Morgunblaðið - 16.06.1985, Blaðsíða 4

4 B
MORGUNBLAÐIÐ, SUNNUDAGUR 16. JÚNl 1985
Sjómannadaguriiw á Siglufirði:
Höggmyndin Sfldveiði
eftir Ragnar
Kjartansson afhjúpuð
HöGGMYNDIN Sfldveiði eftir Ragnar Kjartansson var afhjúpuð á Siglu-
flrði á sjómannadaginn. Það var einn af elstu sjómönnum Siglflrðinga,
Konráð Konráðsson, sem afhjúpaði styttuna.
Gefendur styttunnar eru
Verkalýðsfélagið Vaka, Þormóð-
ur rammi, Sigló, ísafold, Spari-
sjóður Siglufjarðar og klúbb-
arnir Kiwanis, Lions og Rotary.
Séra Vigfús Þór Árnason sókn-
arprestur afhenti styttuna fyrir
hönd gefenda og óttar Proppé
bæjarstjóri tók við henni fyrir
hönd bæjarfélagsins. Styttan
stendur fyrir neðan kirkjuna á
Lindarbraut, þar sem áður var
Hótel Siglufjörður.
Hátíðarhöld sjómannadagsins
á Siglufirði fóru vel fram þrátt
fyrir leiðindaveður og var þátt-
taka mjög góð. Vígðir voru tveir
kappróðrarbátar, Huginn og
Muninn, sem Björgunarsveitin
Strákar gaf. Að þessu sinni sigr-
uðu landkrabbar í kappróðrin-
um, Slysavarnakvennadeildin
Vörn og starfsmenn Síldar-
verksmiðju ríkisins.
Sjómannamessa var í Siglu-
fjarðarkirkju á sunnudaginn og
síðan var hefðbundin dagskrá á
hafnarbryggjunni. Sjómennirnir
Konráð Konráðsson og Jóhannes
Hjálmarsson voru heiðraðir.
Vegna veðurs þurfti að flytja
hátíðarhöldin að hluta til inn á
Hótel Höfn og þar bauð Slysa-
varnafélagið upp á kaffi að
venju.
Morgunblaðiö/Birgir Steindórsson
Höggmyndin Sfldveiði eftir Ragnar Kjartansson. Við hlið hennar stendur
Konráð Konráðsson sem afhjúpaði listaverkið.
, PHIUPS TBXSIMSTOD:
FRABÆR LAUSN FYRIR FYRIRTÆKID
VIDSKIPTAVININN OG MG
TBX símstöðvarnar frá Philips eru frábær tæki
sem leysa símamál allra fyrirtækja og stofnana í
eitt skipti fyrir öll. TBX er opin i báða enda,
teygjanleg og stækkanleg i allar áttir eftir því
sem þarfir á símaþjónustu aukast og breytast:
— TBX hentar notendum með 16 til 900 sima og
er laus við alla vaxtarverki.
— Hægt er að tengja gömlu símana við TBX og
bæta við nýjum.
— Með forritun má laga TBX nákvæmlega að
þörfum hvers notanda, t.d. banka, hótela,
sjúkrahúsa og þjónustufyrirtækja.
— Góð þjónusta tæknideildar Heimilistækja og
lág bilanatíðni tryggir hámarks rekstraröryggi.
Heimilistækí hf
— TBX er tæknilega fullkomin og býður m.a.
skammvalsminni, endurtekningu síðasta nú-
mers og gjaldmælingu símtala. Hægt er að lá-
ta símann ,,elta“ eiganda sinn, sýna að hann
sé upptekinn og tenging við þráðlaust kallkerfi
er einnig möguleg.
TBX simstöðvar eru á hagstæðu verði og við er-
um sveigjanlegir í samningum.
Hafðu simasamband við tæknideild i gegnum
TBX símstöðina okkar. Síminn er 27500.
Tæknideild - Sætúni 8. Sími 27500.
Sýningu
Miriam
Bat-Yosef
lýkur
17. júní
SÝNINGU Miriam Bat Yosef
á Kjarvaisstöðum lýkur 17.
júní.
í vesturforsal Kjarvalsstaða
sýnir Miriam Bat-Yosef (María
Jósefsdóttir) hundrað verk sem
eru þverskurður myndlistar
hennar. Málverkin eru máluð á
silki og annað efni; þar á meðal
á pappír með klippimyndum.
Þá eru á sýningunni silki-
þrykkt veggteppi, málaðir hlut-
ir og ljósmyndir af gjörning-
um. Myriam er íslenskur ríkis-
borgari; kom hún fyrst til ís-
lands fyrir um það bil þrjátíu
árum, þá gift Erró, og vorið
1956 hélt hún sína fyrstu sýn-
ingu á íslandi. Síðan þá hefur
Myriam haldið sýningar víða
um heim. Hún er nú búsett í
París.
Nýr bækl-
ingur á
ensku
um Geysi
GEYSISNEFND hefur nú nýlega
geflð út bækling á ensku um
Geysi í Haukadal.
Bæklingur sá sem Geysis-
nefnd gaf út á íslensku árið
1964 og á ensku þremur árum
síðar, hefur verið ófáanlegur
um nokkurra ára skeið. Höf-
undur þess bæklings var. dr.
Trausti Einarsson.
Geysisnefnd þótti ekki
vansalaust að enginn bækling-
ur væri til fyrir erlenda ferða-
menn um þennan hver og því
var ráðist í útgáfu þessa. I
bæklingnum er ágrip af sögu
Geysis og jarðfræði svæðisins
umhverfis. Þá er einnig leitast
við að skýra eðli goshvera,
efnafræði vatnsins o.fl. Að síð-
ustu er listi yfir hveri, örnefni
og jurtir sem finnast innan
jarðhitasvæðisins. Bæklingur-
inn er litprentaður í Odda hf.
Dreifingaraðili er Ferða-
skrifstofa ríkisins. Formaður
Geysisnefndar er Runólfur
Þórarinsson, deildarstjóri í
menntamálaráðuneytinu.
(tlr rrétutilkjnningu.)