Morgunblaðið - 11.05.1983, Blaðsíða 17
MORGUNBLAÐIÐ, MIÐVIKUDAGUR 11. MAÍ 1983
17
„Namm, namm, mikið eru þetta girnilegar
pylsur."
ramar“
býst við að halda því áfram eftir því
sem tími vinnst til. Ég samdi ballett-
inn eignlega fyrir nemendurna í skól-
anum, fyrir þeirra árlegu sýningu, og
þeir sem fram úr sköruðu tóku þátt í
sýningunni.
Ég held að það liggi beinast við að
ég snúi mér að því að semja og kenna
þegar ég verð að draga mig í hlé frá
sviðinu, og það er aldrei að vita nema
þetta áhugamál taki við og maður
skelli sér meira út á þessa braut fyrst
svona vel tekst til. Ég er að vísu í
fullu fjöri ennþá, en það kemur senn
að því að ég verði að minnka við mig
dansinn, og það eru til dæmis ýmsar
rullur sem mér finnst ég eigi ekki að
dansa lengur."
Helgi sagði í samtalinu að það væri
jafnan gaman að skreppa heim til ís-
lands og kvaðst hann vonast til að svo
gæti orðið bráðlega. .,En eins og er
veit ég ekki alveg hvenær það getur
orðið. Vonandi gefst tækifæri tii þess
öðru hvoru megin við ferðalag flokks-
ins til London, Kaupmannahafnar og
Parísar í ágústlok."
Ályktun miðstjórnar ASÍ og stjórnar BSRB:
Til viðræðu um aðrar leiðir
en núverandi vísitölukerfi
„AÐ MATI Þjóðhagsstofnunar
rýrna þjóðartekjur á mann um
8—9% á árunum 1982—1983. Sömu
áætlanir gera ráð fyrir því að heild-
artekjur heimilanna að frádregnum
beinum sköttum rýrni að öllu
óbreyttu um 9—10% á sama tíma-
bili. Flest bendir til þess, að hér sé
sízt um vanmat að ræða,“ segir m.a.
í ályktun miðstjórnar ASÍ. Stjórn
BSRB gerði ennfremur samhljóða
ályktun.
Þá segir í ályktunum samtak-
anna, að af framansögðu sé ljóst,
að sá samdráttur, sem orðið hefur
í þjóðarframleiðslu á sl. tveimur
árum hafi af ríflegum þunga kom-
ið niður á pyngju launafólks.
Tekjurýrnunin sé þeim mun al-
varlegri sem full verðtrygging
lána miðast við óskerta lánskjara-
vísitölu og íþyngi mjög þeim sem
skulda vegna eigin húsnæðis.
„Einnig skal minnt á, að lægstu
laun eru aðeins 9.581 króna á mán-
uði. Af þeim tekjum er útilokað að
draga fram lífið ef greiða þarf háa
húsaleigu eða standa undir klyfj-
um orkukostnaðar. Með skírskot-
un til þessa vekur það furðu, að í
þeirri efnahagsumræðu sem átt
hefur sér stað að undanförnu skuli
kaupmáttur launafólks og verð-
bótakerfið talið höfuðorsök þess
vanda sem þjóðarbúið nú stendur
frammi fyrir," segir ennfremur.
Þá segir, að miðstjórn ASl og
stjórn BSRB vilji enn á ný árétta,
að verðbótakerfið sé engan veginn
fullkomið. „Verðbótakerfið er með
þeim göllum, að í 60% verðbólgu
verða launþegar að sækja 6—7%
grunnkaupshækkun á ári eigi
kaupmætti ekki að hraka. Verð-
bótakerfið tekur tillit til við-
skiptakjara þjóðarbúsins, það
mælir þætur vegna verðhækkana
sem þegar eru orðnar og getur
engan veginn talizt undirrót þess
verðbólguvanda, sem nú er við að
etja. Verkalýðshreyfingin hefur æ
ofan í æ ítrekað, að hún er ekki
bundin á klafa tiltekins kerfis, það
er kaupmátturinn sem gildir.
