Morgunblaðið - 05.04.1990, Page 44

44
MORGUNBLAÐIÐ FIMMTUDAGUR 5. APRIL 1990
Dr. Loftur Reimar Gissurarson
■ LOFTUR Reimar Gissurar-
son hefur varið doktorsritgerð í
sálfræði við Edinborgarháskóla.
Ritgerðin fjallar um niðurstöður til-
rauna sem hann gerði og fólust í
mælingum og hugsanlegri þjálfun
á ímyndun og áhrifum ímyndunar
á hugmegin. Loftur Reimar er
fæddur í Reykjavík árið 1961. Að
loknu stúdentsprófi frá Mennta-
skólanum við Hamrahlíð nam
hann sálfræði við Háskóla Islands
og lauk þaðan BA prófi í nóvember-
1984 með hæstu meðaleinkunn sem
gefin hafði verið við deildina. Sum-
arið 1985 var hann við rannsókna-
stofnun J.B. Rhines í Durham í
Bandaríkjunum en tók uppeldis;
fræði ti! kennsluréttinda við HÍ
áður en hann hóf doktorsnám í
Edinborg haustið 1986. Því'iauk
hann á þremur árum. Loftur hefur
jafnhliða náminu unnið að ýmsum
rannsóknum í sálfræði og birt
greinar í alþjóðlegum vísindaritum.
Nýlega kom út í bókarformi sér-
hefti/við breskt tímarit um efnismið-
ilsfyrirbrigði Indriða Indriðasonar
sem Loftur skrifaði ásamt dr. Er-
lendi Harldssyni. Unnið er að þýð-
ingu þess á norsku og frönsku.
Núna vinnur Loftur að rannsóknum
á vilja og viljastyrk við Edinborgar-
háskóla. Móðir og stjúpfaðir Lofts
Reimars eru hjónin Þórhalla Lofts-
dóttir og Sigurður Ásgeirsson.
Hann er kvæntur Jóhönnu Margr-
éti Thorlacius sem stundar fram-
haldsnám í jarðfærði og verða þau
búsett í Edinborg um sinn.
■ NEMENDUR og kennarar
Myndlista- og handíðaskóla ís-
lands, Leiklistarskóla íslands og
Tónlistarskólans í Reykjavík ætla
að minna stjórnvöld á að nýbygging
Sláturfélags Suðurlands í Laug-
arnesi er éitt af þeim húsum sem
komið hafa til greina fyrir listaskól-
ana. Safnast verður saman kl. 10
á morgun, föstudag, á Arnarhóli
og flutt hvatningarræða.
■ ALÞJÓÐLEG keppni ungra
jazztónlistarmanna verður haldin í
annarri viku septembermánaðar
næstkomandi. Keppnin er skipulögð
af samtökunum Jazz Hoeilaart
International í Belgiu og fer fram
í nágrenni Brussel. Keppnin er
opin öllum jazztónlistarmönnum 30
ára og yngri. í boði eru vegleg verð-
laun bg ýmis tækifæri til að koma
fram. Nánari upplýsingar eru veitt-
ar á skrifstofu Félags íslenskra
hljómlistarmanna, Rauðagerði
27.
■ SAMKIRKJULEG samkoma
verður hljóðrituð í dag kl. 20.30 í
Herkastalanum, Reykjavík en út-
sending fer fram á skírdag kl. 11.
Forstöðumaöur Fíladelfiusafnað-
arins, Hafliði Kristinsson, prédik-
ar og fulltrúar kirkjudeildanna
flytja ritningarlestra eða ávörp, A
capella-kvartett Sjöunda dags að-
ventista syngur undir stjórn Jans
Guðmundssonar og Hersöng-
sveitin undir stjóm kapteins Anne
Marie Réinholdtsen. Lautinant
Erlingur Níelsson stjórnar samko-
munni en hún er þáttur í starfi
samstarfsnefndar kristinna trúfé-
laga á íslandi.
■ HINN 28. mars sl. afhenti
Helgi Ágústsson, sendiherra,
hennar hátign Beatrix drottningu
trúnaðarbréf sitt, sem sendiherra
ísiands í Hollandi með aðsetri í
Lundúnum.
MÚSÍKTILRAUNIR
MÚSÍKTILRAUNlRTónabæjar hafa löngu
unnið sér sess sem hljómsveitakeppni
fyrir unghljómsveitir víða af landinu. Fyr-
irkomulag keppninnar hefur alla tíð
beinst að því að auðvelda sem flestum
að taka þátt, sama hvaða tónlist hljóm-
sveitin leikur, svo framarlega sem hún
geti flutt þrjú frumsamin lög. Verðlaun í
keppninni hafa alltaf verið hljóðverstímar
og til viðbótar ýmis búnaður sem auð-
veldar hljómsveitum sína iðkan. í kvöld
hefjast Músíktilraunir Tónabæjar í átt-
unda sinn, að þessu sinni í samvinnu
Tónabæjar og Fbsar 2.
Að þessu sinni hafa 24 sveitir skráð
sig til leiks og einhverjar eru á biðlista.
Dreifing sveita um landið er jafnari nú
en oft áður, þó enn sem fyrr sé hljóm-
sveit af Vestfjörðum fjarri góðu gamni.
Flestareru sveitirnar úr Reykjavík, sem
vonlegt er, en þaðan koma átta sveitir.
