Morgunblaðið - 31.03.1992, Síða 26
26
MORGUNBLAÐIÐ ÞRIÐJUDAGUR 31. MARZ 1992
Á milli 7 og 8 þúsund manns komu á Opið hús í Þjóðarbókhlöðunni
sl. sunnudag.
*
Opið hús Háskóla Islands:
Um átta þúsund
sóttu kynningima
Á MILLI sjö og átta þúsund manns komu á Opið hús Háskóla íslands
sem haldið var í Þjóðarbókhlöðunni í fyrradag. Þetta er í fimmta sinn
sem opna húsið er haldið og tókst vel til, að sögn Ástu Ragnarsdóttur
forstööumanns Námsráðgjafar H.í. og eins af framkvæmdaaðilum opna
hússins. 62 aðilar kynntu starfsemi sína í Þjóðarbókhlöðunni, meðal
annars deildir og margar stofnanir Háskólans, sérskólar, stúdentasam-
tök, Fullbright-stofnunin og samtök á vinnumarkaðinum.
Ásta segir að í ár hafi meiri
áhersla verið lögð á tengingu við
atvinnulífið en gert hafi verið undan-
farin ár og kynntu ASÍ, BSRB, VSÍ
og BHMR starfsemi sína.
„M.F.A. með tilliti til fullorðins-
fræðslu var einnig með kynningu og
við erum að hugsa um að leggja
meiri áherslu á þann þátt í framtíð-
inni þar sem þetta er auðvitað blönd-
uð kynning fyrir almenning," segir
Ásta.
Hún segir auk þess að í ár hafí
mun breiðari hópur komið á kynning-
una en undanfarin ár. „Skipting eft-
ir aldri var mun jafnari nú en áður
og unga fólkið skilaði sér mjög vel.
Þar að auki tókum við eftir því að
síðast þegar við héldum kynningu í
Þjóðarbókhlöðunni kom fólk mikið
til þess að skoða bygginguna en
núna virtist það vera kynningin sjálf
sem laðaði að í meira mæli. Það kom
hins vegar greinilega í ljós að Þjóðar-
bókhlaðan er farin að skipa sess hjá
fólki og það er orðið óþreyjufullt að
sjá hana sem fullrnótaða menningar-
miðstöð," segir Ásta.
Skógræktarstarf í
Hafnarfírði í 45 ár
AÐALFUNDUR Skógræktarfé-
lags Hafnarfjarðar verður hald-
inn næstkomandi föstudag, 3.
apríl, i Sverrissal í Hafnarborg.
Er dagskráin fjölbreytt að vanda
og meðal annars verður sýnd
mynd um skógræktarstarf í
Hafnarfirði í 45 ár.
Dagskrá fundarins er sú, að fyrst
verða teknar fyrir lagabreytingar
en síðan gengið til venjulegra aðal-
fundarstarfa. Þriðji liðurinn er „Oi-
ur: Nýr landnemi í skógræktar-
starfseminni?" en þá mun Þorsteinn
Tómasson, forstjóri RALA, halda
myndskreyttan fyrirlestur um til-
raunir með elri. Fjórði og síðasti
liðurinn er svo mynd, sem Halldór
Árni Sveinsson hefur gert og tekið
saman um skógræktarstarfsemi í
Hafnarfirði í 45 ár. Er ekki að efa,
að þar komi margt fram fróðlegt
fram enda eru þeir ófáir, sem hafa
lagt hönd á plóginn í þessu mikla
hugsjónastarfi. Eru félagar í Skóg-
ræktarfélaginu og allt áhugafólk
um skógrækt og landgræðslu hvatt
til að fjölmenna.
(Fréttatilkynning)
ISLANDSMOTIÐ í vélsleða-
akstri fór fram í blíðskapar-
veðri á sunnudaginn og hátt í
hundrað keppendur tóku þátt
í þremur greinum, fjallaralli,
spyrnu og brautarkeppni.
Norðanmenn urðu sem fyrr sig-
ursælir en keppt var í mörgum
flokkum. Tveir keppendur
náðu tvennum gullverðlaunun-
um, Benedikt Valtýsson og
Hólmgeir Þorsteinsson, en Arn-
ar Valsteinsson náði frábærum
aksturstima í fjallaralli og auk
þess verðlaunasæti í spyrnu.
