Morgunblaðið - 12.11.1997, Qupperneq 1

72 SÍÐUR B/C/D
STOFNAÐ 1913
258. TBL. 85. ÁRG.
MIÐVIKUDAGUR 12. NÓVEMBER 1997 PRENTSMIÐJA MORGUNBLAÐSINS
Clinton telur aðgerð-
ir Iraka óviðunandi
Reuters
Flóð í Sómalíu
AÐ minnsta kosti 40.000 manns
hafa orðið að yfirgefa heimili sín
vegna flóða í Sómalíu og ríkir
neyðarástand í Juba- og
Shabelle-dalnum. Tugir þorpa
hafa farið undir vatn og eru þess
dæmi að menn hafi orðið að
takast á við krókódíla og flóð-
hesta um það litla landrými sem
enn hefur ekki farið undir vatn.
„Vopnuð átök hafa staðið frá ár-
inu 1991 og hermenn hafa ógnað
lífi okkar. Við eigum afar erfitt
með að átta okkur á því að nú
stafi okkur hætta af dýrum,“ seg-
ir stríðsherrann Said Morgan,
sem fer með völd í suðurhluta
Sómalíu. Segir hann upplausnar-
ástandið gera það að verkum að
erfiðara sé að koma íbúum flóða-
svæðanna til hjálpar þar sem
engin ein stjórn sé við völd.
Washington, Baghdad, Peking. Reuters.
BILL Clinton, forseti Bandaríkj-
anna, sagði í gær að sú ákvörðun
Iraka að hindra alþjóðlegt vopnaeft-
irlit í Irak væri „óviðunandi" og
skoraði á öryggisráð Sameinuðu
þjóðanna að krefjast þess að eftir-
litsmönnunum yrði heimilað að halda
áfram störfum sínum. írakar sögð-
ust ætla að framfylgja banni sínu við
því að Bandaríkjamenn tækju þátt í
eftirlitinu nema tryggt væri að það
yrði hlutlaust og slakað yrði á refsi-
aðgerðum sem gripið var til eftir
innrás íraka í Kúveit árið 1990.
Vilja hlutlausa nefnd
Bretar sögðust bjartsýnir á að ríkin
fímm, sem eiga fastafulltrúa í örygg-
isráðinu, styddu drög að ályktun þar
sem Irakar eru gagnrýndir fyrir að
hindra vopnaeftirlitið.
I ályktunartillögu Bandaríkja-
stjórnar, sem nýtur stuðnings Breta,
er ennfremur kveðið á um alþjóðlegt
bann við ferðum íraskra embættis-
manna sem hafa hindrað eftirlitið.
Mohamed Saeed al-Sahaf, utan-
ríkisráðherra Iraks, sagði að Irakar
myndu hvergi hvika frá þeirri
ákvörðun sinni að meina Bandaríkja-
mönnum að taka þátt í vopnaeftirlit-
inu og áréttaði að írakar hygðust
skjóta niður njósnavélar sem flygju
yfír írak á vegum Sameinuðu þjóð-
anna. Ráðherrann bætti við að Irak-
ar kynnu að grípa til frekari aðgerða
gegn eftirlitsmönnum Sameinuðu
þjóðanna éf Tareq Aziz, aðstoðarfor-
sætisráðherra Iraks, sem er í New
York, tækist ekki að fá öryggisráðið
til að slaka á refsiaðgerðunum.
Sahaf lagði til að öryggisráðið
skipaði hlutlausa nefnd sérfræðinga
sem yrði send til Iraks til að ganga
úr skugga um hvort Irakar hefðu
staðið við vopnahlésskilmálana sem
þeir samþykktu eftir stríðið fyrir
botni Persafióa 1991.
Isaac Richardson, skipherra
bandaríska flugmóðurskipsins
Nimitz, sem er í viðbragðsstöðu und-
an strönd Iraks ásamt sex fylgdar-
skipum, sagði að bandarískir flug-
menn fylgdust grannt með herstöðv-
um í Irak og væru undir það búnir
að gera loftárásir á landið. Flug-
menn bandarískrar njósnavélar, sem
flaug yfir írak á mánudag, sögðu
ljóst að Irakar væru að búa sig undir
árásir með því að flytja flugvélar og
vopn frá hugsanlegum skotmörkum.
Jeltsín leggst gegn árásum
Talsmaður Borís Jeltsíns Rúss-
landsforseta, sem er í Kína, sagði að
rússneska stjórnin væri algjörlega
andvíg því að gripið yrði til hernað-
araðgerða í Irak og að Kínverjar
styddu þá afstöðu. Al-Ahram, mál-
gagn egypsku stjórnarinnar, sagði
að Hosni Mubarak, forseti Egypta-
lands, væri einnig andvígur því að
hervaldi yrði beitt.
Andstaða Iraka/20
Barnfóstran
Mary McAleese sver embættiseið sem áttundi forseti írlands
þakkar dóm-
aranum
Boston. Reuters.
LOUISE Woodward, breska barn-
fóstran sem látin var laus á mánu-
dag eftir að lífstíðardómur yfir
henni var mildaður, þakkaði í gær
dómaranum í málinu. „Þungu fargi
er létt af mér vegna þess að Zobel
dómari taldi rétt að veita mér frelsi
að nýju,“ sagði Woodward, sem var
dæmd sek um að hafa orðið Matt-
hew Eappen, átta mánaða dreng
sem hún gætti, að bana. Sagði hún
dauða hans hryggja sig mjög.
