Morgunblaðið - 09.05.1984, Side 23

fclk í
fréttum
MORGUNBLAÐIÐ, MIÐVIKUDAGUR 9. MAÍ1984
71
„Svar Stóra-Bretlands
við Marilyn Monroe“
— var sagt um Diönu Dors, sem er látin úr krabbameini
• „Svar Stóra-Bretlands við Mar-
ilyn Monroe“, „Fyrsta kynbomba
Englendinga". Þannig voru lýs-
ingarnar á Diönu Dors á sjötta
áratugnum þegar hún sló fyrst í
gegn í kvikmyndunum. Nú er hún
látin úr krabbameini aðeins 52 ára
gömul.
94-56-89
Diana Dors var aðeins 15 ára
gömul þegar einn af útsendurum
kvikmyndafélaganna kom auga á
hana í skólaleikriti i bænum
Swindon fyrir vestan London. Áð-
ur en áratugur var liðinn var Di-
ana orðin hæstlaunaði leikari í
Bretlandi með samning upp á 90
milljónir ísl. kr. á ári. Þá peninga
fékk hún þó ekki fyrir leikhæfi-
leikana heldur fyrir ótal baðkars-
senur og önnur álíka listræn til-
þrif þar sem áhorfendur gátu virt
fyrir sér málin, sem á þessum
tíma voru 94-56-89.
Diana Dors var fræg og kannski
að endemum því að um hana
gengu allsvakalegar sögur, um
drykkjuskap og hrikalegt kynlífs-
svall.
Fyrsta kynbomba Breta
»Ég var fyrsta kynbomban í
Bretlandi og á þeim tíma var kyn-
lif ljótt orð í breskum kvikmynd-
um,“ sagði Diana einu sinni. „En
svo kom allt í einu þessi ljóshærða
valkyrja, sem lék sér að stórum,
amerískum bilum, teygði úr sér á
tígurskinni og vaggaði sér létt-
klædd í lendunum. Auðvitað var
þetta allt einn allsherjar leikara-
skapur en fólkið gleypti við því.“
Diana Dors var þrígift. Fyrsti
maður hennar var Denis Hamil-
ton, sem í sex ár sá um að auglýsa
hana, og maður númer tvö var
kanadíski leikarinn Dicki Dawson,
sem gaf henni hús í Beverly Hills
og tvo syni. Þriðji maður hennar
var fyrrverandi leikari og nætur-
klúbbseigandi, Alan Lake, sem var
dæmdur í 18 mánaða fang'elsi
skömmu eftir að þau giftu sig, árið
1969. Hann varð gjaldþrota og var
Diönu fjárhagslega þungur í
skauti. Hann var henni þó alltaf
trúr og sat við rúmið þegar hún
lést.
Erfíðir tímar
Eftir að kymbombudagarnir
voru liðnir hallaði mjög undan
fæti fyrir Diönu og tilraunir henn-
ar til að koma aftur inn í kvik-
myndirnar sem raunveruleg leik-
kona mistókust að mestu. Hún
gerði t.d. þá reginskyssu að neita
aðalhlutverkinu í myndinni
„Laugardagskvöld, sunnudags-
morgunn" af því að aðalkarlleik-
arinn, Albert Finney, var óþekkt-
ur. Þessi mynd varð einhver vin-
sælasta myndin í Bretlandi á
sjöunda áratjignum.
Diana Dors átti oft erfitt vegna
sjúkleika. Tvisvar sinnum virtist
hún vera búin að yfirvinna
krabbamein og einu sinni var hún
hætt komin vegna heilahimnu-
bólgu. Diana Dors lét þó aldrei
bugast og kímnigáfuna hafði hún
alveg í lagi. Hún kom oft fram í
útvarpi og sjónvarpi og var þá
ekkert að draga undan þegar hún
sagði frá sjálfri sér. Um alla
megrunarkúrana og um þá góðu
og gömlu daga þegar kynlíf var
ennþá skemmtilega ljótt orð og
myndir af Diönu Dors skreyttu
annan hvern skáp í breskum verk-
smiðjum.
Með árunum breyttust málin og
megrunarkúrarnir hennar Diönu
enduðu yfírleitt með algerum ósigri
hennar.
Myndin var tekin árið 1961 þegar Diana Dors kom til Rómar til að leika f
sinni fyrstu ítölsku mynd.
Morgunblaðið/ Ól.K.M.
Af dimmisjónum
NEMAR í framhaldsskólum hafa undanfarna daga sett skemmti-
legan svip á bæjarlífíð þegar þeir hafa haldið dimmisjónir sínar. Á
föstudag dimmiteruðu nemendur Kvennaskólans í Reykjavík og
Samvinnuskólans. Að sjálfsögðu báru nemendur Samvinnuskólans
merki SÍS og sögðu ekki „cheese" við Ijósmyndara Mbl. þegar
hann smellti, heldur „SÍS, og brostu sínu fegursta.
Kvennaskólanemar, sem ekki lengur eru bara föngulegar
stúlkur, heldur einnig piltar á þessum síðustu tímum jafnréttis,
voru skrautlegri — þeir gengu um götur bæjarins í líki kölska
og nunna og er ekki annað að sjá, en vel hafi farið á með þeim.
Morjfunbiaöið/ Júlíus.
Fyrir skömmu héldu fjórir krakkar hlutaveltu til ágóða fyrir Hjálpar
stofnun kirkjunnar. Þau söfnuðu 700 krónum og heita, talið frá vinstri:
Þórunn Bjarkadóttir, Sigurður Unnar Einvarðsson, Anna Rósa Pálm-
arsdóitir og Sara Unnsteinsdóttir.