Morgunblaðið - 06.01.1987, Qupperneq 47

MORGUNBLAÐIÐ, ÞRIÐJUDAGUR 6. JANÚAR 1987
hönnun mikillar viðbyggingar og
umbreytinga á Hótel Esju, sem enn
hefur ekki orðið að veruleika.
Okkar starfsvettvangur og
annríki dró okkur sitt í hvora áttina
á seinni árum, þótt sambandið héld-
ist álla tíð.
Fyrrgreind kynni okkar og starf,
urðu til þess að árið 1971 urðum
við báðir þátttakendur í félagahópi,
sem hefur hist síðan reglulega í
hverri viku til að ráðá fram úr
vandamálum samtímans og leita
betri framtíðar. Ovægið annríki
hefur orðið til þess hin síðari ár,
að við höfum hitt Hilmar aðeins
óreglulega í þessum hópi. Hann
kom þó alltaf öðru hvoru og sagði
frá áhugamálum sínum og verkefn-
um. Hin allra síðustu misserin naut
hann þess sérstaklega að segja okk-
ur frá byggingu nýs húss fyrir
Verzlunarskóla íslands í nýja mið-
bænum og af framgangi stórbygg-
ingar Hagkaups á sama svæði. Við
félagar hans vissum, að hann gekk
ekki að öllu leyti heill til skógar.
FVáfall hans kom okkur hins vegar
mjög á óvart, og nú er autt sæti
hans í góðum félagahópi.
Agætur samferðamaður er nú
kvaddur með þakklæti og söknuði.
Við tumfélagar sendum eiginkonu
Hilmars, börnum og annarri fjöl-
skyldu innilegar samúðarkveðjur.
• Blessuð sé minning Hilmars Ól-
afssonar.
Hörður Sigurgestsson
Játa skal að tregt er mér tungu
að hræra við andlát Hilmars Ólafs-
sonar arkitekts. Hann var jafnan
trúr í bragði og kunni frá mörgu
að segja. Er hann lætur nú lífíð,
rúmlega fimmtugur að aldri, eru
það meinleg örlög. Við Hilmar störf-
uðum saman um áratuga skeið í
Germaníu, og bar þar jafnan margt
á góma. Við áttum ferðir saman til
þýska Rínarfljótsins og mörg ítök
í Hamborg. Hér heima fórum við
með . þýskum ferðafélögum til
Bessastaða og sýndum gestum
helstu staði sunnanlands. Frú
Rannveig Hrönn var jafnan með
okkur í ferðum okkar. Margt er nú
hneigt að frú Rannveigu. Við félag-
arnir vottum frú Rannveigu og
sonum innilegustu samúðarkveðjur.
Pétur Ólafsson
Góðvinur okkar og tengdasonur,
Hilmar Ólafsson, arkitekt, lést að-
faranótt 28. desember síðastliðinn
langt um aldur fram, fímmtugur
að aldri.
Aðeins ljúfar minningar eru okk-
ur í huga við 34 ára kynni við
þennan góða dreng. Og aldrei bar
skugga á vináttu okkar.
Hilmar var ágætur námsmaður
og mjög fær í sínu fagi, enda komu
hæfileikar hans sem arkitekts fram
þegar á fyrsta námsári.
Snemma að námi loknu teiknaði
hann kirkju sem byggð var á Egils-
stöðum. Kirkjubygging þessi ber
vott um smekkvísi og kunnáttu
Hilmars.
Hér skal ekki talin fram sá fjöldi
verkefna sem Hilmar stóð að, eða
átti þátt í, en á sl. ári má nefna
hús Verzlunarskóla Islands og hina
miklu byggingarsamstæðu Hag-
kaups í Kringlunni.
Fjöldi trúnaðarstarfa var Hilmari
falinn um ævina, meðal annars
veitti hann Þróunarstofnun
Reykjavíkurborgar forstöðu um
árabil frá stofnun hennar.
