Morgunblaðið - 12.06.1993, Page 33

MORGUNBLAÐIÐ LAUGARDAGUR 12. JÚNÍ 1993
33
Minning
Haraldur Sigurðs-
son frá Skúfsstöðum
Fæddur 11. okt. 1909
Dáinn 3. júní 1993
Einn þeirra manna, sem settu
svip á Siglufjörð um áratugaskeið,
Haraldur Sigurðsson frá Skúfsstöð-
um, er Iátinn. Hann var starfsmaður
Rafveitu Siglufjarðar hálfan fjórða
áratug, tvo áratugi sem línumaður
og fimmtán ár sem skrifstofumað-
ur. Starfsmaður er raunar ekki
nægilega sterkt orð þegar slíkur
maður sem Haraldur átti í hlut.
Hann vann fyrirtækinu af slíkri
samvizkusemi, tryggð og trúnaði,
að betur var ekki hægt að gera.
Haraldur var eindreginn sjálf-
stæðismaður af gömlum og góðum
skóla og vann flokknum allt sem
hann mátti áratugum saman. Hann
hafði miklar mætur á fyrstu stefnu-
yfirlýsingu Sjálfstæðisflokksins,
sem þannig var orðuð, „að vinna
að víðsýnni og þjóðlegri umbóta-
stefnu á grundvelli einstaklings-
frelsis og atvinnufrelsins með hags:
muni allra stétta fyrir augum“. í
hans huga áttu stjómmálin að
tryggja sjálfstæði og frelsi þjóðar
og einstaklinga, skjalda tungu, bók-
menntir og menningararf okkar og
treysta lýðræðið og þingræðið í
landinu.
Á kveðjustundu þakka ég Haraldi
góð kynni í áratuga samstarfí norð-
ur í Siglufirði, ekki sízt á vettvangi
Sjálfstæðisflokksins. Með honum er
genginn greindur, víðsýnn og góður
maður, sem vann bæjarfélagi sínu
langa og farsæla starfsævi. Fari
hann í friði þangað sem leið okkar
allra liggur.
Ég sendi syni hans, Þorleifi, inni-
legar samúðarkveðjur.
Stefán Friðbjamarson.
Haraldur Sigurðsson frá Skúfs-
stöðum í Hjaltadal í Skagafírði verð-
ur jarðsunginn frá Siglufjarð-
arkirkju í dag. Haraldur hafði átt
við hjarta- og lungnasjúkdóm að
stríða um nokkuð langan tíma, en
hann dvaldi á Vífílsstöðum þegar
andlát hans bar að.
Haraldur fæddist á Skúfsstöðum
í Hjaltadal 11. október 1909. For-
eldrar voru Sigurður Jónsson og
Anna Sigurðardóttir sem bjuggu
þar. Hann var þriðji elstur af fímm
systkinum sem nú em látin nema
Þórey systir hans sem býr á Akur-
eyri.
Haraldur ólst upp við öll venjuleg
sveitastörf. Um tíma var hann á
Vatni í Sléttuhlíð hjá Ingibjörgu
Jónsdóttur föðursystur sinni og Þor-
steini manni hennar. Veit ég að
Haraldi þótti mjög vænt um þá fjöl-
skyldu alla tíð. Var honum því mjög
að skapi að frændi hans Sigurður
Þorsteinsson frá Vatni tók við jörð-
ini, þegar faðir hans lét af búskap
árið 1965.
Eftir fermingu fer Haraldur að
vinna fyrir sér hjá ýmsum á summm
og við skepnuhirðingu á vetuma.
Hann naut almennrar bama-
fræðslu í æsku, en árið 1927 fór
hann í skóla að Laugum í Þingeyjar-
sýslu, en þar hafði verið stofnaður
skóli nokkmm ámm áður.
Eftir að námi þar lauk fór hann
í Bændaskólann á Hólum og braut-
skráðist þaðan sem búfræðingur
1930. Þó átti ekki fyrir honum að
liggja að verða bóndi. Næstu árin
sem erfið vom mörgum Islendingum
vann Haraldur fyrir sér þar sem
vinnu var að fá og tekjuvonin mest.
