Morgunblaðið - 23.04.1983, Blaðsíða 8

48
MORGUNBLAÐIÐ, LAUGARDAGUR 23. APRÍL 1983
Um hvað er kos-
ið? — hamingju
eða hörmungar
eftir Jósep Helgason
Ágætu Selfossbúar. Nú hefur
þaö gerst án fjöldahreyfingar að
tveir menn, sem kosnir voru í bæj-
arstjórn Selfoss í síðustu kosning-
um, þeir Guðmundur Sigurðsson
hjá S.G.-einingahúsum og Guð-
mundur Kr. Jónsson, íþróttafröm-
uður og formaður Héraðssam-
bandsins Skarphéðins, hafa borið
fram tillögu í bæjarstjórn Selfoss
um opnun áfengisútsölu hér á
staðnum.
Þar var tillagan samþykkt með
atkvæðum þessara tveggja manna
og fengu þeir til liðs við sig þá
Grétar Jónsson, trésmið, Örn
Grétarsson, formann Félagsmála-
stofnunar Selfossbæjar og Óla Þ.
Guðbjartsson, skólastjóra gagn-
fræðaskólans. Á móti tillögunni
voru Sigurjón Erlingsson múrari,
Jónas Magnússon, framkvæmda-
stjóri og Ingvi Ebenhardsson,
skrifstofumaður; ólafur Helgi
Kjartansson, sýslumannsfulltrúi,
sat hjá.
Finnst ykkur, Selfyssingar, það
ekki undarlegt að í þessari upp-
talningu um þá menn, sem sam-
þykktu þessa tillögu, eru þrír sem
gefið hafa kost á sér til að fara
með trúnaðarstörf fyrir okkur,
trúnaðarstörf um að veita börnum
okkar fræðslu sem á að fylgja
þeim inn í framtíðina. örn sem
formaður Félagsmálastofnunar
bæjarins, Guðmundur Kr. sem
fyrirmynd æskunnar í því hvað
íþróttir og líkamsrækt gefur þeim
og ÓIi Þ. skólastjóri, uppalandinn
sjálfur. En óli Þ. hefur gert meira
en að samþykkja þessa tillögu.
Hann hefur leyft það að vínveit-
ingar séu haföar í skóla þeim sem
hann stjórnar á sama tíma og
kennsla fer fram. Mun það vera
einsdæmi hér á Islandi að slíkt sé
leyft.
Þessi tillaga um opnun áfengis-
útsölu hér á Selfossi kemur á
sama tíma og þjóðin er að safna
stórfé til byggingar sjúkrahúss
fyrir fólk sem lent hefur í klóm
áfengisins og orðið sjúkt af. Það er
viðurkennd staðreynd að í öllum
löndum þar sem fyrirhafnar-
minna er að ná í áfengi en hér, er
meira drukkið.
Á Akranesi gerðist það 15. mars
sl., að þar var opnuð áfengisút-
sala. Vínbúðir eru ekki opnar á
laugardögum svo hún var aðeins
opin í 12 daga í mars. Á þessum 12
dögum seldist áfengi fyrir 1,5
milljónir. Því miður eru engar töl-
ur til að gera samanburð um áf-
engiskaup þessa fólks áður, en
mér var sagt af kunnugum þar, að
þessi miklu kaup á áfengi hafi
bersýnilega komið fram í aukinni
drykkju. Getur þetta orðið okkur
til leiðbeiningar er við göngum að
kjörborðinu 23. apríl nk. Þið mæð-
ur og feður hér í bæ; Ég bið ykkur
að hugsa ykkur vel um þegar þið
greiðið atkvæði um opnun áfengis-
útsölu hér á Selfossi. Ég bið ykkur
að leiða ekki þetta eitur, frekar en
nú er, til okkar. Þið mæður og feð-
ur sem hafið lent í því að sjá börn
ykkar eða maka falla fyrir þessum
bölvaldi, áfenginu, þið þekkið
vandamál drykkjuskaparins. En
þið hin sem hafið ekki horft upp á
börn ykkar eða maka falla fyrir
þessum bölvaldi, sem betur fer,
hugsið um framtíð fjölskyldu ykk-
ar og forðið henni frá óhamingju
lífs þess er áfengið skapar.
Ungu vinir, þið sem enn eruð
laus og liðug. Ykkur treysti ég til
þess að skera upp herör gegn
ákvörðun meirihluta bæjarstjórn-
ar. Sum ykkar hafið horft á for-
eldra ykkar, annað eða bæði, eða
systkini ykkar lenda í klóm áfeng-
isins. Kallið ekki slíkt yfir ykkur
sem enn hafið ekki lifað þær
hörmungar.
Megi Guð gefa ykkur, kjósendur
góðir, skilning á því sem okkur öll-
um er fyrir bestu í þessu máli og
kjark til að framkvæma það.
Fellum tillöguna um opnun
áfengisútsölu hér í okkar fagra
Selfossbæ.
28 fyrirtæki fá 59 milljónir:
Fiskiðjan Freyja,
Suðureyri, er hæst
með 7 milljónir kr.