Við færum öldruðum föður hans,
systkinum og fjölskyldum þeirra,
Rannveigu Hrönn og sonunum
þremur og tengdadóttur okkar inni-
legustu samúð.
Megi algóður Guð veita þeim
styrk í sprg þeirra.
Kveðja frá stjórn Germaniu
Sunnudaginn 28. desember sl.
barst sú harmafregn, að Hilmar
Ólafsson væri látinn um aldur fram,
aðeins 50 ára. Hilmar lagði að loknu
stúdentsprófí leið sína til Þýska-
lands og stundaði þar nám í arki-
tektúr við háskólann í Stuttgart.
Allt frá námsárum sýndi hann fé-
lagsmálastörfum mikinn áhuga.
Var m.a. einn af fyrstu formönnum
Sambands íslenskra námsmanna
erlendis og um árabil formaður
Arkitektafélags íslands.
Á árinu 1969 var Hilmar kjörinn
í stjórn íslensk-þýska félagsins
Germaniu og átti þar sæti til dánar-
dægurs. Á síðasta aðalfundi félags-
ins, um miðjan desember sl., lék
Hilmar á als oddi. Hvarflaði þá síst
að okkur samstjómarmönnum
hans, að komið væri að síðustu
kveðjustund að fundi loknum.
Árangur í starfi stjórna áhuga-
mannafélaga byggist á því, að þar
veljist til starfa menn, sem hafa
einlægan áhuga á að vinna að
markmiðum félagsins og sýni ósérr
hlífni. Það var því á sínum tíma
félaginu mikið happ að Hilmar gaf
kost á sér til að starfa að málefnum
þess. Það leyndi sér ekki, að þar
fór reyndur félagsmálamaður. Með
komu hans í stjórn var brotið upp
á ýmsum nýjungum og kom það
að verulegu leyti í hlut Hilmars að
koma þeim nýjungum í fram-
kvæmd.
Hilmar var einlægur maður.
Hann vildi m.a. með starfí í þágu
Germaniu endurgjalda að nokkru
þá gistivináttu og þekkingu er hann
varð aðnjótandi á námsárum sínum
í Þýskalandi. Fyrir það hlaut hann
einnig viðurkenningu sem hann mat
mikils. Hann var fyrir nokkrum
árum sæmdur heiðursmerki Sam-
bandslýðveldisins, Bundesver-
dienstkreuz, fyrir störf í þágu
vináttutengsla Sambandslýðveldis-
ins Þýskalands og Islands.
Að leiðarlokum þökkum við af
alhug farsælt samstarf og sendum
eftirlifandi eiginkonu, sonum og
öðrum vandamönnum einlægar
samúðarkveðjur.
Þorvarður Alfonsson
Þegar ég nú við andlátsfrétt
Hilmars Ólafssonar læt hugann
reika og rifja upp liðinn tíma kemur
mér í hug að samvinna við hann
hefur í áranna rás líklega verið ein-
hver ánægjulegasti þáttur starfs
HANETTE
NELMS
frú NEW YORK JU0ILATIONS
.m dancecompany
míns og svo árangursríkur að
ósjálfrátt vaknar spumingin, hvað
hefði orðið ef Hilmars hefði ekki
notið við.
Ég kynntist Hilmari þegar hann
var embættismaður Reykjavíkur-
borgar og sinnti þar skipulagsmál-
um. Meðal þeirra verkefna sem
Hilmar hafði þá afskipti af var
skipuiagning Kringlunnar og upp-
bygging. Mér er minnisstætt, að
þegar til greina kom að reisa þar
Hús verslunarinnar, þá var Hilmar
einn þeirra embættismanna sem
gerði sér grein fyrir að til þess að
svo gæti orðið þyrftu skipulagsyfir-
völd að koma til móts við sérstakar
þarfír húsbyggjenda og beitti sér
ótrauður fyrir að svo yrði gert.
