Morgunblaðið - 29.03.1983, Qupperneq 3

MORGUNBLAÐIÐ, ÞRIÐJUDAGUR 29. MARZ 1983
Rvíkurborg gefur Styrkt-
arfélagi vangefinna 1,5
millj. kr. til vistheimila
Reykjavíkurborg hefur gefið Styrktarfélagi vangefinna 1,5
milljónir króna vegna bygginga fjögurra raðhúsa félagsins í
Suðurhlíðum. Jafnframt hafði borgarstjórn áður samþykkt að
gefa félaginu eftir gatnagerðargjöld vegna húsanna, en sú
upphæð nemur samtals 496 þúsundum króna, þannig að
framlag borgarinnar til styrktarfélagsins nemur tæpum
tveimur milljónum króna.
Raðhúsin, sem styrktarfélagið
hyggst reisa, eru við Víðihlíð
5—11. Eitt þeirra er hugsað sem
skammtíma dvalarheimili fyrir
þroskahefta, og verður rekið í
samvinnu við Félagsmálastofn-
un Reykjavíkurborgar, en þrjú
þeirra sem sambýli.
Albert Guðmundsson, forseti
borgarstjórnar, afhenti Styrkt-
arfélaginu framangreinda upp-
hæð á 25. ára afmæli félagsins
sl. miðvikudag, og hófust fram-
kvæmdir við raðhúsin samdæg-
urs.
„Framlag borgarinnar er
okkur ómetanlegt," sagði Tómas
Sturlaugsson, framkvæmda-
stjóri Styrktarfélags vangef-
inna, í samtali við Mbl. í gær.
„Vegna þessa erum við bjartsýn
á að gera megi húsin öll fokheld
fyrir haustið," sagði Tómas.
Verð hjá okkur
verið uppá við
— segir Ragnar Halldórsson forstjóri ÍSAL
„VIÐ fáum hækkanir á álverði ekki
jafnóðum því við þurfum að afgreiða
gamlar pantanir, en verðið hefur ver-
ið uppávið hjá okkur,“ sagði Ragnar
S. Halldórsson, forstjóri ÍSAL í sam-
tali við Mbl. Ragnar var spurður um
hvort undanfarin verðlækkun á áli
hefði haft áhrif á fyrirtækið, en ál-
verð hefur lækkað úr 1350 dollurum
í 1200 á nokkrum vikum.
Ragnar gat þess að þeir hefðu
ekki náð hámarksverði þegar það
tók að lækka. Ragnar sagði að ÍS-
AL hefði verið að fá pantanir upp
í 1200 dollara verðið, en lítið um
hærra. Hins vegar kvaðst Ragnar
vona að verðið lækkaði ekki meira
en orðið væri.
MorgunblaAtt/Emilfa.
Reynir Hugason við spilakassana nýju.
íslenzkir tölvuspila-
kassar á markaðinn
HAFIN er framleiðsla á tölvuspila-
kössum á vegum Tölvubúðarinnar,
og að sögn Reynis Hugasonar eru
íslenzku kassarnir margfalt ódýrari
en samskonar kassar innfluttir.
„Við notum í þetta venjulegar
heimilistölvur og sjónvörp, en
framleiðum stýribúnaðinn sjálf-
ir. Að útliti eru þessir kassar
svipaðir þeim útlendu kössum,
sem fluttir hafa verið inn. Þessir
kassar eru hugsaðir í sjoppur,
leiktækjasali, félagsheimili og
þess háttar.
Það sem okkar kassar hafa
fram yfir innflutta kassa er að
þeir eru ódýrari og auðvelt er að
skipta um leiki í þeim, allt og
sumt sem þarf að gera er að opna
tækið og stinga öðrum leik í. Það
getur hver og einn gert, og hægt
er að gera það daglega ef
mönnum sýnist svo.
Hægt er að fá hjá okkur ýmsa
leiki og eru þeir tíu sinnum ódýr-
ari en innfluttu leikirnir, sem
kosta milli 15 og 30 þúsund. Við
erum með um 20 leiki á boðstól-
um núna, en getum auðveldlega
bætt fleirum við. Kassinn hjá
okkur kostar 60 þúsund í dag.
Þá erum við með aðra gerð af
kössum í smiðum. Þeir eru með
innbyggða 10 leiki, sem notand-
inn getur valið um á stjórnborði
kassans. Þessir kassar eru með
miklu flóknari leikjum, þar sem
marga takka þarf til að stýra. í
þessum kössum má til dæmis
hefja júmbó-þotu á loft eða lenda
henni, og stunda kafbátahernað
með öllu tilheyrandi, sjónpipu,
sónarhljóðum og þess háttar,“
sagði Reynir að lokum.
Framkvæmdastjóri
Listahátíðar:
Bjarni
Ólafsson
hlaut
stöðuna
BJARNI Ólafsson hefur verið ráðinn
framkvæmdastjóri Listahátiðar 1
Reykjavík, samkvæmt upplýsingum
sem Mbl. fékk hjá Þorkatli Sigur-
björnssyni, formanni framkvæmda-
stjórnar Listahátíðar.
Framkvæmdastjórnin kom sam-
an í gær, mánudag, og samþykkti
hún að ráða Bjarna til starfans, en
hann er fyrrverandi framkvæmda-
stjóri Kaupstefnunnar. Fimm eiga
sæti í framkvæmdastjórn Lista-
hátiðar.
Auk Bjarna sóttu þessir um stöð-
una: Áslaug Ragnars, Bryndis
Schram, Guðbrandur Gislason,
Júlíus Vífill Ingvarsson og Stein-
þór Ólafsson.
Stúlka
fyrir bíl
EKIÐ var á 11 ára gamla stúlku á
Álfabakka rétt fyrir klukkan 17 á
sunnudag. Stúlkan mun ekki hafa
slasast alvarlega að sögn lögreghi.
Slysið vildi til með þeim hætti,
að stúlkan hljóp norður yfir Álfa-
bakka. Hún var flutt i slysadeild
Borgarspítalans.
FJÖCURRA VKNA FEIWSS?;
A ÞRtGGJA
VIKNAVERÐI
Vorferð eldri borgara
Ferðamiðstöðin hefur undanfarin vor efnt til sérstakra ferða fyrir eldri-
borgara. Að þessu sinni er þessi ferð 28 dagar/fjórar vikur á sama verði
og þriggja vikna ferðirnar.
Hjukrunarfræðingur verður með í ferðinni. Styttið veturinn og njótið
vorsins á besta sumarleyfisstað Spánar — Beniaorm.
Fjökkyldirferð Frítt fyrir bömin
Auðvitað er fjölskyldufólki boðið að taka þátt í þessari vorferð og til
þess að bæta þetta verðtilboð (fjögurra vikna ferð á þriggja viku verði)
ojóðum við nú frítt far fyrir börnin.Góðar íbúðir eða hotel með fæði.
FMR- Ferðatón
FERÐAMIÐSTÖÐIN býður upp á sérstök FM—ferðalán sem byggj-
ast á innlángreiðslum mánaðarlega fram að brottför, og síðan jöinum
afborgunum í tiltekinn tíma eftir að heim er komið. Kynntu þér þessi
hagkvæmu greiðslukjör og staðgreiðsluafsláttinn.
FERÐAMIÐSTÖÐIIM
AÐALSTRÆTI9
SÍM128133 11255