Besta tíma í brautarkeppni náði
Heimir Ásgeirsson, sem vann
opinn flokk stærri sleða.
Keppnin sem var haldin af Pol-
aris-klúbbnunt og Olíufélaginu
Skeljungi var önnur tveggja til
íslandsmeistara.
Benedikt Valtýsson setti braut-
armet í spyrnu, þegar hann náði
besta tíma á sérsmíðuðum 200
hestafla Polaris-spyrnusleða, ók
200 metrana á 6,90 sekúndum.
„Brautin var mjög erfið og ég
þurfti að slá af í lokin til að stýra
sleðanum milli stanganna sem
afmarka brautina, slíkt var aflið
þegar nítróið kom inn á vélina“.
sagði Benedikt, „Aflið kom á
óvart því við vorum í raun að til-
keyra vélina í keppninni og hann
pijónaði í hvert skipti sem fullt
afl kom inn. Það var í raun vanda-
mál hvað skíðin voru lítið niðri
og sleðinn sveif bara á beltinu,"
sagði Benedikt. Islandsmeistarinn
í flokki sex vann sinn flokk á
öflugasta fjöldaframleidda sleða
keppninnar, ók fjögurra stokka
Yamaha V MAX og varð einnig
í öðru sæti í brautarkeppni
stærstu sleðanna, þá náði hann
öðrum besta aksturstíma i fjall-
aralli, þó hann kútveltist af sleð-
anum eftir varasama beygju. „Ég
man lítið hvað gerðist nema hvað
sleðinn endastakkst og ég hentist
framyfir sleðann og stóð upp mjög
ringlaður. Ég sá ekkert nema
snjó og ætlaði aldrei að finna sleð-
ann og loks þegar ég fann hann
var ég ekki yiss í hvaða átt ég
átti að fara. Ég komst þó að leið-
arenda að lokum. I spyrnunni var
Morgunblaðið/Gunnlaugur Rögnvaldsson
Islandsmeistarinn Finnur Aðalbjörnsson vann öflugasta flokk
fjöldaframleiddra sleða á Yamaha V Max og náði einnig í silfur
í brautarkeppninni á sama sleða. Þá náði hann öðrum besta tíma
í fjallarallinu, erfiðasta hluta mótsins.
V MAX-sleðinn geysilega öflugur,
en ég tapaði fyrir sveitunga mín-
um, Jóhannesi Reykjalín, í braut-
arkeppninni. Hann var vel að sigr-
inum kominn, hefur alltaf verið í
öðru sæti síðustu ár,“ sagði Finn-
ur. Sveit Polaris vann fjallarallið,
en Arnar Valsteinsson náði lang-
besta tímanum.
í brautarkeppninni vann Hólm-
geir Þorsteinsson á Poiaris XCR
flokk 4-5, Arnþór Pálsson á Pol-
aris XCR 440 flokk 6, flokk 7
vann Jóhannes Reykjalín á Artic
Cat 7, opinn flokk minni sleða
Þór Daníelsson á Polaris 500, en
flokk stærri sleða Heimir Ásgeirs-
son á Polaris 650. í spyrnunni
vann Þórir Ófeigsson flokk B á
SKi-doo Plus X, Ingólfur Sigurðs-
son á Artic Cat 650 flokk A, Finn-
ur Aðalbjörnsson flokk AA og í
flokki minni sleða í opnum flokki
vann Benedikt Valtýsson og að
sama skapi þann stærri.
Samanlögð stig úr braut og
spyrnu ráða úrslitum um hveijir
verða meistarar í einstökum
flokkum, en keppni á Ólafsfirði í
maí ræður úrslitum um það, ef
snjóalög leyfa að keppni verði
haldin.
