Morgunblaðið - 25.08.1996, Blaðsíða 4
4 E SUNNUDAGUR 25. ÁGÚST 1996
MORGUNBLAÐIÐ
NÁMSKOSTIR
_ +
Um hundrað og fimmtíu námskeið á haustmisseri Endurmenntunarstofnunar Háskóla Islands
Heilsteypt nám
í meira mæli
Á hverju misserí heldur Endurmenntunar-
stofnun Háskóla íslands um tíu námskeið
íyrir áhugafólk um heimspeki, bókmenntir,
tónlist og myndlist, í samvinnu við heim-
— —
spekideild HI og fleiri aðila.
ÞEGAR litið er yfir samanburðar-
tölur um fjölda þátttakenda á nám-
skeiðum Endurmenntunarstofnun-
ar Háskóla íslands í þann rúma
áratug sem hún og forveri hennar,
Endurmenntunarnefnd HÍ, hafa
verið starfandi, sést mikil og ör
aukning í aðsókn. Í fyrra hélt
stofnunin 370 námskeið sem um
7.000 manns sóttu, en 1984 voru
þátttakendur rétt tæplega þúsund
talsins.
Margrét S. Björnsdóttir endur-
menntunarstjóri segir nýjungar fjöl-
margar í samræmi við mikið fram-
boð, en meginviðfangsefni stofnun-
arinnar er símenntun á háskóla-
stigi. Þó eru námskeiðin öllum opin
og hluti þeirra raunar ætlaður fólki
án háskólamenntunar. Flest eru
námskeiðin 15-25 klukkustundir að
lengd, en allmörg ná yfir heilt miss-
eri. „Einnig er í vaxandi mæli boð-
ið upp á heilsteypt lengra nám. Um
er að ræða eins til tveggja ára nám,
samhliða starfi," segir hún.
Breiður vettvangur náms
Námskeið sem tengjast áhuga-
málum fólks eru meðal annars á
sviði bókmennta, heimspeki, sið-
fræði, tungumála, listasögu, fom-
sagna, kvikmyndafræða og trúar-
bragðafræða. Starfstengd nám-
skeið eru meðal annars á sviði
rekstrar, sölu- og markaðsmála,
gæða- og ijármálastjórnunar, lög-
fræði, hagfræði, reikningsskila,
heilbrigðis- og félagsmála, tölvu-
notkunar, hugbúnaðargerðar,
hönnunar og umhverfismála, svo
stiklað sé á stóru.
Eins til tveggja ára langt nám
samhliða starfi felst meðal annars
í námi í rekstrar- og viðskiptagrein-
um, framhaldsnámi í rekstrarfræð-
um, námi í markaðs- og útflutnings-
fræðum, sjávarútvegsfræði, heilsu-
hagfræði, fjölskyldumeðferð og
rekstri og stjómun heilbrigðisstofn-
ana.
Þessu til viðbótar má geta þess
að stofnunin heldur fjölda nám-
skeiða á hveiju ári fyrir Hagsýslu
ríkisins, sem bera yfirskriftina
stjórnsýslufræði. í fyrra sóttu um
550 manns þessi námskeið að sögn
Margrétar.
Reykjavík í seinni
heimsstyrjöld
í haust verða m.a. námskeið um
hugsjónir stjómmála og heimspeki,
leikverk Ibsen í samstarfí við Þjóð-
leikhúsið, fomsögur um Grænland
og Vínland, um íslensku Vesturfar-
ana, um Reykjavík styrjaldaráranna,
um helstu meistara barokktónlistar,
listmálarann Edvard Munch í tilefni
af sýningu Listasafns Íslands á verk-
um hans, um íslenskar bamabók-
menntir og loks um töfra, særingar
og utangarðsskáldskap á íslandi á
17. og 18. öld. Eins og sjá má á
þessari yfírferð kennir margra grasa
og hnýsilegra.
Samkvæmt upplýsingum frá Mar-
gréti verða í haust og vetur í boði
grunnnámskeið í kínversku, jap-
önsku, frönsku fyrir þá er stunda
viðskipti við Frakkland, sérhæfð
framhaldsnámskeið í Norðurlanda-
málum, íslensku fyrir útlendinga,
auk þýsku og spænsku fyrir lengra
komna.
Haldin verða námskeið um ljóða-
gerð og smásagnagerð, um undir-
búning ritverka (frá hugmynd að
bók), um framsögn máls, einkum í
ræðustól, um ritun vandaðrar ís-
lensku, um samskipti við íjölmiðla
og viðtalstækni fyrir blaðamenn.
Fyrir blaðamenn verða einnig hald-
in námskeið um ný lög um upplýs-
ingaskyldu stjómvalda og íslensku
þjóðkirkjuna.
Hvernig á að fá styrk frá ESB?
Á nokkmm námskeiðum verða
kynntar ýmsar rannsóknaraðferðir
í heilbrigðis- og félagsvísindum,
hagnýt tölfræði og tölvunotkun í
rannsóknum, nýjungar í söfnun og
úrvinnslu gagna, og einnig má
nefna að kenndar verða aðferðir við
umsóknir um styrki frá Evrópusam-
bandinu. Loks verða námskeið um
tölvunotkun við upplýsingaöflun í
læknisfræði og aðferðir við hagnýt-
ingu upplýsinga úr læknisfræði-
tímaritum.