Sjávarútvegsráðuneytið hefur nú verið gerð tillaga um að samtals verði
falið Fiskveiðasjóði að afgreiða lán að að þessu sinni veitt 61 milljón króna
upphæð samtals 59 milljónir króna til til 31 fyrirtækis að auki, uppfylli þau
28 fyrirtækja í sjávarútvegi. Er þetta skilyrðin, sem þeim eru sett.
gert í framhaldi bráðabirgðalaga um Hér fer á eftir listi yfir þau fyrir-
aðstoð til fyrirtækja í sjávarútvegi og tæki, sem öðlast hafa heimild til lán-
með hliðsjón af því, að þessi fyrirtæki töku og uppfyllt hafa viðkomandi skil-
uppfylla skilyrði til lántöku. Þá hefur yrði:
1. Fiskiðjan hf., Vestmannaeyjum kr. 500.000
2. Hraðfrystistöð Vestmannaeyja hf. kr. 2.000.000
3. Vinnslustöðin hf., Vestmannaeyjum kr. 1.000.000
4. Samtog sf., Vestmannaeyjum kr. 3.000.000
5. Hraðfr.hús Stokkseyrar, Stokkseyri kr. 2.000.000
6. Bæjarútgerð Hafnarfjarðar kr. 5.500.000
7. ísbjörninn hf. Reykjavík kr. 5.000.000
8. Sjóli hf., Reykjavík kr. 500.000
9. Haförninn hf., Akranesi kr. 500.000
10. Haraldur Böðvarsson, Akranesi kr. 2.000.000
11. Krossvík hf., Akranesi kr. 1.000.000
12. Lóndrangar hf., Ólafsvík kr. 3.000.000
13. Guðmundur Runólfsson hf., Grundarfirði kr. 500.000
14. Hraðfrystihús Grundarfjarðar hf. kr. 500.000
15. Hraðfrystihús Tálknafjarðar hf. kr. 500.000
16. Fiskiðjan Freyja hf., Suðureyri kr. 7.000.000
17. Fiskiðja Sauðárkróks hf. kr. 1.500.000
18. Útg. félag Skagfirðinga hf. kr. 2.500.000
19. Sædís hf., Ólafsfirði kr. 1.000.000
20. Söltunarfélag Dalvíkur hf. kr. 1.000.000
21. Útgerðarfélag KEA, Hrísey kr. 3.000.000
22. Kaldbakur hf., Grenivík kr. 500.000
23. Tangi hf., Vopnafirði kr. 2.000.000
24. Fiskvinnslan hf., Seyðisfirði kr. 3.000.000
25. Síldarvinnslan hf., Neskaupstað kr. 3.000.000
26. Hraðfrystihús Eskifjarðar hf. kr. 3.000.000
27. KASK, Hornafirði kr. 3.000.000
28. Stemma hf., Hornafirði kr. 1.000.000 59.000.000
AF ERLENDUM VETTVANGI
Eftir SVEIN SIGURÐSSON
Andreas Papandreou fagnar sigri í kosningunum 1981. Þá naut hann víðtæks stuðnings kommúnista og
annarra vinstriflokka. Stjórnarandstaðan sakar hann nú um að hafa ýtt undir vaxandi hryðjuverk í Grikklandi
með undanlátssemi við öfgafulla vinstrimenn.
Vinstri öfgamenn í
gríska hernum sakaðir
um hryðjuverkastarfsemi
Gríska sósíalistastjórnin vinnur nú að því að fletta ofan af samtökum
öfgafullra vinstrimanna innan herafla landsins en þessi samtök eru talin
bera ábyrgð á fjöldamörgum hryðjuverkum í Grikklandi að undanfórnu,
meðal annars á morði gríska blaðaútgefandans Tzortzis Athanasiades.
Þegar þessi samtök létu fyrst
til sín heyra á síðasta ári
kölluðu þau sig „Hermanna-
nefndina" en hafa nú tekið upp
nafngiftina „Baráttusamtökin
gegn hernaði". Þau lýstu sök á
hendur sér þegar blaðaútgefand-
inn fyrrnefndi var myrtur, en
hann var hægrisinnaður og hafði
unnið það sér til óhelgi að neita
að taka alvarlega kröfur sam-
takanna um betri aðbúnað að
hermönnum. Þótt Tzortzis hafi
verið íhaldsmaður var hann
mjög andvígur herforingja-
stjórninni á sínum tíma og var
blað hans, Vradyni, bannað á
stjórnartíma þeirra.
Miklar umræður hafa orðið í
Grikklandi um vaxandi hryðju-
verkastarfsemi og hefur stjórn-
arandstaðan áfellst stjórnina
harðlega og sagt hana í raun
bera ábyrgð á henni með undan-
látssemi og alls kyns gælum við
öfgafulla vinstrimenn í landinu.
