Morgunblaðið - 11.05.1983, Blaðsíða 26

26
MORGUNBLAÐIÐ, MIÐVIKUDAGUR 11. MAÍ 1983
Volvo 360 GLT.
Volvo 360 GLT reynsluekið:
Mjög lipur og skemmti-
legur fjölskyldubíll
— Frágangur er mjög góður
— Kemur vel út á miklum hraða
Að framan hefur verið komið fyrir vindakeið, sem innfelld þokuljós eru í.
Þá má sjá, að bfllinn er á sérstökum „low profile“-dekkjum til hraðakst-
Bílar
Sighvatur Blöndahl
VOLVO kynnti á liðnu hausti
það sem þeir kalla flaggskip
„litlu“ Volvo-anna, en sá nefn-
ist Volvo 360 GLT. Hann er í
raun nánari útfærls af 340-lín-
unni frá fyrirtækinu. Á dögun-
um fékk ég tækifæri til að
reynsluaka bílnum á þjóðveg-
um Evrópu og í borgum. Eftir
að hafa ekið liðlega 3.000 km
er ekki hægt að segja annað en
að bfllinn hafi komið mér tölu-
vert á óvart fyrir hversu lipur
og skemmtilegur hann er. Það
er t.d. ekkert tiltökumál að
aka honum gríöarlega hratt á
hraðbrautum, þrátt fyrir þá
staðreynd, að um er að ræða
venjulegan fjölskyldubfl.
ÚTLIT
Volvo 360 GLT hefur í raun
sama útlit og 340-línan frá
Volvo, nema hvað hann hefur
fengið nokkra andlitslyftingu.
Hann er með nýju grilli, vind-
skeið hefur verið komið fyrir á
skuthurðinni. Bíllinn kemur með
þokuljósum að framan og vind-
skeið, sem ekki er á hinni hefð-
bundnu útfærslu. Þá eru listar á
hliðum meira áberandi. Volvo
360 GLT kemur síðan á sérstök-
um álfelgum og breiðari hjól-
börðum, svoköiluðum „low pro-
file“ hjólbörðum, sem eru sér-
stakiega framleiddir til hrað-
aksturs. Bíllinn er fimm dyra,
þ.e. með fjórum dyrum, auk
stórrar skuthurðar að aftan, sem
gerir umgang um bílinn mjög
auðveldan. Það má alltaf deila
um útlit bíla, en persónulega
hefði mér fundist Volvo mátt
gera meiri breytingar á bílnum,
en hann hefur verið lítt breyttur
um langt árabil.
DYR — RÝMI — SÆTI
Þrátt fyrir þá staðreynd, að
bíllinn sé fimm dyra, er ótrúlega
þægilegt að ganga um hann.
Rými fyrir ökumann og farþega
við inngöngu er með ágætum,
enda opnast dyrnar vel út. Eins
og áður sagði eru skutdyr bílsins
óvenjulega stórar og þægilegt að
ganga um þær. Þegar setzt er
undir stýri á Volvo 360 GLT
verður maður strax var við, að
vel hefur tekizt til að skapa rými
fyrir ökumann. Það er í raun
ekki fjarri lagi að segja, að rými,
þe. fótarými, hliðarrými og
loftrými sé ekki ósvipað því sem
gerist í 240-línunni frá Volvo,
sem þó er mun stærri bíll. Það
fer því ágætlega um ökumann og
farþega frammi í. Hvað varðar
rými aftur í, þá er það ósköp
venjulegt af bíl í þessum stærð-
arflokki. Þó mætti loftrými vera
eilítið meira að ósekju. Vel fer
um tvo fullorðna á langferð, en
verulega er farið að þrengja að
þeim þriðja. Það má því segja, að
Volvo 360 GLT sé ágætlega rúm-
góður 4—5 manna fjölskyldubíll.
Hvað varðar sæti bílsins, þá eru
sætin frammi í ágæt að mínu
mati. Það fer vel um ökumann og
farþega. Bakstuðningur er mjög
góður og hliðarstuðningur er
ennfremur ágætur. Þó finnst
mér persónulega, að hliðar-
stuðningur mætti vera eilítið
stífari. Það hvort sæti eru góð
Volvo
Gerö: Volvo 360 GLT.
Framleióandi: Volvo.
Framleiösluland: Hol-
land.
Innflytjandi: Veltir hf.
Veró:
Afgreiðslufrestur:
Heildarþyngd: 935 kg.
Lengd: 4.300 mm.
Breidd: 1.660 mm.
Hæð: 1.392 mm.
Hjólhaf: 2.400 mm.
Vél: 1.986 m3,
4ra strokka, 85 hest-
afla.
Skipting: 5 gíra
beinskiptur.
Eyösla: 9,5 lítrar.
