Morgunblaðið - 25.08.1996, Blaðsíða 24
24 E SUNNUDAGUR 25. ÁGÚST 1996
MORGUNBLAÐIÐ
STJÓRNUN OG PENINGAR
Iðntæknistofnun legg’ur áherslu á sérstöðu námskeiða
NÁMSKEIÐ fyrir þá sem þarfnast réttinda til að stjórna vinnuvél-
um er eitt þeirra námskeiða sem er á boðstólum hjá stofnuninni.
Útgáfa á
námsefni
fyrir konur
Iðntæknistofnun kynnir
nýjungar í starfí sínu í
haust en námskeiðahald
• hefur verið áberandi
þáttur í starfsemi
fræðslusviðs stofnunar-
innar undanfarin ár.
ÞURÍÐUR Magnúsdóttir, fræðslu-
stjóri Iðntæknistofnunar, segir að
ekki sé um mikið framboð að ræða
á námskeiðum en lögð sé áhersla á
að þau hafí sérstöðu.
„Iðntæknistofnun hefur lagt
kapp á að marka sér bás á fræðslu-
markaðnum með námskeiðum sem
þróuð eru frá grunni með þarfir
þátttakenda og íslenskar aðstæður
í huga. Markviss uppbygging nám-
skeiðanna byggir á þeirri sannfær-
ingu að virk þátttaka nemenda sé
forsenda fyrir árangursríku námi.
Því er alltaf mjög mikil verkefna-
vinna í allri fræðslu sem stofnunin
stendur fyrir,“ segir Hjörtur Hjart-
arson hjá stofnuninni.
Samtök og fyrirtæki aðstoðuð
Fræðslusvið Iðntæknistofnunar
aðstoðar jafnframt samtök og fyrir-
tæki við að þróa námsgögn, útvega
sérfræðinga, skipuleggja og halda
námskeið, ásamt því að þróa og
reka eigin námskeið.
„Við undirbúum til dæmis um
þessar mundir talsvert breiða kynn-
ingu fyrir fyrirtæki í sambandi við
aðbúnað, hollustuhætti og umhverf-
ismál. Einnig er að koma út hand-
bók um ijármál og ýmis réttinda-
og tryggingamál sem tengjast stöðu
kvenna á vinnumarkaði, hjúskapar-
stöðu þeirra og fjölskyldumálum.
Þetta er kennsluefni upp á um
300 blaðsíður sem verður væntan-
lega tilefni til bæði námskeiða og
fræðslufunda. Við ætlum ekki endi-
lega að halda slíkar samkomur sjálf,
heldur er reiknað með að félaga-
samtök, stóru kvennaverkalýðsfé-
lögin og aðrir sem hafa áhuga á
að þjónusta félagsmenn sína með
slíkri fræðslu, fái aðgang að þessu
efni,“ segir Þuríður.
Stofnun fyrirtækja og
samningatækni
Fleira má nefna í margþættri
starfsemi fræðslusviðs, þar á meðal
náms- og vinnugögn sem kallast
„Gæði - í þína þjónustu!“, en þau
eru nú í notkun í 29 fyrirtækjum
og stofnunum á íslandi. Ný útgáfa
efnisins hefur litið dagsins ljós þar
sem meira er talað til starfsmanna
í framleiðslufyrirtækjum. Hjörtur
segir vonir bundnar við að efnið
verði gott innlegg í þjónustu við
framleiðslufyrirtæki í landinu.
Flestir þurfa að semja um eitt-
hvað á iífsleiðinni, hvort sem um
er að ræða viðræður við fjölskyldu-
meðlimi um að fá að horfa á menn-
ingarþátt í stað íþrótta eða um
kaup á frystitogara. Hjörtur segir
námskeið um samningatækni koma
einstaklingum að notum við að
finna leiðir til að sjá hagsmunum
sínum borgið, bæði í einkalífi og
viðskiptum.