Finnist aðrar leiðir sem tryggi
kaupmátt launafólks er verka-
lýðshreyfingin reiðubúin til þess
að ræða þær leiðir," segir enn-
fremur.
Þá er í ályktunum fjallað al-
mennt um ástandið og hvernig
sigið hefur á ógæfuhliðina. Mið-
stjórn ASÍ og stjórn BSRB benda
síðan á eftirfarandi atriði við upp-
bygginguna: „Skipulega verði unn-
ið að hagnýtingu orkulinda lands-
ins samhliða uppbyggingu stór-
iðnaðar og eflingu annarrar
atvinnustarfsemi. Starfsskilyrði
íslenzks iðnaðar verði bætt og
hagræðing aukin. Útflutnings-
greinar almenns iðnaðar verði
efldar og sett ákveðin stefnumörk
um markaðshlutdeild einstakra
samkeppnisgreina á innlendum
markaði. Samræmt verði skipulag
veiða og vinnslu. Lögð verði
áherzla á aukin gæði og full-
vinnslu sjávarafurða innanlands,
markaðsleit og uppbyggingu nýrra
markaða. Framleiðsla landbúnað-
arvara miðist við þarfir innlends
markaðar og stefnt verði að auk-
inni hagkvæmni í framleiðslu og
vinnslu landbúnaðarvara. Skipu-
lag opinberrar þjónustu verði
bætt þannig að betri þjónusta ná-
ist með minni tilkostnaði. Áherzla
verði Iögð á hagræðingu í banka-
starfsemi, verzlun og annarri
þjónustu. Fjárfestingarlánasjóðir
verði sameinaðir og fjármagni
beint í þær framleiðslugreinar og
til þeirra fyrirtækja, sem bezt
nýta það til atvinnuuppbyggingar
og hagræðingar. Skipuleg úttekt
fari fram á atvinnumálum með
sérstakri hliðsjón af áhrifum
nýrrar tækni á mannafla."
Aukning karfaveiðanna
veldur okkur áhyggjum
— segir Jakob Magnússon, fiskifræðingur
„ÞAÐ hefur valdið okkur miklum
áhyggjum að karfaveiðar, ekki að-
eins veiðar íslendinga, heldur
einnig Þjóðverja úr stofninum við
ísland, Færeyjar og Austur-Græn-
land hafa aukizt stórlega ár frá ári
og farið fram úr því, sem við höf-
um talið ráðlegt. Það virðist þó
enn ekki hafa komið að verulegri
sök, en rétt er að taka það fram, að
karfinn er ákaflega hægvaxta og
fer ekki að koma inn í veiðina fyrr
en um 13 ára og verður ekki kyn-
þroska fyrr en þremur árum
seinna," sagði Jakob Magnússon,
fiskifræðingur, er Morgunblaðið
innti hann eftir ástandi karfa-
stofnsins.
„Ég óttast ekki að gengið verði
frá karfastofninum á fáum árum,
en hættan er sú, að verði haldið
áfram á þessari braut til lang-
frama, verði svo gengið á karfa-
stofnana, að veiðar verði ekki
arðbærar. Með svona hægvaxta
Jakob Magnússon
stofn tekur langan tíma að
byggja hann upp að nýju. Við
viljum reyna að koma í veg fyrir,
að hann verði svo ofveiddur, að
ekki verði talið arðbært að veiða
hann. Síðustu úttektir benda til
þess, að sá karfastofn, sem við
byggjum veiðar okkar á, sé í
sæmilegu ástandi. Hann þolir því
talsverða veiði og þó hún fari eitt
eða tvö ár dálítið mikið fram úr
tillögum okkar, er ég ekki hrædd-
ur um að það skipti sköpum.
Samkvæmt seiðarannsóknum
bendir margt til þess nú síðustu
árin, að seiði séu miklu færri en
þau voru fyrrihluta síðasta ára-
tugar. Þetta merkist ekki í veiði
fyrr en áratug seinna. Þá byggj-
um við um 15 til 20% karfaveiða
okkar á svokölluðum djúpkarfa
og þann stofn teljum við mun
verr farinn, en gögn okkar um
hann eru því miður ekki full-
nægjandi," sagði Jakob.
