Morgunblaðið - 01.07.1993, Blaðsíða 31

MORGUNBLAÐIÐ FIMMTUDAGUR 1. JÚLÍ 1993
31
um. Hann var maður sanngjarn en
líka fastur fyrir þegar þess var
þörf. Hann naut trausts vinnuveit-
enda sinna og ekki síður viðskipta-
mannanna sem töldu málum sinum
vel borgið í höndum hans. Þess
varð ég oft var. Ingólfur var hóg-
vær maður og naut vinsælda sam-
starfsmanna sinna. Hann var ein-
staklega þægilegur maður í allri
umgengni og létt lund hans og
spaugsemi lífgaði upp á hversdags-
leikann. Hann tók virkan þáttí fé-
lagslífi samstarfsfólksins, var
ómissandi maður í bridssveitinni og
naut þess að gleðjast á góðri stund.
Hinn 3. desember 1948 kvæntist
Ingólfur eftirlifandi konu sinni Sig-
ríði Unni Ottósdóttur og eignuðust
þau fjögur böm: Svanhvíti Gróu,
maki Tryggvi Þór Aðalsteinsson,
Eðvarð, maki Svanhildur M. Ólafs-
dóttir, Jón Steinar, maki Berglind
H. Ólafsdóttir og Dóra, Maki Svav-
ar Ingvarsson.
Á sl. sumri kenndi Ingólfur sér
meins sem reyndist vera illvígur
sjúkdómur. Ingólfur tók veikindum
sínum af stakri karlmennsku og
sinnti störfum sínum svo lengi sem
hann mátti. Hann tók sér sumar-
leyfi nú í vor til að heimsækja dótt-
ur sína og fjölskyldu hennar í Sví-
þjóð, en átti ekki afturkvæmt á
vinnustað eftir það.
Að leiðarlokum kveðjum við sam-
starfsmennirnir Ingólf með söknuði
og færum fjölskyldu hans innilegar
samúðarkveðjur.
Blessuð sé minning Ingólfs Böðv-
arssonar.
Ólafur B. Thors.
Enginn getur tapað nema sá sem
á kost á að vinna. Þetta kom upp
í huga minn þegar að mér barst
andlátsfregn Ingólfs Böðvarssonar.
Kynni okkar byijuðu hjá Almenn-
um Tryggingum hf. fyrir u.þ.b. 25
árum. Þá vann margt af góðu fólki
þar, þó má segja að skoðunarmenn-
irnir okkar hafi borið af. Einn af
þeim var auðvitað Ingólfur Böðv-
arsson.
Þegar minningabrotin fara að
koma upp í hugann man ég hvað
Ingólfur og Sissa voru alltaf hress
og skemmtileg. í öllum ferðalögum
sem við fórum í kunnu þau ógrynni
af söngvum sem þau kenndu okk-
ur. Á milli þeirra og okkar sem
yngri vorum var ekkert til sem hét
kynslóðabil.
Ég var líka svo heppin að búa
nálægt þeim fyrstu hjúskaparárin
mín. Það var ekki svo sjaldan sem
þau réttu okkur hjálparhönd þá með
ýmsu móti.
Þó var einn hlutur sem tengdi
okkur hvað mest saman, en það var
brids. Áttum við margar ógleyman-
legar stundir á þeim vettvangi, ég
man hvað hláturinn dillaði í Ingólfi
þegar að hann vann, sem var oft-
ast, og eða þegar svíningarnar tók-
ust, en því miður tókst ekki að svína
á þennan illvíga sjúkdóm sem leiddi
hann til dauða á svo stuttum tíma..
Sissa mín, börn og aðrir aðstand-
endur, ég votta ykkur mína innileg-
ustu samúð.
Ólöf Sigurðardóttir.
Það er erfitt að setjast niður til
að setja á blað minningarorð um
góðan starfsfélaga. Það er svo stutt
síðan hann var heill heilsu. í fyrra-
sumar veiktist Ingólfur af krabba-
meini sem núna hefur haft betur í
baráttunni. Ingólfur tókst á við
veikindin með stillingu og prýði,
hann brosti ávallt þegar hann var
spurður um líðan og sagði að sér
liði bara ágætlega. Þannig var Ing-
ólfur, hann bar ekki áhyggjur sínar
og vanlíðan á torg, heldur sýndi
hannn okkur alltaf björtu hliðarnar
pg tókst á við sjúkdóm sinn í hljóði.
í minningunni er Ingólfur brosandi
og svo léttur á sér að oft fannst
okkur að hann kæmi varla við jörð-
ina nema í öðru hverju spori. Ingólf-
ur hafði mikinn áhuga á að spila
brids og tók þátt í keppnum sem
voru árviss viðburður í félagslífi
starfsmanna. Þótti hann ómissandi
í bridsliðinu og spilaði seinast núna
seinni hluta vetrar, þótt veikur væri.
