Morgunblaðið - 14.04.1993, Blaðsíða 24

24
MOftGlíNBLAÐIÐ MIÐVIKUDÁGIÍR 14. APlllL 1993
Engin starfsemi í Bankamannaskólanum
Ekkí samkomu-
lag* um kostnað
ENGIN starfsemi hefur verið í Bankamannaskólanum á þessu ári,
að undanskildum fræðslunámskeiðum fyrir nemendur í 10. bekk
grunnskóla. Ástæður þess eru að bankarnir eru hættir að senda
starfsfólk sitt til þjálfunar í Bankamannaskólann vegna ósamkomu-
lags um skiptingu á rekstrarkostnaði skólans þeirra í milli.
Metaðsókn
á Stuttan
Frakka
KVIKMYNDIN Stuttur
Frakki setti aðsóknarmet
fyrstu sýningarhelgina í
Reykjavík. Alls komu rúm-
lega 8.000 manns að sjá mynd-
ina um páskahelgina en fyrra
met íslenskra mynda átti
Veggfóður með 7.400 manns
á fyrstu sýningarhelgi.
Að sögn Kristins Þórðarsonar
eins af framleiðendum myndar-
innar Stutts Frakka hefur verið
uppselt á allar sýningar kl. 21
frá því að myndin var frum-
sýnd. „Það er ekki hægt að segja
annað en að við séum mjög
ánægðir með þessar viðtökur
það sem af er,“ segir Kristinn.
Ráðist á unga
konu
AÐFARANÓTT skírdags var
ráðist á unga konu á Háteigs-
vegi. Konunni tókst að kom-
ast undan árásarmanninum.
Ökumaður, sem átti leið um,
kom henni til hjálpar og ók
henni heim.
Konan varð fyrir árás kari-
manns á Háteigsvegi milli kl. 4
og 5 um nóttina, en tókst að
losna frá árásarmanninum, sem
lagði á flótta. Konan fékk
áverka af átökunum. Skömmu
síðar bar að ökumann, sem ók
konunni heim.
Rannsóknarlögregla ríkisins
óskar eftir að hafa tal af öku-
manninum, sem hugsanlega
gæti varpað skýrara ljósi á at-
burði.
Brutu 22 rúð-
ur í Austur-
bæjarskóla
22 RÚÐUR voru brotnar í
húsi Austurbæjarskóla á
föstudaginn langa. Þrír piltar
14 til 17 ára eru taldir hafa
verið að verki.
Piltarnir voru famir af staðn-
um þegar lögregla kom að en
henni barst vitneskja um hveijir
þeir væru.
Eftir viðræður við foreldra
piltanna var einn þeirra vistaður
á Unglingaheimili ríkisins í
Efstasundi.
Ekið á fransk-
an leikara
JEAN-PHILIPPE Labadie,
aðalleikari kvikmyndarinnar
Stutts Frakka, handleggs- og
fótbrotnaði þegar hann varð
fyrir bíl meðan hann var
staddur hér á landi I tengslum
við frumsýningu myndarinn-
ar.
Hann var staddur fyrir utan
veitingahúsið Laugavegi 22 að-
faranótt skírdags þegar bíl var
ekið á þtjá vegfarendur. Labadie
var sá eini þeirra sem hlaut telj-
andi meiðsli, brák og brot á
handlegg og fótlegg.
Jean Philippe Labadie fór af
landi brott um helgina.
Bankamir eiga Bankamanna-
skólann og hafa greitt allan kostnað
við rekstur hans í samræmi við
eignahlut sinn í skólanum. Árið
1990 var reglum breytt á þann veg
að allur kostnaður féll á námskeiðin
sem haldin eru í skólanum, og bank-
arnir greiddu í samræmi við þann
fjölda starfsmanna sem sóttu nám-
skeiðin á þeirra vegum. Breytingin
tók þó ekki gildi fyrr en um síðustu
áramót. Smári Þórarinsson, for-
maður skólanefndar Bankamanna-
skólans, segir að kveðið sé á um
það í kjarasamningum Sambands
íslenskra bankamanna að bankamir
haldi úti Bankamannaskólanum.
