Morgunblaðið - 26.08.1984, Blaðsíða 3

MORGUNBLAÐIÐ, SUNNUDAGUR 26. ÁGÚST 1984
59
SVIPMYND Á SUNNUDEGI/CURT HANSEN
Heimsmeistari
unglinga í skák
DANSKI skákmeistarinn Curt
Hansen, sem varð heimsmeistari
unglinga í skák á dögunum, er
ekki mikið þekktur utan Dan-
merkur og skákmannaraða. Eftir
sigur hans á þessu móti hefur orð-
ið snögg breyting á og er nú fjallað
um hann og skákferil hans víða
um heim. Danir segja að það hafi
ekki komið á óvart þótt Curt Han-
sen ynni heimsmeistaramót ungl-
inga, flestir hafi veðjað á hann eða
fyrrverandi heimsmeistara, Kiril
Georgijev.
Curt Hansen er nítján ára og
lauk stúdentsprófi nú á sl. vori.
Hann lærði mannganginn barn
að aldri og var orðinn liðtækur í
skák áður en hann varð tiu ára.
Hann færði sér í nyt leiðsögn
Jens Christian Lund, sem var
einn kennara hans í barnaskóla
og allslyngur skákmaður. Curt
Hansen lærði einnig að rann-
saka skákir upp á eigin spýtur.
Hann rannsakaði byrjanir og
endatöfl af mikilli ákefð, tefldi
skákir sem hann kom höndum
yfir í tímaritum og fannst
áhugaverðar og tók þátt í skóla-
skákmótum.
Tólf ára vann hann skólamót
og ýmsir áhugamenn um skák
töldu sig sjá i piltkorni þessu
efnilegan skákmann. Það var svo
fyrir fjórum árum, þegar hann
var fimmtán ára að aldri, að
hann gat sér orð á þessum vett-
vangi meðal sér eldri og reynd-
ari og sextán ára hafði hann
unnið sig upp í landsliðsflokk
Dana. Hann fór að taka þátt í
ýmsum alþjóðlegum mótum og
náði athyglisverðum árangri og
seig stöðugt á. Á heimsmeistara-
móti, sem hann tók þátt í 16 ára,
fyrir skákmenn undir sautján
ára að aldri, náði hann fjórða
sæti.
Og svo fór, að aðrir en ákafir
áhugamenn um skák tóku að
beina til hans sjónum og síðustu
tvö ár er óhætt að segja, að land-
ar hans hafi fylgst af áhuga með
ferli hans.
Á Evrópumótinu um áramótin
1981—82, í yngri aldursflokki,
var undir lok mótsins mjótt á
munum með efstu mönnum sem
voru ísraelsmaðurinn Grinfeld
og Sovétmaðurinn Sokolov. Úr-
slitin réðust ekki fyrr en í síð-
ustu umferð og sögðu margir, að
það hefði skipt sköpum, að Curt
Hansen hefði sýnt óvenjulegan
skapstyrk og geðstillingu á jafn
erfiðu og sterku móti.
Á undirbúningsmóti fyrir
heimsmeistaramótið, sem var
haldið í Bröndby í Danmörku,
olli Curt Hansen löndum sínum
aftur á móti vonbrigðum með því
að ná aðeins þriðja sæti. Sokolov
varð þá efstur.
Á árinu 1983 virtist svo flest
ganga í haginn fyrir skákmeist-
arann unga. Hann varð i öðru
sæti á Evrópumóti unglinga, en
þar sigraði Sovétmaðurinn Jaan
Ehlvest. Hann varð yngsti Dan-
merkurmeistari í skák nokkru
síðar og á stórmeistaramóti í
Gladsaxe varð hann efstur
ásamt Adorian frá Ungverja-
landi. Hann hafði þá unnið það
afrek að verða efstur á stór-
meistaramóti og hafði fram til
þess Bent Larsen einn danskra
skákmanna gert það.
Hann vann skömmu síðar
Norðurlandamót sem haldið var
í Esbjerg og náði þá fyrsta
áfanga að stórmeistaranafnbót.
Öðrum áfanga náði hann svo nú
á heimsmeistaramótinu og eftir
öllum sólarmerkjum að dæma
mun hann áður en langt um líð-
ur krækja sér í það sem á vant-
ar, stórmeistaratign.
Curt Hansen hefur í hyggju að
helga sig skákinni, að minnsta
kosti næstu árin. Sagt er að
hann sé varfærinn skákmaður
og yfirvegaður, taki sjaldan
áhættu og láti sér nægja jafn-
tefli ef staðan býður ekki upp á
óumdeilanlegar vinningslíkur.
Þó vakti það athygli skáksér-
fræðinga á heimsmeistaramót-
inu í Finnlandi nú, að Hansen
þótti tefla af meiri dirfsku en
áður og skákir hans við Georgiev
og Wells voru af hans hálfu
sóknarskákir. Það þykir benda
til, að Hansen sé stöðugt að
sækja í sig veðrið og landar hans
vænta mikils af honum eftir um-
sögnum og greinum i dönskum
blöðum að dæma. Enda kannski
ekki skrítið, enginn skákmaður
danskur hefur náð neinum um-
talsverðum árangri síðan Bent
Larsen var og hét.
Heimsmeistaramótið í Finn-
iandi nú var hið 23. í röðinni.
Curt Hansen er ekki í amalegum
félagsskap heimsmeistara ungl-
inga. Ýmsir sem síðar hafa orðið
heimsmeistarar hafa unnið slík
mót á yngri árum, má þar með
nefna Spassky, Karpov, Kasp-
arov, Miles og Beljaevski.
Curt Hansen er sagður hæg-
gerður piltur og hinn prúðasti,
sem tekur taflmennskuna alvar-
lega og er staðráðinn í að ná
langt á því sviði. Og það bendir
flest til að honum takist það.
(Samantekt: Jóhanna KrtstjónsdóUir)

— Qkotið ríöuraf. .
+Arim«;tlpatskemnntiatriði og engu likt.
Hún er brjáluð. Þetta ersto H ^ á Tívolísvæðinu
Það geta alhr seð.^em s dd k, 15_ 18 og 21.
á virkum dogum kl. 18 og 21, oy
Það er eins gott að hafa sterkar taugar.
Sýning og skemmtun
fyrir aliafiölskYÍduna.