Yiðræður um sameiningu
björgunarsveita hafnar á ný
Aðeins spurning um tíma hvenær björgunarsveitir sameinast segir Árni Gunnarsson
FORYSTUMENN Slysavarnafé-
lags íslands og Landsbjargar
hafa hist á einum fundi til að
ræða möguleikana á að sameina
þessi tvö samtök björgunars-
Frumvarp til breytinga á áfengislögum:
Áfengi leyft 1 innan-
landsflugi og ferjum
FRUMVARP til breytinga á áfengislögum verður lagt fyrir Alþingi
í vikunni. Að sögn Ara Edvald, aðstoðarmanns Þorsteins Pálssonar
dómsmálaráðherra, felur það í sér að nýrri grein verði bætt við
áfengislögin sem heimili dómsmálaráðherra að veita Ieyfi til áfengi-
sveitinga um borð í loftförum og farþegaskipum í ferðum innanlands.
Gert er ráð fyrir að leyfisveitingin
verði á landsvísu og að dómsmála-
ráðherra leiti umsagnar hjá Flug-
málastjórn vegna loftfara og hjá
Siglingamálastofnun vegna skipa
Að sögn Ara getur ákvæðið með-
al annars átt við Akraborgina, Her-
jólf og Fokker-vélar í innanlands-
flugi.
veitanna í landinu. Árni Gunn-
arsson framkvæmdastjóri hjá
Slysavarnafélagi Islands kom
inn á þessi mál í umræðum á
ráðstefnunni Björgun ’92, sem
Landsbjörg og Rauði kross ís-
Iands héldu um helgina. Árni
sagði í samtali við Morgunblaðið
að hann teldi það aðeins spurn-
ingu um tíma hvenær þetta
mikla afl, björgunarsveitirnar í
landinu, sameinuðust í eitt sam-
band.
Árni sagði í gær að á síðasta
ári hefði verið gerð mjög góð til-
raun til að sameina allar björgun-
arsveitir í landinu undir eitt merki.
Sú tilraun hefði stöðvast á loka-
stigum. „Ég hef lýst þeirri skoðun
minni að ég telji það bara spurn-
ingu um tíma hvenær þetta mikla
afl, björgunarsveitirnar í landinu,
verður sameinað í eitt samband.
Ég tel að það sé mjög skynsam-
legt að gera það vegna kostnaðar,
fjárfestinga í tækjum og hverskon-
ar búnaði. Það eru til dæmi um
að starfandi séu á sömu stöðum
sveitir frá báðum félögum. Svo
væri mikill sparnaður fólginn í því
að sameina yfirstjórnina. Ég held
að það myndi einfalda allt skipulag
björgunarmála í landinu," sagði
Arni.
Hann sagði að forystumenn
Landsbjargar og Slysavarnafélags
íslands hefðu hist á einum fundi
til að ræða þessi mál. Þar hefði
verið ákveðið að halda viðræðun-
um áfram, meðal annars í þeim
tilgangi að eyða ágreiningsefnum
og fá niðurstöðu í mál sem hefðu
flækst fyrir. „Ég er sannfærður
um að fjárveitingavaldið, sem látið
hefur okkur í té talsverða fjár-
muni á hveiju ári, mun ekki líða
það mjög lengi að þessi tvö félög
starfí með þeim hætti sem þau
gera í dag. Hef heyrt ávæning af
því að þau telji þetta óheppilegt
fyrirkomulag og er sammála því,“
sagði Árni
Árni sagði _ um umræður á
Björgun ’92: „Ég lét lika í ljós þá
skoðun mína að það væri talsvert
verk að vinna í sambandi við nýja
löggjöf um björgunarmál, um rétt-
indi, skyldur og ábyrgð björgunar-
manna. Einnig að ég teldi það
sameiginlegt áhugamál allra þess-
ara aðila að ná fram skýrri og
afmarkaðri afstöðu stjórnvalda til
þessa málaflokks. Björgunarsveit-
ir og slysavarnadeildir landsins
spara ríkinu óhemju fjárhæðir á
hveiju ári með starfi sínu. Ég vil
að á móti komi fram skilningur
stjórnvalda á að þessi félög þurfa
fjármagn til að reka starfsemi
sína. Til þess þarf hún að fá viður-
kenningu á einhveijum afmörkuð-
um tekjuliðum. Ekki endilega
vegna íjármuna úr ríkissjóði held-
ur möguleika á að afla tekna með
fijálsum hætti, tekjustofna sem
við getum búið einir að,“ sagði
Árni Gunnarsson.
íslandsmótið í vélsleðaakstri:
Tveir keppenda nældu
í tvenn gullverðlaun