Morgunblaðið - 01.05.1994, Blaðsíða 10

10 B
MORGUNBLAÐIÐ SUNNUDAGUR 1. MAI 1994
Inni/egar þakkir til fjölskyldu minnar, vina og
frœndfólks nœr og fiœr sem sýndu mér hlýhug
og vináttu á nímöisafmœli mínu þann 4. aprílsl.
GuÖ geymi ykkur öll.
Ingveldur Gísladóttir,
Fannborg 1, Kópavogi.
Kœrar þakkir til allra þeirra sem heimsóttu
mig á Borgarspítalann og sendu mér árnaðar-
óskir í tilefni 85 ára afmœlis míns 25. aprílsl.
Guð blessi ykkur.
Daníel Franklín Gíslason,
Sörlaskjóli 20.
Að loknum útifundi hefur
Verkamannafélagið Dagsbrún kaffi á Hótel Borg
fyrir félagsmenn sína og fjölskyldur þeirra.
Glæsilegur Audi 80, ‘88, ekinn 95 þús. km., álfelgur, sport-
innrétting, vökvastýri, útvarp/segulband. Toppeintak.
Verð 960 þús. Engin skipti. Upplýsingar í síma 91-43504.
Kynlegir
kvistar
Kvikmyndir
Arnaldur Indriðason
Nakinn (,,Naked“). Sýnd í Há-
skólabíói. Leikstjóri og hand-
ritshöfundur: Mike Leigh.
Aðalhlutverk: David Thewlis,
Leslie Sharp og Katrin
Cartlidge. Bretland. 1993.
Breski leikstjórinn Mike Leigh
hreppti leikstjóraverðlaunin á
síðustu Canneshátíð fyrir mynd
sína Nakinn og aðalleikari henn-
ar, David Thewlis, var kjörinn
besti leikarinn. Báðir eiga þeir
allt gott skilið, Leigh fyrir frá-
bæra mynd um kuldalega nótt í
London og Thewlis fyrir sinn
magnaða leik í hlutverki einskon-
ar förumanns sem leiðir áhorf-
endur um fátæklegt, myrkt og
ljótt borgarlandslag utan alfara-
leiða og kynnist kynlegum kvist-
um og næturverum. Nakinn var
ein af bestu myndunum sem
sýndar voru á síðustu Kvik-
myndahátíð Listahátíðar og er
nú komin á almennar sýningar í
Háskólabíói með íslenskum
texta.
Nakinn gerist ekki í þeirri
London sem túristar þekkja best.
Leigh, sem er einn athyglisverð-
asti leikstjóri Breta í dag, fer
með áhorfandann um kuldaleg
og fráhrindandi öngstræti borg-
arinnar og það er erfitt að ímynda
sér skemmtilegri leiðsögumann
en David Thewiis. Hann er að
sönnu stórkostlegur í hlutverki
manns sem komið hefur frá
Manchester til London að kveikja
aftur neista í gamalli kærustu
en lendir um tíma á vergangi og
hittir fyrir á ferð sinni ýmsar
forvitnilegar persónur stórborg-
arinnar. Leigh hefur skrifað oní
hann kjarngóðan, snjallan og
fyndinn texta sem gerir hann
stundum að trúarlegum heim-
spekingi sem stendur á því fastar
en fótunum að heimurinn muni
farast árið 1999, alltaf kaldhæð-
inn heimsborgara og gallharðan
efasemdarmann sem hefur álit á
öllum mögulegum og ómöguleg-
um hlutum og svar við hverri
spurningu, ástmann sem fer illa
með einmanlegar og umkomu-
lausar konur og flökkumann og
forvitinn áhorfanda að lífinu sem
gjarnan vill rétta villuráfandi og
týndum hjálparhönd.
Þetta er litrík og margbrotin
persóna og Thewlis, með
greindarlegt andlitið, hárlubba
og skegglýjur og sífellt í svörtum
frakka, gerir henni eftirminnileg
skil með húmor og skynsamleg-
um athugasemdum sem vilja ein-
att rata í mark. Hann er næstum
í hvetjum ramma myndarinnar
og er ekki minnsta ástæðan fyrir
því hve myndin, sem er rúmir
tveir tímar að lengd, er skemmti-
leg.
