Morgunblaðið - 15.06.1986, Qupperneq 2

2
MORGUNBLAÐIÐ, SUNNUDAGUR15. JÍJNÍ1986
Svíar vilja meira af
íslenskum tómötum
ÞAU þijú tonn af islenskum tómötum sem Sölufélag garðyrkjumanna
sendi til Malmö í Sviþjóð um síðustu heigi seldust fljótt og vel, að
sögn Nielsar Marteinssonar sölustjóra Sölufélagsins. Hann reiknar
með að allt að helmingi stærri farmur verði fluttur flugleiðis til
Sviþjóðar eftir rúma viku.
„Svíar vilja ólmir fá meira af ís-
lensku tómötunum en við megum
bara ekkert missa úr landi eins og
er, því salan hér innanlands hefur
farið langt fram úr áætlun í kjölfar
verðlækkunar sem varð fyrir um tíu
dögum.
Sölufélaginu hafa borist óskir
frá sænsku aðilunum um kaup á
nokkrum sex tonna förmum. Sagð-
ist Niels búast við að þeir yrðu
aflögufærir með tómata til útflutn-
ings eftir rúma viku.
Aðspurður um það verð sem
fengist fyrir þennan útflutning,
sagði Niels að endanlegt uppgjör
síðustu sendingar lægi ekki enn
fyrir, en hann taldi öruggt að hærra
verð fengist fyrir næstu sendingar.
Bæði vegna þess að íslensku tómat-
amir hefðu verið aiveg óþekkt vara
i Svíþjóð áður en fyrsta sendingin
kom þangað og eins vegna þess að
síðast hefðu þeir verið óheppnir,
því sama dag og íslensku tómatam-
ir komu í búðir varð mikil verðlækk-
un á þeim hollensku.
Hraðfrystihúsið Patreksfirði:
Samið um greiðslu
skuldar við Orkubúið
„FUNDUR Orkubús Vestfjarða
og Hraðfrystihússins á Patreks-
firði gekk ljómandi vel og það
verður haldið áfram að vinna hér
eins og ekkert hafi i skorist",
sagði Jens Valdimarsson, fram-
kvæmdastjóri Hraðfrystihússins,
þegar blm. Morgunblaðsins innti
frétta, en í gær var lokað fyrir
rafmagn til fyrirtækisins vegna
verulegra skulda við Orkubúið.
Jens kvað hafa verið gengið ffá
samkomulagi um greiðslur skuldar
Hraðfrystihússins, en sagði engum
koma við hver staða fyrirtækisins
væri að öðm leyti. Hann sagði ekki
standa til að segja upp starfsfólki
og starfsemi Hraðfiystihússins yrði
með eðlilegum hætti áfram.
Kristján Haraldsson, orkubús-
stjóri, vildi ekkert segja um málið
annað en að tekist hefði samkomu-
lag við forsvarsmenn Hraðfrysti-
hússins sem leiddi til þess að lokun
var frestað. Hann vildi ekki gefa
upp hve langur sá frestur væri.
Um áttatíu manns starfa nú hjá
Hraðfrystihúsinu á Patreksfirði,
sem er langstærsti atvinnuveitandi
í bænum. Auk skuldar við Orkubú
Vestfjarða mun Hraðfrystihúsið
m.a. skulda talsverðar íjárhæðir í
opinbemm gjöldum.
Mikil ölvun
MIKIL ölvun var ( Reykjavík
aðfaranótt laugardagsins og
þurfti lögreglan að hafa óvenju-
mikil afskipti af drukknu fólki.
Að sögn lögreglunnar var heimil-
isófriður víða, fyrir utan slys, sem
orsökuðust af drykkjulátum við
skemmtistaði. Tvær konur vom
fluttar á slysadeild eftir að hafa
verið barðar fyrir utan veitingahús,
áflog við tvö önnur veitingahús
leiddu til að tveir menn vom einnig
fluttir á slysadeild og ýmis önnur
meiðsli urðu á fólki.