I umræðum á þingi í síðustu viku
sagði Antonis Drossoyannis, að-
stoðarvarnarmálaráðherra, að
öryggislögreglan hefði „náið
eftirlit með samtökum þessara
stjórnleysingja. Við erum ekki
hræddir við þá og þeim mun eng-
in miskunn verða sýnd. Þetta er
fámennur hópur og hann verður
barinn niður.“
Fyrir þremur mánuðum sagði
Drossoyannis, að rannsóknir
hefðu sýnt, að vinstri öfgamenn-
irnir innan gríska hersins nytu
stuðnings samtaka, sem hefðu
aðsetur í Stokkhólmi og væru
þekkt undir nafninu „Samevr-
ópsku baráttusamtökin fyrir
réttindum hermanna". Sagði
Drossoyannis, að þessi félags-
skapur ynni ekki að hagsmuna-
málum hermanna, það væri að-
eins haft að yfirvarpi. Raun-
verulegur tilgangur hans væri
allur annar. Eftir öðrum heim-
ildum er haft, að þessi samtök í
Stokkhólmi séu ákaflega vinstri-
sinnuð og hafi rekið áróður með-
al hermanna ýmissa ríkja, sem
aðild eiga að Átlantshafsbanda-
laginu. Grískir félagar í samtök-
unum hafa a.m.k. þrisvar
sinnum tekið þátt í mótmæla-
göngum, sem beint hefur verið
gegn Bandaríkjamönnum, en
hafa alltaf haft grímur fyrir
andlitinu til að ekki sé unnt að
bera kennsl á þá.
„Hermannanefndin" hefur
staðið fyrir útgáfu á alls kyns
dreifiblöðum, sem dreift hefur
verið meðal grískra hermanna.
Jafnan er látið í veðri vaka, að
réttindi hermannanna standi
„nefndinni" hjarta næst en ekki
fer á milli mála að tilgangurinn
er fyrst og fremst að sá fræjum
úlfúðar og upplausnar. Varnar-
málaráðherranum og öðrum
yfirmönnum hersins eru ekki
vandaðar kveðjurnar og sósíal-
istastjórn Andreas Papandreou
sögð handbendi heimsvalda-
sinna og beint framhald á fyrr-
verandi hægri-stjórnum.
Haft er eftir heimildum innan
gríska hersins, að þessi samtök
vinstri öfgamanna hafi komið
fyrir sprengjunum, sem sprungu
á hóteli nokkru skammt frá
tyrknesku landamærunum í lok
síðasta mánaðar en þar var þá
haldinn fundur íhaldsflokksins
gríska. Á siðustu sex árum hefur
vopnum margsinnis verið stolið
úr fórum gríska hersins og í upp-
hafi þessa árs var eldflaug, sem
ætluð er gegn skriðdrekum,
skotið að herbúðum á lítilli,
grískri eyju. Þessi eldflaug var
ein af 17, sem horfið höfðu úr
vopnabúrum hersins, en Drosso-
yannis, aðstoðarvarnarmála-
ráðherra, heldur því þó fram, að
tekist hafi að hafa upp á 15
þeirra aftur.
Stjórnarandstaðan hefur gert
harða hríð að stjórn sósíalista
vegna þessarar þróunar og segir
hann bera meginábyrgð á því
hvernig komið er. Andreas Pap-
andreou og Sósíalistaflokkur
hans unnu stórsigur í síðustu
kosningunum undir merkjum
eindreginnar vinstrimennsku og
fengu út á það stuðning jafnt
kommúnista sem annarra hópa
vinstrimanna. Þeim þykir því
sem þeir eigi hönk upp í bakið á
Sósíalistaflokknum og geti
óáreittir farið sínu fram um
ýmislegt, sem ekki hefði verið
látið viðgangast á stjórnartíma
hægrimanna. Eins og svo oft áð-
ur hefur kommúnistum heldur
ekki orðið skotaskuld að finna
hverjir bera ábyrgðina á hryðju-
verkunum. Dagblaðið Ethnos,
sem jafnan tekur málstað Sov-
étmanna, sagði nú nýlega, að
leyniþjónustur á Vesturlöndum
stæðu að baki þeim og formaður
kommúnistaflokksins, Harilaos
Florakis, nefndi sérstaklega
Bandaríkjastjórn í því efni.
Papandreou hefur átt við ær-
inn vanda að stríða síðan hann
komst til valda. Efnahagssam-
drátturinn hefur ekki gengið hjá
garði í Grikklandi fremur en
annars staðar, atvinnuleysi hef-
ur vaxið og ókyrrð er á vinnu-
markaðnum. í kosningabarátt-
unni létu sósíalistar að því
liggja, að þeir myndu segja sig
úr EBE en um það er ekki lengur
rætt. Þeir ætluðu einnig að loka
bandarískum herstöðvum í land-
inu en nú er um þáð rætt hve
dýru verði Bandaríkin skuli
kaupa aðstöðuna. Hryðjuverkin
og undirróður öfgafullra vinstri-
manna í hernum er heldur ekki
til að bæta um betur og munu að
líkindum verða vatn á myllu
stjórnarandstöðunnar í næstu
kosningum. Þau eru líka talin
munu verða til þess að Sósíal-
istaflokkurinn reyni að draga
skýrari mörk á milli sín og
þeirra hópa vinstrisinna, sem
eru til vinstri við hann.
(Heimildir: NYTNS, AP)