Námskeiðin dýrari
„Ákveðnir bankar sendu fáa
starfsmenn í skólann og þar af leið-
andi urðu námskeiðin dýrari fyrir
þá sem sendu starfsmenn til náms.
Það hefur endað með því að allir
bankamir hafa hætt að senda
starfsmenn," sagði Smári.
SÍB hefur sett það inn í kröfu-
gerð sína í komandi kjarasamning-
um að samtökin yfirtaki rekstur
skólans gegn ákveðnu fjárframlagi
frá bönkunum. Tveir fastráðnir
starfsmenn eru við skólann. Smári
sagði að þau viðhorf hefðu heyrst
hjá stóru bönkunum að þetta væri
úrelt stofnun og vildu þeir sjálfir
sjá um námskeiðahald fyrir sína
starfsmenn. Smári sagði að það
væri ágætt svo langt sem það næði,
en litlu bankarnir og sparisjóðirnir
hefðu ekki bolmagn til að standa
fyrir námskeiðum í_sama mæli og
stærri stofnanir. Því væri þessum
málum best fyrirkomið með rekstri
Bankaskólans.
Morgunblaðið/Júlíus
Eldtungur
EFTIR að þekjan var rofin stóðu eldtungfur til himins og mikinn reyk lagði frá húsinu.
Stórtjón varð í elds-
voða í Ananaustum
EKKI er Ijóst hvað olli því að eldur kom upp í tveimur samliggj-
andi skemmum Jámsteypunnar við Ánanaust að kvöldi skírdags.
Stærri skemman brann ásamt flestu sem í henni var, þar á með-
al þúsundum gamalla steypumóta, sem ætlun eigenda hafði verið
að koma á Þjóðminjasafn. Smærri skemman slapp að mestu. Um
tíma var óttast að bárujárnsklætt timburhús á lóðinni yrði eldin-
um að bráð og voru íbúar þess og búslóð þeirra flutt á brott.
Slökkviliði tókst þó að verja húsið fyrir eldinum þótt vindur stæði
á það.
Laust fyrir klukkan átta að
kvöldi skírdags var slökkviliði til-
kynnt að reyk legði frá skem-
munni. Unnið hafði verið í húsinu
til um klukkan 16. Húsin eru í
eigu Héðins hf. en að hluta leigð
út til trésmiða, járnsmiða og mál-
ara.
Strax lagði mikinn reyk frá
húsinu en á efri hæð þess var
mikið af gúmmímottum. Reykkaf-
arar urðu fljótlega frá að hverfa
vegna eldsprenginga. Roskin hjón
sem búa í bárujárnsklæddu timb-
urhúsi á lóðinni flúðu að heiman
og þar sem um tíma var óttast
að hús þeirra yrði eldinum að
bráð var innbú þeirra borið út.
Hins vegar tókst að veija húsið.
Mikinn og eitraðan reyk lagði
frá húsinu og lagðist umferð í
nágrenninu niður meðan hæst
stóð.
Þegar slökkvistarfi lauk var
stærri skemman brunnin að mestu
leyti en hin minni ekki skemmd
að ráði. Eldsupptök eru til rann-
sóknar hjá RLR. Sú rannsókn
hafði ekki leitt til niðurstöðu í gær
en þó var ekki talið að um íkveikju
væri að ræða.
Sæmundur Pálsson lögreglu-
maður sem kom fyrstur á vett-
vang varð að leita aðstoðar á
slysadeild vegna vægrar reykeitr-
unar.
Forstöðumaður Betel úm auglýsingu á tímaritum Samútgáfunnar-Korpus
Ferlegur páskaboðskapur
SAMÚTGÁFAN Korpus íhugar að kæra Snorra Óskarsson, fyrir meið-
yrði. Tilefnið er ræða, sem Snorri hélt í samkirkjulegri útvarpsmessu
á skírdag, þar sem hann fordæmdi tímaritaútgáfu Samútgáfunnar.
