Morgunblaðið - 09.12.1997, Blaðsíða 18

18 ÞRIÐJUDAGUR 9. DESEMBER 1997
MORGUNBLAÐIÐ
LANDIÐ
Mengunarslys í Stykkishólmi
8-10 tonn af
svartolíu í sjóinn
Stykkishólmi - Starfsmenn rækju-
vinnslu Sigurðai- Ágústssonar hf.
tóku eftir því á laugardagsmorgun að
svartolíutankur við verksmiðjuna var
tómur, þrátt fyrir að hann hefði verið
fylltur nokkrum dögum áður. Þá kom
í ljós að leki var á lögn frá tanknum
og inn í hús. Svartolían hafði lekið í
niðurfall og runnið í holræsakerfínu
út fyrir höfnina og þar í hafið.
Yfirvöldum var strax gert viðvart
og hafist var handa um að dæla olí-
unni upp. Dælur voru settar í hol-
ræsakerfið og dælt upp þeirri oh'u
sem þar var enn. Reynt var að hefta
olíubrákina á sjónum. Öflugur dælu-
bíll kom úr Reykjavík og dældi úr
fjörunni. Flotgirðing var fengin úr
Ólafsvík. Þegar á daginn leið hvessti
af norðaustri og hamlaði veðrið að-
gerðum og á sunnudag var sama
hvassviðrið. Talið er að tekist hafi að
dæla upp 3-4 tonnum af svartolí-
unni.
Reynt var að halda fuglum frá
svæðinu en þarna er oft mikið um
æðarfugl, bjartmáf og sendlinga.
Talið er að lítið af fugli hafi lent í olí-
unni en það á eftir að koma betur í
ljós.
Ekki er vitað hvenær olíulekinn
byrjaði en olíulykt fannst við höfn-
ina á föstudag svo að líklegt er að þá
hafi lekinn verið byrjaður.
Morgunblaðið/Gunnlaugur Árnason
SÉÐ frá hafnargarðinum í áttina að rækjuvinnslu Sigurðar Ágústssonar. Fyrir neðan húsið er svartolíutank-
urinn. Það er verið að dæia upp olíu úr holræsakerfinu sem liggur út fyrir hafnargarðinn.
Verslunin
Ostahornið
Borgarnesi - Opnuð hefur verið ný
verslun á „Rakarahominu" svokall-
aða í Borgarnesi. Verslunin heitir
Ostahornið og er staðsett á horni
Borgarbrautar og Egilsgötu sem
kallað hefur verið Rakarahornið ár-
um saman en verður líklega kallað
Ostahornið hér eftir. Verslunin er
til húsa þar sem Haukur rakari
Gíslason var áður með rakarastofu
sína.
Það er Sigurbjörg Viggósdóttir
frá Rauðanesi sem á og rekur versl-
unina Ostahomið. Auk þess að selja
margskonar osta og heilsuvörur
verður Sigurbjörg með veisluþjón-
ustu á sínum vegum.
Morgunblaðið/Theodór
SIGURBJÖRG Viggósdóttir við opnun verslunarinnar
Ostahornsins í Borgarnesi.
Morgunblaðið/Theodór
ÁSLAUG Þorvaldsdóttir dreifir „mannbroddum" til aldraða fólksins
sem tók þeim með þökkum.
Mannbroddar gegn hálkunni
Borgarnesi - Konur í Slysavarna-
deildinni Þjóðbjörgu í Borgarnesi
dreifðu nýverið „mannbroddum"
ókeypis tii aldraða fólksins í þjón-
ustuíbúðum og á Dvalarheimilinu í
Borgamesi. Aldraða fólkið sat að
spilum er slysavarnakonurnar bar
að garði en þó áhuginn væri við
spilamennskuna var þeim vel tekið
og þær spurðar spjöranum úr varð-
andi „mannbroddana" og þakkað
kærlega fyrir hugulsemina.
Fjölbreytt lausn á sorpmálum
á Kirkj*ubæjarklaustri
Sorpið mun hita upp
skóla og sundlaug
Á VEGUM Skaftárhrepps er unnið
að varanlegri lausn sorpförgunar-
og frárennslismála á Kirkjubæjar-
klaustri og í sveitunum. Eru þetta
fjárfrekustu framkvæmdir á veg-
um sveitarfélagsins í ár og væntan-
lega einnig næstu ár. Umbætur á
umhverfismálum eru m.a. liður í
markaðssetningu hreppsins sem
ferðaþjónustusvæðis.