Motgunblaðið/Trausti Tómasaon
Starfsmenn Flugleiða á Keflavíkurflugvelli hlaða fyrstu þremur tonnunum af íslensku tómötunum sem
seidust svo vel í Sviþjóð. Næstu farmar verða að öllum likindum helmingi stærri eða 6 tonn.
Keflavíkurflugvöllur;
Vopnuðum varð-
mönnum fjölgað
VOPNUÐUM löggæslumönnum hefur verið fjölgað i flugstöðinni á
Keflavikurflugvelli og nágrenni hennar. Verða þeir vopnaðir skamm-
byssum og hafa þeir allir hlotið nokkra þjálfun i notkun þeirra.
Vopnuð löggæsla var tekin upp
við flugstöðina á Keflavíkurflugvelli
í janúar á þessu ári þegar mikið
bar á hryðjuverkum í Evrópu, jafii-
framt því sem óttast var að hiyðju-
verkamenn mvndu láta til skarar
skríða á Norðurlöndum.
Að sögn Þorgeirs Þorsteinssonar,
lögreglustjóra á Keflavíkurflugvelli,
var gert bráðabirgðasamkomulag
milli lögreglustjóraembættisins á
Keflavíkurflugvelli og þeirra sem
bera munu vopn um gæslu af þessu
tagi. Kvað hann samkomulag þetta
vera háð samþykki Lögreglufélags
Suðumesja, svo og vamarmála-
skrifstofu utanríkisráðuneytisins.
Sagði Þorgeir að þeir sem hefðu
sinnt þessum störfum fram til þessa
hefðu verið of fáir, haft mikið að
gera og fáar hvíldarstundir fengið.
Hefði því verið ákveðið að fjölga
vopnuðum löggæslumönnum frá
júníbyrjun og fram til september-
loka, en þetta tímabil er það anna-
samasta hjá lögreglunni á Keflavík-
urflugvelli.
Tíu ferðir til Eyja
FLUGLEIÐIR flugu tiu ferðir til
Vestmannaeyja i gær, sem er
helmingur allra ferða sem farnar
voru innanlands.
Ástæða þess að svo margar ferðir
voru til Vestmannaeyja var sú, að
hópar útlendinga, svo og ýmis fé-
lagasamtök, voru á ferð til og frá
Eyjum. Ein aukaferð var farin
vegna þess að ferð féll niður á
föstudag, en annars var um hreina
aukningu að ræða.
Seljahverfi;
Ibúarnir hafa
lengi átt í stríði
við sauðfé
„Beiti fé á landi mínu ef mér sýnist,“
— segir Magnús Hjaltested á Vatnsenda
BORGARYFIRVÖLDUM hafa undanfarið borist margar kvartanir
frá íbúum i Breiðholtinu vegna ágangs sauðfjár i garða þeirra.
Leiddu þær kvartanir til þess, eins og greint var frá í Morgun-
blaðinu í gær, að tveir hrútar voru handsamaðir og fluttir i
geymslur borgarinnar. í ljós hefur komið, að þeir hrútar munu
vera frá Hveragerði
Undanfarin sumur hefur sauðfé
valdið umtalsverðu tjóni í görðum
breiðhyltinga og virðist sumarið í
sumar engin undantekning ætla
að verða.
Maria Jensen býr í KlyQaseli
6. Árla morguns síðastliðinn
fimmtudag vakti nágranni hennar
hana með þeirri fregn, að kindur
væru að gæða sér á garðjurtum
hennar. Maria hafði nýlega lokið
við að gróðursetja plöntur að
verðmæti um 8.000 kr. og voru
þær allar eyðilagðar, auk þess
sem laukplöntur frá fyrri árum
voru étnar upp til agna. Maria
hefur búið í Kljfyaseli síðan 1981,
og fyrstu jurtimar voru þar gróð-
ursettar sumarið 1982. Mariu
hefur hins vegar gengið mjög illa
að rækta plöntur í garðinum sakir
mikillar ágengni sauðfjár. Hér er
ekki aðeins um Qárhagslegt tjón
að ræða; mikil vinna er þama
unnin fyrir gíg auk þess sem
spillt er fyrir þeirri ánægju að
hafa fallegar plöntur í garðinum.