Hann kom til Siglufjarðar fyrst árið
1934 í atvinnuleit og vann þá m.a.
á síldarplani hjá Ingvari Guðjóns-
syni og Síldarverksmiðjum ríkisins.
erfidrykkjur
€>VKlt
»©R®
Sími 11440
Á þessum ámm fór hann heim á
haustin og dvaldist þar á veturna,
en hann átti þá alltaf bæði hesta
og sauðfé.
Haraldur fluttist til Sigluíjarðar
1938 og bjó lengst af hjá Friðleifi
Jóhannssyni á Lindargötu 6b, eða í
21 ár. Hann batt mikla tryggð við
Friðleif og þegar Friðleifur missti
sjónina tók Haraldur við að rita
dagbók, en það hafði Friðleifur gert
í langan tíma. Þessi dagbók kom
sér oft vel og kom Haraldur með
gagnmerkar upplýsingar úr þeim
skrifum þegar við ræddum eldri
tíma.
í apríl árið 1947 er Haraldur fast-
ráðinn hjá Rafveitu Siglufjarðar, en
áður hafði hann unnið hjá rafveit-
unni sem lausamaður af og til. Har-
aldur vann sem línumaður í 19 ár
og sá þá um háspennulínuna frá
Skeiðsfossvirkjun svo og bæjarkerf-
ið sem var í loftlínum á þessum tíma.
Mig langar til að segja frá einni
viðgerð á Siglufjarðarlínu sem kom
í hlut hans að framkvæma.
Skeiðsfossvirkjun var gangsett í
apríl 1945, og hafði rekstur hennar
gengið ágætlega. I aprílmánuði
1947 bilaði háspennulínan í norð-
austan stórhríð og ísingarveðri.
Hinn 28. apríl fór Haraldur inn í
Fljót um Sigluljarðarskarð og með
honum var Jónas Stefánsson sem
kunnugur var á þessari leið, enda
ættaður úr Fljótum. Þegar þeir
koma upp undir skarðið sjá þeir að
vestasti vírinn sem liggur yfír skarð-
ið er slitinn úr endaklemmu. Halda
þeir síðan áfram inn yfír skarðið
og þiggja góðgerðir á Lambanes-
Reykjum. Þegar komið er inn á
Lambanesás sjá þeir að háspennu-
línan liggur öll niðri inn að Brúna-
staðaá. Viðgerðarefni var sent til
Haganesvíkur á vélbátnum Villa SI
og þaðan voru staurar og slár dregn-
ar á hestum að Illhugastöðum. Síðan
urðu menn að draga staura með
handafli því snjórinn var svo mikill
og erfíður að ekki var hægt að koma
hestum við. Öll viðgerðin fór fram
með handverkfærum þar sem ekki
þekktust þau tæki sem notuð eru í
dag við viðgerðir sem þessar. Um
tuttugu menn unnu við þessa við-
gerð undir stjórn Antons Kristjáns-
sonar rafveitustjóra og Haralds sem
þá var nýráðinn til rafveitunnar.
Viðgerðin tók tvær vikur, veðrið var
gott, sólskin á daginn og hörkufrost
á nóttunni. Þegar Haraldur og Jón-
as fóru til Siglufjarðar til baka yfír
Siglufjarðarskarð sáu þeir hvernig
best yrði að gera við bilunina í sjálfu
skarðinu, en þar lá niðri 800 m lang-
ur, 120 mm sver vír sem þurfti að
festa upp. Fóru þeir til Siglufjarðar,
útbjuggu sig með krafttalíur sem
dregnar voru upp á hestasleða og
strengdu vírinn upp. Var þá liðinn
21 dagur síðan línan bilaði. Ég segi
þessa sögu til þess að lýsa þeim
aðstæðum sem starfsmenn rafveitn-
anna urðu að mæta við viðgerðir á
bilunum sem komu fyrir á þessum
tíma.