Haldin verða þijú sjálfstæð nám-
ÞAÐ myndi æra óstöðugan að te(ja upp öll þau námskeið sem Endurmenntunarstofnun hefur í boði,
en til að veita hugmynd um fjölbreytnina, má nefna námskeið um norska málarann Edvard Munch,
námskeið um Reykjavík í seinni heimsstyrjöld og námskeið um árásarhneigð á meðal unglinga.
skeið fyrir áhugafólk um hagfræði
og námskeið um aðferðir í stjórnun
fiskveiða, mat á árangri þeirra og
þá umræðu sem fram fer víða um
heim um þær. Á sviði lögfræði verða
námskeið m.a. um viðurlög og
skaðabætur í umhverfísrétti,
skattarétt, vinnurétt á einkamark-
aði og hjá opinberum aðilum, samn-
inga um erlendar fjárfestingar og
nýju skaðabótalögin, svo eitthvað
sé tínt til.
Margrét bendir jafnframt á að
skipulögð hefur verið röð ellefu
sjálfstæðra námskeiða um flesta
þætti markaðsmála fyrirtækja.
Námskeiðin mynda eina heild og
eiga að gera þátttakendum kleift
að byggja smám saman upp alhliða
markaðsþekkingu.
í byijun október verður haldið
námskeið fyrir nýútskrifaða arki-
tekta um byggingarlist og skipulag,
með áherslu á það sem séríslenskt
er á því sviði. Fyrir verk- og tækni-
fræðinga verða m.a. námskeið um
viðhald og viðgerðir á húsbygging-
um, málmtæringu og tæringarvarn-
ir svo eitthvað sé nefnt.
Internet og rafræn samskipti
skipa stóran sess á komandi hausti
í námsskrá stofnunarinnar. Haldnar
verða almennar kynningar á Inter-
netinu og möguleikum þess, auk
námskeiða í gerð heimasíðna á ver-
aldarvefnum. Sérstakt námskeið
verður um nýjungar í margmiðlun
og samskiptatækni. Þá verður nám-
skeið í svonefndri hraðri hugbúnað-
argerð og bættum notendaskilum.
Loks má nefna námskeið um hóp-
vinnukerfi og möguleika upplýs-
ingatækninnar í fyrirtækjarekstri.
Sjálfsvíg ungs fólks
Haldinn verður fjöldi námskeiða
fyrir starfsfólk í heilbrigðis- og fé-
lagsþjónustu. í byijun september
verður námskeið um örvun á skyn- í
og hreyfíþroska með áherslu á mis- (
þroska börn. Meðal annarra nám- j
skeiða sem haldin verða á misserinu
má nefna:
Næring aldraðra; túlkun klínískra
rannsóknaniðurstaða, umbætur og
gæðastarf í heilbrigðisþjónustu,
umönnun dauðvona sjúklinga, fötl-
un, langvarandi veikindi og meðvirk-
ar fjölskyldur, líkamsmat fyrir
hjúkrunarfræðinga, sjálfsvíg ungs
fólks, ofvirkni bama og unglinga, ■
yfirlitsnámskeið um einelti, árásar- \
hneigð meðal unglinga; áfallasál- |
fræði, þrek-og mjólkursýmmæling-
ar í lífeðlisfræði, markaðsmál og
gæðastjómun fyrir sjúkraþjálfara og
stjómunamámskeið fyrir hjúkran-
arfræðinga.
Ofangreind upptalning er vita-
skuld langt í frá tæmandi, en ætti
að gefa lesendum einhveija hug-
mynd um úrvalið hjá stofnuninni. i
Námsaðstoð og fullorðinsfræðsla
Sveigjanlegur námstími
NEMENDAÞJÓNUSTAN býður
almenningi upp á námsaðstoð
og fullorðinsfræðslu allt árið,
og er námstími sveigjanlegur
og nánast samkomulagsatriði,
að sögn Halls Skúlasonar hjá
fyrirtækinu. „Þannig getur
námskeið hafist hvenær sem er
og samið er um hentugasta tím-
ann fyrir nemendurna," segir
hann.
Námsaðstoðin er fyrir nem-
endur á öllum skólastigum í
flestum bóklegum greinum að
sögn Halls, svo sem þá er þurfa
að ná sér á strik í skólanámi eða
skipta um skóla, auk þeirra sem
vilja rifja upp námsefni fyrir
frekari skólagöngu.
Hefðbundnar námsgreinar
í námi fyrir fullorðna eru boð-
in námskeið í íslenskri stafsetn-
ingu og málfræði, stærðfræði og
öðrum raungreinum, erlendum
tungumálum, bókfærslu, skrift,
lestri og fleiri hefðbundnum
námsgreinum.
Hallur segir ekki óalgengt að
starfsfólk fyrirtækja sæki nám-
skeið Nemendaþjónustunnar að
eigin frumkvæði, en einnig panti
fyrirtækin námskeið til að auka
færni starfsmanna á tilteknu
starfssviði fyrirtækisins.
„Þar má nefna námskeið í ís-
lensku fyrir ýmsa starfsmenn,
erlendum tungumálum fyrir
sölumenn og undirbúningsnám-
skeið í tölvumáli. Einnig höfum
við boðið prófarkalestur fyrir
þá sem eru að gefa út fræðslu-
eða kynningarefni,“ segir hann.
Hann segir starfsmenntunar-
sjóði ýmissa fagfélaga styrlq'a
nám þeirra aðildarfélaga sinna
sem njóta fullorðinsfræðslu skól-
ans.
EKKI er jafnauðvelt fyrir alla að hefja nám eftir langt hlé, og
þá getur verið hentugt að fá námsaðstoð eða skerpa minnið á
ýmis grundvallaratriði.