Að baki námskeiði um stofnun
og rekstur smáfyrirtækja á vegum
Iðntæknistofnunar, liggur sú hug-
mynd að gera fólki auðveldara að
láta drauma sína í þá veru rætast,
að sögn Hjartar. Rauði þráðurinn í
námskeiðinu er gerð viðskiptaáætl-
unar, og markmiðið er að þátttak-
endur geti að því loknu unnið eigin
viðskiptaáætlun, metið hvort ráð-
legt sé að stofna fyrirtæki um við-
skiptahugmynd sína og hvernig á
að bera sig að við framkvæmdina.
Myndbandagerð og
útlitshönnun
Verkstjórnarfræðslan felst í
námskeiðum fyrir millistjórnendur,
og segir Hjörtur þau hafa verið
haldin um nokkurra áratuga skeið.
Hann segir sífellt verið að endur-
skoða náms- og kennslugögn Verk-
stjórnarfræðslunnar en námskeiðin
séu þó áfram reist á traustum
grunni hagnýtrar þekkingar og
raunhæfra verkefna.
Námskeið um gerð myndbanda
er ætlað starfsmönnum fyrirtækja,
stofnana og félagasamtaka, og öðr-
um sem vilja notfæra sér mynd-
miðla til kynningar/auglýsinga á
starfsemi, einstökum verkefnum,
vöru eða þjónustu.
Vinnuvélanámskeið er ætlað öll-
um sem þarfnast réttinda til að
stjórna vinnuvélum. Þátttakendur
þurfa að vera fullra 16 ára til að
Morgunblaðið/Rax
FRÆÐSLU S VIÐ Iðntækni-
stofnunar er um þessar mund-
ir að gefa út bók um fjármál
og ýmis réttinda- og trygg-
ingamál sem tengjast stöðu
kvenna á vinnumarkaði.
sitja námskeiðið en fá ekki útgefið
vinnuvélaskírteini fyrr en þeir eru
orðnir 17 ára, hafa tekið verklegt
próf og orðnir handhafar almennra
ökuréttinda.
Námskeið í útlitshönnun prent-
gripa er meðal annars miðað við
að stöðugt fleiri fyrirtæki kjósa að
vinna fréttabréf sín, auglýsingar
og annað kynningarefni innan eigin
vébanda. Tækin nægja þó að sögn
Hjartar ekki ein sér ef þekkingin er
í molum og úr því er reynt að bæta.
Dæmigert verkefni fræðslusviðs,
að hans sögn, er námskeið um sam-
setningu hitaveituröra, en frá því í
mars 1994 hafa verið haldin fjöl-
mörg slík námskeið í samvinnu
Fræðslusviðs Iðntæknistofnunar og
Sambands íslenskra hitaveitna.
Námskeið um grunnmenntun
starfsfólks á ýmsum sviðum iðnaðar
og þjónustu er þróuð að frumkvæði
launþega og vinnuveitenda og hefur
einnig verið snar þáttur í störfum
Fræðslusviðs Iðntæknistofnunar á
síðustu árum.
„Þátttakendur á námskeiðunum
skipta orðið þúsundum, auk þeirra
mörgu sem nota gögn og aðra þjón-
ustu fræðslusviðs á námskeiðum
annarra aðila. Við teljum okkur því
hafa ríka ástæðu til að vera stolt
yfir þessum þætti í starfi Iðntækni-
stofnunar," segir Hjörtur.
Tekið á starfsanda
og verkkvíða
STJÓRNUNARFÉ-
LAGIÐ á í samstarfi
við ijölda erlendra
fyrirtækja á sviði
endurmenntunar,
meðal annars í Evr-
ópu og Bandaríkjuh-
um, og bjóðast aðild-
arfyrirtækjum SFÍ
upplýsingar um
helstu námskeið og
ráðstefnur, þannig
að þessi starfsemi
er ekki bundin innan
landsteina.
