Morgunblaðið - 17.02.1998, Side 12

12 ÞRIÐJUDAGUR 17. FEBRÚAR 1998
MORGUNBLAÐIÐ
FRÉTTIR
Morgunblaðið/Golli
AUÐUR Laxness kemur til erfidrykkjunnar. Á myndinni heilsar Guð-
rún Þorbergsdóttir forsetafrú Auði, á milli þeirra er Vigdís Finnboga-
dóttir, fyrrverandi forseti, þá Haraldur Sturlaugsson og Ingibjörg
Pálmadóttir, heilbrigðisráðherra, og Davíð Oddsson, forsætisráðherra.
Morgunblaðið/Golli
FRÁ erfidrykkjunni á Hótel Sögu. Við borðsendann Halldór
Guðmundsson hjá Máli og menningu, og feðgarnir
Halldór E. Laxness og Einar Laxness.
Fjögur hundruð gestir sátu erfidrykkjuna
AÐ LOKINNI útför Halldórs Kiljans Laxness frá Kristskirkju í
Landakoti á laugardaginn fylgdi nánasta fjölskylda hans kistu hans til
Fossvogskirkju, en gestir fóru í erfidrykkju á Hótel Sögu í boði ríkis-
stjórnar Islands. Gestir þar voru um 400.
I Fossvogskirkju var kistunni komið fyrir við altarið, þaðan sem
bálför skáldsins verður gerð, en duft hans verður jarðsett á Mosfelli í
Mosfellsdal í kyrrþey.
Frá Kristskirkju fór líkfylgdin niður Túngötu, um Suðurgötu, Von-
arstræti og Fríkirkjuveg, áleiðis til Fossvogskirkju.
Morgunblaðið/Ásdís
LIKFYLGDIN á Fríkirkjuvegi á leið til Fossvogskirkju.
Söfnun
vegna
Biblíu 21.
aldarinnar
Á BIBLÍUDAGINN 15. febráar
var efnt til söfnunar í kirkjum
landsins að venju. Söfnunin var að
þessu sinni helguð nýrri útgáfu Bi-
blíunnar sem Hið íslenska Biblíufé-
lag hefur stefnt að um hríð. Söfn-
unin er þó ekki einskorðuð við
þennan eina dag ársins. I ljósi þess
að ný útgáfa Biblíunnar sem fyrir-
sjáanlega mun verða Biblía 21. ald-
arinnar er risavaxið og kostnaðar-
samt verkefni mun félagið þurfa á
víðtækum stuðningi landsmanna
allra að halda til að það geti orðið
að veruleika.
Frá árinu 1988 hefur verið unnið
að nýrri þýðingu Gamla testament-
isins. Yfirumsjón með því verki er í
höndum fimm manna þýðingar-
nefndar sem tekur við textum frá
þýðendum og býr til útgáfu.
Nefndin hefur haldið á fjórða
hundrað fundi og þegar hafa verið
gefin út fimm kynningarhefti með
þýðingum.
Megintilefni hinnar nýju útgáfu
Biblíunnar er kristnitökuafmælið
árið 2000 og þörf hverrar kynslóð-
ar fyrir texta sem hún á auðvelt
með að skilja. Með þessari nýju út-
gáfu verður endurskoðun texta
Nýja testamentisins sem hófst með
útgáfu Biblíunnar 1981 lokið. Fyrir
útgáfuna 1981 átti sér stað ná-
kvæm endurskoðun á guðspjöllun-
um og Postulasögunni. Félagið hef-
ur nú fullan hug á því að ráðast
sem fyrst í endurskoðun bréfanna
og Opinberunarbókarinnar.
Það er Biblíufélaginu metnaðar-
mál að út komi ný vönduð útgáfa
Biblíunnar í tilefni kristnitökuaf-
mælisins, aðgengileg öllum sem
vilja lesa hana. Öllum er ljóst mik-
ilvægt hlutverk Biblíunnar í varð-
veislu íslenskrar tungu. En fram-
ar öllu snýst útgáfan um það að
gera sérhverjum manni og sér-
hverri nýrri kynslóð það kleift að
nálgast Guðs Örð og njóta ávaxta
þess.
Stjóm Biblíufélagsins kallar þjóð-
ina til samstarfs við sig um þetta
mikilvæga verkefni sem við skulum
taka höndum saman um að Ijúka,
segir í fréttatilkynningu.
Framlögum til Biblíu 21. aldar-
innar má koma á afgreiðslu félags-
ins Guðbrandsstofu, Hallgríms-
kirkju í Reykjavík eða inn á reikn-
ing þess í Landsbanka íslands
Austurstræti númer 45144.
Bókun Bæjarmálafélags Seltjarnarness
Hæstu útsvars-
tekjur á íbúa
SELTIRNINGAR era með hæstu útsvars-
tekjur á íbúa miðað við nágrannasveitarfé-
lögin, segir í bókun Bæjarmálafélagsins á
Seltjarnamesi, sem lögð var fram á fundi
bæjarstjórnar við síðari umræðu um fjár-
hagsáætlun bæjarins. Þar segir enn fremur
að gert sé ráð fyrir hærri tekjum af fast-
, eignagjöldum árið 1998 miðað við endur-
j skoðaða fjárhagsáætlun ársins 1997.