Leiðarahöfundar bandarískra
dagblaða virtust í gær flestir á því
að með því að milda dóminn yfír
Woodward hefði verið bætt úr
órétti sem barnfóstran hefði mátt
þola. Þó var ljóst að mörgum þótti
dómarinn hafa gengið of langt er
hann ákvað að láta hana þegar lausa
þar sem slíkt gæti haft fordæmis-
gildi í réttarhöldum yfir þeim sem
misþyrmdu bömum.
„Það er ekkert vit í þessu“/18
Reuters
Brussel. Reuters.
EVRÓPUDÓMSTÓLLINN úr-
Evrópudómstóllinn leyfír þýsk lög um forgang kvenna að störfum
Urskurður sagður
sigur fyrir konur
skurðaði í gær að þýsk lög sem
veita konum forgang að störfum í
fögum þar sem karlar eru fleiri en
konur, skyldu standa. Fastlega
hafði verið búist við því að úr-
skurður dómstólsins gengi gegn
lögunum þar sem lögmaður dóm-
stólsins hafði lagt til að lögin yrðu
numin úr gildi. Hefur úrskurði
dómstólsins verið lýst sem mikl-
um sigri fyrir konur, en í honum
segir að konur standi frammi fyr-
ir „djúpstæðum fordómum“ og
kunni að þurfa á hjálp að halda í
atvinnuleit.
Úrskurðarins hefur verið beðið í
aðildarlöndum Evrópusambands-
ins þar sem óljóst hefur verið til
hvaða aðgerða megi grípa til að
bæta atvinnumöguleika kvenna.
Þýsk yfirvöld lýstu í gær yflr
ánægju með niðurstöðu dómstóls-
ins.
Francis Jacobs, lögmaður dóm-
stólsins, lýsti því yfír í maí að þau
lög sem veittu konu „algeran og
óskilyrtan forgang“ að störfum
brytu í bága við lög Evrópusam-
bandsins gegn mismunun og
gengju of langt í því að skapa jöfn
tækifæri, sem þó væri markmið
Evrópusambandsins.
Hellmut Marschall höfðaði mál-
ið á hendur sambandslandinu
Nordrhein-Westphalen, þar sem
kona var tekin fram yfir hann er
bæði sóttu um kennarastöðu. Evr-
ópudómstóllinn komst að þeirri
niðurstöðu að lög í sambandsland-
inu stæðust lög ESB þar sem þau
veittu konum ekki sjálfkrafa og
óskilyrtan forgang.
Þau kveða á um að taka eigi
kvenkyns umsækjendur fram yfír
karla í þeim starfsgreinum sem
karlar séu fleiri en ráða megi karla
til starfa geti þeir sannað að þeir
séu hæfari til að sinna starfinu en
þær konur sem sótt hafa um.
Þvert á fyrri úrskurð
Úrskurður Evrópudómstólsins
er þvert á fýrri úrskurð hans um
svipað mál, sem felldur var árið
1995. Þá úrskurðaði dómstóllinn að
lög um kynjakvóta, sem sett voru í
Bremen í Þýskalandi stæðust ekki
lög ESB þar sem þau veittu konum
óskilyrtan forgang á jafnhæfa karl-
menn að störfum í fögum þar sem
konur væru í minnihluta.
Hyggst
vinna að
friði á N-
Irlandi
Dyflinni. Reuters.
MARY McAleese sór í gær enib-
ættiseið sem áttundi forseti Ir-
lands. Hét hún því að vinna að
„aldamótagjöf friðar" á írlandi en
McAIeese er fyrsti forseti írska
lýðveldisins sem er frá Norður-ír-
landi. Kvaðst hún myndu gera allt
sem í hennar valdi stæði til að að-
stoða þá sem ynnu að friði á
Norður-Irlandi en rúmlega 3.000
manns hafa látið lífið í blóðugum
átökum sambandssinna og Iýð-
veldissinna þar. A meðal þeirra
sem viðstaddir voru innsetningar-
athöfnina var Gerry Adams, leið-
togi Sinn Fein, stjórnmálaarms
Irska lýðveldishersins.
„Við vonum og biðjum, við för-
um fram á það að ofbeldisöldunni
sé lokið. Við krefjumst réttarins
til að leysa vandamál okkar með
viðræðum og hinni göfugu leit að
samkomulagi," sagði McAleese
við athöfnina í Dyflinnarkastala
en í lok hennar kannaði hún
heiðursvörð við kastalann.
McAleese viðurkenndi að djúp-
stæð gagnkvæm tortryggni ríkti á
milli deiluaðila á Norður-írlandi.
Allt tal um sættir vekti ugg í
brjóstum mótmælenda sem væru
hlynntir sambandinu við Breta.
„En hvorugur deiluaðila á einka-
rétt á sársauka, hvor um sig hef-
ur liðið miklar þjáningar."
Hinn nýi forseti Irlands er kaþ-
ólikki, trúuð mjög, og hvatti hún
landa sína til að vinna að því að
skapa „aldamótagjöf handa barn-
inu í Betlehem sem brátt á tvö
þúsund ára afmæli - eyju þar sem
menn fagna því sem er ólíkt með
þeim.“