Morgunblaðið - 09.12.1997, Qupperneq 66

66 ÞRIÐJUDAGUR 9. DESEMBER 1997
MORGUNBLAÐIÐ
Grettir
Tommi og Jenni
Hvar er stóri strákurinn í dag? Hvar eru þá
Móðir hans lét hann í annan allir litirnir?
Ég Iita himininn
alltaf bláan ...
skóla...
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
Biblían á tunglinu
Frá Sigurbirni Þorkelssyni:
SENNILEGA mótmæla því fáir að
Biblían sé ein útbreiddasta bók
veraldar. Hún hefur farið víða og
hana má finna á
ólíklegustu stöð-
um.
Jólakveðja frá
tunglinu
Á jólunum
1968, er geim-
farið Appollo 8
var að nálgast
tunglið og
geimfararstjór-
inn var að lýsa
hinni miklu víðáttu tunglyfirborðs-
ins, þá skýrði hann sjónvarpsáhorf-
endum um allan heim frá því að
áhöfnin í Apollo 8 hefði jólaboð-
skap og kveðju að flytja öllum jarð-
arbúum.
Geimfararstjórinn hóf síðan að
lesa úr Biblíunni. Hann las úr I.
Mósebók um sköpunina. Síðan
rétti hann Biblíuna áfram til fé-
laga síns, sem hélt lestrinum
áfram. Því næst var þriðja geim-
faranum rétt Biblían og lauk hann
lestrinum.
Fréttamenn urðu furðu lostnir
og einn þulur sjónvarpsstöðvar
sagði:
„Mennirnir hafa rétt í þessu lok-
ið við að lesa úr Biblíunni á tungl-
inu og ef barnsminnið svíkur ekki,
þá lásu þeir úr I. Mósebók."
Sennilega hafa aldrei áður jafn-
margir heyrt lesið úr Biblíunni I
einu. Á þessu augnabliki var fólk
í milljónatali djúpt snortið af orði
Guðs.
Biblíulestur um
aðventu og jól
Ég er þess fullviss að við gerum
ekkert ljótt eða rangt með því að
fínna heimilis Biblíuna nú á að-
ventunni og blása af henni rykið,
eða Nýja testamentið, sem flestir
íslendingar 10-55 ára ættu að
hafa fengið að gjöf frá Gídeonfé-
laginu.
Hvet ég hér með menn til að
lesa úr Biblíunni fyrsta kafla fyrstu
Mósebókar er fjallar um sköpun
heimsins. Fyrsta Mósebók er ritið
sem við fínnum fremst í Bibh'unni.
Orð varð hold
Á jólunum fögnum við og höld-
um upp á það að Orðið varð hold
og hann bjó með okkur fullur náð-
ar og sannleika.
Við getum nánar lesið um það
í fyrsta kafla Jóhannesarguð-
spjalls, sem hefst á blaðsíðu 111
í Biblíunni frá 1981 og á blaðsíðu
163 í Nýja testamentinu frá Gíde-
onfélögum, sem öll íslensk börn
fá að gjöf frá félaginu við 10 ára
aldur.
Einnig minni ég á jólaguðspjall-
ið, sem skráð er hjá Lúkasi guð-
spjallamanni og við heyrum oft
hljóma á jólum. Það má finna á
blaðsíðu 70 í síðari hluta Biblíunn-
ar frá 1981 eða í 2. kafla Lúkasar-
guðspjalls og á blaðsíðu 104 í bláa
Gídeon Nýja testamentinu.
Höfum við nokkru
að tapa
Ég er viss um að við höfum
ekki neinu að tapa þótt við prófuð-
um að lesa svolítið í Biblíunni á
aðventunni og um þessi jól.
E.t.v. er það einmitt það sem
við erum að leita eftir, eftir allt
saman. Mitt í öllu stressinu, kaup-
mennskunni og kapphlaupinu.
En við hvað er svo allt kapp-
hlaupið eftir allt saman ef við svo
gleymum innihaldi jólanna. Hon-
um, frelsaranum, sem kemur til
okkar á svo látlausan og hógværan
hátt að hans eigin menn þekktu
hann ekki.
Með bæn um sanna, friðsama
og gleðiríka jólahátíð.
SIGURBJÖRN ÞORKELSSON
framkvæmdastjóri Gideonfélagsins
á íslandi.
Sigurbjörn
Þorkelsson
Enn og aftur um
rafknúin farartæki
Frá Gísla Júlíussyni:
ÞAÐ var ánægjulegt að heyra að
umhverfisráðherra ræddi nú í út-
varpinu í fyrsta sinn, að því er ég
veit, í sambandi við umræðu um
Kyoto ráðstefnuna, að leggja þyrfti
áherslu á að fá rafmagnsbíla til
landsins til að minnka koltvísýr-
ingsútblástur. Framfarir í þróun
rafgeyma og smíði farartækja hafa
verið það örar, að rafbílar eru nú
orðnir vænlegur kostur. Ég kom
einu sinni með þá tilgátu, að hér-
lend skip myndu verða knúin með
raforku, í sambandi við ál-loftraf-
geyma, sem ég hef skrifað um, og
geri aftur mjög fljótlega. Góðar
fréttir eru, að nýja hafrannsókna-
skipið verður knúið með rafhreyfli
en raforkan unnin með dísilvélum,
og er þá ekki langt í það að nýta
megi rafgeyma í staðinn fyrir dísil-
vélarnar. Það er mjög mikilvægt
að raforka okkar verði nýtt til að
koma í veg fyrir koltvísýringsút-
blástur nú, þegar umræðan fjallar
um gróðurhúsaáhrifin, því að
mengun frá farartækjum og skip-
um er meirihluti útblásturs hér-
lendis. Því legg ég til að yfirvöld
geri mönnum auðveldara að nýta
raforkuna, sem við erum svo hepp-
in að eiga í miklu magni, með
skattalegri aðlögun, og að fylgjast
vel með því, sem er að gerast í
þessum málum erlendis.
GÍSLIJÚLÍUSSON,
rafmagnsverkfræðingur.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.