Reynsla Mariu er ekkert eins-
dæmi, aðrir íbúar við Klyfjasel
hafa flestir svipaða sögu að segja;
búseta þeirra þar hefur verið
stöðug barátta við sauðkindina.
Hafa margir þeirra orðið fyrir
miklu tjóni án þess að fá nokkuð
bætt.
íbúamir í götunni hafa þó ekki
setið aðgerðalausir hjá. Þeir hafa
t.d. bundist samtökum um að
vakta garðana og einnig hafa
þeir í sameiningu reynt að hand-
sama kindumar, en án árangurs.
Nýlega skrifuðu allir íbúar við
götuna undir bænaskjai til borg-
arstjóra um að fá að hafa lóðimar
í friði.
Samkvæmt 60. gr. lögreglu-
[\\\\\
Morgunblaðið/Þorkell
Jip

Maria Jensen og sonur hennar Björgvin Jónsson standa hér við sundurétinn mariustakk og hvðnn.
samþykktar Reykjavíkur mega
kindur ekki ganga lausar í lög-
sagnarumdæmi Reylqavíkurborg-
ar, það hefur því komið í hlut
lögreglunnar í Árbæ, ásamt
vörslumanni borgarlandsins að
hrekja á brott kindumar. Að sögn
Bjöms Sigurðssonar varðstjóra
hjá lögreglunni í Árbæ hafa þeir
haft í miklu að snúast mörg
undanfarin ár við að hrekja kindur
brott af borgarlandinu; kvað hann
ágengni sauðfjár hafa minnkað í
Árbænum en hún væri stöðug í
Breiðholtinu. Eina leiðin til þess,
að garðeigendur fái tjón sitt bætt
úr hendi eigenda sauð^árins, er
að til þess náist og staðreynt sé
hvaðan það komi. Bjöm kvað
mjög erfítt að handsama sauðféð
enda væri það mjög styggt, en
það hefði tekist í örfáum tilvikum.
Gat hann þess, að á vegum borga-
verkfræðings hefði verið girt af
tökuhólf til þess að reka rollumar
í, en ekki mun hafa verið gripið
til þess að smala fénu í þetta hólf.
Heimildarmönnum Morgun-
blaðsins bar saman um það, að
það sauðfé, sem þessum spjöllum
veldur komi úr landi Vatnsenda
við Elliðavatn. í samtali við Morg-
unblaðið sagði Magnús Hjaltested
bóndi á Vatnsenda að það gæti
vel staðist, að fé hans ylli tjóni,
en hins vegar gæti allt eins verið
að hér væri um fé að ræða frá
mönnum, sem væru með fjár-
búskap í skúmm á landi hans og
beittu fé sínu þar. Magnús kvaðst
búa á lögbýli og hann beitti fé á
landi sínu ef honum sýndist.
Jörðin Vatnsendi, sem er í eigu
Magnúsar, er í lögsagnarumdæmi
Kópavogs og liggur á mótum þess
og lögsagnarumdæmis Reykjavík-
ur. A þessum slóðum stendur til
að leggja svokallaðan Ofan-
byggðaveg, og er ætlunin að þessi
vegur myndi bæjarmörkin á milli
Reykjavíkur og Kópavogs. Magn-
ús sagði að ástæða þess að ekki
hefði verið lögð girðing á mörkum
lands sfns og borgarlandsins væri
sú, að yfirvöld í Reykjavík og
Kópavogi kæmu sér ekki saman
um hvar vegurinn ætti að liggja
og væri því ekki við hann að
sakast, enda bæri honum ekki
skylda til þess að girða land sitt.