(meóaleyösla).
hægra megin. Stýrishjólið sjálft
hefur fengið skemmtilegt yfir-
bragð, eins og sjá má á myndum,
Stjórntæki miðstöðvar eru síðan
á hægri væng borðsins. Tiltölu-
lega auðvelt er að meðhöndla
stjórntækin, en miðstöðin er
þriggja hraða og virkar vel. Þá
er að finna undir miðstöðinni
rofa fyrir neyðarljós og síðan út-
varp og kasettutæki, en þar fyrir
neðan eru klukkan og sígarettu-
kveikjari. Öll eru stjórntækin
vel innan seilingar fyrir öku-
mann.
SKIPTING — PEDALAR
Volvo 360 GLT er fimm gíra,
beinskiptur. Hann vinnur mjög
vel í öllum gírunum, þótt per-
sónulega finnist mér hann
skemmtilegastur í 3ja gírnum.
Skiptingunni er haganlega kom-
ið fyrir og tiltölulega stutt er
milli gíra, sem gerir skiptingu
auðvelda. Það vakti sérstaka at-
hygli mína hvað fimmti gírinn
kom vel út, þegar ekið var á gríð-
arlegum hraða á hraðbrautum
Evrópu. Hávaði er hverfandi í
bílnum þótt ekið sé á 160—180
km hraða á klukkustund. Pedöl-
um er ágætlega komið fyrir og
Mælaborðið er mun nýtlzkulegra, en I forvera bflsins.
Volvo 360 GLT er knúinn 2ja lítra,
85 hestafla vél og er með beinni
innspýtingu.
eða vond er þó alltaf persónulegt
mat hvers og eins. Frágangur
sætanna, sem eru með hefð-
bundnum stillimöguleikum, er
góður. Hægt er að stilla sætin
fram og aftur á sleða. Síðan má
að sjálfsögðu breyta halla baks-
ins og hægt er að herða eða slaka
á bakstuðningi með hjóli, sem er
mikill kostur. Hvað varðar aft-
ursætið er það bekkur, sem í
sjálfu sér þarf ekki að fjölyrða
mikið um. Hann er ósköp venju-
legur.
MÆLABORÐIÐ
Volvo 360 GLT hefur fengið
nýtt og mun skemmtilegra
mælaborð en forveri hans. Borð-
inu hefur verið þjappað
skemmtilega saman og hefur
fengið nokkuð nýtízkulegt yfir-
bragð. í því er að sjálfsöðgu að
finna hraðamæli með ferðamæli.
Sá mælir er tiltölulega stór og
því góður aflestrar. Sömu sögu
er að segja af snúningshraða-
mælinum. Síðan er að finna
benzínmæli og hitamæli til hlið-
ar við stærri mælana. Efst í
borðinu eru síðan hin ýmsu að-
vörunar- og Öryggisljós. Má þar
nefna olíuþrýstings-, hleðslu-,
handbremsu-, öryggisbelta- og
innsogsljós og svo ljós, sem sýnir
stöðu aðalljósa, svo einhver séu
nefnd. Á vinstri væng borðsins
er að finna stjórnrofa fyrir ljós
bílsins, afturrúðuupphitara og
þokuljósin. Síðan er stefnuljósa-
rofinn á sínum stað í vinstri
væng stýrisins og þurrkurofinn
*S=======~?
Rými aftur í er mjög gott og auð-
velt er að fella aftursætið fram.
ástig á þá er gott. Benzínpedal-
inn er hæfilega stífur, þannig að
maður hvorki þreytist vegna
þess að hann sé of stífur, né að
hann haldi ekkert við. Brems-
urnar virka mjög vel og er ástig-
ið á þær óvenjulega létt.
AKSTURSEIGINLEIKAR
Eins og áður sagði kom það
mér mjög á óvart hversu lipur og
skemmtilegur bíllinn var í
akstri. Fjöðrun hans er mjög
góð, nema hvað demparar að aft-
an mættu vera eilítið stífari,
þegar ekið er á miklum hraða.
Það atriði hefur hins vegar litla
sem enga þýðingu hér á landi,
þar sem umferðarhraði er mun
lægri en erlendis. Bíllinn leggst
mjög lítið niður í framhornin í
kröppum beygjun og svarar
mjög skemmtilega. Krafturinn
er mikill, þannig að bíllinn verð-
ur aldrei aflvana. Auðvelt er að
skjótast á honum í innanbæjar-
umferðinni svo og að skjótast
fram úr á hraðbrautum.
NIÐURSTAÐA
Niðurstaða mín eftir liðlega
3.000 km reynsluakstur um Evr-
ópu er sú, að Volvo 360 GLT sé
mjög skemmtilegur fjölskyldu-
bíll, sem hefur samt sem áður
nokkra eiginleika sportbílsins.
Krafturinn er mikill og
skemmtilegt er að aka honum,
hvort heldur er í innanbæjarum-
ferð eða úti á þjóðvegum. Allur
frágangur bílsins er með ágæt-
um og vel fer um ökumann og
farþega.