• I bókuninni segir að útsvarstekjur á íbúa
j séu rámar 106 þús. á Seltjarnamesi, rám 93
1 þús. í Reykjavík, rám 98 þús. í Kópavogi, um
j 103 þús. í Garðabæ, um 91 þús. í Hafnarfirði
og 95 þús. í Mosfellsbæ. í bókuninni er bent
á að engin rök mæli með því að byggja 13
i hús við Nesstofu til að gera bæjarfélagið að
5 hagkvæmari rekstrareiningu eins og fulltrá-
; ar Sjálfstæðisflokksins hafi boðað. Minnt er
á að bæjarbúar hafi hafnað íbúðarbyggð við
Nesstofu í skoðanakönnun og umfangsmikilli
undirskriftasöfnun.
Afturvirkt leigugjald
Jafnframt er bent á að bæjarfulltráar
Sjálfstæðisflokks hafi fallið frá upphaflegri
tillögu sinni um að selja hitaveitunni vatns-
réttindi bæjarins fyrir 55 millj. í stað þess
hafi bæjarsjóður fengið afturvirkt leigugjald
síðustu 25 ára af leigu hitaveituréttinda írá
Hitaveitu Seltjamarness að upphæð 55 millj.
Engin rök hafi verið færð fyrir því hvernig
afturvirka leiguupphæðin hafi verið fundin en
ljóst sé að sjálfstæðismönnum sé akkur í að
laga fjárhagsstöðu bæjarsjóðs um 55 millj.,
nú skömmu fyrir kosningar. Enn hafi ekki
verið gerður samningur milli bæjarsjóðs og
hitaveitunnar og hafi leigugjaldið verið inn-
heimt án undirritaðs samnings. Auk aftur-
virku greiðslunnar mun hitaveitan greiða
bæjarsjóði tæpar 16 millj. á ári í leigu.
Hærri gjaldskrár
í bókuninni kemur einnig fram að hitaveit-
an hafi lánað 20 millj. til fimm ára vegna við-
byggingar við Mýrarhúsaskóla fyrir þremur
árum og að á síðasta ári hafi verið áætlað að
verja 31,5 millj. til stofnframkvæmda í
íþróttamálum og um 10 millj. til framkvæmda
við Áhaldahús. Ekkert hafi enn orðið af þess-
um framkvæmdum. Af þessu megi ráða að
það fé sem fara átti til eignabreytinga hefur
verið varið í rekstur.
Bent er á að Sorpa hafi hækkað gjaldskrá
sína um 4,7% en á sama tíma hafi verið
samið um 9% lækkun við verktaka í sorp-
hreinsun. Að mati Bæjarmálafélagsins sé því
eðlilegt að soi-phirðu- og urðunargjöld verði
lækkuð en þau séu mun hærri en í flestum
nágrannasveitarfélögum. Fram kemur að
gjaldskrá leikskóla sé hærri en í nágranna-
sveitarfélögunum og að þrátt fyrir fullyrð-
ingar um að engin böm séu á biðlista séu um
20 börn á biðlista, sem náð hafa tveggja ára
aldir. Hjá dagmæðrum em 38 börn og allt að
tíu á biðlista.
Bent er á í bókuninni að í fjárhagsáætlun-
inni séu framlög skorin niður til íþrótta- og
æskulýðsmála og að umhverfisnefnd bæjar-
ins hafi minna fjármagni úr að spila en áður,
sem staðfesti áhugaleysi meirihlutans á
málaflokknum. Að mati minnihlutans er við-
hald Mýrarhúsa- og Valhúsaskóla mjög að-
kallandi og því verði að móta nýja og betri
viðhaldsstefnu. Lagði minnihlutinn til að
fjárhags- og launanefnd yrði falið að fara yfir
fjárhagsáætlun bæjarins milli umræðan með
það að leiðarljósi að finna 15 millj. í brýnt
viðhald við Valhúsaskóla og að gera tillögu
að lækkun á sorphirðu og urðunargjaldi. Til-
lagan var felld með fjómm atkvæðum gegn
þremur.
Svar bæjarstjóra
I svari bæjarstjóra við bókun minnihlut-
ans segir að heildartekjur bæjarsjóðs Sel-
tjarnamess á íbúa séu lægstar á Seltjarnar-
nesi meðal annars vegna þess að ekki séu
lögð á holræsagjöld og skattur á verslunar-
og skrifstofuhúsnæði.
Fram kemur að stjórn Veitustofnana hafi
þegar gengið frá greiðslu fyrir hitaréttindi
fyrir tímabilið 1972-1997. Jafnfram að í fjár-
hagsáætlun 1998 fyrir Hitaveitu Seltjarnar-
ness sé gert ráð fyrir 16 millj. króna afnota-
gjaldi. Um stofnframkvæmdir vegna íþrótta-
mála segir að þeim hafi verið frestað þar sem
hönnun hafi ekki verið lokið. I svari bæjar-
stjóra segir enn fremur að leikskólagjöld séu
sambærileg við nágrannasveitarfélög og
biðlisti nánast enginn. Loks segir að miklu fé
hafi verið varið til viðhalds undanfarin ár,
m.a. um 16 milfj. á síðasta ári og að viðhalds-
áætlun fasteigna til þriggja ára yrði lögð
fram á næstunni.