Morgunblaðið - 04.02.1997, Blaðsíða 11

MORGUNBLAÐIÐ
ÞRIÐJUDAGUR 4. FEBRÚAR 1997 11
FRÉTTIR
Móðir stúlku sem bjargað var úr heitum potti í Hafnarfirði
0
Forseti ASI um áhrif Sleipnisdómsins
Stærsti lottó-
vinningur lífsins
Þarf að ræða við
viðsemjendur
„ÞETTA er stærsti lottóvinning-
urinn í okkar lífi,“ sagði Sigrún
Ragnarsdóttir, móðir Elnu Jörg-
ensdóttur, 8 ára, sem var bjarg-
að meðvitundarlausri úr heitum
potti í Suðurbæjarlaug á laugar-
dag. Hún festi hár sitt í botnloka
í pottinum og telur Vinnueftirlit-
ið botnloka af þessari gerð
hættulega.
„Okkur var mjög brugðið þeg-
ar við fengum fréttimar af slys-
inu. Hún var meðvitundarlaus í
skamma stund en gat fljótlega
sagt simanúmer okkar. Pabbi
hennar var heima og var kominn
strax á staðinn. Hann er læknir
og við töldum okkur geta haft
hana heima,“ sagði Sigrún.
Stúlkurnar tóku íhárið
og hann íhöfuðið
Hún sagði að Guðmundur
Ólafsson hagfræðingur, sem
var á staðnum þegar slysið varð,
og stúlkur sem í pottinum voru,
hefðu átt þátt í því að ekki fór
verr.
„Þessi tvö handtök sem þau
unnu í sameiningu gáfu okkur
stærsta lottóvinning lífsins.
Guðmundur sagði okkur að
hann hefði þurft að beita tölu-
verðu afli til þess að ná henni
lausri. Stúlkurnar tóku í hár
hennar og hann í höfuðið og
síðan rifu þau hana lausa. Það
er ekkert sár á höfði hennar,“
sagði Sigrún.
Stúlkan kom í heimsókn i
Suðurbæjarlaug sl. sunnudag
og fékk að skoða staðinn þar
sem slysið varð.
Hættulegur búnaður
Daníel Pétursson forstöðu-
maður Suðurbæjarlaugar sagði
að hann hefði lokað pottinum
strax í framhaldi af þessu, tæmt
hann af vatni og kallað til
Vinnueftirlitið.
„Búnaðurinn sem er þarna
er úttekinn og samþykktur af
Vinnueftirlitinu og yfirfarinn á
ný eftir óhöpp sem hafa orðið
í sundlauginni," sagði Daníel.
Hann kvaðst ekki opna pottinn
fyrr en ljóst væri hvað hefði
valdið slysinu.
Grétar Þorleifsson hjá Vinnu-
eftirliti ríkisins kannaði aðstæð-
ur í Suðurbæjarlaug. „Við höf-
um grun um að þetta sé ekki
óalgeng tegund af botnventlum.
Hún hefur verið talin nokkuð
örugg fram að þessu. Ég óskaði
eftir því að það yrði skoðað
hvort hugsanlega gæti verið sog
í þessum ventli. Það hefur kom-
ið á daginn að við vissar kring-
umstæður geti svo verið og við
verðum að telja þetta hættuleg-
an búnað,“ sagði Grétar.
Hann sagði að pottinum yrði
lokað meðan þessi búnaður væri
í notkun. Vinnueftirlitið mælist
til þess að aðrir sem eru með
samskonar búnað í notkun fylg-
Morgunblaðið/Árni Sæberg
POTTINUM i Suðurbæjar-
laug var lokað eftir slysið.
ist mjög náið með þeirri niður-
stöðu sem fæst í þessu máli.
Víða hættuleg niðurföll' ~
ísetlaugum
Slysavamafélag íslands bend-
ir á að víða megi finna hættuleg
niðurföll í setlaugum sem standa
við hús manna.
„Slysavamafélag íslands hef-
ur oft áður bent á þessa hættu
en vill nú aftur benda fólki á,
sem er með setlaugar, að athuga
hvort niðurföllin séu hættuleg.
Öryggisniðurföll sem hindra að
hár festist í þeim em fáanleg í
verslunum hér á landi og hafa
fengist lengi. Samkvæmt upplýs-
ingum hjá félaginu varð sams-
konar slys fyrir nokkmm árum
og var þá farið að kanna þessi
mál. f framhaldi af því kom út
endurgert tækniblað hjá Rann-
sóknastofnun byggingariðnað-
arins um ömggan frágang set-
lauga, en þar er að finna upplýs-
ingar um öryggisniðurföll," seg-
ir í fréttatilkynningu frá Slysa-
varnafélaginu.
