Morgunblaðið - 23.05.1984, Blaðsíða 4

52
MORGUNBLAÐIÐ, MIÐVIKUDAGUR 23. MAl 1984
Þuríður Magnúsdóttir, forstöðumaður Fræðslumiðstöðvar
iðnaðarins.
Steinn Guðmundsson, deildarstjóri málmiðnaðardeild Iðn-
skólans í Reykjavík og kennari á námskeiðinu.
Hrafn Sveinbjarnarson, vélvirkjanemi, mundar tækin.
Þarf að líta á mikilvægi þess-
arar menntunar fyrir samfélagið
„Við bjóðum upp á námskeið
fyrir fólk í iðnaði og síðan við tók-
um til starfa fyrir tveimur og hálfu
ári hafa um 1600 manns sótt nám-
skeið á okkar vegum í hinum ýmsu
iðngreinum."
t>að er Þuríður Magnúsdóttir,
forstöðumaður Fræðslumiðstöðvar
iðnaðarins, sem þetta segir.
Morgunblaðið leit við á einu
námskeiðanna sem haldið var fyrir
skömmu og ræddi þá við Þuríði
um starfsemi fræðslumiðstöðvar-
innar.
„Við höfum aðallega haldið
námskeið í málmiðnaði og bygg-
ingariðnaði og hafa þau nám-
skeið sem við höfum haldið verið
vel sótt," sagði Þuríður. „Það
virðist vera að margir þeir sem
við iðnað starfa hafi áhuga á því
að endurmennta sig eftir því
sem þeim gefst tækifæri til.
Hlutverk fræðslumiðstöðvar-
innar er svo að útvega fræðslu-
efni og sjá um að mennta kenn-
ara sem síðan geta kennt á þess-
um námskeiðum. Til þess að
sinna þessu hlutverki okkar höf-
um við gert nokkuð af því að
senda kennara út til annarra
landa til að verða sér út um við-
bótarmenntun og svo sjáum við
um að setja það kennsluefni sem
kenna á fram þannig að það sé
aðgengilegt.
Þessi námskeið sem við höfum
haldið hafa m.a. verið í sam-
vinnu við Iðnskólann í Reykjavík
og Rannsóknarstofnun bygg-
ingariðnaðarins og einnig höfum
við haft samvinnu við fjöl-
brautaskólana út um allt land.
Nú erum við til dæmis að fara af
stað með námskeið í loftræsti-
og hitakerfum.
Þarfnast kynningar
Eitt af því sem staðið hefur
starfseminni fyrir þrifum er að
við höfum ekki getað kynnt nám-
skeiðin nógu vel, það er greini-
legt að það hefur þurft að kynna
þau betur, því sum námskeiðin
hefur þurft að fella niður vegna
lítillar þátttöku. Við höfum farið
þá leið að gefa út bækling tvisv-
ar sinnum á ári og í honum hafa
verið upplýsingar um þau nám-
skeið sem fyrirhugað er að
halda. Þessum bæklingi sem við
höfum gefið út á haustin og um
áramót höfum við dreift víða, til
dæmis til fyrirtækja og fagfé-
laga, en þau hafa einnig séð um
að kynna námskeiðin fyrir
okkur. Þá hafa einnig samtök í
iðnaði hjálpað til með kynningu
námskeiðanna, en þrátt fyrir
alla þessa aðstoð sem við fáum
er eins og ekki sé nógu mikið
gert af því að kynna," sagði Þur-
íður.
Sænskur iðnaöur má ekki
vera án endurmenntunar
starfsmanna
Þuríður sagði að á Norður-
löndum væri mikið gert af því að
halda endurmenntunarnámskeið
í iðnaði og að jafnframt væri
mikið um framboð á slíkum
námskeiðum. „Það er mikið gert
af því að halda að fólki símennt-
un í þeim starfsgreinum sem það
starfar við og þar eru þessi nám-
skeið haldin á vinnutfma, en
jafnframt er séð til þess að þeir
sem taka þátt í þeim fái það
greitt og verði ekki fyrir vinnu-
tapi.“
I Svíþjóð er viðhorfið til dæm-
is það að sænskur iðnaður megi
ekki við því að hafa fólk í störf-
um sem það þekkir ekki nægi-
lega vel eða hefur ekki full-
komna kunnáttu á.