Hilmar á því sinn þátt í þeirri ák-
vörðun að Hús verslunarinnar
stendur þar sem það er nú, svo og
að það er svo há turnbygging sem
raun varð á.
Samstarf okkar Hilmars var þó
mest fyrir Verzlunarskóla Islands.
Hilmar ekki aðeins fann skólanum
lóð og vann mikla og nauðsynlega
skipulagsvinnu þar að lútandi, held-
ur var nýja skólahúsið teiknað á
teiknistofu hans og félaga hans.
Oft höfum við setið saman og rætt
mögulegar lausnir og margir eru
þeir skólanefndarfundir sem Hilmar
hefur tekið þátt í, einkum fyrst, á
meðan skipulagsvinnan stóð yfir,
og svo aftur nú undir verklok, þeg-
ar hnýta þurfti saman lausa enda.
Raunar er vinnunni ekki lokið enn-
þá, þótt dauðinn hafi nú slitið
samvinnu okkar svo skyndilega og
svo óvænt. En þótt starfi ljúki og
maður komi í manns stað þá stend-
ur árangur verka Hilmars Ölafsson-
ar sem óbrotgjarn bautasteinn um
langa framtíð.
Skólanefnd Verzlunarskóla ís-
lands mun sárt sakna Hilmars á
fundum sínum og ég veit að sér-
hver nefndarmanna gerir sér ljóst
hve ríkan þátt Hilmar á í sköpun
hinna nýju húsakynna skólans. Fyr-
ir þau verk þakka allir sem nú
njóta. Það mun ekki of mælt þó
sagt sé að engum einum manni er
það meir að þakka en Hilmari Ólafs-
syni að svo góð lóð og aðstaða
fékkst fyrir Verzlunarskóla íslands
sem hann nú hefur á einum besta
stað í borgarlandinu.
Hilmar Ólafsson var ekki aðeins
árangursríkur í störfum sínum held-
ur einnig skemmtilegur í samvinnu
og góður og traustur félagi. Hvað
minnir meir á hverfulleik lífsins en
dánarfregn sem berst um slíkan
starfsfélaga sem fyrir fáum dögum
sat við fundarborð skólanefndar og
ræddi skipulag vinnu næstu mán-
uða og ára.
FJölskyldu Hilmars færi ég sam-
úðarkveðjur vegna fráfalls hans,
sem vissulega er þungbært. En þó
Hilmar falli nú frá, svo mörgum
árum áður en okkur fínnst tíma-
bært, þá munu verk hans þó lifa
marga aðra sem eldri verða.
Þorvarður Elíasson
Bekkjarbróðir, samstarfsmaður
og vinur, Hilmar Ólafsson arkitekt
verður jarðsunginn í dag.
Við vorum nítján talsins, bekkjar-
bræðumir í 6-X í Menntaskólanum
í Reykjavík, sem útskrifuðumst
stúdentar vorið 1957.
Vináttan sem til er stofnað í skóla
er sérstök og sterk. Þetta eru mót-
unarár unglinganna, menn læra
hver af öðmm, þroskast og verða
fullorðnir. Hilmar var einn af þeim
sem alltaf lét gott af sér leiða, hinn
góði drengur, sem gott var að kynn-
ast.
Að loknum menntaskóla tvístrað-
ist hópurinn eins og gengur. Menn
sóttu til náms á ólíkar brautir og
til ólíkra staða. Síðar á lífsleiðinni
47
liggja leiðir saman aftur ef menn
eru heppnir.
Þróunarstofnun Reykjavíkur-
borgar, nú borgarskipulag, tók til
starfa árið 1972, og var verkefni
hennar að vinna að skipulagsmálum
borgarinnar, einkum var brýnt orð-
ið að vinna að endurskoðun Aðal-
skipulags Reykjavíkur. Hilmar
Ólafsson var ráðinn fyrsti forstöðu-
maður Þróunarstofnunarinnar. Það
féll í hans hlut að móta stofnunina
og störf hennar. Þarna fengu mann-
kostir hans að njóta sín, slíkir menn
laða að sér gott fólk og þess naut
stofnunin og borgin nýtur enn. Á
þessum vettvagni lágu leiðir okkar
saman á ný í daglegu samstarfi.