En þarna eru líka aðrar
skondnar og brakandi ekta per-
sónur, kærastan Thewlis og sam-
býliskona hennar, leigusalinn
þeirra, uppanagli sem ekur um á
Porche og er fullur af sadisma
gagnvart konum, miðaldra næt-
urvörður sem þykir varið í að fá
Thewlis í heimsókn, einmanna
kona sem glataða hefur æskuljó-
manum. Allt virkar þetta brak-
andi ekta í ofurraunsæjum frá-
sagnarhætti Leighs. Myndin
hans er ítarleg og skondin og
áhugaverð skoðunarferð um
Bretland samtímans nú rétt und-
ir lok aldarinnar og það verður
enginn svikinn af því að taka sér
far.
H-listi býður
fram í Vogum
.. Vogum.
ÓHAÐIR borgarar bjóða fram
H-Iista við sveitarsljórnarkosning-
arnar í Vatnsleysustrandarhreppi
þann 28. maí.
Eftirtaldir aðilar skipa listann: Jón
Gunnarsson, Þóra Bragadóttir, Sig-
urður Kristinsson, Guðlaugur Atla-
son, Andrés Guðmundsson, Lýður
Pétursson, Þuríður Ægisdóttir, Hall-
grímur Einarsson, Margrét Péturs-
dóttir og Guðbergur Sigursteinsson.
Listinn á þtjá fulltrúa í núverandi
hreppsnefnd, Jón Gunnarsson, Jör-
und Guðmundsson og Þóru Braga-
dóttur, en einn þeirra, Jörundur Guð-
mundsson, varaoddviti, skipar ekki
listann að þessu sinni. - E.G.
-------------» ♦ ♦-------
■ ÍSLANDSDEILD Norður-
landuráðs hefur ákveðið hvaða ís-
lenskir fréttamenn hljóta frétta-
mannastyrk Norðurlandaráðs 1994.
Styrki hlutu að þessu sinni þrír
fréttamenn: Friðrik Páll Jónsson,
sem hyggst kynna sér rök andstæð-
inga og stuðningsmanna aðildar að
ESB í Noregi og Svíþjóð, einkum
þau sem lúta að fullveldi og skerð-
ingu þess, hlaut styrk að upphæð
30.000 SEK, Hjörtur Gíslason, sem
hyggst kynna sér sjávarútveg í
Færeyjum og á Borgundarhólmi,
m.a. til að leita mögulegra sameig-
inlegra þátta vegna mikilla erfiðleika
á báðum stöðum, hlaut styrk að upp
hæð 30.000 SEK. Svanhildur Ei-
ríksdóttir, sem hgggst kynna sér
starfsemi héraðsfréttablaða og dag-
skrárgerð hljóðvarps í Svíþjóð og
Finnlandi, hlaut styrk að upphæð
15.000 SEK.
■ KAFFISALA Kristniboðsfé-
lags kvenna í Reykjavík er í dag,
1. maí, í Kristniboðsalnum á Háa-
leitisbraut 58, 3. hæð, frá kl. 14
til 18 síðdegis. í dag reka 12 íslend-
ingar erindi íslenska Kristniboðs-
sambandsins (SÍK) í Eþíópíu og
Kenýu, auk 13 barna.
Hefurðu hmleitt
Fiskeldisnám
Fjölbrautaskóli Suöurlands býður upp á fiskeldisnám við fiskeldisbraut
skólans sem staðsett er á Kirkjubæjarklaustri.
Inntökuskilyrði eru annað hvort tveggja ára nám í fjölbrautaskóla (eða
sambæriiegt nám) eða að viðkomandi sé orðinn 25 ára og hafi unnið við
fiskeldi, sjávarútveg eða matvælaiðnað í tvö ár en þá er krafist
færri eininga skólanáms.
Að loknu námi fá nemendur starfsheitið fisk„eldisfræðingur" með
réttindi til starfa við fiskeldisstöðvar en auk þess er námið leið til
stúdentsprófs eins og aðrar brautir fjölbrautaskóla.
Við skólann er heimavist, gott bókasafn og fiskelidsstöð, þar sem hluti verklegu
kennslunnar fer fram, og hann er á ýmsan annan hátt aðlaðandi staður fyrir lítinn
hóp í verklegu og bóklegu námi.
Kirkjubæjarklaustur er rómað fyrir veðursæld og náttúrufegurð og þar er öll almenn
þjónusta, svo sem heilsugæsla, verslanir, bankar, póstur og sími,
leikskóli, grunnskóli, tónlistarskóli o.s.frv.
Umsóknarfrestur um skólavist næsta ár er til 5. júní '94.
Nánari upplýsingar gefur Flanna Hjartardóttir
í síma 98-74633 eða 98-74635, fax 98-74833.