Meðal nýjunga í
námskeiðahaldi SFÍ
er námskeið um
starfsanda og sam-
skipti á vinnustað. Á
námskeiðinu er farið
yfir álitamál á borð
við hvað geri vinnu-
stað og vinnuveit-
anda góðan, hveijar
séu helstu orsakir
óánægju á vinnustað
og líklegar ástæður
samskiptaörðug-
leika.
Ekki menga
hugarfarið
Þá er reynt að
kenna mönnum að
jákvæð viðhorf leiði
af sér jákvæðar væntingar til að
sigrast á neikvæðum kenndum og
að efling starfsanda sé undir hveij-
um og einum komin. Jóhanna María
Eyjólfsdóttir hjá félaginu, segir að
meðal annars sé fjallað um ellefu
neikvæðar tilfinningar sem „gera
ekkert annað en að menga hugarfar
okkar og hamla árangri. Reiði, af-
brýðisemi og þrálát sektarkennd eru
aðeins þijár af þeim tilfinningum
sem þessi þáttur tekur á. Þátttak-
endur eiga að læra leiðir til að sigr-
ast á slíkum kenndum," segir hún.
Af öðrum nýjungum má nefna
námskeið sem tekur á afköstum og
verkkvíða. Farið er yfir efnisþætti á
borð við neikvæðar tilfinningar,
kvíða, líkamlega þreytu eða þrótt-
leysi, betra skipulag og skynsamleg-
ar væntingar, tilfinningar sem tefja
tíma okkar og utanaðkomandi truf-
lanir og tímaþjófa. Einnig er fjallað
um skort á markmiðum, skipulagi
og skynsamlegum vinnureglum, svo
eitthvað sé nefnt.
Árangur á efri árum heitir nám-
skeið sem er sniðið að þörfum þeirra
sem búa yfir andlegum þroska og
vilja, að sögn Jóhönnu, horfa með
tilhlökkun til efri áranna. Byggt er
á venjum sem talið er mikilvægt að
hver og einn tileinki sér, svo sem
að læra hvaða þættir stjórna og
hafa stjórnað hegðun einstaklinga
og hvernig þungamiðja er talin nauð-
synleg til að öðlast
hugarró.
Auðlærðar
aðferðir og
fundaplága
I framhaldi af því
er fólk hvatt til að
skoða grundvöll lífs
síns, áhugasvið og
stefnu í tilverunni,
til að það geti sett
sér markmið á rétt-
an hátt og lært leið-
ir til að ná þeim
markmiðum.
Af öðrum nám-
skeiðum Stjórnun-
arfélagsins má með-
al annars nefna
kennslu í tíma-
stjórnun, þar sem
bent er á svo kallað-
ar tímagryfjur og
leiðir til að snið-
ganga þær. Helstu
„gryfjurnar" eru
taldar vera skortur
á markmiðum,
skipulagi og skyn-
samlegum vinnu-
reglum, svo eitthvað
sé riefnt.
Á námskeiði und-
ir heitinu fund-
arstjórn og þátttaka
er leitt í Ijós að fundir hafa víða
farið úr böndum í fyrirtækjum, þeir
taki of langan tíma, skili litlum ár-
angri og kosti fé. Farið er yfir leiðir
til að auka gagnsemi funda, bæði
með tilliti til undirbúnings þeirra og
fundastjórnunar.
Jóhanna nefnir einnig námskeið
um símsvörun og þjónustu í síma
og minnir á að öll fyrirtæki þurfi á
skilmerkilegri og jákvæðri símsvör-
un að halda. Oft megi hlera að henn-
ar sögn á símaþjónustunni hvernig
fyrirtækjum er stjórnað.
„Símsvörun getur verið úrslita-
þáttur um hvort viðskiptavinur leitar
aftur til fyrirtækisins og fyrirtæki í
öllum greinum þurfa að treysta á
að þessi þáttur sé í lagi. Sá sem
fyrstur svarar í símann gegnir því
lykilhlutverki," segir hún.
