Morgunblaðið - 02.08.1990, Blaðsíða 29
MORGUNBLAÐIÐ FIMMTUDAGUR 2. ÁGÚST 1990
29
Morgunblaðið/Rúnar Þór
Hólmfríður Ósk í íslenzka landsliðsbúningnum með verðlauna-
peningana tvo. Hjá henni situr Guðrún Antonsdóttir, sem var
helzta hjálparhella hennar á Ólympíuleikunum.
Fékk tvenn gullverðlaun á
Ólympíuleikum þroskaheftra:
Gaman að vinna en skipt-
ir mestu að vera með
— segir Hólmfríður Ósk Jónsdóttir sundkona
„Það var gaman að vinna, en það skiptir samt mestu máli að
vera með,“ segir Hólmfríður Ósk Jónsdóttir, sem vann tU tvennra
gullverðlauna í sundi á Ólympíuleikum þroskaheftra, sem fram
fóru í Glasgow í Skotlandi fyrir skömmu. Hólmfríður býr ásamt
eiginmanni sínum í sambýli þroskaheftra við Byggðaveg á Akur-
eyri.
Islendingar tóku nú þátt í
Ólympíuleikum þroskaheftra í
fyrsta sinn. Fjórtán keppendur
fóru utan, en Hólmfríður var eini
Akureyringurinn í hópnum. Guð-
rún Antonsdóttir var henni til
aðstoðar meðan á leikunum stóð.
Guðrún segir að ferðin hafí verið
erfið, en geysilega skemmtileg
og gagnleg fyrir alla keppend-
uma. íslendingarnir kepptu í
sundi, fijálsum íþróttum og
knattspyrnu. Alls tóku um 2.200
keppendur frá 30 löndum þátt í
leikunum, en auk þeirra voru
nokkur þúsund aðstoðarmenn,
ættingjar og vinir þátttakenda í
Glasgow meðan á leikunum stóð.
Filippus Bretaprins setti
Ólympíuleikana, auk þess sem
. Don Johnson og fleiri stórstjörn-
ur, auk fjölmargra frægra
íþróttamanna, létu sjá sig.
Hólmfríður segist hafa æft
stíft fyrir Ólympíuleikana. Hún
hafi farið á æfingar hjá íþróttafé-
laginu Eik á hveijum degi eftir
vinnu, en hún starfar á Iðju-
lundi. Hún segir aðspurð að sér
þyki ekki erfitt að þurfa að æfa
sundið daglega eftir langan
vinnudag. „Ég hef bara gaman
af því,“ segir hún. „Ég keppti
aðeins í sundi í Glasgow, en ég
æfi líka boccia.“
Hólmfríður fór með sigur af
hólmi í 25 og 50 metra bringu-
sundi. Hún segir að auðvitað
hafi verið skemmtilegt að vinna,
en það skipti meira máli að vera
með og gera sitt bezta. Hún seg-
ir að allir sem fóru hafi haft
gott af því og það hafi verið
gaman að kynnast fólki frá öðr-
um löndum. „Ég kynntist aðal-
lega svertingja frá Frakklandi,"
segir hún. Hún segist hafa kunn-
að vel við sig í Skotlandi og ef
tækifæri gefist, þá muni hún
örugglega taka þátt i íþróttamóti
af þessu tagi aftur.
Lögreglan:
Einn á 156 km
hraða annar á
138kmhraða
LÖGREGLAN á Akureyri var á
þriðjudag upptekin við radar-
mælingar í kringum bæinn. Var
einn ökumaður á mótorhjóli
tekinn á 156 kílómetra hraða á
Vaðlareit.
Einnig var ökumaður bifreiðar
tekinn á 138 kílómetra hraða fyrir
norðan bæinn. Voru þeir báðir
teknir á lögreglustöðina og sviptir
þar ökuleyfi. Þá voru fjölmargir
ökumenn stöðvaðir á 100-110 kíló-
metra hraða að sögn lögreglunnar.
