíku samkomulagi að þau sýni
fulla einbeitni í varnarmálum sín-
um.
Sjálfstæðisflokkurinn minnir á
mikilvægi alþjóðasamvinnu um
efnahagsmál, sem varðar íslend-
inga meira en flestar aðrar þjóðir.
Eitt af meginmarkmiðum íslenskr-
ar utanríkisstefnu er því að vinna
gegn hvers konar hömlum á frjáls-
um viðskiptum þjóða í millum.
Sjálfstæðisflokkurinn leggur
áherslu á að staðið verði á verði um
fyllstu réttindi íslands innan auð-
lindalögsögunnar og réttindi ís-
lands á hafsbotnssvæðunum utan
hennar verði tryggð svo sem
alþjóðasamningar frekast heimila.
Bjartari framtíð
Við fslendingar höfum öll skilyrði
til að geta búið vel í landi okkar.
Það er gjöfult og gott og fámennið
ætti að gera okkur auðveldara en
milljónaþjóðum að hafa stjórn á
eigin málum. Síðustu misserin hafa
verið erfið, verðbólgan æðir áfram,
svo að hvorki einstaklingar né fyrir-
tæki geta gert áætlanir fram í tím-
ann. Það hefur leitt til ringulreiðar
í fjármálum, sljóvgað siðgæðisvit-
und og valdið ranglæti og óþolandi
mismunun. Það dregur úr sjálfs-
bjargarhvöt, framleiðsla minnkar
en lífskjör versna. Þetta hefur dreg-
ið úr trausti manna á stjórnarfar-
inu og undirstöðu þess, þingræðinu.
í slíkum jarðvegi blómstra sundr-
ungaröfl og lausung vex.
Við íslendingar stöndum nú
frammi fyrir miklum vanda í efna-
hagsmálum. Sagan kennir okkur, að
á örlagatímum hefur þjóðin borið
gæfu til að standa saman og takast
á við örðugleikana, ef henni er veitt
styrk forysta. Á þetta leggur
Sjálfstæðisflokkurinn áherslu um
leið og hann gengur frá stefnumörk-
un sinni fyrir komandi alþingis-
kosningar. Sjálfstæðisflokkurinn
vill beita nýjum ráðum við stjórn
landsins. Þau munu stuðla að jafn-
vægi og festu og leysa framtak ein-
staklinga úr læðingi. Með sameig-
inlegu átaki sigrumst við á erfið-
leikunum.
Sjálfstæðisflokkurinn höfðar einn
flokka til allra stétta og getur í
trausti þess leitt þjóðina frá upp-
lausn til ábyrgðar.
Leið þjóðarinnar til bjartari
framtíðar er leið Sjálfstæðisflokks-
ins.