Skipuleg sorphirða hefur fram
til þessa aðeins verið í þéttbýlinu á
Kirkjubæjarklaustri en að sögn
Bjarna Matthíassonar sveitar-
stjóra mun hún ná til alls svæðisins
þegar áætlunin verður komin til
framkvæmda. Sorp var brennt í
opnum gryfjum, þar til síðastliðið
vor að hafin var urðun á bráða-
birgðastað í nágrenni Kirkjubæjar-
klausturs. I framtíðinni verður
sorpi svo ekið á Skógarsand og
fargað á sameiginlegum urðunar-
stað Skaftárhrepps, Mýrdals-
hrepps og Eyjafjallahreppanna
beggja.
Urðað á Skógarsandi
Til að minnka kostnað við akstur
og sorpurðum verður reynt að
draga sem mest úr því sorpi sem
þarf að urða, með því að krefjast
sorpflokkunar á heimilunum.
Húsasorp verður flokkað í þrennt,
lífrænan úrgang, brennanlegt sorp
og óbrennanlegt. Lífræni úrgang-
urinn úr þorpinu verður jarðgerð-
ur, bæði á heimilum og á vegum
sveitarfélagsins.
Brennanlega sorpið verður not-
að til orkuframleiðslu fyrir skóla-
mannvirki og sundlaug. Vatnið fyr-
ir þessa tvo notendur er nú hitað
með olíubrennslu og verður sorp-
brennsluofninn tengdur inn á það
kerfi. Telur Bjarni unnt að fram-
leiða um 400 mW á ári með sorpi
eða um helming þeirrar orku sem
notuð er í skólamannvirkjum og
sundlaug.
Með þessu er ætlunin að minnka
svo mikið það sorp sem þarf að
urða að aðeins þurfi að fara eina
ferð á mánuði með sorp til urðunar
á Skógarsandi. Svona fjölbreytt
heildarlausn á sorpmálum sveitai--
félags hefur ekki áður verið fram-
kvæmd hér á landi. Bjarni sveitar-
stjóri segist binda miklar vonir við
hana en tekur fram að unnið sé að
mati á umhverfisáhrifum málsins í
heild.
Endurbætur á frárennsli
Áætlaður kostnaður við sorpmál-
in er 15-20 milljónir kr. og skiptist
hann á nokkur ár. Bjarni telur að
annar eins kostnaður verði við var-
anlega lausn frárennslismála.
Hann segir að frárennslismál séu í
þokkalegu ástandi í þéttbýlinu á
Kirkjubæjarklaustri. Allt frá-
rennsli fari um rotþrær áður en
það fari út í umhverfið. Hins vegar
sé ætlunin að setja útrásir í einn
stokk og hreinsa frárennslið betur
en gert hefur verið áður en því er
hleypt út í Skaftá. Jafnframt er
unnið að endurbótum á frárennslis-
málum í sveitunum.
Mótettukórinn_______JAPISS
Morgunblaðið/Ingimundur
HALLDÓR Bjarnason steypir
stigavegg í íþróttamiðstöðinni í
Borgarnesi.
Fram-
kvæmdir við
íþrótta-
miðstöðina
Borgarnes -1 sumar varð mikil
breyting í sundlaugarmálum Borg-
nesinga. I byrjun júlí var ný sund-
laug ásamt rennibrautum og pott-
um tekin í notkun við íþróttamið-
stöðina. Við það varð mikill munur á
aðstöðunni og jókst aðsóknin tii
muna.
Ekki var öllum framkvæmdum
við húsið lokið í sumar. Fyrir
skömmu hófst vinna við eimbað og
vaktherbergi. Sér Loftorka um þær
framkvæmdir. Áætlað er að þeim
ljúki í febrúar nk.
Morgunblaðið/RAX
UMHVERFISMÁLIN eru efst á forgangslistanum á Kirkjubæjar-
klaustri. Bjarni Matthíasson sveitarstjóri er hér með þorpið í baksýn.