Það var gaman að vinna með Hilm-
ari. Bæði var hann prýðilega að sér
á hinu faglega sviði og raunsær á
hið sérstaka umhverfi sem skipu-
lagsmenn hér hrærast í og ekki.
verður lært af bókum í erlendum i
skólum. Hann var fagurkeri og
unnandi íslenskrar náttúru, glaður
daglega og í góðra vina hópi.
Hilmar lét af störfum sem for-
stöðumaður Þróunarstofnunarinnar
vorið 1978 enda hafði hann aldrei
ætlað sér að vera í opinberri þjón-
ustu til langframa. Síðan starfaði
hann sem sjálfstæður arkitekt,
núna seinustu árin í samstarfi við
Hrafnkel Thorlacius arkitekt.
Reykjavíkurborg fól þeim félögum
að vinna deiliskipulag fyrir hverfin
norðan Grafarvogs snemma sumars
1982. Þar var bæði hratt og vel
unnið, svo vel að þar gátu fram-
kvæmdir hafíst á svæðinu fyrir
áramót það ár og hygg ég að það
hefðu fáir leikið eftir.
Nú er genginn góður drengur.
Samferðamenn þakka samfylgdina.
Ungur kvæntist hann Rannveigu
Kristinsdóttur bekkjarsystur okkar.
Það var hans gæfuspor. Megi góður
Guð styrkja fjölskyldu hans á sorg-
arstundu.
Þórður Þ. Þorbjarnarson
MEGRUN ÁN MÆÐU
EÐLILEG LEIÐ TIL MEGRUNAR
NYTT NYTTNYTT NYTT
TREFJABÆTT FIRMALOSS
Þúsundir íslendinga og milljónir manna
um allan heim hafa nú sannreynt gildi
FIRMALOSS grenningarduftsins í
baráttunni við aukakílóin.
„Deyr fé,
deyja frændur,
deyr sjálfur ið sama;
en orðstír deyr aldreigi,
hveim sér góðan getur".
Sigurveig og Kristinn

Flrmaloss er náttúrulegt efni sem neytt er I stað
venjulegrar máltlðar. Þvl er t.d. blandað I léttmjólk,
undanrennu eða ávaxtasafa og útkoman er frábær
drykkur sem ekki er bara saósamur — heldur
inniheldur hann öll þau vltamln.steinefni og
eggjahvltuefni sem llkaminn þarfnast, einmitt það
útilokar megrunarþreytu á tlmabilinu.
Firmaloss þakkinn inniheldur 20 skammta ásamt
Islenskum leiðbeiningabæklingi um skynsamlega
megrunaráætlun. Pakkinn kostar 495 kr.,eða aöeins
24,75 kr. I hverja máltlð.
Útsölustaðir:
Apótek, heilsuræktarstöðvar, sólbaðsstofur,
Iþróttavöruverslanir eða samvæmt pöntunarseðli.
”Ég þakka
FIRMALOSS
grenningarduftinu
aö ég get haldiö mér
grannri og hraustri
án fyrirhafnar.”
Marcia Goebel.
Súkkuluðibragöi, vanillubragði jarðarberjabragði.
Ég vil gjanan fá eftirfarandi vöru heimsenda I póstkröfu:
D Firmaloss:...................pakka á 495 kr. stk.
Nafn____________________________________________
Heimili
Póstnr./staöur ________________i_____________
(Sendingarkostnaóur er ekki innifalinn I verói.)

NÓATÚN 17, sími: 19900
„Okkur er annt um heilsu þína"
r« *n t * itiTi **« *« irti