Snorri telur efni tímaritanna andstætt boðskap Biblíunnar. Þórarinn
Jón Magnússon, ritstjóri og stjórnarformaður Samútgáfunnar, sagði
í samtali við Morgunblaðið að um slíka ósvífni og ómaklega árás væri
að ræða, að útgáfan ætlaði ekki að sitja undir henni.
Morgunblaðinu tókst ekki að fá
segulbandsupptöku af útvarpsmess-
unni, en Ríkisútvarpið selur ekki
upptökur af guðsþjónustum með
sama hætti og af öðru efni. Snorri
Óskarsson sagði í samtali við Morg-
unblaðið að sér hefði blöskrað aug-
Iýsing frá Samútgáfunni í DV fyrir
páskana. Þar hefðu birzt myndir af
forsíðum tímarita útgáfunnar með
fyrirsögninni „Gott lesefni fyrir
páskana“. „Þar var nefnt tímaritið
Hulinn heimur, þar sem fjallað var
um svartar messur og djöfladýrkun.
í Bleiku og bláu er talað um frels-
andi sjálfsfróun og svo framvegis.
Þetta þótti mér alveg ferlegur páska-
boðskapur frá þeim,“ sagði Snorri.
Hann sagði að Samútgáfunni
væri fijálst að kæra sig, og hann
hygðist ekki semja við fyrirtækið.
,,„Ef Guð er með oss, hver er þá á
móti oss?“ segir í Biblíunni," sagði
Snorri.
Kynnir sér ekki innihaldið
Samútgáfan Korpus sendi frá sér
fréttatilkynningu í gær, þar sem
segir að strax og fyrirtækinu hafi
tekizt að útvega sér hljóðritun af
ræðu Snorra verði farið yfir hana
með lögfræðingi og tekin afstaða til
þess hver viðbrögð fyrirtækisins
verði. „Þó er ljóst að hann hefur í
ræðu sinni ráðizt á ómaklegan og
ósmekklegan hátt að fjórum af átta
tímaritum útgáfunnar, þar er um
að ræða Vikuna, Samúel, Bleikt &
blátt og Hulinn heim,“ segir í til-
kynningunni. „Það hefur komið fram
í fréttum útvarps að Snorri Óskars-
son hafi lesið auglýsingu frá fyrir-
tækinu í DV þriðjudaginn 6. apríl.
Hann lætur þessa auglýsingu nægja
til þess að fordæma blöðin án þess
að kynna sér innihald þeirra frekar.“
í tilkynningunni segir enn fremur:
„Bleikt og blátt kallar Snorri klám-
rit og gerir þar með engan greinar-
mun á klámi og kynfræðslu sem
skrifuð er meðal annars af læknum,
sálfræðingum og jafnvel presti.
Hulinn heimur fjallar um dulræn
málefni sem hafa verið íslenzku þjóð-
inni hugleikin í aldaraðir og verið í
stöðugri umfjöllun í ræðu og riti.
Þó svo að í blaðinu hafi meðal ann-
ars verið fjallað um svartar messur
og djöfladýrkun gerir það Hulinn
heim ekki að málgagni djöfladýrk-
enda, ekki frekar en að hægt sé að
flokka Snorra Óskarsson sem djöfla-
dýrkanda þótt honum sé tíðrætt um
djöfulinn og hans verk.“
Morgunblaðið/Ingvar
Slösuðust alvarlega í Njarðvík
ÞRENNT slasaðist, þar af tvennt alvarlega í hörðum árekstri á mótum
Njarðarbrautar og Reykjanesbrautar í Njarðvík á laugardag. Þar rákust
saman MMC Lancer-bíll og Ford Taurus. Ökumaður og tveir farþegar
úr Lancer-bílnum voru fluttur á sjúkrahús í Reykjavík. Ökumaðurinn, 54
ára karlmaður, og annar farþeganna, kona á 64. ári, voru einkum alvar-
lega slösuð af völdum höfuðáverka og innvortis meiðsla, að sögn lögregiu.