Hlátur og góðar venjur
Sölunámskeið setja einnig svip
sinn á framboð stjórnunarfélagsins,
þar sem farið er yfir eiginleika og
hæfni góðs sölufólks en grundvall-
arforsenda árangurs á því sviði er
talin vera góð þekking á aðalatriðum
og markviss þjálfun. Liður í þessari
kennslu er meðal annars smásaga
eftir rithöfund að nafni Ok Mandino
sem kallast Heimsins mesti sölumað-
ur og fjallar um kaupmann sem var
uppi fyrir um 2000 árum og sölu-
mennsku hans.
Morgunblaðið/Golli
Stjórnunarfélag ís-
lands hefur verið
ákaflega öflugt í
námskeiðahaldi
seinustu ár og eru
þau ýmist opin öllum
áhugasömum eða
haldin innan fyrir-
tækja að þeirra ósk.
tFjölbrautaskóli Suðurnesja
..
Oldungadeild
Innritun í öldungadeild FS
ferfram dagana
27. - 30. ágúst
kl. 16.00 -19.00.
Nemendur innrita sig
og borga námsgjaldið um leið.
Aðstoðarskólameistari
Hvemig nærðu athygli fólks?
FYRIRTÆKIÐ Mannheimar ehf.
annast fræðslu fyrir stjórnendur fyr-
irtækja, stofnana og félagasamtaka
hérlendis og er einn samstarfsaðila
Time Manager International sem
margir kannast við.
Helstu námskeið á vegum Mann-
heima eru fimm talsins, auk sex nám-
skeiða sem byggjast á gögnum frá
TMI. Flest námskeiðin eru 2-16 tímar
að lengd og skiptast á 1-4 daga eftir
atvikum. Haukur Haraldsson hefur
kennslu með höndum.
Á námskeiði sem kallast Stjórnendasinfónían er
kennd hugmyndafræði sem veita á stjórnendum
fyrirtækja heildarmynd af þróun starfsemi og breyt-
ingum í tíma.
Á námskeiði sem kallast Strokur eru kenndar
aðferðir til að auka jákvæð samskipti, bæði í einka-
lífi og á vinnustað, sem leiða eiga meðal annars til
aukins árangurs í starfi.
Á námskeiði um framsetningu í máli og myndum
er fjallað um alla þætti samfara því að setja fram
efni, allt frá undirbúningi og skipulagi til framsagn-
ar og framkomu. Kennslan er miðuð við þarfir
þeirra mörgu stétta sem þurfa í starfi
sínu að koma á framfæri upplýsing-
um til hóps áheyrenda og eiga mikið
undir því að ná athygli fólks.
Á námskeiði um fundi og fundar-
stjórn er minnt á að skilvirk vinna á
fundum skili árangri og spari tíma
fyrir alla fundarmenn.
Á TMI-námskeiði um tímastjórnun
er lögð áhersla á persónuþroska,
aukin afköst og bættan árangur.
Kenndar eru aðferðir til að draga
upp heildarmynd af starfi og einka-
lífi, velja áherslur og raða verkefnum í forgangs-
röð, svo eitthvað sé nefnt. Á námskeiði um starfsvit-
und er fjallað um samskipti fólks á vinnustað og
vísað á leiðir til að viðhalda jákvæðum viðhorfum,
efla ábyrgð, hollustu og frumkvæði starfsfólks og
stjórnenda.
Af öðrum námskeiðum frá TMI sem Mannheimar
bjóða, má nefna námskeið um skipulag vinnuum-
hverfis, um eflingu þjónustu- og gæðavitundar, um
nýtingu gagnrýni til góðra verka, um eflingu hóp-
starfs við tiltekin verkefni og um einstaklingsábyrgð
fólks í fyrirtækjum.