Morgunblaðið - 24.02.1988, Side 55

MORGUNBLAÐIÐ, MIÐVIKUDAGUR 24. FEBRÚAR 1988
55-
Morgunblaðiö/Guömundur Svansson
George Leekens ásamt Amóri
Guðjohnsen á æfingu hjá Anderlecht
fyrir skömmu.
Leekens
rekinn!
Vona að andinn
lagist, segirArnór
GEOERGE Leekens, þjálfari
belgíska knattspyrnuliðsins
Anderlecht, sem Arnór Guð-
johnsen leikur með, var í gœr
rekinn úr starfi.
Við starfi Leekens tekur Raym-
ond Goethals. Hann verður þó
ekki titlaður þjálfari heldur ráðgjafí
og starfar við hlið aðstoðarþjálfara
Leekens. Goethals
FráBjama var aðalþjálfari hjá
Markússyni Anderlecht á árun-
iBelgíu um 1976 til 1979 og
sigraði liðið þá m.a.
einu sinni í Evrópukeppni bikar-
hafa. Eftir það var hann ráðinn til
franska liðsins Bordeaux, og síðan
lá leiðin á ný til Belgíu, þar serri
hann stýrði liði Standard Liege
tvívegis til meistaratitils. Goethals
var rekinn frá Standard eftir mútu-
mál sem kom upp fyrir nokkrum
árum og þjálfaði í framhaldi af því
í Brasilíu um tíma, en síðustu tvö
árin hefur hann verið við stjóm-
völinn hjá Racing Jet í Briissel.
„Ég vona að andinn hjá félaginu
verði betri og þjálfaraskiptin virki
sem sú vítamínsprauta sem við
þörfnumst," sagði Amór Guð-
johnsen í samtali við Morgunblaðið
í gær.
Goethels sagðist í gær vonast til
að breyta gengi Anderlecht-liðsins
til hins betra og sagði markmiðið
nú að ná sæti í einhveiju Evrópumó-
tanna næsta vetur.
HANDKNATTLEIKUR / ÓLYMPÍULEIKAR
Dómarar frá Argentínu og-
Senegal valdir en íslend-
ingar eiga ekki möguleika
ÍSLENSKIR dómarar verða ekki
á meðal þeirra sem dœma í
handknattleikskeppni
Ólympíuleikanna í Seoul í
haust. Búið er að velja 20 dóm-
arapör, en í þeimhópi eru eng-
ir íslenskir dómarar, en hins-
vegar dómarar frá Senegal,
Sýrlandi og Argentínu.
Þau pör sem valin hafa verið
munu dæma á undirbúnings-
móti og r.ámskeiði í Júgósiavíu
25.-30. maí. Eftir það verða valin
12 pör.sem dæma í Seoul. Það vek-
ur nokkra athygli að íslendingar
skuli ekki eiga dómara, en fleiri
þekktar handknattleiksþjóðir eiga
ekki fulltrúa í dómarahópnum, sem
sem Tékkar.
Furðuleg nlðurstaða
„Þetta er furðuleg niðurstaða hjá
dómaranefnd IHF [Alþjóða hand-
knattleikssambandsins]. íslending-
ar eru A-þjóð og hafa aldrei verið
neðar en í B-keppni. Við fáum þó
ekki dómara, en C-þjóðir sem eru
nýbyijaðar í handknattleik fá dóm-
arapar," sagði Kjartan Steinbach,
formaður dómaranefndar HSÍ í
samtali við Morgunblaðið í gær.
„Það var búið að lofa okkur að
Gunnar Kjartansson og Rögnvald
Erlingsson myndu dæma í Seoul,
en það var svikið. Það er því greini-
legt að þjóðir þurfa að eiga menn
í nefndum. Þær þjóðir sem að fá
dómara eiga flestar menn i áhrifa-
stöðum innan IHF. Það er því
greinilegt á þessari niðurröðun að
IHF-mafían er að undirbúa kosn-
ingamar í Seoul. Þar verður kosið
í stjóm og nefndir innan IHF og
þeir reyna með þessu að halda
ýmsum þjóðum góðum."
Getum byrjað að raóa niður
„Nú em eftir 20 dómarar og við
1 getum alveg gefíð okkur hvaða
dómarar falla út,“ sagði Kjartan.
„Við getum því byijað að spá í
hvaða dómara við munum fá á leiki
okkar.
Morgunblaöiö/Júlíus Sigurjónsson
Gunnar KJartansson og RSgnvald Erllngsson dæmdu á Júgóslavíumót-
inu í sumar. Hér eru þeir ásamt fyrirliðum Júgóslavíu og Sovétríkjanna, Rnic
og Sviridenko. Gunnar og Rögnvaldur munu þó ekki dæma á Ólympíuleikunum
í Seoul.
Mun HSÍ mótmæla þessari niður-
stöðu?
„Við eigum eftir að skoða þetta
betur og það er ekki mikið sem við
getum gert í þessu. En við munum
mótmæla. Þetta er hlægileg niður-
staða. Þrátt fyrir að hafa ávallt
verið í A eða B keppni höfum við
aldrei fengið dómara í A-heims-
meistarakeppni eða á Ólympíuleik-
um og við erum alls ekki sáttir við
það,“ sagði Kjartan.
íslensku dómaramir
eru ekki nógu góðir
- segir Erik Elias, formaður dómaranefndar IHF
„ÉG þekki tii þeirra Rögnvalds
og Gunnars og hef séö þá
dœma, en þeir eru ekki nógu
góðir,“ sagöi Erik Elias, for-
maöur dómaranefndar IHF í
samtali viö Morgunblaöið í
gœr. „Þá vantar ennþá reynslu
og hafa aðeins verið á A-lista
f tvö ár. Á þeim tfma hafa þeir
ekki dæmt nógu marga leiki.“
að eru fleiri lönd en ísland sem
eru ekki ánægð með þessa nið-
urröðun og við vissum að það yrðu
ekki allir sammála. En það verður
að taka það með í reikninginn að
við gátum ekki valið 20 bestu dóm-
arana, heldur þurftum við að skipta
þessum sætum milli landa," sagði
Elias.