Við trúum því að nú líði honum
vel og takist á við nýja veröld með
sömu gleði og samviskusemi og
] hann tókst á við okkar veröld.
Með örfáum orðum er svo erfitt
að tjá hug okkar til Ingólfs og við
kveðjum með söknuði góðan félaga.
„Þó að ég sé látinn, harmið mig
ekíri með tárum. Hugsið ekki um
dauðann með harmi og ótta, ég er
svo nærri að hvert eitt ykkar tár
snertir mig og kvelur, þótt látinn
mig haldið ... En þegar þið hlæið
og syngið með glöðum hug, lyftist
sál mín upp í mót til ljóssins: Verið
glöð og þakklát fyrir allt sem lífið
gefur, og ég, þótt látinn sé, tek
þátt í gleði ykkar yfir lífinu...
(Óþekktur höfundur)
Við biðjum almáttugan guð að
styrkja fjölskyldu Ingólfs í sorg
sinni. Blessuð sé minning hans.
F.h. Starfsmannafélags Sjóvár-
Almennra,
Soffía Dröf Halldórsdóttir
og María Richter.
Mig langar til að minnast með
nokkrum orðum mágs míns, Ingólfs
Páls Böðvarssonar, sem lést á heim-
ili sínu hinn 19. júní sl. eftir erfið
veikindi.
Kynni mín af Ingólfi ná eins langt
aftur og ég man eftir mér. Hann
kvæntist systur minni Sigríði Unni
Ottósdóttur eða Sissu eins og við í
fjölskyldunni köllum hana, hinn 3.
desember 1948, ári eftir að ég fæð-
ist. Ingólfur og Sissa bjuggu í sama
húsi og foreldrar mínir í 13 ár og
var mikill samgangur á milli fjöl-
skyldnanna, ekki síst mín og frænd-
systkina minna, barna þeirra. Ófáir
voru bíltúrarnir sem Ingólfur og
Sissa buðu mér í austur fyrir fjall
í heimsókn til foreldra Ingólfs og
átti jafnan góða bíla og man ég
eftir að hafa fengið að fara með í
ferðalag á Snæfellsnes á De Sódón-
um hans.
Ingólfur og Sissa eignuðust fjög-
ur börn, þau eru: Svanhvít Gróa,
gift Tryggva Þór Aðalsteinssyni og
eiga þau þijú börn og eitt barna-
bam; Eðvarð, kvæntur Svanhildi
Ólafsdóttur, þau eiga tvo syni og
eitt barnabam; Jón Steinar, kvænt-
ur Berglindi Ólafsdóttur, þau eiga
tvær dætur; Dóra, gift Svavari
Ingvasyni, þau eiga einn son, en
fyrir átti Dóra eina dóttur. Þessi
hópur sér nú á eftir elskulegum
föður, tengdaföður, afa og langafa.
Ingólfur var með afbrigðum barn-
góður maður. Hann átti mjög auð-
velt með að umgangast böm og ná
til þeirra með góða skapinu sínu.
Þannig sé ég hann fyrir mér á
Búðum á Snæfellsnesi fyrir tveimur
árum síðan þar sem saman voru
komnir afkomendur tengdaforeldra
hans. Ingólfur spilaði að sjálfsögðu
á harmonikkuna og hópurinn í
kringum hann tók lagið. Þannig vil
ég muna Ingólf, alltaf kátur, en þó
hógvær og prúður í allri framkomu.
Að lokum vil ég þakka Ingólfi
fyrir samveruna hér og ekki síst
langar mig að þakka honum fyrir
þá góðvild að taka son minn, Birgi,
inn á heimili sitt meðan hann var
við nám í Reykjavík. Þar naut hann
umhyggju þeirra beggja eins og
sonur þeirra væri.
Elsku Sissa, það er gæfa hverrar
konu að eiga tryggan lífsföranaut,
það tel ég þig hafa átt og er miss-
ir þinn því mikill. Megi góður Guð
styrkja þig og vernda í sorg þinni.
Við ykkur Gróu, Edda, Steinar og
Dóru vil ég segja, þið áttuð elsku-
legan föður, megi minning hans lifa
í hjörtum okkar.
Svandís.
Elsku afi minn.
Ég veit að núna líður þér vel og
það finnst mér gott.
Ég sakna þín, ég sakna þess að
sjá þig ekki sitja í stólnum þínum
við eldhúsborðið, ég sakna þess að
fínna ekki lyktina þína, en ég er
þakklát fyrir að hafa átt þig fyrir
afa og að Ása Rut hafi fengið að
kynnast þér.
Takk fyrir allt sem þú hefur gef-
ið mér og kennt. Ég mun alltaf
minnast þín, minnast þess hvað þú
varst alltaf góður.