Cavalleria Rusticana:
Nýr tenór til
landsins í dag
BÚIÐ EH að útvega nýjan tenórsöngvara í hlutverk Turiddus-
ar í óperunni Cavalleria Rusticana, sem Þjóðleikhúsiö hefur
nýlega hafið sýningar á. Eins og kom fram í blaðinu í gær
treysti Kúmeninn, sem sungið hafði hlutverkið á fyrstu tveim-
ur sýningunum, sér ekki til að halda áfram vegna veikinda.
Tenórinn, sem mun taka við hlutverki hans, heitir Maurice
Stern og er Bandaríkjamaður sem starfar í Þýskalandi. Hann
kemur til landsins í dag og verður æft af kappi í kvöld og á
morgun, en þriðja sýning verður annaö kvöld.
í samtali Mbl. við
leikstjórann Bene-
dikt Árnason í
gærdag kom fram að
það var fyrir velvilja
Ríkisóperunnar í
Dússeldorf sem
tókst að fá Maurice
Stern til landsins
með svo skömmum
fyrirvara. Söngvar-
inn var bundinn
samningi við ríkis-
óperuna um að
syngja þar í þessum
mánuði, en forráða-
menn Ríkisóperunn-
ar samþykktu að
losa hann undan
þeim samningi.
Sagði Benedikt að
þessi söngvari væri
kunnur í Þýskalandi
og færi þar af hon-
um gott orð.
Rúmenski tenór-
inn Konstantín Za-
haria fór utan í gær.
Svo virðist sem hann
hafi verið með ein-
hverjar eftirhreytur
af flensu þegar hann
kom til landsins,
hafi pínt sig í gegn-
um frumsýninguna
og yfirkeyrt sig á
annarri sýningu.
Ráðamenn Þjóð-
leikhússins buðust á
mánudaginn til að
koma til móts við
hann með því að
breyta sýningardög-
um, en hann treysti
sér ekki til að syngja
frekar.
Fjórða og fimmta
sýning á Cavalleria
Rusticana og ball-
ettinum Fröken
Júlíu verða á föstu-
dagskvöldið og
sunnudagskvöldið að
öllu forfallalausu.
Engin raforkufram-
leiðsla í Kröflu
Myvatnssveit, 9. maí.
HÉR í Mývatnssveit hefur verið
fremur kalt að undanfórnu. Síðustu
daga þó heldur hlýrra, en frost um
nætur. Aðeins hefur verið ein frost-
laus nótt um langan tíma. Gróðri fer
lítið fram. Sauðburður er hafinn.
Mikil íshella er enn á Mývatni.
Raforkuframleiðsla er hætt í bili
bæði í Bjarnarflagi og við Kröflu.
Verið er að taka upp vélarnar og
yfirfara þær. óvíst er hvenær
gangsett verður aftur. Ekki er tal-
in, eins og er, þörf fyrir raforku-
framleiðslu á þessum stöðum. Eiga
nienn erfitt með að skilja slíka
hagfræði, samtímis og verið er að
hefja framkvæmdir við Blöndu-
virkjun. Manni skilst að nú þegar
sé orðin meiri framleiðsla en mark-
aður er fyrir. Væri ekki ráð að
lækka raforkuna til almennings-
nota í stað þess að hækka hana
sífellt? Spyr sá sem ekki veit.
Sumum finnst það nokkuð ein-
kennileg ráðstöfun hjá Bifreiðaeft-
irlitinu að boða bifreiðaskoðun hér
í Mývatnssveit í gær, sunnudaginn
8. maí, á hinum almenna bænadegi
Þjóðkirkjunnar enda var messað í
Reykjahlíðarkirkju þann dag. Mér
er ekki kunnugt að bifreiðir hafi
áður verið skoðaðar á sunnudögum.
Eftir því sem næst verður komist
voru um 200 bílar skoðaðir á
sunnudag. Kristján.