Morgunblaðið/Rúnar Þór
Fyrsti innfæddi Akureyr-
ingurinn í bæjarstj órastól
Skattskráin:
Tekjuskattur áætl-
aður á mörg fyrirtæki
TEKJUSKATTUR allmargra fyrirtækja í Norðurlandsumdæmi
eystra er áætlaður, vegna þess að fyrirtseki hafa ekki skilað inn
skattframtali. Til að mynda var áætlað á Útgerðarfélag N-Þingey-
inga, sem greiðir hæstan tekjuskatt í umdæminu í ár samkvæmt
álagningarskrá, 62,5 milljónir króna.
Hjá Útgerðarfélagi N-Þingey-
inga fengust þær upplýsingar, að
um einhvern misskilning virtist vera
að ræða varðandi álagninguna, þar
sem áætlaður tekjuskattur væri
sama tala og tapið á félaginu.
Að sögn Gunnars Rafns Einars-
sonar, skattstjóra á Norðurlandi
eystra, er talsvert um að fyrirtæki
hafi ekki skilað inn skattframtali,
en hann segir að ekki sé meira um
það en venjulega. í hópi fyrirtækja,
sem tekjuskattur er áætlaður á, eru
Álafoss hf. og Hreifi á Húsavík.
Heilsugæslustöðin:
Á þriðja hundr-
að kvefaðir
KVEF, hálsbólga og bronkítis
sótti nokkuð á Akureyringa í
júní síðastliðnum. Þá skráði
heilsugæslustöðin á Akureyri
245 tilfelli af þessum kvillum.
Fimm leituðu til læknis með
lungnabólgu, 16 með hálsbólgu af
völdum streptókokka, fimm greind-
ust með hlaupabólu, tveir með misl-
inga og einn með hettusótt. Þá voru
36 með bráða magaveiki.
MEIRA var haft við í níukaffinu
hjá starfsfólki Akureyrarbæjar
en vanalega í gærmorgun. Nýr
bæjarsfjóri, Halldór Jónsson,
var boðinn velkominn til starfa
með stórri tertu og blómvendi.
Halldór er sjöundi bæjarstjórinn á
Akureyri frá því að bæjarstjóri var
fyrst ráðinn 1919.
Valgarður Baldvinsson bæjar-
ritari, sem bauð Halldór velkominn
fyrir hönd starfsfólks, sagði að það
væri ánægjulegt að nú sæti inn-
fæddur Akureyringur í fyrsta sinn
í bæjarstjórastóli.
Halldór sagði að hann vonaðist
eftir góðu samstarfi við starfsfólk
bæjarins, og sagðist myndu heim-
-sækja það í vinnuna á næstu dög-
um.
Bleiki fíllinn
gjaldþrota
AKURINN hf., sem rekið
hefur Bleika fílinn,
skemmtistað við Hafnar-
stræti á Akureyri, hefur
verið úrskurðaður gjald-
þrota og var skemmtistað-
urinn innsiglaður á mánu-
dagskvöld.
Beiðni um gjaldþrotaskipti
barst 'frá framkvæmdastjóra
og stjórnarformanni Akursins
hf. í hluta af húsnæði Bleika
fílsins hefur verið rekinn veit-
ingastaðurinn Pizza elefant.
Sú starfsemi er óskyld
rekstri Bleika fílsins. Eigend-
ur Pizza elefants hyggjast nú
flytja sig um set og opna
veitingahúsið bráðlega á nýj-
um stað, í Glerárgötu 20.