Hér er viðhorfið hins vegar
annað. Það er mjög sjaldgæft að
þeir sem sótt hafa námskeiðin
hjá okkur hafi fengið greitt
vinnutap hjá fyrirtækjunum
sem þeir starfa hjá. Við höfum
því orðið að halda þessi nám-
skeið á kvöldin og um helgar og
þeir sem hafa sótt þau hafa orð-
ið að fórna sínum frítíma til að
taka þátt í þeim.
Við höfum bara verið svo
heppin að þeir sem hafa sótt
þessi námskeið eru haldnir
ódrepandi áhuga og hafa komið
á þau til að fullnægja einhverri
innri þörf til að læra meira.
Hins vegar hafa fyrirtækin
mörg hver séð hvaða árangri
þessi námskeiö hafa skilað hjá
þeim starfsmönnum sínum sem
námskeiðin hafa sótt og þá hafa
þau fengið áhuga á þessari
starfsemi. Það eru jafnvel dæmi
þess að þau hafi sent menn frá
sér á námskeið þeim að kostnað-
arlausu.
I>að þarf að meta
þessa menntun betur
Það sem hér þarf að gerast er
að endurmenntun eða símenntun
starfsmanna sé metin meira en
gert er í dag. Það þarf að líta á
mikilvægi þessarar menntunar
fyrir samfélagið. Það er bara
eins og þegar komi að umræðu
um þessa tegund menntunar að
þá sé þetta einungis einkamál
þeirra einstaklinga sem á nám-
skeiðin fara,“ sagði Þuríður.
Vilhjálmur Ólafsson, rennismiður.
MIG, MAG, TIG
Steinn Guðmundsson, deildar-
stjóri málmiðnaðardeildar Iðn-
skólans í Reykjavík, var kennari
á námskeiðinu sem haldið var í
suðu á áli og ryðfríu stáli. Steinn
tók iðnkennarapróf frá Svíþjóð
árið 1961 en síðan hefur hann
farið á námskeið erlendis til að
vera vel heima í öllu því nýjasta
sem fram kemur á sjónarsviðið í
hans kennslugreinum.
„Þessi námskeið sem við höld-
um hér eru að mestu leyti sniðin
eftir erlendri fyrirmynd og ný
tæki hafa einnig verið keypt til
skólans svo hægt sé að halda
þessi námskeið og kenna þeim
sem í skólanum eru að nota
þau,“ sagði Steinn.
„Það má taka það fram að
þessi tæki sem við erum með hér
eru víða til á vinnustöðum en
meðferð þeirra þar er að ýmsu
leyti ábótavant því menn hrein-
lega kunna ekki að nota þau.
Við erum hér með námskeið í
suðum á áli og ryðfríu stáli, en
þetta eru efni sem mikið eru not-
uð í matvælaiðnaðinum og því
brýn þörf á að suðumenn hér
kunni þær. Þessar suður ganga
undir alþjóðlegu skammstöfun-
unum MIG, MAG og TIG og eiga
það sameiginlegt að vera eins-
konar hlífðargas-suður.
Ég hefi einnig heyrt það á
þeim sem þetta námskeið sækja
að þeim finnst alveg bráðnauð-
synlegt að kunna með þessar
suður að fara því á þeirra vinnu-
stöðum eru þessi tæki til og því
gott að kunna þetta," sagði
Steinn að lokum.
Finnst atvinnurekendur
ekki gefa þessu nógu
mikinn gaum
Einn þátttakendanna á nám-
skeiðinu er Hrafn Sveinbjarn-
arson og hefur hann unnið hjá
Hraðfrystihúsi Stokkseyrar.
„Við erum hér tveir frá
Stokkseyri sem erum á þessu
námskeiði en við höfum verið á
námskeiði á vegum Fræðslu-
miðstöðvar iðnaðarins áður,“
sagði Hrafn.