Það er margt sem ég vil segja
þér en það er nóg að ég hugsi til
þín því að þú ert hjá mér og veist
að eg elska þig.
Ég kveð þig með þessum orðum:
Að þreyja þolinmóður
jafnvel þá er úti virðist öll von,
það er þolgæði.
(Japanskt spakmæli.)
Þín Unnur.
Fleiri greinar um Ingólf Pál
Böðvarsson bíða birtingar og
munu birtast næstu daga.
t
Elskuleg móðir okkar, tengdamóðir, amma og langamma,
INGIBJÖRG JÓNSDÓTTIR
frá Fremri-Breiðadal,
Önundarfirði,
Hafnarstræti 45,
Flateyri,
sem lést 24. júní í Landspítalanum, verður jarðsungin frá Holts-
kirkju í Öndundarfirði laugardaginn 3. júlí kl. 14.00.
Börn, tengdabörn,
barnabörn og barnabarnabörn.
t
Útför móður okkar, tengdamóður,
ömmu og langömmu,
MARGIT BORLAUG
GUÐMUNDSSON,
sem andaðist hinn 26. júní, verður gerð
frá Fossvogskapellu þann 2. júlí
kl. 15.00.
Erling V. Árnason,
Einar Róbert Árnason, Margrét Guðmundsdóttir,
Ingi R. Árnason,
barnabörn og barnabarnabörn.
t
Systir mín og mágkona,
GUÐRÚN GUNNARSDÓTTIR
frá Kistufelli,
Höfða,
Akranesi,
verðurjarðsunginfrá Akraneskirkju föstudaginn 2. júli kl. 14.00.
Þeim, sem vilja minnast hennar, er bent á að láta Samband
íslenskra kristniboðsfélaga njóta þess.
Jóhannes Gunnarsson, Steinunn Þorsteinsdóttir.
t
Ástkær systir mín,
INGUNN DAGBJARTSDÓTTIR,
Furugerði 1,
Reykjavík,
verður jarðsungin frá Fossvogskirkju föstudaginn 2. júlf kl. 13.30.
Þorsteinn Dagbjartsson.
t
Eiginmaður minn,
KRISTINN FRIÐRIKSSON
frá Borgarfirði eystra,
Vogatungu 59,
Kópavogi,
verður jarðsunginn frá Garðakirkju föstudaginn 2. júlí kl. 13.30.
Blóm og kransar vinsamlegast afþakkaðir, en þeim, sem vildu
minnast hans, er bent á líknarstofnanir.
Fyrir hönd aðstandenda,
Ágústa Gústafsdóttir.
t
Ástkær móðir okkar, tengdamóðir,
amma og langamma,
GUÐLAUG DAHLMANN,
Birkimel 10a,
verður jarðsungin frá Dómkirkjunni
föstudaginn 2. júlí kl. 13.30.
Ebba Dahlmann, Gunnar Kristjánsson,
Jóhanna Dahlmann, Guðmundur Ásgeirsson,
Jón Dahlmann, Dagný Kristjánsdóttir,
Svanborg Dahlmann, Örn Arnþórsson,
barnabörn og barnabarnabörn.
t
Elskuleg móðir mín, amma, langamma
og systir,
‘ INGIBJÖRG EDITH MÖLLER,
Njálsgötu 8,
verður jarðsungin frá Lágafellskirkju
föstudaginn 2. júlí kl. 14.00.
Gunnar Gunnarsson,
Lilja Möller,
Birkir Örn Jónsson,
Nanna R. Möller,
Katrín Vilhelmsdóttir,
Melitta Klement,
Gerda Rentz.
t
Innilegar þakkir fyrir auðsýnda samúð og hlýhug við andlát og
útför móður minnar,
VIKTORÍU ÞORLEIFSDÓTTUR.
Fyrir hönd vandamanna,
Hanna S. Georgsdóttir.
t
Kærar þakkir fyrir auðsýnda samúð og
hlýhug við andlát og útför föðursystur
minnar, mágkonu og frænku,
GUÐRÚNAR
SVEINBJARNARDÓTTUR,
Hvassaleiti 56.
Sérstakar þakkir færum við starfsfólki
hjúkrunarheimilisins Sunnuhlíðar fyrir
alla þá góðu umönnun sem henni var
veitt þar.
Ólöf Vigdís Baldvinsdóttir,
Anna Vigdís Ólafsdóttir,
Ragnheiður Finnsdóttir.
Lokað
Lokað verður á aðalskrifstofu Sjóvá-Almennra,
Kringlunni 5, í dag, fimmtudaginn 1. júlí,
frá kl. 13.00 til 15.00 vegna jarðarfarar
INGÓLFS BÖÐVARSSONAR.
Sjóvá-Almennar tryggingar hf.