GRÉTAR Þorsteinsson, forseti ASÍ,
segir að verkalýðshreyfingin verði
að setjast yfír það með viðsemjendum
sínum ef það komi í Ijós að það stand-
ist ekki lög að færa yfirborganir inn
í kauptaxta. Verkalýðshreyfingin
hafi margoft tekið þátt í að gera
slíka samninga.
Ari Skúlason, framkvæmdastjóri
ASÍ, sagði í samtali við Morgunblað-
ið um dóm héraðsdóms um yfirborg-
anir starfsmanna hjá Kynnisferðum,
að gera yrði greinarmun á persónu-
bundnum samningum og öðrum yfir-
borgunum þegar rætt væri um að
færa kauptaxta að greiddu kaupi.
Grétar var spurður út í þennan grein-
armun.
„Þessir samningar á vinnustöðum
um einhvers konar viðbótarlaun eru
með mjög mismunandi hætti, allt upp
í það að vera mjög formlegir og klár-
TILLAGA um framtíðarskipan sam-
vinnu A-flokkanna í Reykjanesbæ
og annarra sem aðhyllast jafnaðar-
og félagshyggju var samþykkt á
fyrsta sameiginlega fundi bæjar-
málaráðs A-flokkanna í Reykja-
nesbæ 20. janúar sl.
Gerð var grein fyrir tillögum und-
irbúningshóps um framkvæmda-
nefnd um aukna samvinnu A-flokk-
anna. Hlutverk nefndarinnar er að
skipuleggja fundi um dagskrá bæj-
arstjómarfunda, að annast fjármál
ir samningar. Ég geri ráð fyrir að
það sé erfitt að hnika slíkum samn-
ingum. Það kunna að vera uppi lög-
fræðileg álitamál í sumum tilvikum
og ég vil ekki vera með fullyrðingar
þar um. Verkaiýðshreyfingin hefur
til margra ára gert samninga þar sem
yfirborganir hafa verið færðar inn í
kauptaxta.
Mér finnst með ólíkindum ef
verkalýðshreyfmgin getur ekki tekið
á svona málum. Hún hefur hingað
tii talið sig geta það og okkar við-
semjendur líka. Síðasta dæmið er úr
samningunum 1995, en þá samdi t.d.
Samiðn um að færa yfirborganir inn
í kauptaxta og þá samninga þekki
ég ákaflega vel. Ef er að koma í ljós
almennt séð að þetta standist ekki
þá er það viðfangsefni okkar og við-
semjenda okkar að setjast yfir það
og skoða það af mikilli alvöru.“
og útgáfumál, skipuleggja hverfa-
fundi með íbúum Reykjanesbæjar,
efla tengsl við grasrótarhreyfingu
utan A-flokkanna og gera tillögur
um framtíðarskipan samvinnu A-
flokkanna, og annarra sem aðhyllast
jafnaðar- og félagshyggju.
I framkvæmdanefnd voru kosnir
Theódór Magnússon, Ólafur Thor-
desen, Eysteinn Eyjólfsson og Sæ-
mundur Pétursson en auk þeirra
munu bæjarfulltrúar, einn af hvorum
lista, taka þátt í störfunum.
Samstarf A-flokk-
anna í Reykjanesbæ
Nýsköpunarverðlaun forseta íslands veitt í annað sinn á Bessastöðum síðastliðinn laugardag
Könnun meðal
erlendra ferða-
manna hlaut
fyrstu verðlaun
Morgunblaðið/Árni Sæberg
VIÐ afhendingu Nýsköpunarverðlauna forseta íslands. Frá vinstri: Kjartan Benediktsson, Sigrún
Erla Egilsdóttir, Lóa Birna Birgisdóttir, Ásdís Jónsdóttir, Kristrún Halla Helgadóttir, Margrét
Jónsdóttir sem tók við verðlaunum fyrir son sinn Davíð Bjarnason, Valdís Óskarsdóttir sem tók
við verðlaunum fyrir dóttur sína Erlu Hlín Hjálmarsdóttur, Einar Skúlason og Ragnar Ólason.
NÝSKÖPUNARVERÐLAUN for-
seta íslands voru veitt í annað sinn
síðastliðinn laugardag og hlutu
þrír háskólanemar, þau Davíð
Bjarnason BA í mannfræði, Einar
Skúlason stjórnmálafræðinemi og
Sigrún Erla Egilsdóttir BA í
stjórnmálafræði, fyrstu verðlaun
fyrir verkefnið „Erlent ferðafólk í
náttúru íslands", en það var m.a.
styrkt af Nýsköpunarsjóði náms-
manna á liðnu sumri. Verðlaunin
voru heiðursskjal sem Ólafur
Ragnar Grímsson, forseti Islands,
afhenti á Bessastöðum á laugar-
dag.