„Ég verð að segja að mér
finnst atvinnurekendur ekki
gefa þessum námskeiðum nógu
mikinn gaum. Það er ekki fyrr
en starfsmenn fyrirtækjanna
hafa kostað sig sjálfir á nám-
skeiðin að vinnuveitendur þeirra
ranka við sér, því þeir sjá í flest-
um tilfellum að bæði gæði vinn-
unnar og afköst aukast. Þá fyrst
fara þeir að huga að því að senda
starfsmenn á námskeið. Vissu-
lega eru til þeir atvinnrekendur
sem eru vakandi fyrir þessu en
þeir eru of fáir.
Eftir að hafa sótt þessi nám-
skeið finnst mér ég vita mun
betur hvað ég er að gera og
hvernig ég á að gera það. Öll
handtök verða öruggari og
ánægjan af vinnunni rneiri,"
sagði Hrafn að lokum.
Nauðsynlegt að hafa menn í
vinnu sem kunna að fara
með tækin
Næsti viðmælandi er Vil-
hjálmur ólafsson, rennismiður
hjá Kassagerð Reykjavíkur.
„Ég fór á þetta námskeið
vegna þess að hjá stóru fyrir-
tæki eins og Kassagerðinni er
nauðsynlegt að vera fær í flestan
sjó,“ sagði Hrafn. „Þeir hjá
Kassagerðinni skilja það að þeg-
ar búið er að kaupa dýrar vélar
þá er nauðsynlegt að hafa menn
í vinnu sem kunna með þær að
fara og því hafa þeir séð til þess
að starfsmennirnir séu sem
kunnugastir þeim verkefnum
sem þeir þurfa að takast á við.
Verkstjórinn hjá Kassagerð-
inni hefur fylgst vel með því að
senda starfsmennina á nám-
skeið.
Ef kennslustund hefur borið
upp á vinnutíma þá hefur verið
séð til þess að við fengjum það
greitt.
Við erum þrír sem höfum ver-
ið sendir á námskeið á undan-
förnum 12 mánuðum og þó menn
hafi ekki verið sendir á nám-
skeið hafa þeir reynt að fylgjast
með. Sjálfur hef ég sótt tvö nám-
skeið áður, en það hefur verið í
öðru en rafsuðu. Núna þegar
svona langt er liðið á þetta nám-
skeið þá skil ég ekki hvernig
maður fór að þessum hlutum hér
áður fyrr,“ sagði Vilhjálmur
Ólafsson.
Einnig gott fyrir kennara
að sækja þessi námskeið
„Ég tel að það sé nauðsynlegt
að kennarar í iðngreinum not-
færi sér þessi námskeið sem boð-
ið er upp á. Sumir hafa farið til
útlanda til að sækja námskeið
þar, en meðan boðið er upp á
þetta hér finnst mér nauðsyn-
legt að sækja þau,“ sagði Sigurð-
ur Erlendsson, kennari við
málmiðnaðarbraut Fjölbrauta-
skóla Suðurnesja.
„Þetta er fjórða námskeiðið
sem ég sæki og svo framarlega
sem ég kemst á þessi námskeið
þá sæki ég þau því þau eru á
allan hátt hagnýt. Þetta eru
mikið til sömu mennirnir sem
sækja þessi námskeið og þetta
eru menn sem finna þessa þörf
fyrir að fá að læra meira og
standa klárir á því sem þeir eru
að gera,“ sagði Sigurður.
„Hvað varðar sofandahátt
fyrirtækjanna gagnvart gildi
þessara námskeiða er það að
segja að nýtingin á tækjum og
vélum þeirra yrði miklu meiri og
betri ef þeir sem notuðu þau
kynnu með þau að fara til hlítar.
Það eru alltof margir sem ein-
ungis kunna að nota tækin
takmarkað og það þekki ég af
eigin raun því það hefur margoft
hent mig sjálfan. Námskeiðin
gefa tækifæri til að læra á þau
tæki sem maður er sífellt að
starfa með og um leið veita þau
staðbetri skilning á því sem ver-
ið er að vinna við og eru mjög
„praktísk" að því leyti.
Ég vona að ráðamenn sjái sig í
því að auka starfsemi fræðslu-
miðstöðvarinnar en dragi ekki
úr henni," sagði Sigurður að lok-
um.
;í,:f I’ spinwriter
Leturgæöa prentarar fyrir ritvinnslu
Benco
Bolholti 4, símar 21945 — 84077