Þrjár sveitir koma af Austurlandi, af
Skaganum koma tvær sveitir, en Skaga-
menn hafa jafnan verið áberandi í Músíkt-
ilraununum, Borgnesingar senda tvær
sveitir, ein sveit kemur úr Vestmannaeyj-
um, ein frá Akureyri, ein frá Húsavík, ein
úr Hafnarfirði, ein úr Kópavogi, ein af
Selfossi, ein frá Hellu/Hvolsvelli, ein frá
Hólmavík og ein er af óljósum uppruna.
Eins og jafnan leika gestahljómsveitir á
meðan gestir eru að koma sérfyrir í
sætum og síðan meðan atkvæði eru tal-
in. Fyrsta kvöldið verður gestasveitin Ný
dönsk, þá Sykurmolarnir, svo Todmobile
og úrslitakvöldið leikur Síðan skein sól.
Verðlaunin eru ekki af verri endanum nú
sem endranær, en fyrstu verðlaun eru
40 hljóðverstímar í Stúdíó Stemmu, einu
fullkomnasta hljóðveri landsins. Önnur
verðlaun eru svo 30 tímar í sama hljóð-
veri.
Samantekt: Árni Matthíasson
Fyrsta hljómsveit Músíktilrauna að þessu sinni er Siggi hennar
Önnu úr Reykjavík. Hana skipa Siggeir Kolbeinsson bassaleikari,
Garðar Hinriksson söngvari, Bjarki Rafn Guðmundsson trommuleik-
ari, Þór Sigurðsson hljómborðsleikari og Baldvin gítarleikari. Siggi
hennar Önnu spilar „bara rokk“, en meðalaldur sveitarmanna er
sautján ár.
Morgunblaðið/Þorkell
____________________Nerdir______________________
Nerdir er hljómsveit úr Reykjavík, en sveitarmeðlimir óskuðu þess
sérstaklega að nöfn þeirra kæmu hvergi fram. Það má þó geta
þess að í sveitinni eru sjö meðlimir, þar á meðal söngkona, og
meðalaldur er um tuttugu ár.
Bérir að ofan fylgja Fröken Júlíu á svið, en þá sveit skipa sex piltar
úr Reykjavík, þeir Karl Jóhann Bridde, sem syngur, Ágúst Orri
Sveinsson, sem leikur á trommur, Agnar Már Magnússon, sem
leikur á hljómborð, Óttar Guðnason, sem leikur á bassa, Pétur
Valgarð Pétursson, sem leikur á gítar, og Gunnar Þór Möller, sem
leikur einnig á gítar. Meðalaldur sveitarmeðlima er um sautján ár.
Berir að ofan spila meiraogminna rpkk, dansrokk.
Sérsveitin
Sérsveitin tekur nú öðru sinni þátt í Músíktilraunum. Sveitina skipa
Gísli Jóhann Sigurðsson hljómborðsleikari, Rósa Lind Gísladóttir
söngkona, Davíð Þór Hlynsson gítarleikari, Ingólfur Júlíusson bassa-
leikari og Heiðar Kristinsson trommuleikari. Sérsveitin leikur
íslenska popptónlist og meðalaldur sveitarmeðlima er tæp tuttugu
ár.
Akureyringiir
efstur í stærð-
fræðikeppni
Þátttakendur stærdiræðikeppni framhaldsskólanema ásamt dómnefnd. Morgunblaðið/Þorkell
FROSTI Pétursson, nemandi í
Menntaskólanum á Akureyri,
varð hlutskarpastur í stærð-
fræðikeppni framhaldsskóla-
nema veturinn 1989-1990.
Keppnin var í tveimur hlutum.
Fyrri hluti keppninnar fór fram
þriðjudaginn 31. október 1989.
Hann var í tveimur stigum: Neðra
stig, sem ætlað var nernendum á
fyrri tveimur árum framhaldsskól-
anna, og efra stigi, sem ætlað var
nemendum á seinni tveimur árum
framhaldsskólanna. Alls tóku 488
nemendur úr 16 skólum þátt í
keppninni, þar af tóku 208 nemend-
ur þátt í efra stigi og 280 í neðra
stigi keppninnar.
Seinni hluti keppninnar var úr-
slitakeppni, haldin laugardaginn
31. mars 1990 í Háskóla íslands.
Þátttakendur voru 17. Dómnefnd
ákvað að veita þremur hæstu kepp-
endunum peningaverðlaun.
í níu efstu sætunum urðu: 1.
Frosti Pétursson, Menntaskólanum
á Akureyri, 2. Ólafur Örn Jónsson,
Fjölbrautaskóla Suðurnesja, 3.
Birgir Arnarson, Menntaskólanum
á Akureyri, 4. Ásgeir Loftsson,
Menntaskólanum í Reykjavík, 5.-6.
Gunnar Pálsson, Menntaskólanum
á Akureyri, 5.-6. Höskuldur Hauks-
son, Menntaskólanum í Reykjavík,
7. Daníel Sigurgeirsson, Fjölbrauta-
skólanum í Breiðholti, 8. Pétur
Matthíasson, Menntaskólanum við
Hamrahlíð, 9. Þórður Magnússon,
Menntaskólanum við Hamrahlíð.
Níu efstu keppendunum verður
boðið að taka þátt í fjórðu norrænu
ólympíukeppninni í stærðfræði, sem
verður haldin í skólum keppenda í
dag, fimmtudaginn 5. aprfl.