Morgunblaðið - 21.03.1993, Blaðsíða 52
KJÖRBÓK
Landsbanki
íslands
Banki allra landsmanna
MORGUNBLAÐIÐ, AÐALSTRÆTI 6, 101 REYKJAVÍK
SIMI 691100, SÍMBRÉF 691181, PÓSTHÓLF 1555 / AKUREYRI: HAFNARSTRÆTI 85
SUNNUDAGUR 21. MARZ 1993
VERÐ í LAUSASÖLU 110 KR.
r mt ' V- ’’ v.-. ■ ’>/■'- .. •^ðjS• '•' ' v ý ‘íjL 'r 1 §r X 'i íW v 4- .A, •>
"•3 Morgunblaðið/Sverrir HORFT UTIHRIÐINA
Sverrir Hermannsson bankastjóri Landsbankans í viðtali
Bankastjóm Landsbankans
ekkí með í lokaákvörðunum
Yfir fimm milljarðar króna af útlánum eru vaxtafrystir í bankanum
SVERRIR Hermannsson bankastjóri Landsbanka íslands segir að
ekki hafi verið haft samráð við bankastjóra Landsbankans, þegar
að lokaákvörðun ríkisstjórnarinnar dró, um fjárstuðning ríkisins
til þess að styrkja eiginfjárstöðu Landsbankans. „En bankaráðs-
formaður trúi ég hafí verið með í ráðum,“ segir Sverrir í samtali
við Morgunblaðið í dag. Hann segir jafnframt að það þurfi ekki
að vera neitt leyndarmál að yfirlýsing sú sem bankastjórn Lands-
bankans sendi frá sér um málið síðdegis á finmmtudag, sé sameig-
inleg yfirlýsing bankastjórnar og formanns bankaráðs.
Sverrir segir að bankastjómin
hafi lýst sig samþykka niðurstöðu
ríkisstjómarinnar og telji að fyrir-
greiðslan við Landsbankann hafí
verið hin brýnasta nauðsyn.
A
~Arekstur
í Óshlíð
HARÐUR árekstur varð í Kálfa-
dal í Óshlíð skömmu eftir mið-
nætti í fyrrinótt og hafnaði ann-
ar bíllinn utan vegar eftir
áreksturinn. Að sögn lögregl-
unnar í Bolungarvík sluppu
öþumennimir sem voru einir í
bíiunum með smáskrámur.
Annar bfllinn kastaðist nokkra
metra út af veginum við árekstur-
inn en hann stöðvaðist þar í snjó-
skafli. Að sögn lögreglunnar er
annar bfllinn talinn gjörónýtur eft-
ir áreksturinn, og hinn er mikið
skemmdur.
Fimm milljarðar vaxtafrystir
Sverrir greinir frá því í samtal-
inu að yfír fimm milljarðar í útlán-
um Landsbanka íslands séu nú
vaxtafrystir, vegna þess að það sé
óþekkt stærð hversu mikið af þess-
um útlánum munu tapast. „Við
hættum að reikna okkur vexti af
þessum lánum í vanskilum, eftir
ákveðinn tíma. Við reiknum okkur
ekki vexti af þessu fjármagni þó
svo að það skili sér einhvem tíma.
Þetta var ekki gert áður, þannig
að á pappímum voru tekjurnar
hærri, án þess að vera það í raun
og veru,“ segir bankastjóri Lands-
bankans.
Bankamálaráðherrann
mörgum árum of seinn
í samtalinu kemur fram að
Sverrir segir ekkert vera í skilyrð-
um ríkisstjórnarinnar um hagræð-
ingu og endurskipulagningu, sem
ekki sé þegar í áætlanagerð bank-
ans, sem hann starfi eftir. „Þetta
er í byijun aðallega sett upp vegna
þess að bankamálaráðherrann er
þarna, eins og í öðm að reyna að
smíða sér minnismerki. Hann vill
geta sagt að það hafi verið hann
sem kom því af stað að þessi stofn-
un endurhæfði sig og endurskipu-
lagði. Hann er bara nokkuð mörg-
um áram of seinn í það,“ segir
Sverrir.