Haraldur hóf störf á skrifstofu
rafveitunnar í janúar 1966 og vann
þar í 15 ár, til 31. mars 1981, eða
samtals vann hann í- 34 ár hjá raf-
veitunni undir stjórn fímm rafveitu-
stjóra.
Ég kynntist Haraldi fyrst á árun-
+
Mágkona mín,
ANNA MAGNEA EIRÍKSDÓTTIR
frá Reykjarhóli
íVestur Fljótum,
lést í Borgarspítalanum 9. júní.
Fyrir hönd aðstandenda,
Lfney Guðmundsdóttir.
t
Móðir okkar, tengdamóðir, amma og langamma,
ÁSTA M. STEFÁNSDÓTTIR,
Álftamýri 22,
lést á heimili sínu fimmtudaginn 10. júní.
Jarðarförin auglýst síðar.
Kristín Egilsdóttir,
Ástbjörn Egilsson,
Stefán Egilsson,
Gunnar Egilsson,
Margrét Egilsdóttir,
Elín Sæmundsdóttir,
Sigrún Halldórsdóttir.
+
Ástkær eiginmaður minn,
KJARTAN Ó. ÞÓRÓLFSSON
vaktformaður hjá SVR,
Ásgarði 73,
lést í Borgarspítalanum að morgni 10. júní.
Stella Guðnadóttir.
+
lést 11
LEIFUR BLUMENSTEIN
byggingafræðingur,
Brekkustfg 10,
Reykjavík,
júní í Landspítalanum.
Bragi Blumenstein,
Sigfús Tryggvi Blumenstein,
Eiríkur Freyr Blumenstein.
um 1949-54 þegar ég var við nám
í rafvirkjun á Siglufírði. Mæddi þá
oft mikið á starfsmönnum rafveit-
unnar við að halda straumi á lögnum
að yfír tuttugu síldarsöltunarstöðv-
um með íveruaðstöðu fyrir tugi sölt-
unarstúlkna. Á þessum árum voru
allar raflagnir í loftlínum og sá
Haraldur um viðhald þeirra og end-
urnýjun. Seinna átti ég þess kost
að vinna með honum við viðgerðir
á Sigluíjarðarlínu þann tíma sem
Tryggvi Sigurbjarnarson var raf-
veitustjóri á Siglufirði. Kynntist ég
Haraldi þá betur sem verkmanni og
félaga, en hann var mjög útsjón-
arsamur og nákvæmur verkmaður.
Hann hvatti mig til þess að sækja
um starf rafveitustjóra þegar það
losnaði og réðst ég til rafveitunnar
í maí 1966. Hann var þá byijaður
að vinna á skrifstofu rafveitunnar.
Nýttust þar góðir kostir hans, en
hann var mjög töluglöggur, minn-
ugur, og samviskusamur starfsmað-
ur. Við unnum saman til ársins
1981, eða þar til að rafveitustofan
var sameinuð bæjarskrifstofunni.
Ég mat störf hans svo mikils að ég
fékk hann til þess að vinna hálfan
daginn síðustu ijögur árin eftir að
hann fór á eftirlaun.
Haraldur var félagslyndur og
starfaði m.a. af miklum krafti í
Skagfirðingafélaginu í Siglufírði og
var einn af stofnendum starfs-
mannafélags Siglufjarðarkaupstað-
ar.
Haraldur var alla tíð sjálfstæðis-
maður og var oft spjallað um stjóm-
málin á kaffístofu rafveitunnar.
Stóð ég oft í ströngu þegar Eyþór
Hallsson var kominn í kaffísopa, en
skrifstofa hans var við hliðina á
okkar og þeir tóku mig báðir til
bæna. Allt var þetta í góðu gert, en
á þessum árum hvarf síldin frá
Siglufirði með margvíslegum erfíð-
leikum fyrir sveitarfélagið og fyrir-
tæki þess.