Vel heppnuð
jQölskyldu-
hátíð Þórsara
Þeir drógu ekki af sér í
reiptoginu, pollarnir á fjöl-
skylduhátíð íþróttafélagsins
Mývatnssveit:
Hlé gert á gjaldtöku í Höfða
Horft til þess að gestir greiði kostnað í Dimmuborgum, segir sveitarstjóri
EKKI verður krafizt aðgangseyris í sumar af ferðamönnum, sem skoða
Höfða við Mývatn, en það hefur verið gert tvö síðastliðin sumur. Sig-
urður Rúnar Ragnarsson, sveitarstjóri í Skútustaðahreppi, segir að
hér sé ekki um stefnubreytingu að ræða, heldur sé nú gert hlé á gjald-
tökunni þar til búið verði að koma upp betri aðstöðu fýrir starfsmann
og salernisaðstöðu fyrir gesti, en á það sé stefnt fyrir næsta sumar.
Þórs, sem fram fór á vallar-
svæði félagsins á laugardag-
inn.
Fjöldi barna, sem æfa
íþróttir með félaginu, og for-
eldrar margra þeirra komu
saman og skemmtu sér frá
klukkan eitt og fram undir
kvöldmat. Meðal annars var
farið í alls konar leiki, pylsur
voru grillaðar og boðið upp á
kaffi og kökur. Bikarleikur
annars flokks Þórs og Fram
var háður á vellinum, og höfðu
gestirnir betur. Að sögn Gunn-
ars Björnssonar, aðalstjórnar-
manns í Þór, heppnaðist hát-
íðin einstaklega vel og er
stefnt að því að endurtaka
hana að ári.
Höfði er hrauntangi við Mývatn,
í eign Skútustaðahrepps, og vinsæll
af ferðamönnum vegna gróðursæld-
ar og sérkennilegra hraunmyndana.
Fyrir tveimur árum var farið að inn-
heimta gjald af gestum til að draga
úr kostnaði skattgreiðenda í hreppn-
um við viðhald og snyrtingu svæðis-
ins. Að sögn Sigurðar hefur gjald-
takan í Höfða skilað launum starfs-
manns, sem sér um innheimtu, og
að auki um fjórðungi annars kostn-
aðar.
„Ég held að þetta sé það, sem
koma skal víða í litlum sveitarfélög-
um, þar sem ferðamannastraumur-
inn er mikill og veldur beinum kostn-
aði fyrir skattgreiðendur. Það liggur
beint við að láta notendurna borga
hluta af þeim kostnaði," sagði Sig-
urður.
Uppi hafa verið hugmyndir um
að taka einnig gjald af ferðamönn-
um, sem heimsækja Dimmuborgir í
Mývatnssveit. Sigurður sagði að þær
hugmyndir hefðu ekki verið ræddar
ýtarlega. „Það liggur hins vegar
fyrir að það verður að gera stórátak
í Dimmuborgum í göngustígagerð,
þannig að það sé betra að ganga á
stígunum en utan við þá. Göngu-
þunginn er svo mikill að það mynd-
ast fljótt breiðir moldarstígar sem
fara sífellt breikkandi," sagði
hann.„Menn horfa til þess að þeir,
sem koma þama til að njóta þessar-
ar náttúrusmíðar taki einhvern þátt
í kostnaðinum við að halda borgun-
um í því horfi, að ekki sé til vansa.
Það er ekki hægft að fresta því öllu
lengur að taka á þessu vandamáli,
og Skútustaðahreppur er það lítið
sveitarfélag, að hann stendur ekki
undir þeim kostnaði."
Sigurður sagði að Skútustaða-
hreppur hefði verið í samstarfi við
Náttúruvemdarráð um landvörzlu í
Dimmuborgum og landverðir hefðu
byrjað að merkja stíga og gönguleið-
ir.
Landgræðsla ríkisins hefur hins
vegar umráðarétt yfir svæðinu. Stef-
án Sigfússon, fulltrúi landgræðslu-
stjóra, sagði í samtali við Morgun-
blaðið að Landgræðslan hefði vel
getað hugsað sér gjaldtöku í Dimmu-
borgum, en opinberir aðilar, sem
þurft hefðu að gefa leyfi fyrir slíku,
þar á meðal Ferðamálaráð, hefðu
gefið neikvæða umsögn. Engin
hreyfing væri því á málinu í bili.