Hvemig stendur á því að þjóðir
eins og Senegal og Argentína
eiga dómara i þessum hóp?
„Það á sér einfalda skýringu. Þær
heimsálfur sem taka þátt í hand-
knattleikskeppninni verða að eiga
dómara. Argentína er fulltrúi Suð-
ur-Ameríku, Senegal er fulltrúi
Afríku og Sýrland er fulltrúi Asíu.
Því voru þessar þjóðir með og ég
held að pörin sem koma frá þessum
þjóðum séu mjög góð.“
Hvað með C-þjóðir á borð við
Holland og Austurríki — hefur
það áhrif að þær eiga báðar
menn i æðstu stöðum IHF?
„Við höfum trú á því að dómarar
þaðan séu góðir. Það fer nefnilega
ekki alltaf saman staða þjóðarinnar
í handknattleik og hvað dómaramir
eru góðir. Gott dæmi um það er
Noregur sem hefur lengst af verið
í C-keppni, en á samt einhveija
bestu dómara í heimi.
Hvað varðar fulltrúa þessara þjóða
í nefndum IHF þá hafði það engin
áhrif. í nefndinni eru fulltrúar frá
mörgum löndum, en við látum það
ekki hafa áhrif á okkur. Það liggur
mikil vinna á bakvið þennan lista
og ég get fullvissað þig um það að
dómarar eru valdir eftir getu þeirra,
en ekki stöðu þjóðarinnar eða ein^
staklinga innan IHF og við látum
ekki beita okkur þrýstingi."
GOLF / MOTAHALD
Golfklúbbi Akureyrar boðið að
halda eitt opnu Evrópumótanna
í flokki atvinnukvenna í sumar
GOLFKLÚBBI Akureyrar hef-
ur boðist að halda eitt af
mótum atvinnukylfinga í
kvennaflokki á „Evrópu-
hringnum" í sumar. Þetta er
eitt margra svokallaðra op-
inna Evrópumóta þar sem
fiestar þær bestu í heimínum
taka þátt. Ef af verður, fer
mótið fram 6 Jaöarsvelli 1. til
7. ágústísumar.
Keppni í „Evrópuhringnum"
hefst í byijun apríl og keppt
er vikulega allt þar til I október,
í hveiju iandinu á fætur öðru. Til
stóð að mótið sem hér um ræðir
yrði í Englandi, en í Ijós kom að
á sama tíma er ein karlakeppnin
í Evrópuhringum á sömu slóðum,
og forráðamenn mótanna vilja
ekki að þau rekist á.
- 75-85 keppendur
Enskur aðili, sem sér um að skipu-
leggja mót af þessu tagi, var feng-
inn til að útvega annan stað.
Hann hafði samband við forráða-
menn Golfklúbbs Akureyrar, sem
eru honum kunnugir, og bauð
þeim að halda mótið. Reiknað er
með 75-85 konum til keppninnar.
„Mjög spennandi/1 segir
formaöur QA
„Þetta er ipjög spennandi og yrði
öruggiega einn stærsti íþróttavið-
burðurinn á landinu í ár ef af
yrði,“ sagði Gunnar Sólnes, for-
maður Golfklúbbs Akureyrar, í
samtali við Morgunblaðið í gær.
„Það kostar talsverða fjármuni
að halda þetta mót og við þurfum
að fá góða bakhjarla þvi klúbbur-
inn hefur ekki bolmagn til að
kosta þetta sjálfur. En við ætlum
að reyna þetta. Þetta er svo nýtil-
komið að við erum ekki famir að
tala við neinn í sambandi við
styrktaraðild, en við erum famir
að líta í kringum okkur.“ sagði
Gunnar. Hann sagði Akureyringa
ákveðna í að reyna að halda mót-
ið. „Þetta er dýrt en það er óhætt
að fullyrða að þetta yrði stórvið-
burður og féykileg landkyniiing.”
Mótshaldari stendur straum
af öllum kostnaöl
Fyrirkomulagið á umræddum
mótum er þannig að mótshaldari
stendur allan straum af kostnaði,
greiðir verðlaunafé, sem eru væn-
ar fúlgur, og fleira sem nauðsyn-
legt er.
Gunnar sagði að mót þessi væru
mjög vinsæl erlendis og sjón-
varpsefni frá þeim væri notað um
allan heim. „Það er gert ráð fyrir
því að sænska sjónvarpið taki
mótið fyrir Eurovison og bresku
stöðvamar komi einnig inn í þetta
dæmi. Stóru ensku dagblöðin gera
þessum mótum einnig skil með
því að senda menn á staðinu,
þannig að hér yrði fjöldi blaða-
manna."
Gunnar er kominn með lista yfír
þátttakendur. Til gamans má
nefna nokkur nöfn, en á listanum
eru m.a. Dale Reid frá Skotlandi,
sem var númer eitt í Evrópu-
hringnum í fyrra, enska stúlkan
Laura Davis, Corinne Dibnah,
Ástralíu, Alison Nicholas, Eng-
landi, Láselotte Neuman, Svíþjóð
og Karen Lunn, Ástralíu, svo ein-
hveijar séu nefndar.
Gunnar sagði sagði reiknað sé
með því að á undan þessu móti
fari fram pro-am keppni, þar sem
atvinnumennimir myndu keppa
ásamt áhugamönnum, bæði inn-
lendum og erlendum.