Sjá viðtal bls. 10-12: „Úlfaldi
úr mýflugu".
Placido Domingo í samtali við
Fagna velgengni
Kristjáns Jóhamis-
sonar í Metropolitan
Boston. Frá Karli Blöndal, fréttaritara Morgunblaðsins.
Óperusöngvarinn Placido Domingo kvaðst á föstudag
fagna velgengni Kristjáns Jóhannssonar i óperuheiminum.
Domingo og Kristján syngja um þessar mundir sitt aðalhlut-
verkið hvor í sýningum Metropolitan óperunnar í New York
í Pagliacci og Cavalleria Rusticana.
„Ég er himinlifandi yfir því
að jafn þýðingarmikill listamað-
ur og Kristján skuli syngja í
Metropolitan óperanni,“ sagði
Domingo í samtali við Morgun-
blaðið, en auk þess að syngja í
Pagliacci stjórnaði hann frum-
sýningu á La Traviata í Metro-
politan.
Tenórarnir sungu fyrst saman
í Cav og Pag, eins og það heitir
meðal kunnugra, á miðvikudags-
kvöld. Domingo óskaði Kristjáni
þá fyrstur manna til hamingju
með frammistöðuna og endurg-
alt Kristján Domingo með því
að samfagna honum í búnings-
klefa hans að sýningu lokinni.
Kristján átti að syngja ásamt
Domingo í gærkvöldi og aftur á
fímmtudag. Hann er kominn með
samning um að syngja aðalhlut-
verkið í Cavalleria Rusticana
einn á næsta leikári Metropolitan
óperunnar og fagnar því.
Sjá viðtal bls. 14: „Maður plat-
ar ekki fólkið."
20 vilja í
forstjóra-
stólinn í
Namibíu
TUTTUGU íslendingar hafa
sótt um forstjórastarf hjá Fis-
hcor hf. í Namibíu sem auglýst
var laust til umsóknar fyrir
skömmu. Fishcor er nýstofnað
útgerðar- og fiskvinnslufyrir-
tæki í namibiskri ríkiseigu og
er ætlað að vera forystuafl í
sjávarútvegi í landinu.
Stjórnarformaður Fishcor og
tveir stjórnarmenn þess komu til
landsins í gær, laugardag, til við-
ræðna við Islendinga um samstarf
í sjávarútvegi, en stjórnvöld í
Namibíu óskuðu eftir því að íslend-
ingar yrðu fengnir til að stýra fyrir-
tækinu og er íslendingum jafnframt
boðin eignaraðild. Ráðgert er að
hlutafé fyrirtækisins verði allt að
sex milljarðar íslenskra króna. Við
stofnun lýstu namibísk yfírvöld því
yfir að vilji væri til þess að selja
heimamönnum meira en helming
hlutabréfanna. Aftur á móti hvetja
yfirvöld til þess að aðrir fjárfestar
en namibíska ríkið verði stórir aðil-
ar í fyrirtækinu.
Viðskiptahagsmunir
Höfuðstöðvar fýrirtækisins verða
að öllum líkindum í hafnarbænum
Lúderitz þar sem að Valvis Bay er
enn undir stjóm Suður-Afríku.
Starf forstjóra felst í uppbyggingu
fískveiða og vinnslu, mótun mark-
aðsstefnu og rekstri verksmiðjutog-
ara, en á stuttum tíma hafa Namib-
íumenn gert átta spænska togara
upptæka í landhelgi sinni. Tveir
þeirra era nú í eigu Fishcor, en
hafa tímabundið verið leigðir til
Pescanova. Talið er að miklir við-
skiptahagsmunir séu í húfí í Namib-
íu fýrir íslensk þjónustufyrirtæki.
Sjá grein bls. 18-19: „Um borð
í Benguela“
Morgunblaðið
Morgunblaðið/Stefanía Þorgeirsdóttir
Domingo í Metropolitan
Placido Domingo hneigir sig
fyrir áhorfendum í Metropolit-
an óperunni eftir að hafa kom-
ið fram í óperunni Pagliacci.