Árið 1946 eignaðist Haraldur
soninn Þórleif með Guðrúnu Krist-
jánsdóttur, en hún lést árið 1991.
Þórleifur ólst upp hjá móður sinni
og Björgu Þorbergsdóttur móður
hennar, en árið 1968 flyst Haraldur
til þeirra á Hólaveg 18, þar sem
heimili þeirra hefur verið síðan.
Mig langar að kveðja þennan
heiðursmann með kærri þökk fyrir
góð kynni og áralangt samstarf,
sem aldrei bar skugga á, með erindi
eftir Ásmund Jónsson föðurbróður
hans.
Ein friðarstjama á fapr-himni glitrar.
Eitt friðarljós í sölum uppheims skín,
sem veitir fró og hvíld, þá tárið titrar
á tæru auga hvarms við náða-lín.
Þín Ijúfa minning lifir mér í hjarta,
hún hljóma slær á ævi minnar braut.
Ég á þig enn, svo fagra blíða bjarta, -
ég bý sem fýrr við töfra þinna skaut.
Ég votta aðstandendum dýpstu
samúð mína.
Sverrir Sveinsson.
+
Innilegar þakkir til allra þeirra, sem
sýndu okkur samúð og hlýhug við and-
lát og útför ástkærrar sambýliskonu
minnar, móður okkar, tengdamóður,
ömmu, dóttur og tengdadóttur,
GYÐUSÓLRÚNAR LEÓSDÓTTUR,
Suðurgötu 16,
Keflavík.
Kærar þakkir til starfsfólks deildar 7a,
Borgarspítalnum.
Guðbjörn Haffjörð Jónsson,
Inga Lóa Steinarsdóttir,
Ása Dóra Halldórsdóttir, Skjöldur Skjaldarson,
Jóhannes Pétur Halldórsson,
Halldór A. Halldórsson, Guðrún Eiríksdóttir,
Leó Guðmundsson, Gyða Jóhannesdóttir,
Jón Hansson, Þorgerður Sigurjónsdóttir
og barnabörn.
+
Þökkum innilega auðsýnda samúð og stuðning við fráfall unnusta
míns, föður okkar, sonar, tengdasonar, bróður og mágs,
GRÉTARS LÝÐSSONAR,
Sóleyjargötu 8,
Akranesi.
Sérstakar þakkir til Smábátafélags Akraness og einnig til Lúðvíks
Karlssonar fyrir veitta aðstoð.
Kristm Harpa Þráinsdóttir, Guðrún Bryndís Jónsdóttir,
Guðjón Þór Grétarsson, Egill Fannar Grétarsson,
Lýður Sigmundsson, Vigdís Matthíasdóttir,
tengdafaðir, systkini og makar.
Þökkum innilega auðsýnda samúð við fráfall sonar okkar, bróður
og mágs,
GRÉTARS SIGURÐSSONAR,
Akranesi.
Sérstakar þakkir til Félags smábátaeigenda og starfsfólks dvalar-
heimilisins Höfða.
Þuriður Jónsdóttir, Sigurður Árnason,
Jón Sigurðsson, Rún Elfa Oddsdóttir,
Kristin Sigurðardóttir, Gunnar Þór Júlíusson,
Árni Sigurðsson, Inga Sverrisdóttir,
Svævar Sigurösson, Hólmfríður Guðmundsdóttir.
+
Innilegar þakkir til allra, sem sýndu
okkur samúð og hlýhug við andlát móð-
ur okkar, tengdamóður, ömmu og
langömmu,
LYDIU GUÐMUNDSDÓTTUR,
Stangarholti 32.
Hilda Guðmundsdóttir, Gunnar Felixson,
Þórhildur Guðmundsdóttir, Sigurður Einarsson,
Pétur R. Guðmundsson, Sólveig Ó. Jónsdóttir,
Hafsteinn Örn Guðmundsson, Aldís Gunnarsdóttir,
barnabörn, barnabarnabörn
og Þorlákur Jónsson.