Að sögn Haraldar Guðna Eiðs-
sonar umsjónarmanns Nýsköpun-
arsjóðs námsmanna eru verðlaun-
in veitt þeim námsmönnum eða
námsmanni sem hefur unnið fram-
úrskarandi starf við úrlausn verk-
efnis styrkt af Nýsköpunarsjóði
námsmanna, en 134 verkefni
fengu styrk frá sjóðnum á síðasta
ári.
Ragnar Ólason efnafræðingur
hlaut önnur verðlaun fyrir verkefn-
ið „PB Hitaveitulagnir" og Kristrún
Halla Helgadóttir sagnfræðinemi
hlaut þriðju verðlaun fyrir verkefn-
ið „Rannsókn og flokkun Reykja-
víkurbréfa frá 19. öld.“
Þá hlutu þijú verkefni sérstaka
viðurkenningu, en þau eru: „Falleg
borg sem hefur allt sem þú þarfn-
ast“ unnið af Öglu Huld Þórarins-
dóttur, Jónasi Gunnari Allanssyni,
Lóu Birnu Birgisdóttur og Sigrúnu
Erlu Egilsdóttur. Verkefnið
„Ríkisútvarpið og íslensk menn-
ing, viðhorf og móttökur" unnið
af Ásdísi Jónsdóttur og loks verk-
efnið „Flöktmælir“ unnið af Kjart-
ani Benediktssyni.
íslendingar ekki nógu góðir í
umhverfismálum
Einar Skúlason einn þeirra sem
hlutu fyrstu verðlaun fyrir verk-
efnið „Erlent ferðafólk í náttúru
íslands" segir í samtali við Morg-
unblaðið að um sé að ræða könn-
un sem hafi verið gerð á meðal
erlendra ferðamanna á Islandi
síðastliðið sumar. „Markmiðið var
að tala við ferðamennina í því
umhverfi sem þeir voru þannig
að við fengjum skýrari niðurstöð-
ur heldur en hafa fengist úr þeim
könnunum sem hafa verið gerðar
inni á hótelherbergjum eða á flug-
völlum,“ segir hann, en verkefni
þetta var styrkt af ýmsum stofn-
unum auk Nýsköpunarsjóðs, eins
og til dæmis Landsvirkjun, Vega-
gerðinni, Ferðamálaráði og Olíu-
félaginu. Umsjónarmaður þess
var Magnús Ásgeirsson markaðs-
stjóri Ferðamálaráðs Islands.
Einar segir að þau Erla Hlín,
Davíð og hann hafi byijað á verk-
efninu síðastliðið vor og unnið að
hugmyndum, útfærslum og
spurningum út frá áherslum
þeirra aðila sem styrktu verkefn-
ið. „Eftir það fórum við til ellefu
vinsælla ferðamannastaða á land-
inu og lögðum um 1250 spurn-
ingalista fyrir erlenda ferðamenn,
en 1171 af þeim töldust vera gild-
ir,“ segir hann.
Spurningalistinn var á þremur
tungumálum, ensku, þýsku og
frönsku og skiptist í þrennt eftir
því á hvaða svæði viðkomandi
ferðamaður var. Flestar voru
spurningarnar 63 talsins.
Að sögn Einars voru niðurstöð-
ur könnunarinnar allviðamiklar
og um margt athyglisverðar.
„Okkur fannst til dæmis merki-
legt að þeir ferðamenn sem töldu
sig vita eitthvað um umhverfis-
mál hér á landi töldu íslendinga
vera svolítið hirðulausa í um-
hverfismálum. Þeim fannst til
dæmis íslendingar nota bíla allt
of mikið og láta vélina ganga að
óþörfu. Þá gerðu margir athuga-
semdir við að ekki væri nein end-
urvinnsla í gangi í kringum ferða-
mannastaðina úti á landi og tóku
eftir því að öllu ruslu var hent í
sama gáminn en ekkert flokkað,“
segir Einar.
Hann segir ennfremur að þau
hafi lagt lokahönd á verkefnið á
milli jóla og nýárs og hafi það
reyndar tekið heldur lengri tíma
en þau gerðu ráð fyrir í upphafi.
Á hinn bóginn sé hann ekki í vafa
um að þetta hafi verið mjög góð
reynsla og að Nýsköpunarverðlaun
forseta íslands séu mikill heiður.
„Þá kemur það sér vel að hafa
unnið að eigin rannsókn þegar
maður fer að huga að framhalds-
námi, en auk þess eiga Nýsköpun-
arverðlaunin eftir að skipta miklu
máli þegar sótt er um inngöngu í
erlenda háskóla,“ segir Einar að
lokum.